Azabu Sabo (Closed)

昨日與媽逛黃大仙，行商場見到麻布茶房邊走入去試試，見到選擇都幾多，叫了一個牛柳粒和牛乳牛肉蛋包飯。牛柳粒好香，肉質唔錯，調味也很喜歡💕，不會太鹹，適中，配菜如果可以多些就好了，菜和肉的份量不太均衡。至於蛋包飯，上面有好嫩滑的雞蛋🥚，好鍾意😍😍😍，牛乳味就食唔太出，無咩特別，肉都ok，但牛味不重。雪糕🍦也吃了，有蕨餅那些，好正，最愛的日本美食這裡都有，吃幾吃才能吃得完想試的。價錢都幾⋯⋯⋯不過日本餐廳也差不多價錢🙈🙈…Read More

之前已經食過呢間，驚覺好平，六十幾七十蚊就有齊主菜同甜品，勁抵！所以今次同朋友聚會都揀去呢度，貪呢度夠平同唔洗排隊！呢間分店主打街坊生意，唔會太多人，之前食左幾個鐘都冇趕，唔知點解今次食，明明仲有大把位，冇客等，都趕我地走味道方面普通，重點係甜品，甜品好好食 叫左個抹茶聖代同香蕉朱古力聖代有一球雪糕另加幾轉雪糕，大滿足係真係幾抵食既！如果唔趕人走，應該係愉快的。途中叫職員加茶都唔理我，叫左3次都唔加，個陣仲食緊的:(…Read More

鰻魚飯108元，橡筋咁，西冷76元，另加白飯12元。可能76元太便宜口感似椒鹽猪扒，另收加一，但冇服務，一開始樓面有3個職員，到我叫埋單時一個都唔見，全場5台客，有4張台抬手搵職員，最終我係要行出去廚房個邊搵人埋單，216元，餐廳只收現金…Read More

之前一直都有食開麻布茶房，最主要原因係門口的半價火鍋，仲可以加錢升級不同款的甜品，真係比人感覺平靚正，而且火鍋的價錢不算貴，是一人一煲的sabusabu，食嘢係方便的，不過如果幫襯晚餐火鍋，就會限時個半鐘，無論出面是否多客人，都一定要清枱，個半鐘食一個sabusabu再加甜品，對如果食得慢的人，某程度上都有一定的壓力。食物方面，我主要揀牛肉煲，而且火鍋份量不算太多，有一些雜菜墊底，有蟹棒和牛肉，跟一碗白飯，如果要轉烏冬要另外加錢，女仔嚟講啱啱夠飽，男仔如果想食多啲，相信必須追加配料，而且雜菜等係由生開始拾熟，需要一點時間，不過值得一提，佢的豚骨湯底真係好正，好好味，我平時都會飲埋佢。但係我覺得麻布茶房呢個火鍋餐的重點並不是sabusabu，而係佢的甜品，我和朋友叫左一個宇治金時刨冰的甜品，另一個是朱古力香蕉聖代，我覺得宇治金時個個好味啲，一來我都幾鍾意食綠茶產品，另一方面𢳂落去可以一啖食晒軟雪糕加冰，有兩種不同的享受。相反朱古力香蕉聖代都ok，但就比較似一個朱古力新地mix香蕉船的感覺，但其實都好食的，總括食甜品真係唔錯，但係食sabusabu就一般，時間亦都未能令人太過享受。…Read More

慶祝夏天來到的午餐，去了黃大仙龍翔中心找到麻布茶房，午餐見店內都幾多人，似乎好受大家歡迎的餐廳喔午餐有雪糕送，真是好大吸引力，可以選雪條或新地甜點，視乎叫咩餐。我們都點了牛既主食，牛肉粒炒意粉，稍為多了點油，不過就好香而且牛肉都多，食完大半都已經好飽。朋友叫了蒜香牛柳粒定食，好靚，而且好大碗飯，男仔一定夠飽因為午餐都幾多人，如果想嘆下最好早一啲來，另外餐廳比較逼，枱之間空間不多，…Read More