Menya Hiyori

這間人氣拉麵店位於銅鑼灣渣甸坊，鄰近希慎廣場，主打四款拉麵，真材實料的湯頭採用豬大骨及丸雞，每日以慢火長時間新鮮熬製。店內環境寬敞舒適，裝潢以時尚的日系木為主，座位採用傳統的日式拉麵格局，適合一人或多人聚餐。赤蝦拉麵 - $128期間限定拉麵，湯頭結合了蝦的鮮味及豬骨雞湯的醇厚，帶有濃郁的海鮮香氣。三隻去殼赤蝦晶瑩剔透，柔嫩又不失彈性，黑椒襯托出其鮮美，還有肥瘦相間的火炙腩肉叉燒，採用新鮮五花腩加上自家醬油，油而不膩。日式手搓面以日本北海道麵粉製作，人手搓揉更具口感。淡麗醬油拉麵(特盛) - $116採用多種正宗日本醬油等材料為基底，熟成數天更能帶出其鮮味，湯頭清甜帶有醬油的鮮味。同樣有火炙腩肉叉燒，大大塊清脆的紫菜，原隻溏心蛋的蛋白好滑嫩，流出濃濃的蛋黃。煎餃子 - $28底部酥脆，餃子皮薄且口感香韌軟糯，內餡有免治豬肉及蔬菜，平衡豐富的肉汁，味道濃郁多汁。無糖汽水 - $14烏龍茶 - $10玻璃瓶裝的汽水能更好地保留汽水的氣泡和原味，有更持久的爽口感。…Read More

逢假期都會跟這位朋友食飯一聚，今個假期都唔例外，朋友仲陪我整蛋糕兼晚餐，精彩的相聚日。我地今晚揀了一間拉麵店，日式的設計，橙紅嘅色調，感覺好warm。座位完是面牆的單人座，大家排排坐。有四款拉麵選擇，每款分普通版和特盛版，亦可追加配料，另有幾款小食。睇下menu 嘅簡介，好清晰的！我要赤蝦拉麵（$128）加糖心蛋（+$18）加菠菜（+$12），湯身橙紅濃厚，黏在直細麵，味道濃郁，濃而不鹹。直細麵烹調時間剛好，口感佳，啖啖鮮香蝦味，正！叉燒半肥瘦，腍嫩入味；三大隻赤蝦很厚身，經輕燒，半刺身狀，爽彈鮮味，優質!糖心蛋 流心狀佳，黏滑兼滿滿蛋香，加上烹調入味，稍稍鹹香，味道和口感都咁吸引。菠菜 翠綠，清爽腍嫩，唔油唔鹹，有益！朋友揀淡麗醬油拉麵 （$116/特盛），湯身透徹亮澤，喜歡它唔太鹹，亦唔黏稠，食落唔膩。揀咗粗身嘅手搓麵，人手搓出，多份用心，口味煙韌，有嚼勁。特盛配料腩肉叉燒、紫菜和糖心蛋，本身還配有京蔥、味荀和菠菜，好豐富。腩肉叉燒份量足，嫩肉伴着層脂肪，甘香油潤，肥美腍嫩，好得！另叫咗了一客煎餃子（$28），共有三隻，外皮煎至帶些金黃，肉饀拌入蔬菜，口感佳，味道美味。…Read More

今日同朋友傾咗成日，講到好耐無食過拉麵，於是決定喺銅鑼灣行下，搵一間新又未試過嘅地方解解思念。結果搵到咗呢間拉麵小店，位於一條內街，店舖唔算大，但一入去就覺得好有日式氣氛，木製裝修同溫暖燈光，感覺好舒適。。一坐低，店員即刻畀咗一壺冰水同杯喺枱上，覺得好貼心，特別係天氣咁熱，飲一口冰水真係解暑。menu好簡單，重點當然係拉麵同一啲日式小食。我同朋友睇咗一陣，決定試吓唔同選擇。我自己點咗一碗 醬油拉麵（特盛），普通同特盛既主要分別係特盛會有腩肉叉燒、紫菜同糖心蛋，感覺物有所值，點咗特盛絕對係正確決定！朋友則揀咗 味噌拉麵，佢話想試吓唔同嘅湯底味道。仲有，我地加咗一碟 唐揚炸雞 同 煎餃子 做小食，感覺呢餐夠晒豐富。。等咗大約10分鐘，食物就上枱。首先上嚟嘅係唐揚炸雞，外脆內軟，咬落去有啲汁，表面啲麵包糠同肉質好match，食落去唔會太膩，份量有3件，夠我同朋友分。跟住係煎餃子，3件一碟，皮煎得金黃，啲餡料好香，仲有啲汁喺度，食時點咗少少醋，味道更加突出。。之後拉麵上枱，我嘅醬油拉麵湯底好清甜，啲麵條彈牙，特盛版真係豪華，腩肉叉燒煮得好入味，肥瘦比例啱啱好，咬落去有啲油潤感。紫菜大片，食落爽脆，糖心蛋流心煮得岩岩好，味道層次感好強。朋友嘅味噌拉麵湯底濃郁啲，帶啲鹹香，麵條同配料一樣彈牙，仲有啲菜添啲新鮮感。兩碗拉麵份量唔少，食完有啲飽，但又唔會撐住個肚，感覺好舒服。。枱面有齊調味料紙巾，仲有筷子同湯匙，環境乾淨整齊，店員態度友善，點餐同埋結帳都好順暢。唯一小小缺點可能係位於內街，唔係好易搵，但入去之後覺得值得一試。價錢方面，特盛拉麵大約$116，味噌拉麵同樣，小食大約$32-$33，非常合理，加上質素同環境，性價比夠哂高。…Read More

呢晚同朋友一齊嚟咗呢間喺銅鑼灣嘅拉麵店🍜食碗拉麵🍜做晚餐🤣$128「赤蝦拉麵」：呢個係「期間限定」，朋友叫嘅，嚟到嘅時候我搶先飲佢一啖湯🤣，竟然出奇地美味，有非常濃郁鮮甜嘅鮮蝦味🤣；蝦仁就肉質結實鮮美🤣；仲有幾片腩肉叉燒，都夠甘香🤣；麵條係幼麵，幾好食🤣$116「淡麗醬油拉麵🍜Special」：「Special」配料包括「腩肉叉燒、紫菜、溏心蛋」Special Ingredients include「Extra Belly Chashu, Seaweed, Japanese Marinated Egg」；仲可以揀要唔要 京蔥、菠菜、竹筍，揀咗全部都要🤣；麵條就可以揀「手搓麵 或 直細麵」🤣；呢碗係我叫嘅，嚟到嘅時候又係首先飲啖湯，都係味道濃郁🤣；有勁大一塊紫菜🤣；整體都係幾好食🤣$28「煎餃子🥟」：大大隻，脹卜卜，裏邊有好多豬肉碎，外皮脆脆哋，夠香口🤣$10「烏龍茶」：簡簡單單🤣$14 Coke Zero：凍冰冰嘅可樂就一定好飲啦🤣…Read More

陪朋友嚟銅鑼灣購物，路經渣甸坊，見到有間拉麵店，舖頭細細，門面低調，而且座位非常有限，但環境尚算闊落，一於坐低試試。拉麵款式貴精不貴多，只有 4 款，當中包括有淡麗醬油、濃郁味噌、香辣醬油同限時供應嘅赤蝦拉麵。點咗淡麗醬油拉麵，湯頭以豚骨及丸雞慢火熬制，湯色清澈，入口味道非常鮮甜，帶淡淡醬油香。配料有叉燒、味筍、京蔥和菠菜。叉燒肉質鬆化，肥瘦適中，入口脂香豐腴。麵條可選手搓麵或直細麵，手搓麵用上北海道麵粉以人手搓揉，麵質彈牙富咬勁。另外呢款赤蝦拉麵亦係心水之選，湯頭以秘製赤蝦汁+自家烹調嘅清雞湯熬制，入口蝦味非常鮮香，KO 完整碗湯都不會口渴。赤蝦即點即燒，彈牙鮮嫩。直細麵掛湯能力不錯，配料有秘製腩叉燒、新鮮洋蔥粒及京蔥等。叉燒雖然係薄切，但經火炙後，油脂變得更甘香，入口即化。小食點了唐揚炸雞同煎餃子，炸雞外層脆卜卜，入口肉嫩 juicy，好味。餃子煎得很香口，咬開有濃濃肉汁，配自家製日式蘿蔔醋，倍添風味。…Read More

🏮 麵今日收工同朋友嚟到銅鑼灣呢間今年新開嘅「麵屋日和」，試咗佢哋嘅拉麵同小食，整體嚟講性價比幾高！餐廳位置唔算難搵，喺采怡閣地下，裝修簡潔有日式風情。🍜 淡麗醬油拉麵（特）$116湯底清澈得嚟唔寡淡，醬油味香濃，叉燒軟嫩入味，麵質粗身，掛湯能力唔錯，配料都幾足，尤其係筍乾同蔥花，。🍜 濃郁味噌拉麵 $96味噌湯底真係幾濃郁，飲落去有微微嘅甜味同豆香，令成碗麵更加香口。特別係追加咗紫菜（$15），更加提升咗成碗麵嘅層次！🍗 小食方面：炸雞皮餃子 $32好有驚喜！雞皮炸到脆卜卜，入面嘅餡料juicy，點埋佢哋嘅醬汁更加惹味。唐揚炸雞 $33外脆內嫩，咬落去仲有肉汁，唔會炸到好乾，值得一試！💰消費：$302（今次兩個人食）整體嚟講，呢間拉麵店質素好好，尤其係醬油都做得好出色，我唔覺意飲哂成個湯，另外小食亦有心機。如果你係拉麵控，不妨嚟試下！📍 地址：渣甸坊48號采怡閣地下5號鋪---…Read More

今天專程來到銅鑼灣的日本拉麵店，店面雖小卻洋溢濃厚和風，環境舒適。我同朋友點了兩碗拉麵和一份小食，包括期間限定的赤蝦湯拉麵、濃郁噌拉麵以及唐揚炸雞。🍜🦐限定赤蝦湯拉麵的湯頭以多種鮮蝦熬製，呈現深橙色，香氣撲鼻，入口後蝦味濃郁鮮明，層次豐富而不膩。麵條幼細，彈牙有嚼勁，吸附湯汁後更顯美味。配料叉燒，軟嫩入味，與蝦湯完美融合。味噌拉麵的湯底以紅味噌為基礎，帶有微甜與辛香，溫暖順口。麵條較粗，彈性十足。👍唐揚炸雞現炸上桌，外皮金黃酥脆，內裡雞肉鮮嫩多汁，灑上七味粉更提味，單吃或配拉麵都令人回味。整體而言，這間店的水準高超，限定赤蝦湯拉麵尤其驚豔，服務親切，價位合理，絕對是銅鑼灣必訪的日式拉麵…Read More

別再只去連鎖店！銅鑼灣這間隱世拉麵小店，憑一份誠意用心製作，令我感到眼前一亮！星期六下午兩點半，還未吃午餐的我正在煩惱著一個人要吃點什麼好，於是就在Google搜尋「拉麵」二字，發覺銅鑼灣只有「一蘭」、「金色不如帰」、「一幻」這些連鎖拉麵店，至於「拉麵Jo」我之前已經吃過，卡通主題的「富山麵家」也不是我的style，於是便決定試試這間隱藏在渣甸坊小巷裏面的「麵屋日和」，想不到能為我帶來驚喜！一走到門口，見到第一個驚喜就是2:30-5:30pm有全單八折優惠！我點了「特盛淡麗醬油拉麵」（不要味筍），等了幾分鐘，拉麵一上桌🍜便感受到湯的炙熱，整個拉麵碗都是非常燙手，證明即叫即做加上湯底的油份能讓溫度保持得很好。【湯頭：清徹見底，帶著淡淡的醬油鮮味】拉麵的第一口驚艷，必定來自那碗湯。有別於常見的濃厚乳白湯底，這裡的湯頭以豬大骨與全雞慢火細熬，湯色清徹，蘊含著淡淡的醬油鮮味，入口清爽，毫不油膩。湯裡的醬油是店家用了多種日本醬油熟成數天而成，這醬油並非死鹹，混入入湯中豪不搶戲，反能讓湯底的鮮味昇華。【麵條：獨一無二的手作溫度】點餐時可以選「手搓麵」或「直細麵」。一般來說，由於這次我點的淡麗醬油湯底較清淡爽口，選「直細麵」會比較合適；而因為他們的「手搓麵」較為粗身，搭配較濃厚油膩的湯底會比較好；但是為了品嚐手作的誠意，我故意反其道而行地選擇了前者。「手搓麵」是店家使用了日本北海道麵粉，每日人手搓揉成的；這份手作的溫度，機器無法取代！麵體彈牙有勁，口感紮實而滿足，能品嚐到店家的用心。這種粗麵如果配上他們家的濃郁味增湯底，相信會更搭！【叉燒：油潤香濃，但稍微不合我的口味】火炙腩肉叉燒選用了五花腩，經自家醬油浸潤後，上桌前再經火槍炙燒。一放入嘴裏便能吃出外層的焦香，一咬下去脂香便在口中爆發，對於其他拉麵愛好者可能會很喜歡，但對我來說，這脂肪的部份對我來說有點太多，吃下去有點膩，下次再來我會選擇加$18轉雞胸肉。因為下午茶時段有八折，$116的特盛淡麗醬油拉麵只需要$93，真是非常划算！店家還有味增、香辣醬油和限定的赤蝦口味，下次再來如果不再encore淡麗醬油+轉雞胸肉的話，我可能會試試赤蝦！在這追求速食的時代，能遇上一間用心製作的小店，是食客的福氣。如果你也厭倦了連鎖的味道，不妨來銅鑼灣這隱世的角落，用舌尖感受這份難得的誠意。…Read More

銅鑼灣考試有個牌寫住麵屋日和，我見到都多人，所以入去試吓！入邊有三款主要拉麵，仲有一款隱藏的限定版！我哋揀咗香辣醬油拉麵同埋隱藏版！🍜香辣醬油拉麵🥢用日和湯頭：以豬大骨和丸雞慢火長時間製作，湯色清而鮮甜！🥢我揀咗日式手搓面：原來用上日本北海道麵粉製作的粗身拉麵，再以人手搓揉，好有口感，呢間店獨有！🥢自家醬油，自家製辣油：獨有配方製作，香辣兼備，使用多種正宗日本醬油等材料，帶出湯的鮮味。✅除咗麵質獨特好食，另外好鍾意佢個叉燒肥瘦相間薄薄嘅唔會韌好好食👍🏻🍜赤蝦拉麵呢個係限定拉麵，湯底有濃郁嘅蝦味好香濃，再加上幼身拉麵掛湯，食到停唔到口！佢配上三隻大大隻又彈牙嘅赤蝦！除咗覺得隻蝦可以多啲之外，其實都冇乜挑剔！總結呢單嘢唔似一般嘅連鎖拉麵店，有自己嘅特色可以試吓！✨…Read More

🌟限定赤蝦拉麵🌟見到有限定推出，當然試吓。拉麵嘅精髓在於湯底。拉麵上枱嘅時候已經聞到鮮蝦嘅淡淡鮮香🍜，我第一時間試左啖湯底，湯頭濃厚但不油膩，蝦味非常突出，湯底鮮甜香濃得嚟，又不失拉麵嘅傳統豬骨味道。赤蝦都幾大隻，經過炙燒後，簡單調味已經夠晒鮮味。口感彈牙又入味。而鮮蝦下面亦都有兩塊軟嫩嘅日本叉燒。🌟濃郁味噌拉麵🌟招牌嘅味噌拉麵冇得輸，湯底香濃順口，揀咗手搓麵，煙煙韌韌，口感十足。常帶有醬油、糖等調味料的糖心蛋，非常入味。半熟流心嘅蛋黃，正👍🌟煎餃子、唐揚炸雞🌟餃子皮薄餡靚，同拉麵係絕配 😂嫩口多汁雞肉，外皮炸到焦香酥脆。好好食🤤…Read More

踏入「麺屋日和」，撲鼻而來的是熬煮多小時的豚骨湯底融合丸雞的深邃香氣。今日的主角——醬油拉麵，堪稱一場味覺的藝術：湯色清透如琥珀，入口卻是濃郁的層次衝擊。以古法釀造的醬油為基底，輕盈卻不失醇厚，尾韻帶有一絲焦糖般的甘甜，完美平衡了豚骨的豐腴。麵條選用粗身直麵，咬勁十足，吸附湯汁的能力恰到好處，每一口都裹著湯的精華。叉燒經過低溫舒肥，粉嫩的切面透出柔嫩，入口即化；溏心蛋流淌著琥珀色的蛋黃，醃製得鹹香入味。佐以清脆的竹筍與蔥花，更添清新口感。整體而言，這碗醬油拉麵在傳統中見創新，細節處盡顯職人堅持。若追求純粹的日式風雅，此地必訪。…Read More

有一次無啦啦口痕想食拉麵，就用OpenRice check吓附近有咩拉麵舖頭。去到發現有赤蝦拉麵，即刻嗌咗嚟試吓。我自己好鍾意食蝦，所以去到唔同拉麵舖都會試蝦拉麵。通常其他舖頭嘅哈拉麵都係熟蝦，但係佢係赤蝦刺身再做火炙，個湯都唔會太鹹，加埋一齊簡直超好食，有時返工都會諗住佢🥲今次同男朋友第二次去食，佢直程連啲湯都飲晒🤣超級滿足，我覺得係全香港最好食嘅拉麵❤️問咗老闆，好似好多人都係最鍾意呢個赤蝦拉麵，希望佢之後會將呢個限定Menu變做常規Menu啦！…Read More

醬油拉麵湯頭濃郁，香氣四溢。麵條彈牙，滑順，吸附湯汁，增添風味。搭配新鮮的配料，有叉燒、海苔、蔥花，讓每一口都充滿層次感，令人陶醉，暖心又滿足。叉燒肉質嫩滑，入口即化，肉香濃郁。經過醬油和香料的醃製，味道鮮美，帶有微微的甜味，增添了湯頭的豐富層次，令人垂涎。限定赤蝦拉麵外觀誘人，湯色紅亮，散發濃厚的海鮮香氣。湯頭鮮美滑順，融合了蝦殼的鮮甜與香料的層次感。有赤蝦同叉燒，鮮蝦肉質緊實，口感鮮嫩，鮮甜可口。蝦肉彈牙幼身麵條十分適合濃湯底，完全吸收了湯底的精華炸雞外表金黃酥脆，肉質鮮嫩多汁，咬下去時口感酥脆，內裡卻柔軟，味道醇厚，香脆可口…Read More

今晚我去咗銅鑼灣嘅「麵屋日和」食麵。餐牌上嘅選擇唔算太多，但一試就感受到廚師嘅誠意，佢哋好專注做好每一碗麵。每碗拉麵嘅湯底用豬大骨同丸雞慢慢熬製，湯汁好醇厚，肉香四溢。麵條係人手搓揉，口感彈牙，超級好味。醬油用咗日本原材料調配，味道層次豐富，仲有一種獨特嘅風味。今次點咗特盛味噌拉麵，腩肉叉燒肥而不膩，咬開糖心蛋，蛋黃流心，真係好正！今晚嘅限定系赤蝦燒肉叉燒拉麵，麵質同湯底一樣出色。除咗拉麵，炸可樂餅同煎餃子都唔錯，外脆內嫩，好好食，為整體用餐體驗加分不少。下次有機會要再來試埋其餘兩款拉麵先得。…Read More

估唔到銅鑼灣女人街內有一間咁有水準日式拉麵店，臥虎藏龍。濃郁味噌拉麵湯頭味道醇厚、鮮甜又帶有濃郁的發酵味噌香氣。 湯頭通常會加入豬骨一同熬煮，再加入味噌，產生了豐富的層次口感。濃厚而能沾附湯汁的手打麵條，讓每一口都能充分品嚐到味噌湯的濃郁滋味。薄薄的豚肉，細嫰且富有肉香。炸牛肉可樂餅外層金黃酥脆，內部口感綿密鬆軟，帶有馬鈴薯泥和肉香，十分滋味和豐富。 可樂餅的味道也會有多種變化，具有甜味和紮實的口感。…Read More