Goose Villa

新蒲崗平價燒味兩餸飯係好多，但一分錢一分貨，你會食得出當中的肉質與味道都不是味兒，霉／削／爛／柴等，通通都有。偶爾想品嚐高質少少，好好為家裡的飯桌加餸，大有街號新科技廣場地下新開的鵞莊燒鵝工房正正為我家飯桌加添了好幾晚的燒鵝。餐廳自設工場，而且只賣一味，專注，獨到，當然, 除了燒鵝, 也有其他燒味飯, 價位適中, 最緊要係高質。師傅於斬件時再輕輕用槍燒燒，鵝皮的酥香都給逼出來。鵝皮色相赤紅，亦帶有光澤，皮肉飽滿，肉質實而不霉，內裡的香料也不會太搶風頭，咸淡適中，越食越有濃郁的鵝香。…Read More

新蒲崗開咗間外賣燒味店，而家仲係試業中。位置係彩虹道體育館對面，都算易搵。佢哋喺店內有工場，所有燒味都係現場燒製🙀。除咗燒鵝之外，仲有叉燒、燒腩仔、豉油雞各式燒味。🔥鵝莊燒鵝王 下庄 $148餐廳叫做燒鵝工房，當然要試試佢哋嘅燒鵝。近期食過最高質燒鵝～鵝皮有光澤而且燒得香脆，底下有一層薄薄嘅脂肪。入口帶有油香但唔會肥膩。鵝肉夠厚，肉質出奇地軟腍易咬。燒鵝汁分開裝，鵝肉唔會過鹹。底度仲有少少鵝油，用嚟炒菜一流😻。…Read More

七月中的星期三，我在「新蒲崗」食完「牛腩飯」和「雞肉」部分晚餐食品之後，發現時間尚早，未到七點就已經食完晚飯，所以在「大有街」「新科技廣場」樓下的「鵞莊燒鵝工房」購買「燒鵝飯」。我進入「鵞莊燒鵝工房」店舖裡面之後，才發現原來「鵞莊燒鵝工房」實際上原來是一間外賣店，不設堂食，所以只好外賣自取，購買一盒「燒鵝髀飯」回家慢慢享用。「鵞莊燒鵝工房」廚房製造的「燒鵝飯」售價不算便宜，需要港幣六十元一盒。食客如果想享用「燒鵝髀」的話，還需要另外加港幣三十元。所以「鵞莊燒鵝工房」「燒鵝髀飯」售價也不便宜，連套餐罐裝汽水需要港幣九十元一盒。回家之後我打開「鵞莊燒鵝工房」外賣「燒鵝髀飯」食品塑膠外賣飯盒一看，發現原來「鵞莊燒鵞工房」「燒鵝髀飯」裡面的「燒鵝髀」實際製成品份量，只有大約「上髀」部分鵝肉，是否即是所謂的「上莊」我就不清楚了。而且「鵞莊燒鵝工房」廚房師傅再用刀，把上莊部分的「燒鵝髀」肉斬成四份，所以「燒鵝髀飯」裡面的「燒鵝髀」肉扣除骨頭之後，剩下燒鵝肉實際份量其實不算很多。所以即使「鵞莊燒鵝工房」製造的「燒鵝髀」，在燒鵝骨表面淋了一層甜味滷水醬汁，令鵝肉實際味道變得頗甜，甜味充斥「燒鵝髀」所有位置，包括骨頭跟燒鵝皮在內，連白飯也滲了「燒鵝髀」滷水汁甜味。然而「燒鵝髀飯」裡面的甜味燒鵝肉實際份量始終不如我預期那麼多，伴碟菜芯也只有一條而已。「燒鵝髀飯」的實際一般份量，令我享用甜味燒鵝髀肉的過程變得未夠盡興，只食了四片斬件燒鵝髀肉，就已經需要停止。雖然「燒鵝髀」裡面的燒鵝肉實際肉質感覺頗嫩，燒鵝肉的口感其實也都頗為柔軟，也不算太難用牙齒，把「燒鵝髀」裡面的甜味軟腍鵝肉直接扯出來，用牙齒咬開和咀嚼燒鵝肉也變得很容易方便。但是要我用足足港幣九十元購買一盒斬件「燒鵝髀飯」，而且「燒鵝髀飯」實際製成品裡面的甜味「燒鵝肉」份量只有四塊斬件份量，令我很快食完「燒鵝髀肉」，剩下一大堆白飯。偏偏我之前食完「牛腩飯」，所以即使「燒鵝髀飯」裡面的白飯也吸收醬油甜味，但是四塊斬件「燒鵝髀」已經食完，結果我還是食不完剩下的白飯。如果食店可以容許「燒鵝髀飯」裡面「白飯」底，改為「瀨粉」的話就好了。…Read More

鵞莊燒鵝工房新蒲崗大有街34號新科技廣場地下G2號舖今日返左office 整小小野，都幾忙下所以lunch 就唔出去食，索性買外賣返公司邊做邊食，增加效率免得要ot處理。燒味幾好，有時間就咬幾口，邊食邊做，就算放涼了味道都不會受大影響。鵝同鵞其實係咪異體字？不過我好肯定呢度係食鵝自設工房，大大個爐燒，唔係工場買返來架燒味燒鵝油脂豐富，皮薄有咬口，鵝肉入味夾雜著鵝本身油香，麻辣燒鵝都係第一次食，極惹味。店仲比多兜辣汁，食得辣同重口味架人可以落多d成條街得呢間有自家燒製工場，食得高要求要幫襯。…Read More

平日 lunch time 間唔中都會過嚟大有街搵食，早兩日同同事過去食車仔麵，見到新科技廣場地下新開咗間「鵞莊燒鵝工房」。店舖以外賣燒味為主，不設堂食。睇咗門口嘅易拉架，有乳豬、燒鵝皇、香妃雞、燒腩仔、叉燒、金沙骨...等等，另外亦有燒味飯盒供應，選擇都幾豐富。睇咗佢哋嘅宣傳單張，原來店鋪嘅燒味係現址製作，而且仲歡迎分銷。另外客人亦可以用手機掃 QR Code 預先落單，去到就可以攞，唔使等。反正今晚未諗到食咩，放工一於過去買盒燒鵝返屋企加餸。點咗燒鵝皇下庄，睇下鵝皮嘅顏色幾靚仔，赤紅帶光澤，皮肉飽滿，雖然拎到返屋企先至食，但係外皮仍然酥香脆口，油脂豐盈不膩。鵝肉亦有水準，吃落有濃郁鵝味，質感嫩滑，而且香料味唔會太搶，恰如其分地將鵝香帶出，令人吃得人津津有味！…Read More

鵝髀打人牙骹軟，看見一隻隻新鮮出爐的燒鵝，真是叫人口水直流！這間位於新蒲崗的鵞莊燒鵝工房外賣店，所有燒味都是100%香港現址製作，燒鵝皇是他們的皇牌，其他燒味例如燒肉、叉燒、豉油雞、金沙骨、燒味飯盒等等都一應俱全。麻辣燒鵝皇（HK$148/下庄）👍👍👍👍👍燒鵝全隻價錢$438，半隻$240，上庄$128，下庄$148。師傅把熱辣辣新鮮出爐的燒鵝放在砧板上，手起刀落，斬下去已聽到燒鵝脆皮的咔咔聲，食落口果然皮香肉滑，配合火辣辣的秘製四川麻辣醬，香麻交織集於一身，喜歡四川麻辣口味一定必試。如果吃不到辣也不緊要，可以佐以酸梅醬同樣突顯鵝的鮮味。Storefront Menu …Read More

今個月最後一日喺新蒲崗排練，放lunch諗住食豪啲...結果落大雨周圍都逼滿人🥺，唯有買外賣返studio食。因為進行緊低碳飲食嘅關係，呢個鐘數喺新蒲崗買外賣都不外乎燒味、烤雞同沙律。經過新科技廣場下面，發現開咗間新嘅燒味外賣「鵞莊燒鵝工房」。見佢樓面裝修光猛企理，而且店面後就係佢哋嘅廚房工場，燒味都係新鮮製作，就決定入去買份燒鵝獎勵吓今日需要辛苦工作嘅自己。最後買咗一份下庄「鵞莊燒鵝皇」再加半隻鹹蛋同油菜。言談間老闆知道我唔食澱粉又淋到落湯雞咁，驚我飢寒交迫會唔夠飽仲送咗幾片紅腸俾我。😁燒鵝超級新鮮多汁，夠鵝油得嚟又唔會太肥，外皮超級超級酥脆☺️都只係$148真係好抵食👍🏼*唔使點燒鵝汁同埋酸梅醬都好夠味😋…Read More

途經新蒲崗嘅新科技廣場望到有間專做外賣嘅燒味店同老闆傾落先知道鋪頭係今年五月新開張叫我一定要試吓佢哋嘅燒鵝皇帶返屋企都一樣咁好食諗諗吓好啦！就要一份鵝莊燒鵝王（下莊）睇吓係咪真係咁正先老闆仲非常細心提醒我哋如果回家路程比較遙遠可以稍為加熱燒鵝先再食味道會更濃郁 皮會更加脆！果然無講錯 返到屋企加餸做晚餐無論加唔加酸梅醬 都一樣好味你睇我配埋飯食就知有幾正～推薦大家一個食法可以將佢哋嘅鵝油 同埋鵝汁 輕輕攪拌入熱飯一定會令你嘅晚餐昇華十萬倍…Read More

媽咪話一講到燒鵝就流曬口水，叫我今日收工斬半隻燒鵝加餸，咁啱行過新蒲崗見到新開左一間外賣店，一於試吓你啦🤪原來平時有外買飯盒架，仲有好多選擇，有四寶飯，一於搵日再嚟試吓先😃諗緊食咩女，其實上莊也不差呢，雖然是外賣，但打開外賣盒，鵝皮仍然脆卜卜，呢個要讚喔☺️望落色澤亮麗，好想即刻食😙上莊最適合鍾意啖啖肉的朋友仔，即刻我呀，食落鵝油齒頰留香，油脂分布平均，鵝味十足鵝肉軟腍，配上醬汁後更惹味😚😚…Read More

燒鵞下裝-皮脆肉嫩肥叉燒-無臭豬味, 入口甘香燒腩仔-皮脆肉淋, 肥肉層與瘦肉層平均, 無臭豬味油鳮-皮下肥羔不多, 鷄肉嫩滑, 不太咸, 加上薑容一齊食, 一流收銀個靚仔態度好好, 所有醬料都問你夠不夠.一定會再試…Read More