Menyafuku

之前成日聽人講荃灣有間好好食既沾麵店🍜咁啱我朋友好鐘意食沾麵，我就陪佢去試下😼🙈- 魚介豚骨沾麵🐟 $78食沾麵第一時間一定係試左個湯先🥣湯底帶有陣陣木魚鹹香鮮味，加上柚子皮👅淡淡柚子香令整個湯底清新得來有層次🤌剛好平衡整個沾麵油膩感🤭重點湯底比我想像中淡味❤️ （絕對係啱我口味！）配料有兩片薄叉燒🐷，溏心蛋🥚，竹荀，大量蔥，白芝麻，魚介粉薄叉燒肥瘦比例剛好，同時食到油脂香同瘦肉軟腍位置😳重點在於流心蛋！爆開的蛋汁真係冇得輸！平時去沾麵店都只有半隻流心蛋，但呢到係有一隻🤩🤩麵質粗身彈牙，口感煙韌帶有淡淡麵粉香，掛湯能力一流🥳🥳✨食完所有麵之後仲可以叫店員加湯，將所有湯底精華吸收曬😻我諗如果係冬天食呢碗沾麵真係會好幸福😋😋- 黑蒜油豚骨沾麵🧅 $88一見到碗湯我就有少少嚇親左，心諗咁深色既🤔🫣濃郁豬骨湯底充滿黑蒜油味，質感偏厚身味道略鹹🤣呢款湯底更加適合重口味人士🙈配料亦大致一樣，有兩片薄叉燒🐷，溏心蛋🥚，竹荀，大量蔥，白芝麻，洋蔥蒜頭所有配料同麵質都KEEP住水準😍😍呢間沾麵店CP值好高，呢個價錢呢個素質真係冇得輸👏唯一麻煩位在於店舖空間有限，座位有啲逼🤣🤣如果大家想同朋友靜靜地一邊食野一邊傾計就未必啱你啦🙈📍 麵屋福 – 荃灣荃灣享成街18號地舖#justlingggxd_日式#justlingggxd_荃灣…查看更多

喺荃灣收工搵嘢食😆 朋友想食沾麵， 又見網上評分唔錯，所以就去咗試～  店舖嘅位置比較隱蔽， 要花啲時間先搵到 店入邊唔算好多座位，我哋去到嘅時候前面有對情侶都等緊 我哋等咗大概10分鐘就入得😜  🍜 魚介豚骨沾麵 ($78) 平時食開嘅沾麵湯底都比較死咸，佢哋嘅湯底濃得嚟反而一啲都唔鹹🤩， 而且個湯底好足料，有大量蔥花、筍同芝麻， 口感豐富🤤！ 最特別嘅地方係叉燒同埋溏心蛋會放喺湯入邊，可以保持溫度，但係叉燒依然keep到口感好淋， 同埋溏心蛋都仲keep到係流心😍！ 而麵條粗身， 勁彈牙😋！！  🍜 黑蒜油豚骨沾麵 ($88） 黑蒜油豚骨湯底都一樣，唔會死鹹😚，黑蒜味勁出，但又唔會好苦😋！湯底都係好足料，有大量蔥花、筍同芝麻～  食完之後，仲可以叫職員幫你加湯， 飲完都係一啲都唔咸，仲好夠味🤭！  總括而言，佢哋嘅沾麵好出色， 每食一啖，口感都好豐富， 絕對值得過嚟食😚～…查看更多

黑蒜油豚骨沾麵 $88黑蒜油湯底超香，濃味，但唔會死鹹，配料有叉燒、紫菜、溏心蛋、筍、蔥花等，叉燒係用肩胛肉，唔油膩，味道正常；溏心蛋熟度剛剛好，唔會太熟；沾麵粗身，彈牙有口感👍🏻魚介豚骨沾麵 $78魚介湯底有好多魚粉，香氣十足，味道唔會太鹹，而且濃度唔會太稀或太稠；沾麵仲配咗少少柚子醬，令湯底帶點清新，唔覺膩，好食😋 食到最後仲可以加熱湯，飲哂全碗湯都冇問題😜〰️〰️〰️〰️〰餐廳食物質素好，$78就有交易，仲要唔收加一，性價比高👍🏻 店員服務都好好，會主動問客人需唔需要加熱湯飲，唔會見客人食完碗麵就即刻收碗，加分🤭不過餐廳環境就普通，店舖唔大，而且通風唔係咁好，一入店就已經聞到筍味，如果聞唔慣啲筍味，都幾難頂😅今次係假期12:30左右到餐廳，等一張枱，大概15分鐘就可以入座，唔洗等好耐😁〰️〰️〰️〰️〰️食物: 4.5/5性價比: 5/5 環境: 3/5服務: 4.5/5Revisit: Yes…查看更多

.其實一直都對沾麵印象麻麻(◐‿◑)食過幾間都覺得唔岩我口味個湯普遍都係偏咸每次食都係朋友介紹就試下不過都係一般今日又俾多次機會沾麵揀左麵屋福去試下要求好簡單，唔好太咸我就覺得可以接受ಥ_ಥ我揀左魚介豚骨配左兩片薄叉燒及糖心蛋一上台試左一口湯底先比想像中淡味 （可能以前試的過份咸？）味道幾有層次，仲有舊柚子，食中果下好清新再加面落去沾下湯麵條都掛湯既口應少硬，爽口我又覺得幾好食食完麵後，我都有再加湯飲多幾啖湯黑蒜油我都試左啖，濃味少少整體都好食，今次試完我無後悔既不錯👍🏻目標達成 唔太咸..#唯有食是最治癒的…查看更多

日式沾麵，哩間店舖主打沾麵有3多4種選擇: 豚骨沾麵係原味，另外有黑蒜，蕃茄紅油同埋特色爆辣沾麵。沾麵原本已經配有半熟蛋和兩片叉燒，如果想要更多可以再追加唔同配料。套餐會包汽水，如果要其他梳打飲品就要另外加錢。我選擇咗豚骨沾麵，麻香味很濃，拉麵口感爽淡有層次，而且大碗份量充足。但是味道比較淡，而且選擇不多，哩間係一間專門食叉燒沾麵。…查看更多

本身鍾意食沾麵，一路都覺得麵屋福啲沾麵高質，裝修得好有日本嘅感覺，播住輕快嘅日文歌，感覺好輕鬆，啲位密得嚟又唔逼，枱底又有勾俾客人掛嘢，店員又殷勤有禮，今次食黑蒜油豚骨沾麵沾麵湯好香濃，但唔會太油膩，面頭多蔥同芝麻，令個湯更香口，枱面仲有檸檬醋、秘製辣醬同芝士粉俾客人按口味加落湯，叉燒同筍嘅份量好足，糖心蛋整得好好食，麵嘅份量都好足，粗幼同軟硬度都啱啱好，好好食，仲有檸檬味清水提供，十足日本一樣，住得近嘅一定成日嚟食…查看更多

🍜麵屋福魚介豚骨沾麵湯底濃郁唔油膩～飲完想再飲🤭麵質方面煙韌又掛湯～叉燒略為較薄一點黑蒜油豚骨沾麵蒜香味好重～湯底濃味過魚介～不過都唔錯～鐘意食蒜香既朋友要會一會🤡盛惠💰$1xx好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:兩款麵唔錯亦好食～價錢方面亦唔算貴～員工亦有禮👏有機會再黎～糖心蛋勁正👍👍…查看更多

有時lunch time就係想食下comfort food，慰藉下心靈。麵屋福嘅沾麵絕對可以一解想食平平地又好食嘅沾麵之苦!佢嘅lunch time係嗌一個拉沾麵包一罐汽水，加上佢沾麵唔貴，真係諗起都開心!!我嗌咗魚介豚骨沾麵（$78），一上枱就有好香嘅魚介味撲鼻而來，沾麵嘅湯內有芝麻、蔥、荀、叉燒、魚介粉等等。可能因為我唔算好鐘意芝麻，如果可以揀少啲話就好啦！不過整體而言係好濃郁，上枱嘅時候又熱辣辣！之前食過黑蒜油湯底，雖然都好食，但係就比魚介偏油，相比之下我自己會鐘意魚介多啲～同埋麵屋福抵食嘅位係$78係包埋紫菜同糖心蛋！佢嘅糖心蛋絕對冇hea你，係我食完會回味嘅糖心蛋！好多拉麵店都唔包紫菜同蛋，要自己另外再加錢，但係呢到唔使！！仲要有汽水！所以真係好抵食！不過佢嘅麵係暖，唔係話會唔好食，但係如果可以有得比客人揀凍/熱麵，就會令成件事更加完美！！…查看更多

星期五晚係荃灣搵食，見到間門面裝修幾日式嘅餐廳就入左去試。唔洗等位但入面都幾多人，四人一枱，二人多數要搭枱。枱底可以掛袋但好怕頂到對面，整體環境都唔係咁舒服。唯獨店員真係好有禮貌。期間限定辛味噌沾麵，辛辣味係有嘅，湯底好濃但試唔出層次。原本好肚餓所以加左一個麵底$25，結果勁大碗麵，除非你係大胃王，否則建議加半底麵就夠。塊叉燒係大片不過勁薄，而且得兩片，完全唔夠餸麵。係一個好差嘅體驗。魚介豚骨沾麵，一樣好濃味，麵身掛湯嘅程度係ok，湯同麵嘅配合都ok，但就係因為太少餸令人印象嘛嘛。…查看更多

麵屋福🍜🏮……….又食拉麵了！今次去食荃灣嘅沾麵店。呢間嘅沾麵嘅味道只有3款，分別係魚介豚骨沾麵，黑蒜油豚骨沾麵和蕃茄紅油沾麵，亦都有少量飲品供應。店舖環境唔大，有日本小店嘅感覺，只有五張四人枱，多人時會安排同行兩位客人左右並排坐，隔住膠板對面就係另一對同行客人，木系簡約裝修，木枱木櫈，外面設有等候座位。以呢個價錢黎講，又無加一服務費，CP值算係咁🤣……….🍜魚介豚骨沾麵 $78•固定湯底濃度，固定麵條嘅硬度，麵條幼身，口感煙韌彈牙，但未去到好掛湯汁，沾麵湯底味道濃，湯應比較稀身。上碟時所以材料會浸哂係湯入面，分別有溏心蛋，叉燒和木荀，而紫菜就係同拉麵同上，可額外加錢加麵底，亦都可以加錢加額外食材。整體而言，正常發揮，湯底更濃稠會更加分😎……….💰人均 $78/per person (2人)…查看更多

沾麵，就是一種為了讓人盡可能享受到濃郁到不可思議的鮮味，使麵條與溫度保持最適當狀態的麵食料理。店內供應三種味道的沾麵：魚介豚骨沾麵、黑蒜油豚骨沾麵、蕃茄紅油沾麵。 沾麵的湯頭很濃厚，味道也較為強烈，濃度、鹹度和含油量都比一般拉麵湯頭更高。湯頭內有兩塊叉燒肉，極嫩滑，入口即溶。醬漬糖心蛋咬開會流心的。麵條帶有小麥的香氣，Q彈有咬勁，沾上濃稠的沾麵醬汁，更易掛麵，吃起來風味更加鮮明。 最後還可以請店員加湯喔！…查看更多

魚介豚骨沾麵沾麵汁配料：有半熟蛋一隻、筍絲、叉燒、蔥。進食前記得將魚介粉撈勻，湯汁飲落味道好濃，魚介味比豚骨味突出，淨飲湯會有少少苦同咸，配合麵一齊食就岩岩好。呢度既沾麵係熱食，同一般凍食食法唔同，可能因為熱食關係，碗邊紫菜有d冧，食落口感差少少。整體麵量300g比一般店舖多，麵條偏粗身彈牙，比較有口感，食完麵可叫職員加料飲埋湯。小店到晚市時段都坐無虛席，walk in想食就要排一陣隊喇～味道：3/5環境：2.5/5客服：3/5…查看更多

無意間經過門口見到裝修好日本，行去睇先發現係食沾麵🥢店面雖小座位較貼但間隔算舒服我叫左個魚介湯沾麵，朋友叫左黑蒜油沾麵，本身碗麵已跟叉燒、唐心蛋、紫菜，同朋友食左一半就加湯，加湯後飲湯會岩岩好，未加湯就偏濃，叉燒好淋有3片，唐心蛋好正，下次要加多粒，麵既質感都好彈😍…查看更多

1 服務差 ， 明明可以攞張凳畀客人放背囊， 叫我勾個背囊喺枱下， 但係佢張枱咁矮，勾到個背囊同擺落地可冇分別。 於是捧住個背囊食嘢， 又唔畀張櫈人擺背囊。 覺得客人個背囊擺喺地下係冇問題， 他們的衛生意識都很低2 食物份量少 ， 我食他的魚街豚肉麵，滿面嘅份量比一般公仔麵多少少， 正常一個男人 係唔會食得飽， 豚肉只有薄薄的兩塊， 兩塊加埋不到一隻手掌大， 豚肉切到火鍋肥牛的厚度， 可想然知有幾薄。 賣78蚊一碗 食兩碗要156蚊， 我出街食兩個小炒餸 有湯有嘢飲 140蚊有找。 咁嘅份量 cp值其低。3 味精湯底， 食完口都乾埋， 湯底確喉， 似重口味版的日式公仔麵。不會再來！*謹入*…查看更多

🔸蕃茄紅油沾麵 $90平時食沾麵多數都食魚介湯底，今次就試一試比較少見又係餐廳招牌嘅蕃茄紅油湯底😆濃郁嘅蕃茄湯底入面有唔少蕃茄蓉，都幾足料～味道係微微酸同辣，食落都幾開胃嘅～湯唔係杰身嗰種但都掛到上麵，而且味道幾有層次，除咗蕃茄嘅酸同紅油嘅辣之外，仲帶啲類似蔥蒜味嘅調味，不過對我嚟講略為重味，而且喺個口入面久久不散🤣之但係食完沾麵之後加埋木魚湯，個味係昇華咗勁多！最後都差唔多飲晒啲湯haha配料方面，有兩塊叉燒，溏心蛋同少量味筍，全部放咗喺湯入面～叉燒偏瘦，冇燒過所以唔算好香口，味道不過不失溏心蛋唔錯，有流心嘅蛋黄，醃得剛剛好🫶🏻筍都幾入味，唔錯～至於沾麵係比較硬身有咬口嘅，係我鍾意嘅口感🔸 黑蒜油豚骨沾麵 $88 (追加肩胛肉叉燒 +$12)呢個黑蒜油豚骨湯反而冇蕃茄湯咁重味，濃濃嘅黑蒜油香氣撲鼻，啲湯掛上麵上每啖都好香！🔸 信州蘋果梳打 $25係比較甜嘅蘋果汁加埋梳打，天氣熱嘅時候飲幾爽！不過我就唔太鍾意咁甜，都係飲返檸檬水算🤣餐廳舖面細細，裝修都幾似日本嘅拉麵小店！店員都幾親切～不過一入嚟就會聞到陣筍嘅味道，如果本身抗拒呢陣味嘅朋友就可能冇咁享受用餐喇～🙈…查看更多