麗都讌客 (Closed)

今晚, 我與男友及其家人選擇了這家酒樓晚膳，由於我們九時後才到，所以我們可以點廿八元一款的特價宵夜菜式，真係非常抵食。我們點了瑤柱焗雞、馬拉盞肉碎茄子煲、涼瓜炆頭腩、炆豬手等等，當中的小菜非常夠獲氣，正！ 入正題先，其實我打這篇食評是因為我男友送給我的介指遺留在酒樓的桌上，正正這件事令我體驗到酒樓對客人的幫忙。 食過晚飯後，我們駕車離開了十分鐘，大頭蝦的我方發現晚膳中途脫下的介指遺留在飯桌上，於是我和男友急急返回酒樓，當時的侍應也有幫忙詢問尋找，但都並未有發現。正當失望而回之際，有把男人的聲音傳出：「唔見左野？入去入面搵啦（指住後樓梯），一齊幫手搵啦。」於是男友和我跟隨經理及另外兩名侍應一同走到後樓梯，其中有個戴眼鏡的年輕人很努力地翻開一張又一張的污穢枱布，由宵夜到晚飯，直至發現下午茶的枱布，但都沒有發現介指的蹤影，前後弄了十多分鐘左右，相信要作最後打算，於是我留下聯絡電話比羅經理, 希望有機會尋回介指的話可通知我。由於介指是男友送的禮物，他非常不高興，我們只好無奈地離開。 幸好，不夠兩分鐘酒樓致電給我，通知已尋回介指，我要感謝當初給機會我們到後樓梯尋找介指的莊店長、戴眼鏡努

5月7日 mother's day的前一日.預早慶祝...對上一次光顧麗都讌客是在農曆新年.由於上次食完,眾親友對這間的食物水準都讚不絕口(雖然貴了點)所以,今日慶祝mother's day 都黎左呢間....10點去hold 位...第一印象 .服務質素極差.人手不足?最低工資?行去櫃檯拎位...等左一陣,唔見有人帶我地入去..於是,自己入去搵....由中間行到左手邊盡頭,問啡色衫侍應,佢指我地行去右手邊前面.跟著指示前行,再問啡色衫侍應. 點知......佢又指番我去左手邊盡頭叫呢位侍應帶位,點知佢叫我地自己去搵,再三要求下,先帶我地去.(火都開始黎)去到"我地張枱",點知有3個人已經係到開餐. (真係勁無奈,搵左咁耐,好似俾人玩咁)個侍應仲要我地自己去櫃檯問番個位小姐....= =死死地去.....出番去.....個小組寫過拎一張枱俾我地,但一句sorry 都冇...(未開餐...就已經一肚火)不合理地貴望見張點心紙, 仲火, 又感無奈.一心打算..早點到,可能仲有點早市優惠,點知.......點心紙寫住.....早上7:00-9:30 早市(睇到呢到,心諗:可能好平的點心冇左好

今日(9-2-2011 Wed)年初七公司開市,一輪拜神儀式,食燒味及遊戲過後,約12:55pm,我和女同事FC便先行外出到酒樓搵位.o黎到呢間即有大枱,同FC先叫定8樣o野,之後EW再加,有:8. 海蜇熏蹄海蜇大大條,切得唔夠幼,唔係幾好咁.呢啲味道冇問題.3. 蝦餃我冇食到.4. 燒賣冇乜問題.5. 發財好市粥發財好市都好碎同唔太多,粥底亦算稀.2. 腿蟹肉扒豆苗大大碟又靚,個個都讚好食.6. 流沙奶黃包熱辣辣,深色o既奶黃味道好濃好夠.7. 橫財就手我都冇食到,但女同事MF大讚好味.1. 生財好市柱甫蠔豉同瑤柱都係原隻同原粒,幾足料,味道都冇乜問題.9. 炸餛飩我得到放涼o左至食,呢個都冇乜問題.12. 花膠扣鴨掌花膠竟然係紅色,唔講以為係珊瑚蚌,但又真係花膠o黎,鴨掌好夠腍,亦入味.10. 雷沙湯丸(3客)因為一客有3粒,所以叫3客.內裡o既係流沙芝麻餡,都算幾甜.11. 白灼生菜份量唔多但好鮮甜.服務:有啲求祈,我o地8個人畀張10人枱我o地唔緊要,但唔收返兩套餐具.一般,上菜好慢.侍應疏於執o野同斟水.環境岩o岩坐近落地玻璃o個圍,幾舒適.味道係3.54分

有次與親友到這晚飯.因之前吃過午飯, 點心小炒都挺不錯才來.怎知今次晚飯咁差先是部長, 全部都hard-sell 套餐跟住好喇, 就叫一個set, 然後加幾個餸.點知佢d set, 冇乜邊樣好食.次序忘了...清了桌上的東西了, 等左接近20分鐘才來的炸子雞, 竟是不熱的?令人懷疑是從隔壁總廚拎來的, 又不熱, 也沒有雞味極度低級的雪雞糯米飯又是, 全碟清晒, 等左半粒鐘先黎但又係得d煙, 唔熱的味道亦未見出眾.炸海鮮卷又係, 諗住擺明係炸, 會熱d, 點知又唔熱只有散叫的一項咕嚕肉比較好, 熱, 色澤好, 味道不錯.燒味拼盆又是等了好久, 燒鵝淡然無味, 甚至覺得去街市買的更佳.還是午餐那些奶皇包蝦餃更見出色

2010年6月16日 荃灣 ( 麗都讌客 - 2 )親友的選擇下，再次來到麗都茶聚。豉汁蒸排骨，排骨夠腍入味，豉汁多點會更好。豉汁蒸鳳爪，好腍好入味。香煎蘿蔔糕，內裏釀入很多蘿蔔粒，煎得香口好味。麗都蝦餃皇，皮薄蝦爽OK的。潮州蒸粉果，內裡餡料過腍，味道唔太得。鮮蝦時菜餃，皮也薄，蝦配菜，味道都幾好。蜜汁叉燒腸，皮薄叉燒多，做得很好。這裡比新開時，較為容易搵位，食物與服務，仍然是OK的。

與家母在周日早上飲早茶,我想吃真材實料灌湯餃,一早話去荃新天地"翠園",但家母嫌貴,堅持要來二期的"麗都讌客".聽個店名,加上酒家的格局,大約也是與"煌府","彩福"一樣,也是主打做婚宴生意.見到大廳上的xx聯婚,仍然未拆除.周日早上一樣有早茶優惠,指定點心在九點半前有特價,家母便差不多全部都叫特價點心,首先上的鳳爪排骨飯,特價當然將貨就價,份量比正常的盅頭少.排骨和鳳爪水準不差,前者也有肉汁,後者味道惹味,下面的蒸飯也蒸得恰好.算交足貨.點了兩味腸粉,煎蝦米腸加蝦腸,蝦米腸煎得香口,蝦腸拉得比較厚身,腸粉皮煙齦,蝦肉爽,可惜味道欠奉,唯幸的豉油夠濃甜.蝦餃包得實淨,皮薄而平滑,不帶黏性,蝦肉同腸粉的一樣,爽但沒有甚麼味道.蘿蔔糕外層煎得焦脆,蘿蔔絲比例亦多,水準尚不錯.在香港難以尋找正宗錦鹵雲吞,所以在酒家見到笑下便算,麗都的炸雲吞就是炸雲吞,沒有加上錦鹵二字,香脆雲吞皮,包著彈牙的蝦肉,點些甜酸醬吃,不錯.娥姐粉果外層太弱,連餡料也漏出來,內裏的餡料較為清淡.鴛鴦燒賣$10一籠,有豬肉,牛肉燒賣,前者蝦肉加豬肉,爽而鬆化更有肉汁,後者的牛肉做得鬆軟,味道濃郁.不像街邊涼茶舖的$5兩

话说，来香港，怎么可以不体验传统的港式早茶呢？！今天的主要目的是shopping+eating 早上在荃新天地2期喝的早茶~ 本来要去潮楼的，结果我看到潮楼的LOGO，一激动，跑错地方了~好在香港的早茶，味道都大同小异，无妨无妨。他家的点心很便宜呢！1份E点的套餐，只要10.8HKD 我们要了皮蛋瘦肉粥+马拉糕开始么搞明白，为毛要给两壶茶？后来知道，一壶是热开水，用来烫餐具的。牛肉肠粉--我是糯米控哦，去吃港式点心，肠粉是必点！味道没有什么惊艳，ok啦~皮蛋瘦肉粥--被身边的某人喝光了，我惨啊！HK人喝粥喜欢撒胡椒粉的，没想到吧，吃口比俺们重多了糯米鸡--某人喜欢的东西，搞不懂一大早吃这个也不觉得胃难受？！后来知道，他是怕一天下来没东西吃，赶紧趁早饭多吃一点！蒸果粉--我的我的！腊味鸡肉饭--依然还是考虑到中午饭不知道什么时候吃，这几天毕竟都这样，某人强烈要求吃饭！马拉糕-这个很嗲！推荐推荐！山竹牛肉-不是一点点不好吃，是很不好吃，没有牛肉的味道，反而一嘴的肥猪肉。一共买单HKD50.00+5.00（服务费） 要多吃，才有力气血拼！

海蜇滷水豆腐外脆內滑，好好食。餐牌圖片有兩件豆腐，上枱時只有一件。我哋問經理點解，經理指住個餐牌下面一句：圖片只供參考。嘩！好取巧啫！！！羅漢上素溫室豆苗d豆苗好嫩口，有鮮味，冇乜渣，好味！其他菇類都OK好味。炒魚肚魚肚數量唔少，切得薄身，容易入味。整體味道唔錯。蒸海班條魚雖然好細條，但蒸得非常嫩滑，推介之品。腊味糯米飯好一般。酥皮咖哩牛腩落單時叫咗個:酥皮咖哩牛腩，竟然電腦飛冇咗，唔知點解手寫單俾人劃咗，又冇人同我哋講，真係離譜。整體食物質素OK，但碟碟都好似泡過油，雖然有鑊氣，味道亦校得好，但太油膩。

荃新天地二期已開張數月，週前隨便選了場內麗都讌客作為本月飯局，結果竟然幾滿意。　未進餐廳，已被金碧輝煌的門面吸引，場內位與位間又有充足空間，環境要比元朗店好多了。美侖裝修下，餐廳賣的卻是平民化小菜，不計海鮮平均小菜價$42-68，每檯更享用$38半隻乳豬／$28蒸魚／$1冬瓜盅其中一款優惠，收費比好些人氣大排檔更平。品一口風味平平的壽眉茶後，4人各選出自己心水，是晚一共吃了六款菜式：　$1冬瓜盅-雖是特價菜式，份量可是一點不小，更難得是湯鮮又料足。飲完部長分出來的第一碗後，大家都添了再添，負責分湯的我則為其「筆極都有」感到吃驚，最後統計下來一盅至少分了十碗... 只可說，這真是非常超值的夏日消暑之選! 燒味拼盤-又選了個$128晚餐孖寶，燒味拼盤是頭一味，內容相當豐富而且水準上佳：最滿意蜜味又鬆化的叉燒；脆卜卜的燒腩仔也好吃；滷水豆腐更是香口滑嫩，吸得得可以；油雞也不差啦；只得燒鵝太油，海蜇不夠爽口彈牙稍差。　蒸紅衫魚-孖寶之二，用了中小型魚但仍是過熟了少許，然而魚本身幾新鮮，所用蒸魚豉油亦甜美可口，整體OK的。　火龍果冰鎮話梅骨($58)-其實火龍果與話梅骨零交流、零火花，不過兩款都

6/30 晚和家人到此火鍋店一試, 8:30後$88 全包任食火鍋, 5位以上送一位.嘩! 好似好抵!!等了差不多 40 分鐘到 9:30 才入坐, 知客小姐已說明是任食兩小時, last order 是10:30, 我們已立刻爭取時間落order, 我們首輪叫了 16 碟 火鍋料和一個蘿白豬骨湯底蘿白豬骨湯底 – 尚可16 碟 火鍋料, 等了差不多 40分鐘, 才來了少少少….肥牛 – 超“鞋”及勁重雪味, 水準還不及大排檔的好支竹, 冬瓜, 魚皮, 生菜, 豬皮 – 無難度潮洲魚蛋 – 免強可接受豬紅 – “鞋”其他已order 了的 : 鮮牛肉, 豬潤, 手打蝦滑, 牛滑, 生魚片, 雲吞 ..通通都無向那個負責”埋單”的短髮女部長追單, 只會告訴你房太多單, 要我們再等,完全無幫我們查一下, 漏單似乎是理所當然. 直到埋單首輪ORDER 的食物依現欠奉. 因差不多 10:30, 我們立刻再落ORDER, 6樣食品只來了3樣. 牛滑 – 口感似足 “山竹牛肉” – 又”林”又“散”魷魚只得幾小片 總括來說 $88/位, 所吃到的全是可在街市豆腐檔買到的. 所有貴價的食物你只管

同媽媽專登行過去，知荃新天地二期開了酒樓，過去見識下，點心都係個D，味道唔會特別特出，但勝在早茶夠便宜，加上無咩人流，所以一入去就有得坐。

去到果間野.....個門面好令...坐落左....D waiter 見到都唔黎開茶....都算啦... 當佢睇唔到.....叫餸先好笑....我地係XX日報見到有個套餐$18XX ，點知去道，佢話只有"兩間"分店先會供應....so 我地叫左第二個..$15XX ，同埋叫左壽包同豬手，個waiter 好唔內煩...都冇乜禮貌....根住，叫左野等..等..左好內..，第一味：拼盆 (入面有：炸豆腐、鴨、雞、鴨舌) {D鴨舌有好多毛..}第二味：蒸魚...(癡線嫁....咁快食魚....乜都未食...) 個waiter D解釋好鬼勁...過左一陣...有個waiter 過離話冇燉湯，比粟米魚肚羹 我地唔要...之後比左海鮮魚肚羹...第三味：蝦伊面 (冇汁..好dry...)第四味：沙律海鮮卷..(都ok嫁....)第五味：翠玉瓜炒花姿片...第六味：雜茹燴菜D壽包比隻雞仲快黎...(無奈ing..)第七味：雞...根住上飯...D飯唔好味...not good...仲有D咩，唔多記得...冇下次....not not not good.....

母親節再去.今次 奶黃流沙包 '流' 左d, 因為冇咁'流', 同埋d色好似有色素咁, 橙橙地, no gd叉燒包仍為佳作, 少少肥少少瘦, 熱熱盪盪的, 相當好吃.燒腩仍是美味, 脆皮, 其實本人一直反對人們只以 燒腩 的皮脆不脆作為 美不美味的指標因為燒腩本是豬肉, 如果要吃脆的東西, 倒不如去吃薯片薯條吧不要把豬浪費掉.而這兒的肉也頗鮮美, 少少肥, 20%肥, 80%瘦, $28 的人間美食雷沙湯丸 大厚皮, no gd蝦餃燒賣仍是不錯的選擇$307 / 6人, 仍是大約$50 per head, 抵!

拜山後吃.多人, 坐門口那張...都不錯, 流沙包真係會流出來, 但不夠多.叉燒包很好, 肥肉瘦肉並重.燒賣大粒, 豬肉和蝦肉皆鮮美蛋散比外面的好多了!脆, 少熱, 加上暖暖的糖漿, 比起甜品店貴貴的細細碟好吃多!其實有d飽但人們還叫伊麵.中午都吃芝士蝦伊麵...但仍是不錯的, 蝦雖不算很新鮮, 但仍保持香氣.煎堆很熱, 內含餡料也很不錯.燒腩甚為划算, 街外吃小小一碟都要$48, 有良心的可能$38.這是僅$28!還有十來塊~脆脆的皮, 嫩嫩的肉, 再來多件!好像吃得人們十分飽.卻只費了$50 per head 左右好底呀!

朋友天玲2公婆同月同日生日, 今晚一齊恭祝啦! 朋友鍾意食龍蝦同翅, 圍餐就滿足到佢哋喇! $1888 全包宴, 重可以叫佢哋promote 嘅$1 炸子雞. 上湯焗龍蝦伊麵 - 龍蝦殼多肉少, 味道一般, 有d失望! 鴻運五福大拼盆 - 比例牌嘅拼盆大小小, 燒腩仔太鹹, 其他一般啦! 翡翠花姿珊瑚 - 花姿珊瑚都新鮮拼脆肉瓜, 都ok! 黃金香芒海鮮卷 - 外皮唔厚, 不過沙律醬多咗d, 食唔到入面其他餡嘅味道! 紅燒鮑參翅 - 一碗翅都搵唔到3條翅以上, 味道一般, 又一失望! 蠔皇金錢扒翡翠 - 金錢=冬菇, 冬菇都幾厚身, 唔差! 清蒸大海班 - 蒸得啱啱好, 幾滑, 唔錯! 鮮竹瑤柱浸菜苗 - 個碟超大, 白菜唔太甜, 一般! 錦繡炒飯 - 反而呢個炒飯都ok, 唔太油夠乾身, 有蝦, 叉燒...等等 精美甜品 - 紅豆沙 - 唔太甜又起沙, 唔錯! 合時生果 - 柑 - 簡直唔得---係因為有2個係發霉ka, 而我食嗰隻重有d 變變地味! 炸子雞 - 雖然一蚊雞, 但絕不嬉場, 一樣皮脆, 好味!P.S. 食物一定要新鮮乾淨, 點可以比d 發霉柑客人ka.