麵麵館 (Closed)

有朋友住渡船角，以前已經聽過好多好野食，不過黎左之後發現好似係我期望過高一向鐘意食車仔麵既我見到一間麵麵館入面除左有車仔麵、飯餸、仲有好多小食未食晚餐既我地就入左去試下我朋友嗌左個”豆角肉碎菜譜炒蛋飯”，雖然賣相一般般，但正所謂飯不可以貌相，食落又幾好食好夠味，啖啖都食到豆角同肉碎，但食到後面可能冇炒暈有啲鹹:(，我就揀左車仔麵，有米粉、山根、生菜、蟹籽丸。湯底清清地唔算好濃，另加左菜譜之後成件事即刻好味好多其他餸都係基本發揮正常操作冇咩特別。只係最好係佢有得坐出面食煙，不過可能街坊舖頭，出面同入面既衛生雖然稱唔上好但都叫可接受程度。總括黎講係可以再返去再食…Read More

係圓方襯住未夠鐘睇戲，就走落去佐敦是但搵啲簡單野諗住快食一下。於是，就係橫街搵到間食車仔麵嘅舖頭。可能時間尚早，食客都係得幾個，個心都驚中伏。不過見佢4餸$40幾蚊就算啦。我就叫左豬腸，紫菜，蘿蔔，鹵水雞翼河粉，仲有試埋佢個沙嗲汁。其實佢個麵都幾大碗，沙嗲汁幾惹味，鹵水雞翼都好入味，食落骨肉分離唔黏骨，蘿蔔煮得好淋咬落去好多汁，而紫菜分量都算多，不過個豬腸就差少少，感覺有點肥。總結黎講，平民質素唔會好高期望，純粹填下肚就ok。…Read More

罪狀一［寫住會外賣又唔送外賣］打電話落去叫外賣，麵麵館又係例牌話而家好忙唔送外賣，咁我就諗住外賣自取都照殺啦～想落單之際，佢再一次話唔送外賣就cut咗我線...呢間餐廳已經唔係第一次客人未落單就cut線，所以我再打返電話去同佢講我要落單，叫佢唔好再cut線！罪狀二［落錯單仲要客人拎番個麵落去］好啦！佢唔送外賣我唯有落去拎囉！上番屋企一打開，order兩個麵，有一個錯Q曬，完全唔係我要嘅麵同餸！打番電話去，佢仲要求我再落多次去拎番俾佢，佢先換過俾我！我即刻同佢講，我頭先落去間舖啲人淨係坐咗一半，叫佢唔好扮忙，要求佢搵人送番上嚟，佢死都唔肯... 我叫佢叫老闆聽電話，佢就冒認老闆，我話咁我落嚟對質睇吓你係咪老闆囉，佢即刻笠水問我想點，我再要求佢為自己嘅錯誤負返起責任送番個啱嘅麵上嚟，佢都係死都唔送，最後我唯有再落多次單，然後死死地氣落番去換番個麵！罪狀三［又漏餸］落完去拎又上番嚟！好啦～以為可以安安樂樂食嘢啦...我頂！嗌4餸你俾個3餸我？又要打番去投訴，真係唔鬧唔得，根本無個腦返工！呢間麵麵館錢就識得收足，餸就俾漏，之前已經有兩次都俾漏餸㗎喇！！罪狀四 [不願為錯誤負上責任］唔係落錯單就俾漏餸，話番俾佢知淨係識得講唔好意思，然後佢地唔會為自己錯誤負番責任㗎喎！話會送番啲黑椒牛丸上嚟，到依家影都無囉！我廢事食餐飯都咁激氣喇～嗰幾粒黑椒牛丸豪俾佢算！唔想再打電話去喇！發誓以後唔會再幫襯呢間垃圾！…Read More

呢間野雖然叫做車仔麵檔但係最好食嘅竟然係個醉雞個醉雞非常之入味個雞翼嘅肉質都好肥美而且好新鮮好亂畫醉雞裏面除咗花雕酒之外食得出有藥材味好明顯係心思菜式冇湯嘅面係我嘅最愛呢啲老坑老坑嘅感覺非常地道當中嘅五香牛肉更加令人食上癮老婆帶咗普通車仔麵有豬藍玉同埋魚肉條有一半不過佢話唔好食但係我就鍾意食啦香港地道嘅食物車仔麵可以話係首屈一指而當中唔同菜式同埋湯麵加上湯底嘅配搭更加係藝術二呢間車仔麵嘅精髓在於佢真係好求其但係做到每一味餸都一絲不苟而且味道一流欣賞佢…Read More

千里迢迢特登出嚟渡船街食車仔麵老公話呢度車仔麵好好食！湯底我點左腩，唔覺得好好味。我老公特別話腩肉非常好味，我亦覺得唔係好好味。連我最鍾意食嘅豆腐，我都覺得佢煮得唔係好好味😅😅😅成碗野唯一好味嘅地方就係同墨魚丸爽口彈牙，墨魚味濃郁，我唔係經常食車仔麵，所以覺得呢個味道好新奇！我老公最鍾意食撈麵我試咗一口，唔啱食，不過我老公食到好滋味咁樣佢送咗個餐湯雖然唔係味精湯，不過我飲咗兩啖就冇飲，因為味道麻麻地凍檸茶非常好可能始終都係地道嘅茶餐廳可以茶底非常濃郁有應有嘅查澀味！最後特別想講下佢隻醉雞翼非常好味！好似＄32/4隻兩個人埋單好似係＄110左右…Read More

唔係麵麵店，呢間叫做麵麵館， 比依家既麵麵店好食好多， 點解叫麵麵館，係因為以前麵麵店嘅職員而家喺尼間麵麵館到做， 所以依家麵麵館嘅水準同以前麵麵店嘅水準一模一樣， 反而而家嘅麵麵店水準差咗好多。 希望大家不妨嘗試麵麵館…Read More

麵麵館裏的職員有幾位係以前既麵麵店既職員，食物款式種類多， 不單只有車仔麵， 仲可以食麻辣雞煲黃酒雞煲， 冬天有羊腩煲， 每天都有不同款式嘅午餐， 還有不同小食，例如： 醉酒雞翼尖、醉酒木耳、醉酒雞翼、麻辣雞腎、酸齋，麻辣豬耳…… 仲有好多湯飯選擇， 有一樣很特別嘅叫做黃酒雞湯麵， 意思係有酒味嘅湯，超好食， 如果大家鍾意食辣， 一定要試下佢哋自家製嘅辣菜脯， 嘉樂車仔麵或者飯重好食， 如果想食啲流質嘢， 可以食碗仔翅或者冬茸羹👍 如果食下午茶餐可以叫西多士，沙律嗰啲都有吾同種類。入面嘅職員非常有禮貌， 食物又好快送到上枱。…Read More

情人節想去西九自由約湊湊熱鬧，記得附近有間麵麵店，於是午餐便決定到此解決。已不是第一次前來了，最愛那辣菜圃和沙嗲汁，辣菜圃是無限任添，嗜辣的朋友一定要試試。還有懂得叫一定係叫兩碗四餸麵，那麼一人便能吃到八餸了😬 酸齋不會過酸，亦不會有看到都怕的橙色色素。腩肉肥瘦均勻，味道不錯，但略嫌乾了一點。魚肉春卷雖較薄身，但覺得比南記的還好吃。豬腸味道一般，不喜歡裡面有很多肥膏沒有清理的豬大腸😰蘿蔔上一次吃有渣，今次再吃很好。咖哩魷魚頗出色，因平常吃到的都沒什麼味道，但它雖浸在湯中仍然從魷魚中吃出咖哩味。湯葛餃挺好吃，入面包了沙葛與豬肉，感覺爽爽地又清甜，一碗竟有三大隻，非常抵食👍🏻…Read More