Video
3-min walk from Exit B2, Long Ping MTR Station
continue reading
Telephone
24799117
Payment Methods
Above information is for reference only. Please check details with the restaurant.
補完習買咗兩個菠蘿一個雞尾 （$10/3） 買完諗緊咁輕可能餡少冇太大期望返到屋企撕開到媽咪分先發現原來都唔少即刻叮返熱嚟食麵包鬆軟唔係好甜而餡都唔係好甜,但椰絲唔係好多,適合驚甜既朋友仔食可能係幫嚫開既都係老人家就唔整咁甜而菠蘿包我就冇咁好啦!整體都係唔係好甜唯獨酥皮部分有啲薄,鐘意食厚酥皮既就要考慮下啦
continue reading
有冇朋友鍾意食撻😂😂牛油皮嘅朋友請揮手👋🏼😂😋細個鍾意食酥皮，而家大個反而鍾意牛油曲奇皮🤤😍🤤😍經過呢間，見到買咗一個酥皮一個曲奇皮😍🤤又係掛住食，冇影到個曲奇皮😂😂好鬆脆呀又香🤩🤤同埋真係好平👍🏻🤤抵食🤩-酥皮蛋撻 $3-曲奇皮蛋撻 $3
continue reading
我諗元朗搵唔到 比鴻運更平、更抵食既蛋撻。$3個，無論餅皮定酥皮，都係$3！！真係意想不到既價格！而且！買五送一，即係$15半打！有六個！$3，仲有老婆餅、皮蛋酥、叉燒酥、豆沙酥、燒餅，都係$3！！比出邊餅店都要平！位置係街市附近，比較偏少少，人流唔算多，個門面比較簡陋。半打揀左1個酥皮，5個餅皮，蛋好滑，不過稍甜左少少，個餅皮唔算太鬆化、都脆。酥皮有好多層，食到個層次感。$15六個真係無咩好挑剔！呢個質素係對得住個價格~有經過又口痕的話，會買，絕對係抵食！
continue reading
今時今日，連食個早餐都要30蚊起，對於平民百姓來講，可能已經係好奢侈，咁食包呢？都晤平，十蚊八蚊一個菠蘿包也大有常在。依間鴻運麵包，就真係做到平，靚，正喇。天未光就已經開鋪，對於晨咁早天未光就要開工嘅我就真係無得頂。3蚊一個8蚊3個系列，有菠蘿包，雞尾包，等等傳統嘅茶記包點，新鮮熱辣，十分鬆軟，食左幾個都無停手。唔啱嘅仲有其他包類都係5蚊起，Pizza包，熱狗，腸仔包，奶油包等等不能盡錄......咁我今次就買了三個包包，不好意思，大食左啲食三個菠蘿包，菠蘿味濃，入口鬆軟。雞尾包，鬆軟味濃，不會太甜。還有一隻熱狗，有兩塊蕃茄有啲菜，好似建康啲今時今日仲做到平民嘅價錢質量又有返咁上下，元朗唯獨鴻運麵包，我會繼續幫襯你架，你地又會唔會試吓呢？
continue reading