MiMiDi (Cityplaza) (Closed)

以往都經常買，唔知發生咩事突然間變得超難食，湯冇味，蘿蔔唔夠味，基本上成件事都唔同晒🤦🏻‍♀️面和餸擺法次序都唔同咗，以往酸甜齋會放上邊，外賣回家後酸甜齋味道仍然很濃，而且還有點脆口，現在就是好像發水麵包，完全冇味道。…Read More

開車成日聽森美小儀，一直都想試下小儀車仔麵，見佢煮食咁叻，應該對嘢食有一定要求。機器購票，方便快捷，餸都算多款式，亦特別，估佢唔到連酸齋都有。我選了3餸麵餐另加雞翼尖，老公選了4餸，但因為都算夜同可能疫情影響，想要嘅油麵、豬腸、咖哩尤魚都已無，我最終揀咗粗麵配麻辣連藕、牛腩、豬皮，老公揀咗幼麵配豬紅、黑椒牛丸、魚蛋、雲耳，值得一讚係飲品有紫貝天葵，有益好飲。麵質爽口彈牙，皂水味唔重，豬皮一大片，唔姑寒，最緊要無毛乾淨，之後再試牛腩，一咬落去，嘩！咸到飛起，但個色水睇落又唔似咁咸，到底係炆得太耐定師父重手咗？連老公食得咸都頂唔住，諗住放入湯會淡d，點知搞到成碗麵都好咸，最終叫姐姐比碗清湯我先再食麵，而且牛腩同平時大大件啖啖肉好唔同，碎上一樣，細細舊，係特色來嗎？！小儀口細？麻辣蓮藕對我來講太辣，不太麻，食咗兩片無食。最失望係雞翼尖，無驚喜之餘，仲要放度凍囇，硬硬地。老公就大讚豬紅夠滑溜，其他無特別講。整體來講大大碗，好夠飽！但我就真係覺得太咸食唔落，個清湯都唔係太清，偏咸。小儀睇到唔好嬲，我會有機會下次早d再試，希望係好食d。…Read More

太古城food court 呢間名店車仔麵真係成日排長龍。佢出名嘅麻辣都唔啱我。還好仲有好多選擇我選咗蘿蔔，魚肉春卷，豬肉爽。豬肉爽係好似東坡肉咁有肥有瘦，食起上嚟甜甜哋，爽口的。魚肉春卷唔會好實$43 三餸 +$5 有紫背天葵…Read More

䌓忙的星期六中午，想食飽先去睇戲，朋友推介去太古城的TREATS餐廳選擇多！行了一圈發現人龍最長嘅麵麵店價錢商宜，而且又想食下辣，一於幫襯小儀啦！TREATS引入智能下單，巨型嘅電子智能落單簡單易用，可以立即比八達通，比完錢先排隊拎食物！方便又省時！🍜我今次食嘅係4餸麵 $51, 自選四款餸包括：🌶麻辣蓮藕🦑咖哩魷魚🐙墨魚卷同🥕蘿蔔。 首先讚下麻辣蓮藕，真係爽得黎又夠麻辣，必食！咖哩魷魚份量好多，有咖哩辣味又有魷魚鮮味，而亞姐推介自家製墨魚卷，幾好！仲有冬天食一定甜嘅蘿蔔。✨最後，落一茶匙自家製辣蘿蔔，成碗車仔麵簡直香到不得了！仲有餸嘅份量超多！性價比好高！ 我仲加配雞奕尖(唔記得幾錢)，好入味好好味又大大碗！下次有人同我share先好點。 餐飲好彩點左冇糖烏龍茶$3, 可以消除小小辣蘿蔔嘅威力！   …Read More

之前聽過話依間小儀開嘅車仔麵，其實都唔錯，趁住今日嚟到太古城買嘢又未食飯，就一於試吓啦。晚飯時間黎到，因為心多嘅緣故，所以嗌咗個雜錦麵，貪佢有好多款料都有，一個人可以試多啲野。要咗清湯，但係加咗辣汁，要粗麵底。時間已經比較晏啦，阿姐夾緊餸嘅時候，就話因為有啲餸賣晒，咁唔緊要啦，佢就換過其他嘢俾我。選擇都比較多同埋有D都算新穎，一份雜錦麵大概有豬皮、魷魚、蘿蔔、牛腩，仲有個麻辣蓮藕等等嘅餸。味道就還可以啦，咁當然車仔麵都會有啲味精啦。成個麵加加埋埋都幾大碗，料多過麵，一個人做晚餐都差啲食唔晒。而家車仔麵其實都唔係好平，而且考慮到呢度係太古城，依碗已經要大概60蚊都OK嘅。如果住附近／路經嘅朋友都可以試一下，特登黎就唔使啦。…Read More

如果師傅唔係話要寫有關於車仔麵嘅食評，相信師傅都唔會喺呢個環頭，搵下仲有幾多間車仔麵可以食。當搵到呢間食店嘅時候，先發現原來呢間食店由佐敦搬咗嚟太古，當堂嚇一跳，不過就唔好笑。既然黎左呢個環頭，咁師傅點都要搵日過黎會下佢。於是早兩日已經過黎視察過環境，發覺都幾多人喺度排隊，為免嘥時間，所以師傅決定星期五晏少少先過嚟黎。點知星期五過到黎，當時大約一點半左右，依然係勁多人排隊，師傅作為一個鄉下仔，當然唔知道呢度係點樣玩法，於是用少少時間望一望，原來要自己去電腦落單，自己撳撳撳，之後攞住張單行去店面同侍應柯打自己想要嘅餸，老實講又唔算好方便，不過電腦化都係大勢所趨，遲下相信揸住個電話都可以落到單。俾完錢只好慢慢去輪隊尾，排下條隊等等等，終於輪到師傅，就有個哥仔問師傅食乜嘢麵底，於是師傅就揀咗米粉，之後就揀咗五個餸，分別有豬皮，豬紅，豬腸，咖哩魷魚同埋春卷，之後個姐姐問師傅要乜嘢春卷? 原來有魚肉春卷同有墨魚卷。於是師傅話是但啦，姐姐就話不如一樣一條啦，師傅當然求之不得啦，可以一次過試曬兩款春卷。說時遲那時快，成碗車仔麵就放喺師傅面前，於是師傅就攞返返去慢慢食，喺攞返去之前，旁邊有兩樽野比較特別，一樽應該係辣蒜蓉，另一樽應該係辣椒醬，師傅二話不說乜都有加到碗車仔麵中，之後埋位開餐。一如以往，先試下佢個湯底，湯底味道幾濃，但唔算吸引，再攞啲辣醬撈勻少少，就變得香辣，不過香辣得嚟又唔覺得佢好吸引，普通啦! 於是即刻試下個豬紅，豬紅一粒粒，入口都算煙煙韌韌，但就滷得唔夠入味，口感正常，普通貨色。豬皮就超大塊，可惜就係唔夠爽口，亦都唔算好入味，口感普通，唔算得。再試下佢個豬腸，豬腸屬於偏肥，滷得幾入味，呢個算係幾好。至於個咖哩魷魚，咖哩味非常香，但唔算辣，魷魚就煮得比較腍，冇左個爽口嘅口感，感覺都係一般。反而個春卷令師傅有少少驚喜，魚肉春卷嘅非常香，有少少食緊南記嗰種感覺，但就比較薄身，口感欠奉，至於墨魚卷師傅就比較欣賞，因為墨魚卷比較厚身，口感爽口並且墨魚夠香，整體效果非常可觀，師傅推介。米粉就正正常常嘅米粉。總括黎講食物水準普通，但唔知點解會大排長龍，不過呢一區只要你啲嘢唔太難食，都應該排隊㗎喇。價錢唔算抵食，四個餸51蚊，加多個餸加十蚊，埋單61蚊，又要捧餐又要唔算特別，唔算抵食。老老實實笑臉一定比唔到，再黎機會不大，雖然用到小儀黎賣廣告，但師傅話知你出小儀定森美，就算加埋古天樂都係咁話，唔得就係唔得。後記: 呢間食店都幾多味精，自師傅食完返到去監房之後 ，飲咗兩支津路，都仍然覺得好口渴，最後要買支葡萄適先至可以解決到呢個口渴嘅問題，所以師傅相信佢嘅味精都幾多，大家小心。本來唔會比喊臉，但味精多到咁，所以喊梗。…Read More

位於香港島東區裡面的「太古城中心」商場二樓，二樓的其中一個美食廣場「treatts」入口位置，有一間知名唱片騎師兼藝人「阮小儀」開設的港式車仔麵食店，食店的名稱叫做「麵麵店」。我第一次發現太古的「麵麵店」，同時亦發現太古「麵麵店」原來還未在「開飯喇」裡面建立屬於自己的資料，所以當時我只能夠改為以「treats」美食廣場的名義寫食評。後來我重臨「太古城中心」，就發現「阮小儀」在「太古城中心」的分店「麵麵店」，終於正式在「開飯喇」建立自己的根據地，我當然需要為太古城分店的「麵麵店」再寫一次食評。由於我第一次光顧「麵麵店」的時候，只是點了一碗很簡單很平凡，包含豬皮蘿蔔在內的「三餸麵」，所以還未正式嚐試過「麵麵店」裡面其他食品餸菜的滋味。今次我抱着在西貢墟裡面食午飯，還未式食過牛腩的體驗再次上門光顧太古城中心分店「麵麵店」，今次我在付款購票之後，回到「麵麵店」廚房面前，就立刻決心選擇了非食不可的「牛腩」。始料不及原來「阮小儀」在自己的食店「麵麵店」裡面安排處理牛腩的手法，竟然也是與正規車仔麵食店裡面處理牛腩的方法，有着天壤之別。「麵麵店」負責製作「車仔麵」的廚房，把原本體積頗為大塊的牛筋腩，以大約切半的下刀方式，或者把牛筋腩以刀仔細切成三份，再按食客購票後傳來的柯打，把已經切成兩三份的切片牛腩，鋪在車仔麵的表面上。被平切切成兩三塊的牛腩，雖然食到口感質感，會比未切之前的牛腩稍為遜色，但是平切牛腩被換來牛腩口感變得比較爽脆，咀嚼牛腩所需要的難度，亦比未切之前的牛腩低得很多。至於我在「麵麵店」購買「三餸麵」的另一部分餸菜，蘿蔔實際製成品煮得頗為大塊，蘿蔔實際上的味道仍然有甜味，只是甜味不算很明顯而已。「麵麵店」「三餸麵」裡面的另一款餸菜，蘿蔔裡面的軟腍口感，總算還有一定程度的感覺，筋或者渣也都稱不上是很多，只是覺得蘿蔔可以再煮腍多一點而已。至於「三餸麵」剩下來的最後一款餸菜，是一款有點像由魚肉製成，有點像炸魚條的魚蛋小食。「炸魚條」口感頗有彈牙的感覺，如果能吸收湯底味道多一點就好了。說到「麵麵店」車仔麵底層的湯底，「麵麵店」車仔麵湯底的味道沒有辣味，只有最基本程度的鹹味。食客如果想要辣味湯底的話，直接在廚房旁邊的醬料櫃裡面，自己加點辣味醬料進入湯底就可以。不過，我覺得未必所有光顧「麵麵店」的食客都會知道，未必發現到「麵麵店」廚房櫃檯旁邊的位置，放置了兩大瓶不同口味辣味湯底調味醬料。幸好我當時還記得詢問「麵麵店」店員，及時發現「麵麵店」放在自己廚房櫃檯旁邊的兩大瓶辣椒醬醬料。結果加入了辣味醬料之後的「麵麵店」車仔麵湯底，立刻湧現了一陣頗為刺激的辣味。辣椒醬裡面的辣味，最後也間接影響到蘿蔔裡面的味道，「麵麵店」蘿蔔裡面的甜味本來只是一般程度，浸泡了辣味湯底後，蘿蔔的味道當堂變得更辣。至於「麵麵店」車仔麵食品底層的重要一環，「麵麵店」裡面的「粗麵」，「粗麵」的口感比我想像中的「粗麵」來得更腍。而且「麵麵店」的「粗麵」質感比較輕身，彷彿有食不飽的感覺。至於「麵麵店」為在場每位購買「車仔麵」的食客，另外提供了一杯免費跟餐的飲品「無糖烏龍茶」。「無糖烏龍茶」雖然是免費飲品，但是「無糖烏龍茶」份量仍然很大。而且，雖然「麵麵店」裡面的「無糖烏龍茶」，「烏龍茶」雖然沒有再加入糖分，但是烏龍茶實際上的味道，已經有一定程度的甜味感覺。經過我第二次光顧「阮小儀」的港式車仔麵食店「麵麵店」之後，我發現原來「阮小儀」不單止廚藝了得，甚至還懂得在經營港式車仔麵食肆。雖然「麵麵店」裡面，價錢比較昂貴的麵食食品選擇也不少，但是我覺得食港式車仔麵，只食兩至三款車仔麵餸菜加一餅粗麵，已經可以食得很飽。恰巧「treat」美食廣場最近還有新的食店，增加了很多新穎的飲食體驗，「太古城中心」商場交通方便兼且旁邊還有其他商場，「麵麵店」成為我在「太古城中心」裡面必去的食店之一。…Read More

#小秘書 都有一段時間無幫襯 麵麵店，因為實在覺得佢啲 #車仔餸 撈埋落個 #湯麵 裡面，整體味道偏咸😖 而且永遠要排條長龍先輪到我哋，叫得餸、再等到碗麵喺手，出面啲位又已經比人坐哂... 非常狼狽😣呢日見時間尚早，#小秘書 就跟埋個 #同事 去排隊買飛，再試吓「小儀」嘅手勢👀 #麵麵店 新推出「小儀撈粗麵」，貪新鮮嘅我當然要試吓😋 一如以往，排隊連order，前後已經無咗十幾廿分鐘😅 好難得先搵到兩個位🙏🏻 可惜「撈粗」嘅口味不似預期，其實 #酸齋、#水魷魚 都唔錯，不過豬大腸 唔爽口，仲有陣豬味，#牛腩... 唔得囉🙄 加上 #麵質 太淋😏 #服務員 將所有 #車仔餸 都擺哂上 #撈麵 上，將原本嘅味道都掩蓋埋🤪 其實喺我order嗰時係見到 #服務員 撈咗啲 #特製細汁 落個麵到㗎... 不過真係一啲都食唔出🤨 只係覺得成碗麵都好咸同好咸囉👉🏻👈🏻…Read More

周末行經太古城中心，發現原來Food court有間地道車仔麵小店。粉麵同埋餸菜選擇同一般街邊的車仔麵店相約，豬皮、蘿蔔同魚蛋等大路餸都應有盡有。叫了一碗三餸麵，特意揀左比較小見嘅蓮藕片做餸，而男友則點了雜燴麵，每款餸都可以試下，岩哂有選擇困難症的朋友。不得不讚蓮藕片口感粉軟，麻辣味香濃。豬耳同埋豬皮腌得好入味，爽口彈牙。每款餸的份量都算多，真心抵食。油麵麵質唔錯，唔會太硬身而且份量都比得好足，大大碗非常飽肚。跟餐加3蚊有紫背天葵飲，味道酸酸甜甜好開胃，最岩宜家天時暑熱飲，好過成日都飲汽水咁唔健康。…Read More

學生時期常光顧佐敦的分店, 除了地點方便, 更是因為有學生餐. 除了食品質素之外, 店內環境衛生也是Encore的主要因素. 有次走到佐敦舊店摸門釘才知道只剩下太古城的分店, 雖然餐單比以前的選擇較少, 但仍有着昔日的味道. 聽說即將要在將軍澳開店呢! 必定要找天去試試!♀▴ ▾ ▴ ▾ ▴ ▾ ▴四餸車仔麵 $46• 鹵水雞翼 #皮爽肉實 十分入味, 必點之選!• 豬紅吃到了薑的味道 • 墨魚春卷彈牙, 蘿蔔甜甜的 • 整體質素都很高, 但更懷念舊店的模式⓼…Read More