Azabu Sabo (Closed)

收工打算求其食個晚飯，見有排食好似幾吸引，跟住叫左份安格斯西冷，講到明要五成熟，因為我以前做過西餐廚師，知好多廚師對排類成數掌握得差，但今次係我食咁耐排以黎差最多，成塊排入面既肉煮到灰晒，一點粉紅都冇，已經係well done 熟度，果陣仲要係六點零鐘，全場得一兩台客，絕對唔忙，但都煮到熟晒，成塊扒個口感好鞋，食到d肉痴晒牙，我自問大食，好鐘意食肉同唔晒野既，唔係好難食我都可以食晒，但真係去到一半頂唔順，成塊排晒左，問題係我仲未飽，但都唔想食落去，加左29蚊加左set(薯角正常，煙肉波菜差，煙肉完全冇香味（來貨問題？定冇炒香爆香過？）可樂罐裝冇野好講埋單加埋一要百四蚊，（題外話：店員都主動提供茄汁，但同店員反映食物質素佢地會hea你…Read More

行完mikki一田，旁邊就見到呢間，性價比高！抱著試下好唔好食的心態入去，兩個人食，主餐加晒野飲又加甜品，食到乜咁，埋單都$350，好食又CP！叫得既都好好味，例如烏冬配豬飯$108！質素比想像中好，唔係圓圓烏冬，而係稻庭烏龍麵，唔爛，實淨的 。好彩我肚餓加大食，都食得落烏冬加埋個飯。肉眼配飯都好足料。牛肉比較厚身，汁另上，非常好。小菜仲可以係幾款入面揀2款，我個時揀左薯條，薯條大條好味，唔係粉，仲有味增湯有豆腐，不死鹹，但比較淡味。最後，仲有半價加甜品！唔洗周圍搵，都有飯後甜品食。整味道都好好味，初頭以為紫薯的味道會好假，但好喜出望外地真，就好似無添加甜味咁。…Read More

今日同屋企人黎呢間食晚餐，因為老人家心急，都可能攰，比較心急枱未執已經企喺隔離，個職員有話未執枱，我覺得示意唔好企入黎...食物質素，我可能揀錯左，食左雜扒餐，完全唔好味... 不過忍唔住係個服務態度，都唔稱得上有服務，上餐同收碟是必須的。因為我地都食剩野，所以你唔收碟，我接受的... 當未收碟嘅情況，職員已經上左甜品... 咁咪叫職員收碟，其實係見隔離枱收左碟先叫職員收碟... 個職員黎收左一碟無再番黎，一枱都係碟，甜品又會share食，咁多碟唔方面，咪再叫職員第二次收碟，完全無意理我地，當然我地有再叫收碟，佢都有收。我真係想反映意見，於是問職員有無意見表可填，佢話無，問點可以反映意見，叫我地上open rice...係個職員經我查詢有無總公司可反映意見，佢話無，一係俾我電郵我... 我唔會再食，只係希望佢可以改善。完！…Read More

致麻布茶房的投訴函我與家人於2019年6月16日中午於貴公司位於新蒲崗Mikiki分店用餐，本人的父親卻遭該分店經理李小姐把一碗滾燙的麵豉湯灑在背上，弄得全身濕透及背部紅腫(請參見圖片)。首先，把食物撒在客人身上，就算是無心之失，也是件不可接受的過犯。本人的父親遭該分店經理李小姐灑得一身滾燙的麵豉湯後，雖不至於嚴重燙傷但其背部立見紅腫(請參見圖片) 。試想想，若把滾湯灑在幼童身上，其’後果會不堪設想。請貴公司不要縱容屬下員工馬虎上菜，罔顧客人的安全。事後該分店經理李小姐敷衍地說了一句”對唔住我唔係有心”其態度完全沒有誠意，而且除了給予毛巾擦身外並沒有主動提供協助 (例如主動提供冰塊為燙紅的背部降溫等)。我們直接跟李小姐表達不滿，直斥其＂翻湯之過＂，李小姐卻以惡劣的態度大聲回應道 “我已經講左對唔住啦，你想我點啫，送你地去醫院好唔好” ，其態度極不耐煩且毫無歉意。本來見父親背部紅腫但無大礙想將此事作罷，但李小姐極不尊重的回應簡直是火上加油，不可接受。再者，在事發當天，本人眼見貴為新蒲崗Mikiki分店經理的李小姐正在培訓貴公司的新員工。但李小姐如此惡待客人，會令下屬上行下效令貴公司的服務日益差劣。本人曾致電貴公司東九龍分區經理周先生投訴此事，而周先生承諾跟進並會於三天內給予回復，但三天過去，本人並沒有收到回復。既然貴公司不切供客人表達意見的官方渠道，本人別無他法只可把在MIKIKI分店的不快經歷公諸於此，但願以上意見能上達貴公司的關理層，令貴公司能有機會了解並正視轄下分店低劣的服務質素。屬下員工惡劣的服務態度為貴公司之大患也，若不正視此漏弊，客人必不重臨光顧，貴公司結業此日可待。…Read More

Mikiki星期六晚8點幾，好多食肆都要等位，排晒隊！今次又係衰懶唔想等位，所以揀咗呢間又係冇乜人去餐廳食飯！喺MiKiki商場裏面呢佢價錢算係貴，Btw如果好食的話，再貴d真係無所謂！加上今晚三個侍應都西口西面，好似殺咗佢老母全家咁，問多句說話呢都唔想答你，你叫埋單都唔應！態度超西！西過塊西冷扒！我同朋友去食，佢叫咗個雜扒餐，我叫左個肉眼扒餐，我問塊肉眼扒係厚身定係薄嗰種，佢就話300g囉有寫，鬼唔知300g咩，但都有分厚身同薄切！之後加咗$29配左個法國薯條、薯角和一罐可樂！先講配菜小食法國薯條，真係超級清淡，完全冇味，調味粉鹽胡椒粉什麼也沒有！連要茄汁都要另外叫佢哋先會俾你！百幾蚊個餐，服務態度差又唔夠周到！事後睇返OpenRice原來咁多劣評！老實講薩莉亞都好過佢個薯角！人哋都只係賣緊$1x！又好食過佢如果唔係冇位都一定唔會入去！下次更加唔使講！👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻再講塊肉眼扒，質素真係相當一半都只不過係茶餐廳質素， 70幾蚊食扒王之王都好過佢！間餐廳多劣評冇人去唔係冇原因！…Read More