麵麵店 (Closed)

去佐敦可以食下呢間車仔麵，揀左經典嘢豬皮、滷水翼尖、豬腸、魚肉春卷米線配薑酒湯。配料都好入味，比較欣賞豬皮和豬腸，翼尖差少少，但係薑酒湯好正，補返！友人的咖哩魚蛋、豬腸、腐竹、通菜粗麵配沙嗲湯，魚蛋好食，不過沙嗲湯差少少。菜脯值得試！辣辣地好爽口！

係星期日怪獸朋友帶肥仔獸去佐敦搵食😋今次黎到麵麵店食車仔麵🚗呢間舖有個四餸任選套餐，可以不論價錢，任你選四餸，價錢就係$46，但唔包飲品😞好似我肥仔獸甘，叫左杯豆漿就加多$3！如果個套餐包埋就會開心啲囉😅講返碗麵，叫左油麵，四餸分別係牛腩、雞翼、牛栢葉、豬皮😁湯底係沙爹油麵軟硬適中👍🏻牛腩🐮，因為唔係坑腩，始終唔夠淋，少少硬，但有牛味，普通啦😑鹵水雞翼🐔鹵得好入味，好味👍🏻牛栢葉🐂唔奀，唔會咬唔爛，佢配上沙爹湯，辣辣地好野味😋豬皮🐖都係貪佢可以吸湯，呢間豬皮仲要夠厚身，吸湯就更多，食落就更好味👍🏻沙爹湯底🍲佢辣辣地，但又不算好辣，連不食得太辣既肥仔獸都勉強食到😅佢辣得好過癮，辣到有點繼續想食既感覺，配上吸湯既餸，就無得頂了😋豆漿，普通，唔會好稀😑環境，坐得舒服，唔會好迫😁👍🏻

星期六，晚上七時，沒有坐滿，不用等位。一入舖內，工業風格調，配木枱木櫈，環境舒適，乾淨整齊，枱面上的調味料架都很乾淨，十分難得，店內還有洗手間可借用，第一感覺不錯。四餸一麵套餐，46蚊，可加3蚊配豆漿，6蚊配冷熱飲品。(散叫每款8蚊到12蚊一款餸，14蚊到17蚊一款粉麵。)如果套餐要多過4餸，第五樣餸都只8蚊一款，不錯不錯。講講食物～豆漿好飲，雖然只係加3蚊，但係係凍飲杯分量。魚肉碗仔翅，味道平平，魚肉較硬，不夠彈性。醉酒木耳，酒味夠濃，但味道單一，頭兩舊都覺得幾特別，再食多少少就覺得酒嘅苦味好強烈。車仔麵：～沙嗲湯底幾好味～麻辣蓮藕唔知係咪因為煲左一整日，太林，已經失去口感。而且加左落湯唔係太食到麻辣的味道。～墨魚卷就不過不失啦，一份有兩條。～聽聞依間嘅酸齋會先炸過，所以外表會脆脆的，但我完全食唔到脆嘅感覺，同平日齋舖嘅酸齋無分別。～豆卜有點硬～最值得一讚嘅係豬腸，好入味，正！枱面上有勁辣菜甫，任加唔嬲，即刻有種食粉仔嘅感覺，建議可以嘗試吓賣埋粉仔整體而言，都算ok的，但希望下次再去時食物可以熱啲，今天來的車仔麵同碗仔翅都唔夠熱。同埋7點去到，咖哩魷魚同煎釀三寶已經賣哂，食唔到有點可

The soup base is a little salty, but liked the large variety of toppings. They have English menu.Not the cheapest at around $45 dollar average spend, but you get what you paid for. Quality.

天氣太熱，考試遴選面試都弄了一小時，很餓呢，還要到佐敦拿短期課程的証書經過廟街，其實一直都想試，但是朋友不停比負面的說話，話很咸，位子不好坐，令我冇一次我去吃今日太餓了，我一個人入了去，冷氣很充兄正合我很熱，位子是木制，我覺得很舒服，沒有迫的感覺，也不用等位，個段時間己經很晚了，約五點幾。見到車仔面來說，價錢都算一般，也是第一次飲紫貝天葵，味道很像利賓納，很好飲。正當是下午荼時段，我點了雞翼，黑魚丸，米線，有個男人跟我說，教我點多一樣，價格可以平好多，飲品也有原本十元，減到只收三元，我推介我吃墨魚卷及府皮魚肉︿︿！　這個服務態度我感到很細心，坐了一會兒，份量都算多，他介紹我吃個兩款真的很好吃，而家不熱氣，雞翼也炆得佷入味。下一次經過佐敦都會再去　也想試下其他小食。太多選擇，沒有多個胃可以食到。

麵麵店的車仔麵不算便宜，但每個月總會想來吃一次。任選4餸套餐$46，再加上飲品，五十元剛好找回一元。自己最喜歡吃紫菜，因為不是間間車仔麵也有紫菜選擇，紫菜有少許硬身，營養高，含豐富碘。鹵水雞翼的皮有甜甜鹵水味，但入面不夠味。牛栢葉厚身，原本無味，但加上湯底也不錯。今次點了比較特別的沙葛餃，內裏有不少沙葛，還有豬肉碎，囗感特別，水餃皮冧、但粒粒沙葛爽口，相映成趣。

一碗車仔麵，最多你會願意付多少錢去買呢? 這次就來一試這碗價值$46 的高價(對我來說)四餸車仔麵，有什麼了不起。選了咖哩魷魚、咖哩魚蛋、鹵水豆腐、鹵蛋配油麵、沙嗲汁。看賣相，果然份量很足，質素也比普通的車仔麵足。先一試湯底，沙嗲汁比一般的辣，雖然很惹味，但不太能吃辣的朋友要注意喔。(可能要叫店員少沙嗲之類的)鹵水豆腐和鹵蛋都很好吃，甜甜的又很入味。咖哩魷魚和咖哩魚蛋跟平常吃的差不多，都很入味。麵的份量很多，再加上我叫了一杯凍豆漿$3，超飽的。另外值得一提的是，店內裝修似咖啡店多過賣車仔麵的XD。算是第一次在那麼"企理"的地方食車仔麵。

做完gym,又唔想去澳牛,是但求其見到呢度環境都唔錯就入左有印象係小儀開嘅,不過都冇影響,其實唔會覺得特別好食左有個lunch set,選擇唔多,得3款,另外加左個小食,就出事喇...話說呢個木耳嘅汁係酒黎,都可以話係自己攞黎衰冇諗過陣酒味濃到咁,因為我平日係完全唔飲酒,所以面對呢碟醉酒木耳真係毫無招架之力而且愈食愈覺得苦,食苦瓜沙律可能都冇咁難入口可能酒鬼會鐘意食,但我一路食一路feel到自己心跳加速,同埋頭痛,所以剩左半碟處理唔到餐飲可以揀豆漿或者紫貝天葵凍飲唔覺但飲到底就覺得太酸不過點都健康過凍奶茶之類嘅飲品嘅午餐入面最吸引我嘅另外一樣野係前菜雖然只係一小片百福豆腐,其實可以索性將個豆腐變做一個獨立小食啦蒜蓉包都相當值得欣賞,唔係勁重蒜味,食完都唔怕口臭主菜湯檬就平平,湯係好清,豬扒亦都好嫩但檬粉太多,而且一夾就碎到阿媽都唔認得多菜都係抵讚嘅可能我唔好彩,揀親d野食都同我作對,下次再黎佐敦或者都係去返澳牛喇..

知道係明星開嘅車仔麵，諗住好評多數係名過其實，結果⋯⋯ 係絕對要encore!好多配料選擇，大腸，豬紅，咖哩魷魚都入味同夠份量，雞腎兩舊，界幾多會容易食d! 南乳炸雞翼，即叫即炸！超正！ 一定會encore!!!

黎過好幾次，水準依然！第一次黎當然因為明星效應，因為小儀所以黎試～但食過之後真係覺得唔錯～因為港人普遍都都鐘意食車仔麵～餸好多選擇～平時車仔麵檔少見既都有，炸魚肉春卷好好食！但有時好脆有時唔太脆希望改善韮菜餃真係好唔錯～唔係出面雪藏厚皮果種難食餃！唯一缺憾係...其實每次都好想好想食鯪魚球，但一至兩個人食車仔麵...好難叫....因為一碗麵已經飽晒！！希望出個一人版..兩粒都好啦最後最後～～～～食麵一定要加佢地既辣菜「普」！！真係好味到喊！！！但真係好辣～唔食得辣要小心

放工又要覓食 無飯夫婦的煩腦😅去到佐敦老公提議試小儀開的麵店老公叫自選車仔面 ($52) 連豆漿豬腸 牛腩 魷魚 雞翼 味道不過不失我就叫了個晚餐set ($54)豬雜撈米線: 唔係太夠熱 豬紅有點腥 但好難得有豬雜食嘅地方 還可以啦連雜果沙律及黑媽媽的蒜容包(有驚喜 好好味個蒜容包 估佢唔到係黑色的😂)跟餐送豆漿當快餐晚餐食還好啦裝修都算有心思😊

麵麵店是一間新派的車仔麵店，裝潢都蠻有格調的，但坐位倒是有點窄。麵麵店的車仔麵餸選擇有很多，我今次都是選了四餸麵餐；菜芯. 酸齋. 魚肉. 炸腐皮魚肉. 粗麵配清湯 + 凍山渣水；車仔麵的份量都算幾大，夠飽，湯頭好惹味酸齋都是脆口的，酸味亦剛剛好 ；炸腐皮魚肉被麵湯浸淋了，如果仍是脆脆的，會更可口；山渣的酸味中和了山渣水的甜味，不好甜的我亦覺可口不得不讚就是放在枱面隨意"畢"的辣菜莆，配在清湯底的粗麵，真是惹味無比

下午茶餐：蒜蓉蝦多士（兩件）配鮮果沙津 ($34)有朋友介紹小儀開的麵麵店幾好食, 行過就外賣個下午茶啦.因為要趕住開工, 食湯麵太熱, 所以叫這個蒜蓉蝦多士配沙津.蒜蓉蝦多士是即叫整做, 所以都要等小小時間先可以拎走.蒜蓉蝦多士下面是用黑色的多士製成, 食落似竹炭麵包, 而上面就有蒜香味的蝦蓉, 蝦蓉好香好彈牙, 煎得有點微濃都幾香.而鮮果沙津就係蛋沙津加粟米加蘋果粒, 微酸的, 中間有爽甜的蘋果粒, 好有口感的一個沙津.跟餐可以配多杯飲品, 凍飲當然要加錢啦!唔係太餓,醫下肚都唔錯, 不過三十幾蚊一個下午茶就真係貴左少少.

途經佐敦，想醫醫個肚，又想醒下個胃，於是想起小儀的車仔麵，就過來食食。車仔麵叫左3送，分別係菜心，魚皮餃同韮菜餃，對於我呢個餃控一定係要食最少兩種餃。最重點係個辣汁，一如以往係沙爹汁，麵底係粗麵。個沙爹汁夠野味，辣味都唔野小因為有辣椒仔係裡面，最緊要加埋辣酸菜，辣上加辣就令我流晒口水。餃黎講韮菜餃韮菜味重，餡料足皮都夠簿。至於魚皮餃同菜心就無乜大特別。粗麵就份量嫌少，唔係好夠飽肚呀。

胃口不好，決定吃點簡單的。因DJ小儀而認識麵麵店，但倒是第一次光顧。店內裝潢簡約，以黑白色為主，比一般車仔麵店摩登有型，亦坐得舒適。點了「車仔麵套餐$46」，配沙嗲湯及凍紫背天葵 (飲品另加$3)，酸酸甜甜的味道很開胃。套餐可選四款食物，點了麻辣蓮藕、沙葛餃、魚肉春卷和生菜。「麻辣蓮藕」不愧是推介，麻辣味不嗆喉，蓮藕爽口，值得一試。「沙葛餃」皮薄扁身，包著嫩滑豬肉和爽脆沙葛，淡淡的味道很好吃。「魚肉春卷」也不錯，煙靭有咬口，外層帶脆更香口。只是沙嗲湯底比想像中辣，又試吃了眾人推介的「辣菜脯」，結果辣得有點麻痹。