The Eclectus (Closed)

今日一起身就好期待去呢間餐廳，因為可以同鸚鵡玩，出車前明明無落雨，但點知去到半路就越來越大雨:(同埋渣車人士要留意，記得要係大廈後面入停車場，然後搭LIFT上番3樓就係地面餐廳啦由於好大雨o既關係，一定要坐室內，同埋我問老板鸚鵡去左邊，佢話太大雨佢地唔可以放出黎實在太可惜，平時應該會有一男一女鸚鵡係度招呼客人的，唔緊要啦~ 當試下新野食我好鐘意餐廳棧燈，雖然落住雨，但木式系的餐桌加上少少工業風的裝修，令我心情好放鬆餐廳有個超大投影screen，老板話之後佢地會搞live show，客人仲可以自己唱歌添Brunch有8款食物選擇，唔好意思我唔記得影餐牌香茅燒春雞 ($138)有半隻香茅燒春雞、椰汁飯、醃菜，燒春雞外脆內軟，雖然係春雞，但份量都唔少，有好多肉，完全無皮下脂肪，椰汁飯有淡淡椰汁香滲出，東南亞風味即刻出晒黎，再配上酸酸地的醃菜，整碟菜o既味道十分配合最後餐飲我叫左杯熱朱古力，朱古力味好濃，天氣凍凍地，再望住外面個雨景，飲住杯濃濃朱古力真係好舒服呀~ 下次要等好天再黎過同鸚鵡玩 …Read More

發現新大陸，係葵涌都可以食得好classy，就係Galaxy ground floor，夜晚去真係幾有feel，西式餐廳deco，open bar design， 好relax，係chill out 同happy hour 好地方。仲有個大projector，可以睇波。逢星期三、六仲有music performance，放工可以黎hea 下。order左2個set，有三文魚沙律，cabbage 好爽口，而且切得細，容易入口，好貼心。喜歡用walnut碎做topping。另一set試左個daily soup，係tomato soup，好味道，蕃茄湯中有蓉，有homemade soup 的感覺。主菜係招牌combo set，真係好靚好吸引，個presentation好豐富，有烤春雞、BBQ sauce baby ribs、coleslaw 和 fries。春雞用rosemary香草和蜜糖烤，真係又香又甜，而且肉質鮮嫩。Ribs肉都好多同厚身，骨肉比例唔錯，唔會只係得骨。另fries是扁身粗條的，好有質感，面灑上 parmesan cheese，如果的D cheese 就好。Coleslaw 有兩個flavour，一個醃的，一個沙律醬dressing，可見廚師的用心。呢個又係用心之作，lemon and cream sauce 香煎鱈魚，個面煎得好脆，魚肉仍然鮮嫩扎實，沒有overdone。配青豆生菜，感覺到食材好fresh，又健康，大師級水準。最後coffee or tea，the best ending。…Read More

較早之前看過一篇報導介紹<鸚國The Eclectus>這間餐廳店主飼養了兩隻鸚鵡有時會帶牠們到店中客串小店長的角色聽起來非常吸引 而且食物水準似是不錯我與友人相約一個週末到此chill下～我們於荔枝角地鐵站轉巴士事後才知道葵興鐵路站走過來也是大約15分鐘路程一落車行幾步便到達The Galaxy旁邊便是我們今日的目標這裡環境悠靜 裝潢用上了富有大自然風格的木材佈置加上灰色的牆身 和鸚鵡的燈飾大自然簡約的風格令人感到很舒服和放鬆:):)但看看周圍 為什麼不見小店長呢?一問店員下才知道店長離港外出了因此小店長亦不在心情難免有點失望不過難得來到當然要享受美食Brunch menu有8款價錢由$118-$148不等選擇不多 但款款都很不同:)我與友人分別點了1.BBQ Baby Black Ribs $138這個豬肋骨不得了小妹第一次吃到這個質素的豬肋骨烹調的時間不多也不少切的時候非常容易切切實實做到所謂的骨肉分離但亦能鎖住肉汁 肉質鮮嫩而醬汁濃度剛好不會過濃蓋過主角的風頭相反帶出它的肉味 互相配合另外配菜亦都不錯～2.Pumpkin Risotto $148小妹點的三文魚南瓜意大利燉飯賣相吸引色彩繽紛 鮮橙色 非常醒目三文魚煎得香脆 但三文魚魚脂可以再多點肥美多點會更可口意大利燉飯煮得剛好 完全吸收了南瓜汁的精髓濕度剛好 每粒飯都被南瓜汁包住吃的時候非常清爽與平常想像的南瓜汁不同加入了像sour cream 的醬汁令味道變得清爽乾脆之後點了杯熱cappucano一邊喝一邊感受清涼的風感到特別的寫意 想不到給人感覺工廠區臨立的葵興區亦有如此高質素的西餐廳希望下次再來可以探訪小店長啦～…Read More

聽講呢間餐廳有鸚鵡嘅而且裝修好特別，所以同朋友特登行左過黎呢邊。一黎到見倒個門面有種好似去左海邊餐廳嘅感覺。雖然附近唔近海，但係一望倒啲燈同個門口真係好有果種感覺，個人即時輕鬆哂。咁岩黎到冇鸚鵡睇，不過佢入面啲裝修都好特別，尤其是上面呢盞鸚鵡燈今次就叫左個燉飯同拼盤。前菜沙律係煙三文魚沙律。個汁好特別，食落有小小辣，我一開頭以為係芥末，但一問先知原來係蒜黎soup of the day係牛湯黎，入面有好多菇，飲落好清而且唔油，應該係燉湯黎。個拼盤超級大，一個人真係食唔哂！啲雞好鮮嫩，咬落皮好脆而且有小小雞油流出黎，好正！個豬肋骨啲肉好林，已經離左骨，輕輕一切就可以食倒。個飯食落中間硬硬地，唔係好重南瓜味。又唔會太濟，不過份量都幾多，食落好飽。而塊魚柳就煎到塊皮好香，啲肉一梳梳咁好香魚油。呢度嘅環境好舒服，而且主題都好特別。夜晚黎嘅好浪漫，如果日頭有鸚鵡嘅就好適合親子樂…Read More

老爺住葵涌，星期日晚同老公, bb一家來食晚餐，諗住飯後帶大帝見見爺爺，揸車來都好方便泊車，後面街任泊。無bb凳，分室內室外，室內環境好寬敞，枱與枱之間都好寬闊，好少見香港餐廳d枱會擺得咁寛闊，樓頂有2盞馬賽克鸚鵡燈好別緻，大帝望住盞燈眼定定有幾款set dinner揀，揀左煎銀鱈魚同豬肋骨烤雞combo，一個要湯，另一個要煙三文魚凱撒沙律湯係牛肉雜菌清湯，熱辣辣，好濃郁牛味又有d香草味，我幾鍾意煙三文魚凱撒沙律醬汁剛剛好每條菜都有，唔會過多醬汁攪到碟底水汪汪，菜新鮮爽脆，煙三文魚唔過咸招牌拼盤有半份烤雞半份燒烤豬肋骨，西式涼拌菜同帕馬森薯條，烤雞有少少蜜糖甜味，肉質較乾，豬肋骨個醬酸酸甜甜好野味，肉質幾嫩唔韌，2兜西式涼拌菜好好味，好爽口，唔會好酸，平時老公唔鍾意食coleslaw 都食晒一兜，亦減低咁多肉既油膩感，薯條厚切外少少脆裡面好粉，我鍾意lee 個質感， 仲有條粟米俾左大帝食香煎銀鱈魚配青豆，生菜，檸檬奶油汁，銀鱈魚熟左少少，青豆夠林，生菜夠爽脆連埋個奶油湯汁好味，好香濃既奶油味但又唔會膩，最後清碟叫左1杯凍檸茶，1杯熱檸水，凍檸茶黎先，雪凍左既紅茶無加冰唔會溝淡茶味，茶亦唔澀，自己落糖水，估唔到凍檸茶都唔錯，即刻轉軚改凍檸茶，侍應都好好人俾我改最後叫左件朱古力蛋糕，都幾鬆軟唔會好乾。有樣幾特別既野，間餐廳係加8%而唔係加10%原本睇報道有2隻鸚鵡，諗住順便帶大帝黎睇下，但鸚鵡休息了，要老闆在才會出場，唯有下次再來。…Read More

週六都要上班真係要放工去嘆個brunch輕鬆一下，同友人約好去寧靜的餐廳，位置的確有點遠，但唔識去可以打電話到餐廳查詢。而呢度既特別之處，除了寧靜舒適的環境之外，還有店主的鸚鵡，當然美食也同樣吸引，當日剛巧店主不在，所以沒有跟鸚鵡交流，就專心享受美食。Brunch 有八款選擇，價錢 $118-148，還可以加湯、薯菜、蛋糕甜品。其中的燒春雞及燒豬肋骨很吸引我，所以最後點了燒春雞，友人即喜歡意大利飯，而呢度的意大利飯加入了南瓜更為健康。香茅燒春雞包括半隻燒春雞、醃菜、香茅、椰汁飯 $138春雞用香茅及蜜糖醃得夠入味，而且燒得皮脆肉嫩，雞脾肉更加嫩滑有彈性，而且燒完都仲保留好多肉汁。醃菜微酸開胃，爽脆的椰菜絲簡單清新，可清減燒雞的膩感。驚喜之處就是附配的白飯原來是椰汁飯，有淡淡的椰子清香，味道更濃就完美。南瓜意大利燉飯配香煎挪威三文魚 $148，賣相吸引，好似高級餐廳，原來味道都好好。三文魚熟度岩岩好，沒有油膩但食落魚油甘香油潤，魚皮更煎得香脆可口。三文魚熟左都嫩滑不乾，做得好好。意大利飯食落微微酸，沒有平常的膩感，原來用了酸忌廉取代牛油及忌廉，除了食落light d，健康d，仲做到creamy質感。燉飯做得幾正宗，質感外軟內煙韌有咬感。整碟份量幾多，同朋友share 好抵食。熱檸茶味道正常，茶味濃，個人特別不加糖，餐後飲落特別舒適。友人的熱朱古力咖啡，不用落糖也很好飲，朱古力味同咖啡味都平衡，味道不算好重，只係太細杯了。…Read More

星期六放工,當然要去食返餐好既輕鬆下啦,但無奈葵涌呢邊星期六度度都好多人,要搵個放鬆心情既地方有D難.但幸好友人提議搵下openrice有咩介紹,一搵之下發現呢間雖然位置有D隱蔽,但絕對係一間可以放鬆心情既餐廳.餐廳裝飾特別,全都關於鸚鵡,聽店員講平日會有真的鸚鵡可以影相交流,可惜今日餐廳老闆要出外工作,所以鸚鵡無係餐廳香茅燒春雞$138:有半隻燒春雞,醃菜,椰汁飯...燒春雞皮脆肉嫩,而且好入味,配上香茅蜜糖汁,風味十足,椰汁飯除左有香濃既椰子味外還有香茅既香味,一食就停唔到口,另外醃菜都好入味,還可中和春雞既油膩感,唔錯既配菜.南瓜意大利燉飯配香煎挪威三文魚$148:意大利飯煙韌有咬口,飯粒中間就半生熟,做得比較正宗.一放入口香濃既南瓜配上酸忌廉,微甜中帶點酸味,非常開胃,一D都唔覺得膩,而三文魚魚肉嫩,不裂不糙,又唔腥.最後餐飲叫左熱檸茶同咖啡,完美又休閒既一餐,希望下次可以見到鸚鵡…Read More

人生在世, 不如意事十常八九。 尤其進入複雜社會後, 責任愈大, 壓力愈大。好友知我最近有三千煩惱絲, 便提議我到一間罕見有鸚鵡的小店療傷。餐廳以鸚鵡作亮點的確比坊間常見的貓CAFÉ新穎, 而且小店位於葵涌工業區, 如此美食沙漠竟然也有推介, 頓時大感興趣, 毅然決定隻身前往一探究竟。 從葵涌地鐵站E出口出發, 要走一段路好不容易才找到The Galaxy 天際中心, 果然晚上獨自尋幽探秘是需要點勇氣。 餐廳坐落於人跡罕見的青山公路旁, 環境非常清幽, 正門口便看到兩隻顏色鮮艷的折衷鸚鵡 (Eclectus Parrots): JASPER & RUBY。 視線還未扣捨得離開兩隻小可愛,先被職員領入室內安排就坐。室內只擺放數張餐桌感覺舒適, 最後放縱地點了吸引肉食族的 <招牌拼盤包裝半隻燒春雞, 半條燒烤乳豬肋骨配西式涼拌菜和帕馬森芝士薯條> $178。 前菜 <Smoked Salmon Caesar Salad> 醬汁非現成貨, 濃稠跟酸度調配得宜, 沙律菜清脆新鮮, 每一片都能掛汁。跟兩星期前到過 <<Otto Restaurant>> 吃到的美味, 有過之而無不及, 確實有點意外。 主菜 <Eclectus Combo> 剛炸起的厚切薯條, 沒有配上吃慣的拉絲芝士或常見的黑松露美乃滋, 只是簡單的鋪上帕馬森芝士粉, 多了份芝士咸香的香氣誘惑。蜜汁香草燒春雞是餐廳的招牌菜, 表面有蜜糖光澤, 帶絲絲清甜, 而且雞肉不柴不乾, 確實沒有失望。燒烤乳豬肋骨肉質軟腍, 跟水牛城雞翼的濃烈醬汁甚似, 惹味非常。如此重口味的豬肋骨, 幸好在蜜汁香草燒春雞後吃, 才能好好品嘗兩者個別出眾之處。 拼盤上除了有一般易飽足的西式涼拌沙律, 還多了一份帶微酸的涼拌沙律, 既清新開胃, 肉與肉之間進食確能喚醒食慾。 突然看到兩隻小可愛跟食客們與老闆的互動, 終於按捺不住放下手上美食往門外衝。綠色的JASPER是好動活潑的囝囝, 喜歡跟人親近跟擺甫士影相, 很快便由玩手指到繼而從手腕走到膊頭上, 還出其不意地被JASPER偷吻嘴仔了, 而鮮紅色的RUBY就一直保持囡囡應有的矜持。另外若要跟兩位小可愛見面, 老闆建議先電話預約確定, 以免失望而回。 歡樂的時光太快過, 見時間不早便返回坐位享受最後一杯熱咖啡。 寧靜的晚上, 細聽住汽車駛過的聲音, 才發現極像海浪聲, 偶爾夾雜住雀聲, 此刻心靈得到了安撫慰藉。在物價飛騰的社 會, 價位貼地又療癒的小店, 的確是挖到寶了。…Read More

前日相識十年的挈友畢業，今天便帶她這個長期「遠距離」偽單身外出慶祝，順便捱義氣充當著她的男朋友吃餐好又豪的另類「二人世界」。但為什麼偏偏要走到大老遠到葵興這麼有情調又舒適自在的餐廳呢？為的是那兩隻可愛鸚鵡啦～～某天在網上發現了那間以鸚鵡為主題的餐廳，意念十分創新特別，而且環境頗清幽憩靜，很適合放鬆心情，把酒聊天，順便兩人結伴探望兩隻可愛鸚鵡情侶，盼望被殺傷閃傷的機會有望減低點（哈哈～～Kidding la～～）一到餐廳，枱頭一看，一盞造工精緻的彩繪鸚鵡吊燈映入眼簾，再看清楚發現原來餐廳擺放了兩盞，彩繪的斑斕色彩頓然增添了淡淡異國風情。再深想一層，餐廳怖置真的別出心裁，多與鸚鵡相關。餐廳是半開放式設計，以深色木製桌椅為主，每枱都有人造蠟燭，燈光映襯著人的輪廓，令人每望對方都帶點模糊而神秘，而且播放著輕鬆柔和的音樂，十分具浪漫情調。（我倆兩個小女生情況有點搞笑～^_^）餐廳外的建築物有一面嵌入了綠色植物和不同顏色的小花草作點綴，又帶點歐陸悠閒氣息。餐廳廚房那邊的小牆均以紅酒箱板貼成，很特別唷～餐廳Dinner款式雖然不多，但涵括了西餐廳的多樣重點，例如有Pasta, Fish, Chicken, Rib and Steak. 每個Dinner set 會配一個salad or soup和一杯飲品。另外，他們還提供了多款甜品，包括了Chocolate Fudge Cake, Moist Carrot & Walnut cake, Chocolate Truffle Cake, Canele' D'or & Blueberry Muffin, 價錢全都是一律價$35！！！（最後因吃得太飽，點不了了😢😢）在我們等候著餐時，老闆看有時間便跟我們閒聊了一會，感受到他對餐廳和顧客的熱誠，最後還帶了他的兩隻寶貝鸚鵡出來給我們看看❤️❤️主角出場啦～～👏🏻👏🏻左邊鮮紅色的是Ruby，右邊碧綠色的是Jasper，牠們鮮豔奪目的羽毛，吸引著大眾的目光，令人不禁幫它多拍幾張相（可以出本小小鸚鵡相集了😚）侍應姐姐也好好人的熱心解說，如果你伸出手掂牠藏在巨嘴鈎下小舌頭，牠會回舔你喔，舌頭是乾乾的。一瞬間，她立刻伸出她的手示範，鸚鵡也好像很喜歡這個動作般。友人又大膽一試，碧綠的Jasper不怕生的，沒有避開，還跟我們玩得開心，但Ruby就比較cool，只是發出哼哼叫聲，好像警告下叫Jasper不要玩得太得意忘形。（是吃醋了嗎？😆😆😆）這次難得跟鸚鵡直接接觸的經歷好有趣😊😊用濕紙巾擦擦手後，前菜也到了～時間剛剛好，與鸚鵡接觸讓我們覺得等候時間不甚麼樣。廚師是日餐湯和沙津沙津菜新鮮，配上薄薄一片三文魚，十分有誠意！特別的是沙津醬汁吃落十分獨特，慘出淡淡蒜味，味道適中，最後發現原來是他們廚房精心調配的。我十分喜歡他們家的餐湯，用料十足，每啖都飲到肉碎粒，配上洋蔥粒，香氣迫人。Eclectus ComboEclectus是餐廳的英文名，Combo set包括了半隻燒春雞、半隻烤豬肋骨、Colelaw salad和曬滿Parmesan cheese，內容十分豐富。烤豬肋骨味道香濃，BBQ燒烤醬及香草味突出，醃得入味之外，還一切便肉骨分離，可以輕鬆送入嘴中慢慢享受。燒春雞烤得剛剛好，外皮微脆，入口帶點檸檬草的香味，而且一定要跟雞皮食啊！因外皮塗滿蜜糖，一邊嘴嚼，一邊慢慢透出烤焗後微焦的蜜糖甜味，完全感受到即叫即烤的口感。Fillet Steak牛排有一定的厚度，煎得豐厚肉香，切出暗紅色的嫩肉，配上自家調製的黑椒汁，雖不像街外的那麼杰身，但帶淡淡蘑菇香，令牛排食落更香口惹味，豐富了整個口感。雖然主菜是一碟菜的精隨，但我更喜歡欣賞每碟的配菜，因配菜的好壞會直接影響你對整碟的觀感。我很喜歡他們的烤蕃茄，烤的時間拿捏得準，外皮微微焦脆，內裡還鎖緊水份，入口蕃茄汁大爆發厚切薯條也十分欣賞，即叫即炸，炸得金黃鬆脆，啖啖扎實薯蓉口感，令我吃得一條接過一條。最後真的飽得捧著肚子，滿足離去～～整體餐廳環境不錯，很有異國悠閒情調，十分適合情侶拍拖談情，而且鸚鵡令人增添互動情趣。帶上朋友也不錯，可以一邊享受美食，一邊以濃罩著微風寫意的氛圍舒適地閒聊。題外話：餐廳地點不太近地鐵站，要穿過九龍貿易中心，再走過中電站旁的長樓梯再走一小段路便到天際中心，全程大概10-15分鐘，提提大家到了天際中心要搭到3樓才是地面，到達我們的最終目標。（記得唷～工業街那麼是通不到的，已經走過一次冤枉路😢😢😢）別擔心！還有另一個選擇啦～可以搭到青山公路葵涌業成街下車，有31B, 32, 35A, 36B, 38, 40P & 42C選擇，有的經佐敦、觀塘、尖沙咀或奧海城。（豬了🐷我們是事後先知這個比較方便的方法，因巴士站在餐廳另一邊的門外😅）…Read More

朋友介紹下第一次去葵興區食晚餐 想不到工業區有如此世外桃源我們五人叫了四set 先上湯及沙津餐廳放著古典音樂及歐陸裝飾 我們共叫了set a-d  ,各有特色,最喜歡烤雞 滑嫩多汁蝦+mushroom意大利飯 好清新三文魚煎得剛好  最喜歡這bbq的set  超juicy飯後甜品 配襯紅酒及cava  人生一大享受誠意推介俾大家^^…Read More

向葵涌返工,搵LUNCH 食已經係日日都要諗的事, 呢間餐廳並不在一個大街大巷容易搵到的, 也是在上班在巴士途經下睇到環境不錯,就上網搵下呢間小餐廳了,好友生日, 就一同[上山去], 我係從葵涌地鐵附近的油站往商廈方向行上,在大連排道有一長樓梯可望到的,中途有地盤入口, 路程約15分鐘,盡頭就是的停車場入口, 左手邊有升降機要上三樓, 就會見到餐廳後門,門口露天座位旁邊,廢話講完了!P.S:唔好摧個[熟男]叔叔, 佢有佢一套服務原則與速度! 另忘了影下餐牌所以無辦法好確實提供菜名,大概介紹下咁啦! 鮮野菌長通粉 <<<<意粉軟硬煮得剛剛好, 菌味好夠,呢個推薦的full English breakfast <<<< 有芝士CREAM包,煙肉, 煎蛋, 肉腸,蕃茄,焗豆, 個包又香又軟,真半個唔夠喉的!!!!濃蕃茄餐湯, 雜菜沙律   <<<<跟餐可選沙律 OR 湯的, 我自己就中意個蕃茄濃湯多D了,應該用左濃濃的牛肉湯底煮成...但菜本身都好新鮮(我估) 老闆好中意鸚鵡的, 那天佢帶左其中一位小店長向鋪, 好親人如果佢心情好係可以合照的!…Read More

環境清靜，店長細心親切。吃過1次午餐，1次晚餐，燒雞和豬肋骨水準都很好。和店長談天，他說燒雞是用香茅和蜜糖分次抹在雞上慢燒的，燒出來的雞是嫩滑多汁。另外豬肋骨份量是4條骨，份量適中，肉質軟諗，容易離骨。2次都能保持水準，是值得推薦的餐廳。P.S. 若光顧晚餐，最好先打電話去留位。…Read More

悠閒的假日 男朋友帶我去尋寶😍行左一段路出晒汗 入到間餐廳即刻涼晒原來老闆係澳洲返黎 廚師都係外國人好特別又靚既吊燈我叫左個包🍔裡面有蛋，煙肉，牛肉，好大舊，一咬蛋汁流出 口感豐富 食半舊都好飽男朋友叫左套餐Baby Back Ribs🍖前菜揀左沙律,Ribs好香&肉質嫩滑 對我黎講有點肥 但男朋友喜歡，薯條炸得好脆 好味道最後我飲Latte 佢飲coffee☕️食完個豐富brunch 捧住個肚去街街…Read More