McDonald's (Closed)

呢個新餐叫脆雞巨無霸餐都幾好味，佢類似巨無霸餐但換上了兩片雞肉代替牛肉，白汁加上生菜絲，芝士同青瓜，咬起身不亁身，几好味。呢個餐原價$40，而家只係$33，仲送「季前賽藍神卡」。好抵食！！…Read More

識揀一定係豬柳漢堡餐貪佢夠平 $27就搞掂 仲要有個蛋豬柳蛋漢堡今次個豬柳蛋漢堡快包好硬 唔夠鬆軟同埋成個包都唔夠熱 好似擺咗好耐咁薯條薯條炸得好食香脆內軟都幾好食同埋夠熱…Read More

麥當勞蝦堡系列回歸，我便要嚐我至愛的滋味蝦堡套餐。今天我加了八元將套餐升級，便有大大杯的柚子梳打和Shake Shake 大薯條了，真是豐富。～滋味蝦堡套餐蝦堡外脆內軟，口感極佳。蝦堡外的粉槳不算厚，兆常脆口；內裏吃到原隻爽口小蝦，蝦餅彈牙，味道適中。蝦堡夾在軟包內，再加入了新鮮爽脆生菜和惹味沙律醬，吃起來味道屢次多元化，非常滋味。～柚子梳打柚子梳打清涼解渴，感覺飲的是有氣梳打水加入了雜果，甜甜的雜果為這杯飲品加添了彩蛋。～Shake Shake 薯條🍟Shake Shake 薯條為平常的薯條加入了玩意而且又增添了不同的味道，但個人喜愛的還是傳統的方法配茄汁來吃。…Read More

最近都經常叫麥當勞嘅咖啡飲，唔知點解最近嘅嗰日都好需要咖啡。一日飲兩三杯都可以keep住眼瞓。今日又返早啦。真係好需要一杯咖啡提提神。平時飲開Americano。今日想有府中一點甜，於是乎點左杯latte。我自己略嫌呢杯拿鐵奶比較多。可能平時飲開americano，所以呢杯latte對我來講係有啲甜同埋太多奶。因為我用自助點餐機嘅關係，所以就冇得叫佢少甜少奶。等我下次試吓喺counter request少甜少奶會唔會好飲啲呢。…Read More

人愈大，愈離唔開咖啡奶茶呢類提神飲品。咖啡同奶茶之間我會選擇咖啡。而係咖啡之中，我亦會選擇飲美式咖啡。相對上無咁多糖份好似健康啲。今日點左 ice americano中杯。$23。相比起平時飲7-11 cafe會貴左少少。但飲落真係有分別。咖啡香味濃而不澀。咖啡香係口腔入面回甘。冰粒亦都唔算好多，唔會沖淡左咖啡本身嘅香濃。而且由點單到拎到杯咖啡係手。只係短短幾分鐘唔洗。對繁忙而又需要提神嘅都市人嚟講。絕對係一個方便快捷嘅選擇。…Read More

等候時間比較耐嘅一間麥當勞🍔通常嗌嘢之後，要等10分鐘以上先有🥴 就算眼見前面得五個人都好，都要等比較耐🫣 所以我超級建議你係McDonald’s app落定單，大約10分鐘嚟拎prefect 💓 因為lunch time都多人得比較誇張😂 搵個位企都有啲尷尬嘅感覺😂不過呢度的而且確係比起禾輋嗰間乾淨好多，同埋啲奶茶都好飲好多😂 不過價錢都唔同㗎‼️例如呢嗰煙肉蛋漢堡套餐，你禾輋買係$30，但係呢度買係$32😂 不過其實都係睇邊度方便，唔係會好理價錢🤭 …Read More

以為食M記通常都淨係簡超值套餐，因為夠曬平靚正，但自從出左磨菇安格斯之後就一試返唔到轉頭！原先我就好中意食蘑菇同牛，一知道出左一個超岩自己口味嘅包硬係立即去試食啦！首先個包並沒有照騙,呢樣野已經好重要，包皮都特別啲同好食啲，牛肉都好夠厚，而且蘑菇份量多又好食再加埋自家嘅牛肉汁，真係超夾超好食，所以有左呢個包之後我就冇再食過其他餐了😂…Read More

優惠日$20九件麥樂雞加飲品真係好抵好抵好抵😂 不過我都冇做暗黑料理😂 咕嚕麥樂雞😂😂 星期四嘅煎蛋安格斯連飲品都好好食😋 都只係$29，仲有兩個星期可以叫🥰仲有籃球卡🥰…Read More

途經過麥當勞，又被其邪惡美食所吸引。二話不說，又帶了外賣回家慢慢嘆。～Double芝士安格斯雙層芝士安格斯給人極豐富的感覺，芝士香再加上啖啖充溢著肉汁的免治牛肉，再加上酸青瓜、鮮番茄和洋蔥，真教人滿足。～麥樂雞 （6件）炸得金黃色的麥樂雞賣相不錯，吃起來尚算酥脆。沾上調味粉來炸的雞肉，味道適中。沾上醬汁來吃的話，味道變得濃起來。啖啖肉，不用吐骨，令人大快朵頤。各套餐內還配有薯條🍟和汽水🥤。雖然炸物和汽水有點不健康，但已令人極其滿足。…Read More

話說m就最近成日係佢個app到推優惠。繼$1杯奶茶同$10兩個豬柳蛋漢堡之後。又有一個優惠非常吸睛。就係免費魚柳包喇。有啲咁着數嘅事，作為一個精明嘅消費者。我當然要了解吓啦。除此之外，我唔係淨係食魚柳包嘅，另外單點左一個沙律。先講個魚柳包啦，因為我係晏晝買，但打算要來做晚餐嘅。咁所以我自己叮翻熱嚟食。魚柳包味道正常，但略嫌沙律醬少咗啲。冇咩特別。另外我叫咗一個沙律。雖然沙律望落去嘅份量好似好少。但唔知係咩關係好似都食咗幾耐。同埋份量都算合理。但係以$30嘅價錢來講。可以再做得好啲。…Read More

經過麥當勞見佢出咗新飲品～～～沖繩黑糖珍珠奶茶～～～黑糖珍珠奶茶就飲得多，但來自沖繩嘅就真係第一次見，唔知會唔會有陣海水味呢？😄😄第一啖飲落只覺得好甜，係甜得黎好差，有種死甜嘅感覺🙁🙁珍珠有少少黑糖味，屬於硬身啲有趙口嘅，可惜我鍾意比較軟身嘅珍珠☹️☹️茶味方面都係好淡，奶味又麻麻地，仲有唔知係咪隻茶葉嘅特色，每飲完一啖都會有少少回酸味，唔知係咪正常，但我唔鐘意囉🤢🤢最後莫講話沖繩，連一杯正常嘅黑糖珍珠奶茶嘅資格都冇🥵🥵…Read More

麥當勞app都其實不錯，不時提供各款優惠。我頂他個肺，因為廣告不斷在推廣蜜糖麥炸雞，以手機應用程式亦都有優惠，由40多元，減到$38一個餐，之前吃過兩三次麥炸雞，都覺得質素甚佳，而且各間麥當勞的水準都一致，豈料這次試試蜜糖炸雞，相當失望。亦都是一個餐兩件雞加薯條加飲品，點了這個餐外賣。一開，發現內裏的雞，相當之乾，沒有什麼肉汁，雞腿那一件已經算是比較好，有雞皮，內裏還保留少許肉汁；另一件雞皮都好像脫落了，內裏亦沒有什麼肉汁，吃落是非常之乾旱的，又乾又柴，跟KFC可以媲美。明明這間麥當勞都有不少人在等外賣，但是薯條好像回了氣一般，沒有油份、沒有色水，而且回了氣，溫度都不夠熱，真是難以令人理解。…Read More

麥樂雞由細食到大，最特別係今次出咗新醬18件麥樂雞跟咗四個醬星加坡咖喱韓國辣醬檸檬蛋黃醬蜜糖芥茉醬不嬲食開蜜糖芥茉醬都冇死，但今次真係好有驚喜個檸檬蛋黃醬好Rich，夠晒好味，清新得來又好似乳酪咁正，爆冷跑出…Read More

途經麥當勞，看見宣傳單張上的海老系列，頓時被它吸引。二話不說，便進店買一個試試。選了$34滋味蝦堡套餐，包括了一個包、中薯條一客🍟和一個飲品。最後我還是加了$3將汽水🥤換了一杯蜂蜜雪梨🍐茶。蝦堡的麵包沒什麼特別，但尚算鬆軟。包內的吉列蝦餅外脆內軟，除用上蝦膠外，還有蝦肉，非常爽口。蝦餅遇上爽脆的生菜和甜甜酸酸的千島醬，配合出來的味道和口感也很討人。中薯條份量不少，品質一般。習慣了沾上酸酸甜甜的茄醬來吃，提升味道。蜂蜜雪梨茶是汽水以外的好選擇，清甜可口。平常不吃漢堡包🍔的我，終於找到豬柳蛋漢堡和魚柳包以外的選擇了！…Read More

麥記又出新雪糕🍦朱古力脆皮草莓大窩夫筒，賣相不錯，$13一杯好抵食，但可惜朱古力脆皮唔夠多，雪糕嘅士多啤梨🍓味好怪，唔係天然士多啤梨味，有少少似士多啤梨牙膏嘅味道🙄食咗幾啖已經唔想食放棄咗，再試吓個窩夫筒，冇乜士多啤梨味，而且唔夠脆，有少少硬，同麥記之前出嘅雪糕比今次係最難食嘅身為雪糕控，今次係我唯一一次冇食晒就放棄嘅雪糕🙈…Read More