麥香田Bakery (Closed)

好耐冇返工喇～今日恢復正常返工坐車嘅方向啱經過哩間麵包店，諗著試下，就入去買兩個麵包聽日當早餐（聽日就唔洗急急腳去買早餐）點知，今日一打開，就見到麵包中間發毛，睇吓日期又冇過期喎，冇過期嘅麵包都會發毛冇下次👋

呢排超大熱嘅麻糬波波知道好多人都想去銅鑼灣嗰間買但要排成個鐘諗起都累所以呢排見愈來愈多foodie 發掘緊啲平替品唔洗排隊又平嘅麻糬波波，呢日都咁岩見到間，有拳頭咁大個嘅麻糬波波呀仲要係脹卜卜唔係扁晒頹頹哋嗰種仲要係＄5個，$12/3個，即刻雙眼發光，夾咗3個黎試試日式麻糬波 ＄5外面係屬旅菠蘿皮嗰種脆脆地但搣開入面嘅話空氣感較強此較空心另外口感偏韌唔係煙韌衫但呢個價錢係抵食嘅同埋加咗芝麻真係幾香，味道唔錯岩燒蜂蜜蛋糕 ＄9同場加映岩岩新鮮出爐嘅蜂蜜蛋糕摸上手仲係熱辣辣香噴噴一路拎著一路聞到真係口水直流街而且＄9黎講算幾大個，面頭有層脆脆哋燒過嘅焦糖幾香但整體甜度偏低，蜂蜜味唔太突出，但蛋糕幾濕潤柔軟唔會乾，而且有蛋香，整體唔錯嘅

今天去買個芝士長包 ……要求店員攞膠袋裝點知個膠袋長度短，個包外露我要求店員幫我換個膠袋，但店員要收取五毫子膠袋費，如果唔畀就冇得換， 佢話咁咪將個芝士包屈斷佢囉，跟住佢冇我同意就將個包屈斷態度超差 ……冇良心的店舖

第一次是剛經過見到幾特別買來試，試過後真的幾好味，性價比很高所以今次經過都去再買來吃。岩燒蜂蜜蛋糕的岩燒面是脆脆地，小小鹹的，配上蜂蜜蛋糕很夾很特別，蛋糕軟熟有蛋味。合桃提子包 合桃麵包是每間鋪頭的必試項目，麺包很香有麥味，帶小小甜，不會像吃空氣咁。

今日去政府合處攪文件，岩岩3點3，諗住買啲租甜品番去同同事一齊嘆下，一入店舖睇左一陣，睇到啲蛋糕唔太新鮮，啫喱雪到乾晒，仲要14蚊件，26蚊2件，所以放棄左， 再行入小小， 見到有啲蛋撻，個樣好似ok，所以決定買蛋撻，跟住就行入去收銀處話要4件蛋撻，收銀員態度都唔太好，但無理照比錢買完走，因為趕住番公司交文件，點知返到公司一打開，4個蛋撻有3個都爛既。攪到我勁唔好意思請啲爛蛋撻比同事食。好彩同事無介意，但整個蛋撻只有甜味，無蛋味， 酥皮完全唔掂，又實又硬。服務味道唔好，又比埋啲蛋撻客人，這間舖店一定無下次。

沒有椰絲的港式芒果糯米糍，終於給我找到你了！😭🥭 芒果糯米糍 - HK$5/件 大大粒糯米糍雪得冰冰涼涼，口感煙韌有彈性。外皮混合芒果香精，雖然人工了點但芒果的香氣更濃；芒果餡也給得很大方。整體比一般港式麵包店的優秀 👍🏻營養估值：每粒約93Kcal評分（5分為滿）：🐼🐼🐼🐼🐼本來沒有打算吃，但難以得經過，還是忍不住手。結果完全沒有令我失望，不過吃芒果還得看時節，今次的芒果肉略嫌有點偏酸，但絕對有下次 😋📍 麥香田Bakery 🇭🇰地址：深水埗長沙灣道263-267號鴻益大廈地下B舖

真心。蛋糕真係靚。落訂過程亦非常好。介紹及價錢都一清二楚。第二次來落單。新出左星球蛋糕。立刻吾洗講訂個返去試。。面包都是不錯的。波羅包同埋芝士條係本人推介的。佢既麻糬簡直係次次都買吾到。次次都賣晒。芝士撻買六送一。老婆餅又係同價可以混搭買 抵到爆呀簡直。至於服務方面。我個人覺得。來得深水埗 當然吾好覺得自已俾十令廿蚊就當自已係大帝咁既服務啦 所以我吾明。見到之前個d批評,我真心覺得。一分錢一分貨的。十一蚊三個既包 吾好覺得有一舊水一個既味道。本人覺得。服務係良好既,因為我吾會成日將一蚊當一億咁洗法。試過去街市買人地都吾會問我分開定裝埋囉。只會一個袋同我隊埋。再好自覺分裝自已吾好會令袋。小店經營不同大集團。總結。食物。服務都係ok既。

第一次，放工經過，見到未關店，店舖也很漂亮，就進去買包，見到收銀隔離有得買曲奇餅，但係啲曲奇餅冇寫清楚味道，然後我問這個是否咖啡味，員工答，個個唔係咖啡味，完。(態度就係唔想你買咁) 第二次，買麵包，明明是他計錯數，還說是我講得不清楚。態度極惡劣。以後我寧願行多幾步，去別間，也不會幫襯。簡直是俾錢買難受😣。其實態度咁差，咁唔想做不如唔好做啦。麵包味道也不錯，環境也不錯，地點也非常方便，就是態度問題。

呢間麵包店員工態度極度差劣！事緣今日我去到深水埗呢間麵包店買麵包，但疫情期間見到呢間野d麵包不用獨立膠袋包住,而且d麵包盤又個個都掂過，不太衛生，所以想拎個膠袋入住個包，行到收銀櫃檯，個收銀員工行開左，於是我自己就拎左個膠袋去夾麵包，臨比錢就同個員工講要多兩個焦糖燉蛋，點知個員工走黎話：小姐，呢個膠袋用黎裝3個麵包，你就拎左黎裝一個包，態度極差劣。於是我就同佢理論話佢無禮貌，跟住夾返低個飽唔要，點知佢反駁我話：你夠無禮貌啦，不問自取。宜家夾左又唔要。完全唔覺得自己態度有問題🙄呢間野癡線，疫情時期一d衛生常識都無，麵包無野入住，個客要拎個袋都咁多野講，追債咁！我一怒之下放返低1蚊當我買左個膠袋之後走左，今時今日咁既服務態度真係完全唔掂！雖然一個飽唔係值幾多錢，但佢又有咩資格鬧個消費者？上網睇返，原來有唔少客都比呢間野既員工用過差劣既態度對待過，真係差到爆！

$8/1馬卡龍，仲買五送一！去到嘅時候麵包舖差唔多關門，所以吾清楚係本身咁平定係特價🙈馬卡龍合格！有脆脆的外皮（質感比較薄弱），唔太甜叫咗開心果，士多啤梨，檸檬有酸酸嘅果醬係中間調味 🙎🏻‍♀️:間唔中想食下馬卡龍絕對係超值

昨天經過深水埗，到了這一間麥香田買了一個10圓中型的麵包，到了結賬的時候收銀的員工經要求下只給了一個小型的膠袋，當和她理論時她竟說買這種包就給這種袋，跟着就索性走開。這種工作的態度真是要不得，如這員工繼續如此的態度，真替老闆耽心。

本人於20/12到舖訂制生日蛋糕為好友慶生，到23/12取貨日，進店時售餅員只玩手機，我給她收據出貨，然後她沒有任何不好意思及淡然地說:師傅冇做，原因太多order!不是吧？這是甚麼答案？錢識收，但冇貨俾？是否x店？各位朋友如要訂購，可能要接受這風險!

馬路邊無端端新開了一家麵包店，進去看看有甚麽新知。看到店內有不少奇形怪狀的蛋糕，🤔而且麵包的種類也不小，有些也不是在市面上容易見到的。這個菠蘿皮麵包蛋糕，雖然夠大個夠飽，但是質地來說，麵包偏乾，😖外皮又容易剝落。內裏蛋糕質地就更加乾，吸盡口水，難以下嚥。蛋撻架上看來甚精神，於是又加了乙個，怎料到蛋撻，味道不香，外皮不太脆，蛋味又不夠香，不算太出色的。這家麥香田虛有其表，味道沒有甚麽特別，不值得再去的。

今天到深水埗買電子產品後，途經長沙灣道163B鋪的一所麵包和餅店。門外玻璃櫃內的蛋糕非常精緻和特別，被它吸引了。我於是進入了鋪內，看見林林種種的麵包，便打算買少少麵包試試。我選了芝味腸仔包和紫薯包。付錢時，看見那裡的玻璃櫃內的蛋撻、小蛋糕和雞肶都好吸引。最後又買了兩個好久已沒吃的雞肶。芝味腸仔飽回到家中已扁了一些，味道還是過得去。紫薯飽的顏色帶微紫，非常漂亮。吃起來麵包亦算軟，飽內的紫薯是搗成泥的，味道小甜。雞批賣相不錯，但吃起來沒什麼特別。批內的饀有磨菇和雞肉，但是雞肉較實，惹味洋蔥欠奉！但只是八元一個雞批，尚算可以。