Lai Heung Yuen Cafe (Wah Ming Shopping Centre) (Closed)

🍔食物質素：👍🏻👍🏻👍🏻💵價錢性價：👍🏻👍🏻👍🏻📸打卡指數：👍🏻🪑環境衛生：  👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻華明邨的屋邨商場開左間麗香園冰室，餐廳裝潢以藍綠色為主色，睇黎幾colorful。麗香園冰室可以用二維碼點菜，也可以侍應下單。因為麗香園冰室始終都係連鎖店，食物都比較大路。炸雞翼配迷你西多士 (下午茶)  ( $32 )西多士比較薄，但炸得香，大舊就一定好正。雞翼的雞翼尖炸到好乾，fai直接放棄左，其他雞中翼and 雞鎚都唔錯。抺茶豆腐花特飲 ( 特飲加$10 )因為下午茶餐$30幾蚊，所以忍唔住加左錢飲特飲，抺茶豆腐花特飲反而係依餐最出名，無諗過抺茶同豆腐花係咁夾，而且出面茶餐廳都好少有依個配搭。魚香茄子飯  (下午茶)  ( $42 )份量一啲都唔似茶餐，份量好多，魚肉同茄子有種好似混唔埋，有啲似獨立煮出黎咁。唔計依樣，其實魚肉炒得好香，茄子都好淋，汁都好多撈飲一流。…Read More

呢間喺公司附近，放lunch就去食下，當日非常肚餓，決定試吓佢嘅海南雞飯。油飯非常香唔會有太油嘅感覺，海南雞啖啖肉，配合不同醬料食，真係好滋味🤗🤗平時食量咁小嘅我，居然食晒成碟海南雞飯，就知真係好好味。…Read More

一行三人，星期五晚嚟咗呢度食飯。見到牛扒好似幾吸引咁就嗌左。呢度係用QR code落單，老人家唔多識用，既然你咁多Staff不如搵條友幫我落仲好啦。想叫碟菜但係通知左冇菜，試唔到。羅宋湯：我飲過最難飲既羅宋湯，味道又酸又鹹，酸同喊完全唔夾，但係值得一讚嘅係湯渣好足，所以淨係食湯渣，走湯。牛扒：個賣相係唔錯，倒黑椒汁嗰時，發現啲汁係好濃好傑，完全散唔到落塊鐵板，但係味道係OK嘅。跟住塊扒係切唔開嘅，因為中間有好大條筋，佢俾我哋用嗰把刀係用嚟切火腿，都唔係用嚟切扒埋單309，我哋都唔會再食了…Read More

有時煮飯煮到悶悶地，唔知食咩好，我地就會落樓下食晚飯，我地今日去左麗香園冰室食晚飯。餐牌多元化，有小菜、泡飯、秘製咖喱、焗飯、炒粉、炒飯、沙律、小食、鐵板餐，好多選擇。好耐冇食鐵板餐啦，我地點了兩個鐵板餐和兩款小食。鐵板海陸空配薯菜（蒜茸汁）鐵板可選燒汁、蒜茸汁、黑椒汁配飯/意粉/薯菜鐵板海陸空有雞全翼、魚柳和豬扒，魚柳好厚肉，豬扒夠大塊，最緊要夠淋夠入味，雞全翼炸得好香口，另外薯條新鮮熱辣辣炸起。鐵板美式雜扒配薯菜（黑椒汁）好豐富，有煙肉、腸仔、牛扒、雞扒、豬扒，扒類都好大塊又厚身，牛扒約7成熟，軟腍不柴口，雞扒入味嫩滑，我幾鍾意佢既黑椒汁，味道好濃郁，食到最後鐵板依然都仲係好熱。法蘭西多士西多士炸到金黃香脆，切開裡面軟綿綿、可吃到滿口豐富的花生醬餡，好邪惡。炸薯條都幾大份，新鮮熱辣辣炸起凍荷蘭唂咕點餐既時候可以簡濃D同淡D ，黎到杯飲品真係好濃哥喇竟然以到有得飲，可樂糖的味道紅豆冰有成一半紅豆，紅豆煮得夠軟，還不會過份甜。…Read More

最近，屋企附近開左間新冰室，今晚特登去試下，仲可以偷懶唔煮晚餐。我比較鐘意自取食水，因疫情關係減少客人及服務員的接觸，又可以除時添加水。用二維碼落單自己落單非常方便我叫左個黑松露秋葵炒蛋，黑松露分量非常多又香，適合素食人士。椒鹽豬扒，豬扒香脆可口，平時食可能食到肥脂肪，但碟啖啖都是肉。椒鹽碎都可香脆可以用來撈飯食。重慶四川口水雞有脾食，肉嫩，麻麻辣辣是夏天開胃菜色。厚切牛舌，肉淋，非常入味，入口即融感覺，配上咖哩汁”正”。手機落單仲可以選擇多或少飯，又可以加多汁。老火靚湯，有西洋菜煲豬肉，真材實料，西洋菜嫩。羅宋湯，用了多款蔬菜煲出來，味道濃厚，帶少少辣。凍檸檬咖啡，第一次飲，我個食都會飲返凍咖啡，不是唔好飲，只是我鍾情在於咖啡。凍西洋菜蜜夏日消暑飲料。叫左咁多款食物都是二百五十，仲可以留一盒飯餸第二日帶返公司食。…Read More

平時行過見到都算多街坊幫襯，親自嚟試下。叫左兩份鐵板餐，可以揀鐵板上或者碟上，後者食得比較企理，d薯條唔會係鐵板上乾煎，不過風味就一定爭少少。嗌左一份雞扒拼吉列魚……件魚大到呢，真係同poster果件一樣咁大勁。另跟碟意粉。另一份就嗌什扒，豬牛雞扒煙肉腸仔+薯菜。以上既都冇乜講食物質數點，因為價格與味道掛勾。餐湯羅宋湯都算幾夠味夠厚身，個黑椒汁就普普通通。我見到隔離枱點焗豬扒飯，粟米魚柳飯及小菜等等，都比附近既茶餐廳大份，飽肚之選。但係我個人推介，味道方面我覺得後面屋苑果間連鎖茶餐廳X龍味道同質數都比較好。…Read More

晚飯時間，與家人想食下小菜，但又唔想去酒樓。故去冰室食下。我地叫左個咕嚕肉（其實好似係生炒骨），另外有金磚豆腐，啫啫雞扒，四季豆。心諗應該係普通家常菜，食飽就算。誰知比想像中好。先講下個生炒骨，雖然唔係鑊氣野，但酸甜醬味道同濃度十分得宜。肉骨外脆內鮮，十分可口，餸飯一流。金磚豆腐亦十分精緻，外皮酥脆金黃，內心的豆腐白滑。給個good 佢👍四季豆就最令我驚喜，普通菜式但炒得好好味，應該係醬汁用得好，d豆亦較嫩。入口爽脆。街坊價，推介一試！…Read More

今晚屋企懶得煮飯，齊齊岀去食，家姐提議去呢間冰室食小菜，話呢度經濟抵食。餐廳裝潢以藍綠色為主調，感覺幾新穎幾醒目。menu都好colorful，分類清晰，方便選擇。我地點咗四個小菜，款款都幾唔錯。韭菜叉燒炒滑蛋蛋炒得好滑，唔錯。XO醬蝦球炒西蘭花🥦我最鍾意嘅一款，主要係個味道調得好好，惹味帶點微辣，好豐富嘅味道。蝦球同西蘭花都好爽口蜜桃中式牛柳酸酸甜甜味道啱啱好，牛柳夠腍，入哂味，份量都幾多，仲有大大幾片蜜桃🍑客家沙薑雞沙薑味香濃，沾滿每一件雞，雞好滑，好食喔！飲品就點咗熱檸水同冰鎮奶茶。奶茶好重奶香，但就甜咗少少，點返少甜應該會幾正。有個幾得意嘅地方，就係枱旁邊有得自助斟水，非常方便！…Read More

是夜又去咗華明村麗香園，鍾意這裡自己落單慢慢睇唔使急。🤣🥢晚市套餐牛脷牛扒飯$68奉送餐湯及飲品一杯 羅宋湯牛扒雖然薄切但有牛味有嚼頭，牛脷炆得軟稔入味。🥢牛肉蕃茄湯飯 $42夠清新湯底微微茄酸在夏天比較酸胃，牛肉軟稔滑溜，最怕食到太多鬆肉粉味，這裡恰好有口感。👍晚市套餐環境同衛生都是令我喜歡這裡原因，大量卡座有空間感舒適度自己提升喇！🤣…Read More

難得係一個舊屋邨商場有間裝修靚靚的餐廳!主題顏色令人感到好舒服，環境整潔我和友人各人點了鐵板扒餐鐵板餐超級足料每一件扒都非常有份量，非常豐富！可揀薯菜/飯/意粉薯菜都已經好夠飽，而且薯條炸得好好食!套餐包一杯飲品和餐湯!餐湯也是非常足料，內有很多蔬菜，羅宋湯味道剛好!另外，額外點多碟菜：金銀蛋時菜蛋和菜份量和比例適中！味道有住家飯感覺！PS: 飲品方面，餐廳有好多傳統冰室飲品，仲有老火湯！下次試下先！…Read More

約左係朋友屋企附近拎野，去到佢果區就梗係順便一齊食個lunch！😎因為疫情關係，餐廳唔可以坐得多人，我地3個等位都等左好耐🥺到有位既時候先知原來餐廳會提供QR code俾客人自助落單。 我地叫左2份海南雞餐同焗飯。可能餐廳新啦，所以裝修ok，職員服務態度都還可以，但係個餐就細份，男仔一定唔夠飽。海南雞餐係油飯，但冇諗到咁少雞既，餐就有前後有2碗湯；個焗飯呢就好似細過某大集團既份量。如果想要大份D,可以考慮叫佢lunch menu裏面既炒飯，幾大份下！…Read More

上星期去咗食粉嶺新開的冰室，呢間冰室之前係港島食過覺得幾好味，見到粉嶺排晒長龍都唔意外。見到好多人食海南雞飯，我都叫返個，60幾蚊有湯有野飲，都算合理。海南雞好香，雞肉真心嫩滑，食落去係無骨啖啖肉，岩晒我。另一半叫咗個雜扒配薯菜，有齊牛、豬、雞、煙肉、腸仔，真係好抵食。佢個黑椒蒜汁好香濃，特別要讚牛扒既唔韌又香口，吸收晒啲黑椒汁勁好味。豬扒同雞扒都好厚！最後叫咗啲蛋撻同雞批返去食，蛋撻真係無得頂，甜度適中唔會蓋過蛋香，有酥皮同牛油皮兩款都整得好香脆，我就更加鍾意酥皮嘅層次分明，一定要趁熱食呀！雞批就好大個，烘得好香口，涵料豐富，好抵食。…Read More

我成日都嚟粉嶺蘭芳園食lunch因為夠曬近又方便, 夠乾淨企理今日因為屋企停電就出嚟食晚餐, 估唔到晚餐好豐富仲要勁抵食我哋嗌咗個四人餐一圍老火湯已經熱辣辣遞咗上嚟欖菜肉鬆四季豆欖菜好香, 配埋肉鬆夾住四季豆啱啱好, 健康又惹味xo醬蝦球炒西蘭花蝦球好大隻, xo醬好惹味, 連我個女都不停食新鮮菠蘿咕嚕肉呢個係爸爸嘅指定菜式, 因為之前下午試過佢嘅咕嚕肉係好有水準, 夜晚都一樣, 滋味啖啖肉地道霸王雞例牌都係大大碟, 隻雞好入味好滑最後要讚下佢個紅豆冰, 其實係紅豆蓉比較多好易入口, 有沙沙地嘅感覺奶茶都係好滑, 茶味好香凍檸水就係畀我個女嘅, 鍾意佢甜度啱啱好唔會太甜, 小朋友都可以放心飲 …Read More

有朋友推介呢度嘅炸雞髀，所以諗住嚟試一試，點知五點嚟佢已經賣晒😭睇嚟應該真係好出色咁我哋唯有試吓佢嘅蔥油雞扒飯，佢嘅雞肉好嫩滑，雞皮好香脆，如果蔥油可以再多啲應該仲正！另外我哋叫咗佢嘅鐵板西冷， $98來講真係平靚正！佢嘅賣相加上鐵板嘅咋咋聲，吸引到隔離枱嘅叔叔專登走過來問我可唔可以俾佢影張相😂佢塊牛好大塊好juicy，有牛香味！跟住要講吓佢嘅菠蘿油，牛油薄薄一片，減低邪惡感，但個包係好新鮮，麵包夠軟熟，個皮夠脆。最後我哋仲決定叫兩個小菜返屋企加送，一個係咕嚕肉，令一個椒鹽豬扒， $62一個，雖然唔算平，但即叫即整， 12分鐘就拎到。每款偷食一舊，咕嚕肉夠酸夠甜夠脆，椒鹽豬扒亦都好有鑊氣，滿足！…Read More

新店總會是近期飯堂，正所謂近水樓台，更何況座位舒服，乾淨企理，服務態度又好已足夠理由。睇完一輪餐牌決定食個焗飯。🍴鮮茄焗豬扒飯😋通常焗飯都會比較油膩，因為肉類油脂總會浸透飯底，這裡做得非常好，合我要求係一個食得健康嘅豬扒飯，厚切豬豬原汁原味，肉質滑溜不韌，黏口油潤又沒有肥膩感覺，鮮茄酸甜有序，芝士份量會比較小，沒有平日食焗豬扒飯個份拉絲感覺。整體來講比較適合又要怕肥又想食焗飯的我，因其飯底只是略微加蛋液輕炒，故油份同炒香味覺會較少，不過就是啱我。🤣手機落單一清二楚。…Read More