麥理浩夫人渡假村餐廳

Open Now

Now Closed

終於有得去宿營啦，印象中小時候去宿營，營餐都係非常之唔好食，今次帶着爸爸媽媽，仲有姨甥女咁多人一齊去宿營，都有些擔心大家去食唔慣。我哋叫呢一個早餐為清心寡欲餐，因為最少要訂三人份量，所以唯有定三人。前一晚我哋仲幻想會有通心粉，麵包等等。當我哋真係見到呢一份白雪雪嘅早餐嘅時候，都真係有種清心寡欲嘅感覺。而最神奇就係老媽子非常滿意呢個早餐，因為白粥夠清，米粉對於我來講係無味，對於老媽子來講就係唔咸，可以清吓腸胃，佢係非常之欣賞，估佢唔到。重點就係其實成個宿營都玩得好開心，所以食咩都不太重要❗️

要同啲朋友去麥理浩夫人渡假村去camp， 當然唔少得番薯片汽水嘅夜晚食量啦。 但係點都要食返幾餐正餐， 幾時就要喺入面嘅餐廳度解決啦。 campsite嘅餐廳當然就會好食㗎喇， 不過呢間嘢都算係咁， 起碼乾淨大份， 食得飽個湯都ok。 最緊要係食完之後可以喺隔離買下雪糕咁。 啲雪糕同埋汽水都係貴過出面少少唔太過份。 至於性差啲食物呢就當然唔好有咁高期望啦， 但起碼係有味嘅， 意想唔到嘅係早餐個南瓜粥又整得幾好食， 食兩三餐就唔緊要啦。

個幾月前book咗麥理浩夫人渡假村, 想係靚仔既生日週末過下二人世界😳今次係我哋第二次喺出面過夜😆 原來今次係靚仔第一次嚟呢度! 等我帶你一齊尋找我嘅童年回憶啦😊 💑喺我哋check-in咗之後喺間房休息，miss咗一節活動時間，靚仔話好耐冇試過好似今日勞動咁多腳仔都軟~ 到第二節活動時間先至落去，玩咗羽毛球桌球壁球, 玩到6點已經超級肚餓喇! 剛好係晚飯時間，餐廳太多人，我哋決定打包嘢食返房自己撐枱腳。入營之前一星期就要訂好餐， 過埋數入中銀先得，係幾麻煩。 記得順發食品餐廳打電話嚟果刻，我仲同緊靚仔係黃石wild camping 緊, 幾驚佢聽到我訂嘢食穿煲😰 我好叻咁，估中同訂咗靚仔最鍾意食嘢嗰兩樣, 就係咖哩雞同埋豉椒蒸排骨😊 兩個餐都幾多餸同煮得幾好，見到比起人地食一圍營餐既睇黎好食得多：）不過入營既野食，始終都係唔可以太挑剔。個餐仲包埋野飲添，可以幫靚仔維生~ 食完靚仔話唔係好飽，好彩我預備左靚仔最愛既生日蛋糕，佢一口氣就食左大半個：0） 滿足啦~！之後抱住BBs射箭玩乒乓波再借埋波子棋返房玩❤ 好，非常好，我既計劃一直好順利咁暗地裡進行緊 😇😈 要係靚仔以為所有生日嘅慶祝

細細個去麥理浩既時候好鍾意佢D早餐，阿華田、蛋、腸等等，但今次去到就得返D粥，未去之前就覺得麥理浩會好食過之前去過既鯉魚門渡假村，但而家兩個已經一模一樣咁...而午餐就更加唔洗講，永遠都係果幾味。我地最後無食到佢地Ｄ晚餐，就揀左幾Set燒烤算，我諗BBQ一家無死掛？雖然款就少左Ｄ，起碼唔會難食，不過其實佢燒烤都唔錯，起碼俾漏左野我地之後，會俾多一Set我地當補償，呢個係我都覺得「算係咁啦」既地方。如果想去麥理浩夫人渡假村話食好野既，你都係諗下好啦～黎呢度就玩下繩網、射箭算啦！

營地飯堂，食物款式由營辦商預設，份量少味道差已經預左，不過想不到還會有「驚喜」：單從表面看，這一壺灰白色的液體應該是湯，但當時是早上八點的早餐時間，一大早飲湯又不太合理。眾人起疑，用大湯勺強行由大壺的底部撈起，結果撈起零碎米花。倒在碗內，一個湯匙大概可以撈到起兩粒楚楚可憐的米碎；每隔三兩匙，好彩的話可以再撈多半粒粟米同一粒肉碎，以證明它真的真身不是湯，而是「粟米肉碎粥」，米和水的比例應該是1:99。將一羹灰白色液體和兩粒米花放進口，出奇地有鹹味和淡淡的米水味，是飢民可以勉強下嚥的品質。好吧，就當是粟米肉碎米湯吧，那麼還有甚麼其他東西可以果腹呢？這就是一檯十人的全部早餐，盛惠$160(每人$16)。註：魚蓉燒賣上的豉油，是要自己主動去收銀處向職員索取才會有，本身上檯時是乾掙掙的，而食堂職員也不認為這些魚蓉燒賣是需要加豉油...

飯餐啲餸難食預咗，但冇理由份量咁少。13個人，每個$29，大小同價，真係離晒大譜。我太天真以為五香肉丁蛋麵冇可能會出事，最多個麵淋啲⋯⋯好耐未試過難食到吞唔落。肉臭，麵滑潺潺，淋pat pat湯底只有鹽的勁喊味。檸茶得半杯服務態度差。

嚟到呢個杳無人煙嘅地方，想食熱食都真係冇乜選擇，唔幫襯佢個飯堂就只能夠捱杯麵喇。喺呢個大前提之下我哋當然乖乖哋放低幾十蚊喺度食晚餐啦。原先以為要搭枱，不過原來每個入營嘅單位都有自己嘅枱，食物份量就按人數分配，咁嘅安排都唔錯喎。去到自己張枱坐底，見到啲餸都係最typical 嘅飯堂食物——蒸水蛋、咖哩魚蛋、雞同埋菜。由於冇任何期望嘅關係，所以雖然見到個賣相唔係好得，但我都冇乜失望嘅感覺。之不過食咗第一啖餸之後就覺得距離我已經低無可低嘅expectation 都仲係有少少落差，皆因所有餸都係凍嘅——直情係有冰凍嘅感覺。究其原因，都係冷氣太勁加上啲餸太早上枱再加埋冇蓋冚住。須知道我幫襯佢嘅原因就係想晚餐有啲熱嘢食，咁你畀啲凍嘅餸我，點解我唔番房食熱辣辣嘅杯麵？不過話說回來，就食物嘅味道嚟講其實都唔算差，畢竟全部都係低難度菜式，咁都唔掂嘅話真係要畀兩個喊口佢。最後講吓每個camp site 飯堂嘅鎮店之寶——紫菜湯。又係另一個失望，小弟真係從來冇飲過咁淡嘅紫菜湯。雖然食物質素強差人意，但我哋都清咗枱，因為佢嘅份量實在少得可憐，加上又冇其他餐廳選擇，為免半夜三點餓醒就唯有乖乖地食晒佢 -_-

此飯堂為荃灣荃錦公路曹公潭戶外康樂中心餐廳!為了工作, 必須在渡假營借宿一宵, 吃盡三餐, 每餐也是 $18! 講真....真的難以期望會有好野食, 十人一圍真的要加餸...!早餐 : 腸仔, 薯餅, 牛油方包, 通粉, 華田....只吃了方包....甚硬!午餐 : 五碟菜 另加 炒飯, 麵, 烏冬, 例湯, 白飯任裝, 由於要工作, 各人也快快完成枱上所有食物!晚餐 : 五碟菜 後加三碟菜, 例湯, 白飯任裝, 多肉少菜, 多以酸甜菜式, 令原有食材之味道減少, 也讓各人胃口大開!其他如飲品...熱飲幾平, 甜品則不宜選購!R24

小學的畢業營，目的地係麥理浩夫人渡假村，ｄ野食真係好難食，依稀記得一ｄ經典食物早餐：乾蒸火腿：唔掂，好難食乾蒸急凍叉燒飽：硬到可以掟死狗白麵包:肯定係隔夜(因為我見住佢地pack)火腿通通粉好似浸過成晚午餐：蒸水旦：好老!炸雞翼：仲衰過kfc炒什菜:好油晚餐：湯：話就話係老火湯，一飲就ｇ係味精飯：乾到死如果你要去麥理浩夫人渡假村，請自備食物

去了3日2夜 camp，明知那裡既食物只能作飽腹之用，所以都只係o係canteen食了午餐晚餐各一，以及一次bbq。入營第一餐就是由canteen提供食物既bbq。由於大家既食量都難以估計，所以我同另一個負責人寧願訂少d食物，唔夠食既再去canteen，總好過浪費野食。點知一去到d食物真係少到嚇親人。魚蛋縮水到只有大約1cm直徑；雞扒只有一般女生手掌既2/3；蜜糖是勁少且稀既蜜糖水......第二餐已是第二日既午餐。每席5送1湯。湯是冬瓜湯，味道不錯，亦沒有味精。飯是圓圓既珍珠米，當然品質不太好。5送，包括了蒸水蛋、白灼椰菜、甜酸豆腐、咖哩魚蛋蘿蔔豬皮，以及燴薯仔。每人19蚊一餐，早就預料菜式一般。不過，所有食物都是凍的，咖哩已經結埋一舊，椰菜煮完再過一過油搞到成碟都係油，水蛋蒸既時間耐左少少，豆腐聞落有縮味，所以不太滿意。最後的就是第二日既晚餐。由於沒有預訂，所以只能吃當日餐牌上既食物。同朋友share了鹽焗雞套餐。鹽焗雞嚼而無味，菜心老到似咬蔗。三餐總共要100蚊左右。夠平，但難食。

味道：1. 我們上次是一大班朋友去，吃的是家常便飯。2. 雖然不能與什麼的美食相比，但吃得出廚師的用心。環境：1. 一個大飯堂，有數十張桌，即使學校畢業營都能夠應付。2. 設有室外座位。3. 早上可以看到室外的樹木，也可以看電視。服務：1. 服務員算有禮，笑口迎人。2. 當開飯時間到，但人未到，他們會使用保溫壺幫我們保溫食物。