麵屋常勝 (Closed)

觀塘好多美食，其中酒包括呢間叫做麵屋常勝嘅餐廳，今日叫咗雞肉拉麵，配上糖心蛋同埋紫菜；另外朋友叫咗炸餃子、炸生蠔黑蒜油拉麵，另外加咗炸魷魚鬚同埋雞軟骨個拉麵煮得彈牙可口，而且湯底，特別係黑蒜油湯底味道好濃郁，又唔會過分油膩，而咁多樣炸物包括炸餃子、炸蠔、炸魷魚鬚同炸雞軟骨都份量充足，而且炸得香脆之餘又乾身，好出色呢間餐廳價錢相宜，位於觀塘，係打工仔同朋友聚會甚佳嘅選擇，店內環境非常有特色，動漫迷值得一去。…Read More

估唔到觀塘嘅東廣場都有一間隱世拉麵店，店內嘅環境好有八九十年代嘅日式拉麵店佈置 ，見到啲海報好似去咗舊時嘅日本咁⛩，我坐嘅枱頭仲有海賊王成員食拉麵嘅figure，好有feel😆。每款拉麵都冇味精，價格適中，好食又高性價比。🍴人氣雞白湯叉燒拉麵+溏心蛋 +雞軟骨套餐 $88叉燒有三大嚿，切得都幾厚身，口感嫩，肉質有彈性😋。個湯雞味濃，好creamy，飲落好順口，味道又唔會過鹹，不知不覺可以飲完嘅湯🍜。另外加錢叫咗隻糖心蛋，做得到半流心糖心嘅效果。升級套餐+$22可以有小食五揀一同一杯嘢飲。揀咗雞軟骨份量啱啱好，好脆，舊舊都咁香口😛。🍴蝦湯叉燒烏冬+餃子套餐 $88依個係店內最多人食，唔想食拉麵嘅都可以加錢轉烏冬，烏冬就比較彈牙。蝦湯味道好鮮🦐，好似連啲蝦膏都溶入湯中，香濃嘅蝦味keep住喺口入面散發，配埋烏冬食，索曬湯汁，配搭好完美😍。小食嘅餃子有2隻，炸得好脆，餡料充足，食落完全唔覺油膩🥟。🍴吉列豚肉 $28吉列豚肉嘅肉質軟嫩，加埋外面一層輕身嘅炸面包糠，脆脆地令口感更豐富，價錢亦相當不錯，性價比好高🤩。🍴芝麻雞翼 $28成隻雞翼都見到有舖滿芝麻粒，食落芝麻香湧出嚟，雞翼都炸到啱啱好，作為小食都係個唔錯嘅選擇👍🏼。…Read More

觀塘難得有間好好味嘅日式拉麵，一定要推薦俾大家💯 今次試咗幾道菜式絕對值得一試！人均$100以下，堂食不用加一，好抵食🫶🏻🥢極上濃蝦湯叉燒拉麵本店招牌🪄蝦湯底又鮮美又濃郁，搭配嫩滑叉燒一流！！我額外加左糖心蛋、粟米，令拉麵更加豐富😋口感層次分明，好高質！🥢吉列豚肉烏冬烏冬麵配上吉列豚肉，外脆內嫩，口感極佳😍加上糖心蛋更加美味，湯底清甜鮮美，食晒都唔會鹹～🥢滋味雞軟骨🥢吉列牡蠣🥢日式炸餃子另外仲叫咗3款小食，勁抵食😋 雞軟骨的彈牙口感，十分過癮～吉列牡蠣外脆內嫩，炸餃子外皮金黃酥脆，內餡豐富，好滋味～…Read More

每次嚟到麵屋常勝，我一定幫襯極上濃蝦湯叉燒拉麵仲會加8蚊要一隻糖心蛋濃蝦湯比足料去煮個湯，湯有濃濃蝦味。食過就知有料真係無味精。食完唔會口渴。糖心蛋用心製作，真係糖心。雞蛋好新鮮。食得出食材是有心做。收銀姐姐溫柔介紹拉麵:):):)香港少有服務咁好真係好吸引服務超讚又有得免費打機。見啲細路仔打機打到唔捨得走我一定會再嚟食。因為我已經愛上了一碗龍蝦湯真係一啖湯都沒哂，全部飲清。超級飽。大滿足支持香港小店繼續努力加油…Read More

觀塘超多嘢食但每次想食拉麵都會嚟東廣場依間裝飾好有昭和風格仲有以前街機可以玩滿滿嘅回憶﹗全部湯底都無味精自家製店員推薦最高人氣果兩款拉麵食完就會明白點解咁高人氣唔單止配料可以自選連麵底仲可以揀軟硬程度﹗極上濃蝦湯叉燒拉麵超濃郁嘅湯底，有蝦嘅鮮甜味同鹹香麵條夠彈牙拉麵好掛湯超入味叉燒肥瘦均勻又煎得香脆日本海草脆脆地都好好味人氣雞白湯叉燒拉麵雞白湯味道好濃郁配埋拉麵唔會覺得膩有種清新感記得加埋糖心蛋，原隻都係$9炸蛋黃流心超入味芝麻手羽香脆嘅外皮滿滿嘅白芝麻日式炸餃子外脆內嫩，口感一流！蟹肉忌廉可樂餅中間軟心蟹肉忌廉夠晒creamy日本汽水有三種口味可以揀蜜瓜、提子、波子汽水味中和了拉麵濃郁口感同埋解膩===麵屋常勝觀塘成業街7號寧晉中心東廣場地下G52…Read More

今日朋友過嚟搵我，去咗附近食飯，佢話想食拉麵，所以我哋就過嚟東廣場，每人一set拉麵套餐，再加多個炸物拼盤share食我食人氣雞白湯叉燒拉麵 + 炸章魚球 +樽裝玄米茶 - 湯底充滿雞油香，叉燒入味，麵的硬度可以揀軟或硬，剔咗硬，我就覺得啱啱好朋友食極上濃蝦湯叉燒拉麵 + 吉列牡蠣 + 樽裝玄米茶 - 蝦味都算濃，朋友話鍾意加咗幾多京蔥同埋木耳絲滋味分享盤呢個拼盤好豐富，芝麻手羽丶吉列蝦丶吉列牡蠣丶炸魷魚鬚丶炸雞軟骨，熱辣辣即點即炸，五樣都正，兩個人share好夠，有少少熱氣，飲返樽玄米茶解下油膩…Read More

入到東廣場見到幾間餐廳，想食拉麵，見佢價錢唔算好貴又寫明無味精，好似又幾健康！所以行入去！！坐底無耐，店員行黎介紹下佢地最多人點係蝦湯😍好似好正，可惜最近有啲敏感，所以就冇食到！叫咗啲相對清少少嘅！濃郁雞白湯叉燒拉麵 $88我哋加咗$8要糖心蛋，好正！入面勁流心😆湯底香濃多啲大蔥味，係奶白色嘅湯，唔會太咸！！麵我哋要求硬嘅，都ok唔會太extreme!!叉燒有3塊，再配有大量大蒜，海帶!!明太子豚骨叉燒拉麵 $78有整整一條明太子🥰加落去個湯之後令到個湯有少少變粉紅色，少女心😂湯味相對雞白湯冇咁清，有啲咸香味，重口味人士啱！滋味雞翼軟骨 $38一份份量夠晒兩個人食😍略略覺得個沙律醬唔夠多，不過我哋後尾去添加，店員都好樂意幫我哋😆炸魷魚鬚 $48細個超鍾意食，好少地方有得食！…Read More

紅日放假出觀塘買野，預先喺openrice揀定嚟呢度食午餐。當日咁啱想食嘅兩款拉麵都有做特價🙊，所以二話不說就落柯打。小店柯單後要先結帳，而且只接受現金付款，隨後職員會送上食物。蝦湯拉麵$78餐牌嘅第一位就係呢款拉麵，所以一定要食!!😏 食麵前先飲湯，飲落同聞落都幾有蝦香，但個人覺得除左鹹左少少之外，亦都幾甜下。每碗拉麵都有木耳絲、京蔥絲、未浸軟嘅海帶絲、夠軟淋且有豬香嘅日式叉燒三塊。至於拉麵質地就一般，口感同味道都較為港式，唔係我想要嘅麵😐。雞白湯拉麵$78先聞下個湯，會聞到輕微薑同雞味；飲左一啖，只有一個感覺，就係「好鹹😑!!」成個湯無雞腥，薑味亦只限於聞到但飲唔出嘅程度。套餐+$22加配汽水及揀指定小食一款小食揀左炸蠔，雖然蠔SIZE唔算大，但勝在夠熱，外脆內爆汁。另外加左炸魷魚鬚$48啱啱炸出嚟，所以上枱果陣聞到陣陣魷香~食落魷味OK，可惜口感唔掂，好硬好介口，咬到牙都軟。😥可能我見D食評評價唔差，又話無味精、食完唔口渴，所以令我對佢有所期待。可惜兩個湯底都太鹹，唔啱我口味，而且拉麵麵質太港式、炸魷魚太硬，所以整體印象一般🤔。最後建議小店換左D拉麵碗，因為碗太淺，湯好易瀉出嚟。…Read More

除夕嚟到觀塘東廣場食晚餐，同老公嚟到食拉麵😛我哋嗌咗一碗蝦湯拉麵，湯好濃郁，麵質正常，幾掛湯的，叉燒好好食，薄薄地，燒得唔錯呀！另一碗叫咗招牌雞白湯，轉咗烏冬！烏冬都幾好食，幾煙韌的，湯都有忌廉香嘅😃加左炸魷魚做小食，唔會太油，夠酥脆，份量多🤩炸蠔餅都好食呀，入面好creamy, 外脆內軟😛仲加咗一份炸雞軟骨，份量真係好多，配啤酒一流！#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西 …Read More

每次去日本都必定會食拉麵！為回味這些美好時光，於是去到位於東廣場的麵屋常勝用膳。常勝豚骨清湯叉燒拉麵正在特價，性價比更佳。清湯不添味精，感受廚師的用心。軟嫩的叉燒肉，醬香十足，與湯底完美融合。彈牙的麵條，能很好地吸附湯汁，讓每一口都充滿滋味。配料夠多，海苔、蔥花等等，為拉麵增添了色彩和層次感。額外增添了糖心蛋，蛋黃半熟，流心的口感讓整碗拉麵更加豐富，增添了奶香味。店舖的裝修亦有豐富日本特色，很有記憶點。…Read More

不嬲都知道觀塘係美食天堂，入面有好多小店用心製作獨一無二嘅菜式比客人品嚐，今次嚟到東廣場呢度嘅本地小店試吓好多人都話用心製作嘅拉麵。人氣雞白湯叉燒拉麵$88菜單已經寫到明係冇味精，調味全天然，食落個湯唔會話好濃味或者好嘅，有啲似係煲湯用嚟嘅湯做湯底，配埋拉麵，食落一啲都唔覺得膩，反而有種輕盈嘅感覺。我呢碗拉麵除咗個湯好飲同埋啲麵都幾大牙之外，仲配咗兩塊叉燒同埋海帶同蔥花，成個擺盤都好豐富，絕對睇得出係用心製作。另外見到加糖心蛋，只係$8，都再加埋叫咗一隻試吓，睇吓呢個糖心嘅質感真係好正！…Read More

今日趁要去觀塘做嘢，就嚟呢間麵屋常勝試下，聽聞佢哋嘅蝦湯拉麵係必試之選。望到師傅喺開放式廚房度專心熬煮蝦湯，個認真嘅表情已經話你知，呢度嘅嘢食絕對唔簡單。行到熱熱地，第一時間叫咗杯冰凍嘅百事生可樂，配埋兩款前菜：日本枝豆同埋滋味雞軟骨。枝豆熱辣辣，輕輕撒上啲日本海鹽，清甜可口一啲都唔死鹹，配飲品最啱。講到雞軟骨，真係令我大開眼界！外皮炸得金黃香脆，咬開嘅時候裡面仲有汁，軟骨位爽而唔會韌，配埋特製醬汁，香濃惹味得嚟又唔會漏氣，食落完全唔會覺得係軟骨咁難食，反而令人愛不釋手。等咗大約10分鐘，終於等到今日嘅主角 - 極尚濃蝦湯叉燒拉麵！一向唔會飲湯既我，碗麵一嚟到，啲香味已經吸引我去飲，個湯底完全冇加味精，純係用新鮮大頭蝦熬足成日，啲蝦油浮喺湯面，金黃透亮，香氣四溢。飲一啖湯已經感受到濃郁嘅蝦鮮味，甜中帶鮮，層次分明，仲有蝦膏嘅香濃回甘，令我諗起日本食拉麵嘅味道。講到麵條，韌度啱啱好，彈牙爽滑，完美吸收咗個湯底嘅精華。叉燒肉肥瘦比例適中，唔會死鹹，配埋個蝦湯簡直就係絕配。最欣賞佢哋啲店員態度親切，仲會細心推介，你有咩食物好食，睇得出佢哋對食物嘅堅持同用心。$88食到呢個水準嘅拉麵，仲要係咁高質素嘅服務，喺香港真係少有。呢間麵屋常勝絕對係觀塘區嘅隱世美食，一定要約埋親朋戚友嚟試下！推介指數：⭐⭐⭐⭐⭐ (5)再嚟指數：一定會！…Read More

最近去咗呢間小店「麵屋常勝」，真係好開心！🍜✨ 試咗佢哋嘅2個招牌拉麵極上濃蝦湯叉燒拉麵 🦐🍜呢個蝦湯底佢話係最多人食，見都真係。個湯真係好濃郁，完全唔需要味精，一口完全係俾蝦味cover曬，感覺亦好天然。每一口湯都充滿咗蝦的鮮味，d拉麵吸埋個湯，令人一試成主顧🤣。我仲加配叉燒、京蔥同糖心蛋，叉燒肉質嫩滑入味，油花好好，我食左有6-8片呢～ 京蔥量俾得好足，個種生京蔥嘅清新辛辣味好適合配咁濃的湯底，食極個面都仲可以好enjoy咁食落去，而糖心蛋嘅蛋黃流出，真係好好味！🤤🤤🤤🤤人氣雞白湯叉燒拉麵 🍗🍜另外試咗人氣雞白湯叉燒拉麵，湯底一樣係無味精（佢全部都無味精），雞白湯濃郁香醇，口感滑順，味道非常好！叉燒依然係一流，肉質鮮嫩。叫左套餐炸章魚球，兩粒炸得金黃酥脆，係真係外脆內軟！！😍😍 內裡嘅章魚味道鮮美，食得好滿足！整體而言，「麵屋常勝」嘅拉麵真係值得一試，湯底正，性價比高，仲要免費有機打xd，真係一個好地方！期待下次再嚟試其他味道！（店面size唔大，1900已經坐曬人，不過大家都好識做，食完就會走👍👍👍）…Read More

多年不見的老朋友從外國回來，心中充滿期待。我特別帶他去觀塘東廣場的「麵屋常勝」，這是一家廣受好評的拉麵店，讓我們重新找回那份久違的情誼和美味。我點了極上濃蝦湯拉麵（淋麵），價錢$88，湯底鮮美且無添加味精，讓我感受到廚師對食材的用心和對健康的重視。這碗拉麵的蝦湯濃郁，讓人一口接一口，簡直讓人陶醉。搭配日式烤炸餃子和日本波子汽水的套餐，總共$110，性價比相當高，非常值得。朋友則選擇了吉列蝦叉燒濃蝦湯拉麵，這款拉麵是店內最受歡迎的選擇之一，價格$108。濃厚的蝦湯與吉列蝦的搭配，讓他不禁讚嘆，套餐內還有吉列牡蠣和冰底檸檬可樂，讓整餐更加豐富和清新。用心的料理與合理的價格讓我們的聚餐充滿驚喜，食物不僅僅是味道的享受，更是情感的寄託。當我們吃完後，還覺得意猶未盡，於是決定點了店內推薦的滋味分享盤，$78的價格讓我們品嚐到多樣的小食：吉列牡蠣、炸魷魚、吉列炸蝦、炸雞翼和炸雞軟骨，每一口都帶來不同的驚喜，讓我們的聚會更加圓滿。這次的聚餐，不僅讓我們重溫了過去的美好回憶，也在心中留下了深刻的印象。時間雖然流逝，但這份情誼與美味永遠不會改變。在這一餐中，我們感受到的不僅是美食的滿足，更是那份珍貴的友情。…Read More

🍜麵屋常勝 📍今次經過東廣場諗唔到食咩，就揀咁呢間拉麵啦🍜，望落係小店，好有返返去中學嘅回憶💭。🍴N9 - 吉列蝦叉燒濃蝦湯拉麵  $108估唔到咁有驚喜，嗰湯底飲落超濃蝦味🦐，而且吉列蝦炸到好脆🍤。🍴N7 - 人氣雞白湯叉燒拉麵  $88雞白湯同樣對比出邊嘅拉麵舖，一啲都唔輸蝕🐣，同樣地係好濃密同creamy，而且仲有三舊叉燒，最重要嘅係就算飲完成個湯都唔會頸渴。🍴S1 - 滋味分享盤 $78呢個拼盤好豐富，有吉列蝦、炸魷魚🦑、吉列牡蠣🦪、炸雞軟骨同埋芝麻手羽，啱晒選擇困難症嘅人士👍🏻📍 麵屋常勝 (觀塘)觀塘成業街7號東廣場地下G52-53號舖 …Read More