鴻記海鮮飯店

我哋上週晚一班朋友去咗去柴灣「鴻記海鮮飯店」，原本只係想簡單食餐飯，點知甜頭係條舖嘅招牌菜嚇親人！先講先，牛仔骨塊頭啱啱好咬入嘴，而且炸得焦香十足，爆開嗰陣濃郁蔥香同肉香夾埋真係懷念到爆。再到 ，炸到金黃嘅蝦同蟹殼脆到連殼都識食，蒜香＋辣椒味撩到人停唔到口，真係一試著迷。整體氣氛帶住一種懷舊大排檔 feel，舖面唔豪華但充滿香港親切風味，啲侍應都幾爽快親切，出菜快又周到。份量亦好實在，不少菜份量夠兩三人 share，性價比高到要俾個讚。如果單講性價比與味道落到心坎度，去呢到聚餐或者想快手安定擺膠火既，鴻記真係一間唔好錯過嘅街坊海鮮店。下次有機會，我一定會再嚟試吓其他招牌，期待每次都有新驚喜！…Read More

两味招牌菜：葱爆牛仔骨同避风塘三宝。 牛仔骨切得大小适中，每块都煎得金黄焦香，上面铺满咗大把嘅葱段，未食已经闻到阵阵浓郁嘅葱香同肉香。 牛仔骨嘅肉质嫩滑多汁，咬落去仲有啲微甜嘅肉汁流出嚟， 葱段经过爆炒，已经冇咗嗰种辛辣，反而带有一啲清甜。跟住上嘅避风塘三宝， 呢个避风塘做法真系好正宗！ 虾嘅外壳被炸得金黄酥脆，连虾壳都可以直接咬落去，虾肉鲜嫩弹牙，蒜香味同虾嘅鲜味混在一起，香到不得了。 蟹嘅肉质好丰富，蟹壳同样被炸得好脆，蟹肉嘅鲜甜同蒜香、辣椒香一齐爆发出嚟，超级过瘾。 鸿记海鲜饭店呢两味招牌菜真系冇令我哋失望，每一道菜都做得好用心，味道超正。 而且份量好足，性价比好高。 餐厅环境虽然唔算豪华，但充满住香港嘅地道风味，好适合同朋友一齐嚟聚餐。 下次一定会再嚟试下其他招牌菜，相信都唔会让我哋失望！…Read More

年初一老人家唔想煮飯嗌外賣，經外賣平台落單，晚上六時多落單，諗住今日餐廳比較忙碌，等待時間可能需要比較長，都唔緊要都可以等吓。點知等咗個幾鐘，原本話半個鐘頭送到，但係不斷更新訂單不斷延遲。打電話過去餐廳，佢哋話今日多單要等耐啲，我話冇問題，生意好都係好事嚟，但係等多成一個鐘頭再打過去，佢都係話叫我繼續等耐啲，一樣嘅說詞。淨係想問吓佢係咪煮都未開始煮佢都答唔到。生意好係好事，但係真係唔該量力而為，如果接唔到張單嘅咪唔好開外賣服務囉，一家大細同老人家六點等到九點咩都冇得食！😡😡😡😡😡😡😡…Read More

從日本返港後，要數到最多人的飯眾便是這一晚了！一共21人，分兩圍檯，多謝搞手的悉心安排，大家得以聚首一堂，渡過了開心、瘋狂、豐富兼滿足的慶生夜！我倆遲到，到達時大家已在品嚐炸魚片頭的餐前小吃，當然少不了大量酒精！事前聽到搞手說選址在漁灣邨的「鴻記」，第一感覺是南極與北極的距離，但畢竟柴灣和漁灣都有著我不少的童年回憶，南與北之距又馬上縮短了！我的童年回憶中，雖沒有「鴻記」的影子，可是「鴻記」典型屋邨飯店的格局，卻非常親切，氣氛熱鬧。服務的哥仔、姐姐們有性格得來，也爽快友善，當晚辛苦了他們！至於菜式，以街坊飯店來說是挺有水準，兼且擁有自家風格，我最欣賞其幾道蜑家海鮮菜式，有機會到漁灣邨的話，可以一試！兩圍檯預先寫同樣菜式，唯獨老火湯有所不同。一圍是西洋菜唐排粉腸煲豬踭，而另一圍是川芎白芷天麻燉石頭魚。大大煲的份量，兩圍共同分享，交換來品嚐，足夠每人三大碗。大家也較喜歡湯味濃厚的西洋菜唐排粉腸煲豬踭，要一讚的是加入新鮮豬粉腸，我家伯娘時節的靚湯也會放上豬粉腸，豬粉腸不是家家戶戶會使用的湯材，李家的家飯倒叫我懷念！雖然川芎白芷天麻燉石頭魚濃郁程度不及另一款老火湯，但那石頭魚擺盤實在太Cool 了，加上經老火燉製後的石頭魚魚肉，仍然嫩滑富魚香，大抵是燉湯的可取之處。第一道送上的菜式是老港茄汁大蝦碌煎米底(加底)。大蝦真確夠大，啖啖彈牙肉質，夠滿足！對老港茄汁的來歷不太了解，但甜香濃郁的味道卻是不錯，與煎米粉同吃，甚有童年回憶。留意茄汁是分開上，非一般街坊飯店的細心，讚！老實說花螺有點灼過頭了，螺肉缺少了我喜歡的爽感，肉質變得稍為腍軟。但特別加料的甜辣沾醬，叫人吃出滋味來。沾醬入口有麻油香氣、更加入了點點胡椒粉點綴，真的與別不同，不過最重要選用優質醬料，效果才能達至完美。鄭重聲明菜名為：正氣明火白灼海花螺 x 悅和醬園 。一向以為白鱔屬於淡水魚，其實白鱔於繁殖期間，會由淡水游向鹹水，是能夠適應鹹淡水的魚類！一想到這點，大家都要細味這道秘製鼓汁蒸海爽鱔。到底在繁殖期的白鱔，是否會更具滋味？！白膳不算粗大，但肉質爽彈且嫩滑，與美味鼓汁是密不可分的好拍檔！席間有數位跟我一樣從來沒吃過非油炸炮製的九肚魚，「鴻記」的蜑家油鹽水九肚魚正好是我們處女嘗試。不試罷不試，原來油鹽水九肚魚會是那麼的美味，沒有魚腥，既香且滑、當然蜑家煮法的佐味是不可或缺的滋味元素。油鹽水九肚魚成為我當晚最喜歡的菜式！再來招牌薑蔥炒大肉蟹。每次吃炒蟹，大家自然會將焦點放在入味的薑蔥身上，我趁機可以多吃幾件蟹肉，謝謝！依然覺得薑蔥可以再重手一點，增加惹味程度。或許是我年代的關係，對大笪地沒什麼的印象。但自人見人愛的大笪地椒鹽釣口鮮魷的出現，真心相信大笪地是一處歡樂的地方！大家都在渴酒，假如調味重手一點點，一定會更受歡迎。記得老爸提過爺爺艇上的工作人員都愛挑小魚來吃，因為一般小魚比大魚嫩滑、魚味更豐。不過，現代人甚少會懂得欣賞小魚的優點，坊間亦很少提供蒸雜魚的菜式。故個人特別鍾情「鴻記」這兩道小魚菜式，一是蜑家椒鹽新鮮海沙鑽、二是椒鹽泥鯭。用手拿著吃，的確愈嗒愈滋味，到現在仍在回味中！清蒸鷹䱽魚當然是優質兼貴價魚種，以清純的獨突魚味與及鮑滿細滑的魚肉見稱，跟小魚又是另一種不同的吃法，看個人的喜好！不管你喜歡蒸雞，還是炸雞，「鴻記」半黃半啡的鴛鴦雞總能滿足不同人的要求，細心與創意值得表揚！酥炸豆卜和椒鹽豆卜是特別為壽星而設，因為他是一名不折不扣的豆卜粉，哈哈！而非豆卜粉們都較喜歡惹味的椒鹽豆卜！為小朋友而點的豉油王炒麵，味道也不錯！其實還有蔬菜，只是大家已進入有點瘋狂、興高采烈的狀況，因而場面有點混亂，所以錯過了拍照的時機，哈哈！最後是壽包、特製豆卜蛋糕和甜品的出場，相信壽星和一眾都有頗長時間不會吃豆卜了！…Read More

聽朋友講依間獲氣夠，仲係年中無休既中式餐館😍今次第一次黎試😱真係大排筵席😋😋😋😋一行六人臨時前1晚半夜訂枱好彩有枱🤣今餐一家大細都食得津津有味，唯獨唔記得order signature 之選 龍蝦😅最後老闆比相我真係好吸精🥰下次必食之作。。。。但今次都試到出名既燒雞 皮脆肉滑，仲有叫左小朋友至愛咕嚕肉 口質一流，粟米斑塊 略為偏咸😅兩樣炸脆粉都做得好好，薄薄一層加啖啖肉👍🏻👍🏻👍🏻👍🏻👍🏻👍🏻真係一間柴灣隱世中餐館🥰🥰🥰🥰🥰🥰…Read More

之前叫過兩次外賣，印象係幾好。中式小炒，附近選擇不多，呢間算係有水準。今晚兩個人叫左4個小炒，之前未叫過相同的菜式，全部都可以用“差”去形容。1. 小炒皇 咸。好油。炒得太熟。可能係外賣送到黎係焗左一陣，我理解，呢個送我都接受。2. 啫啫雞煲好咸。d雞好厚粉，每口都是油。雞的部位亦多是只有皮冇肉。加左幾舊豬潤，個人口味唔食內臟，所以成碟食左少過三分一。3. 海蝦荷葉飯好咸。原因太多蒜泥，但最大問題係，個飯好濕，d飯好爛。希望可以改善下。4. 剁椒魚雲非常失望。因為係“生”，有幾舊係未蒸熟，腥，食唔到三分一要放棄。總結，你地每次外賣都簽名寫卡，希望會改善出品。…Read More

今晚點左個上湯龍蝦🦞伊面龍蝦超新鮮，肉好嫩好厚，咬落去果陣鮮龍蝦味爆出個口度真係一試難忘。伊面上枱果下，嘩一聲，真係勁大碟，實行一定食到你飽嘅地步，店員仲好親切會拎隻龍蝦俾你selfie先，然後再新鮮整完上枱，今時今日食個飯有覺得好窩心溫暖，就真係喺鴻記我先搵到。第二味係斑球炒芥蘭，斑球好厚身，一啲都唔腥，炒得勁香，有九黃、西芹呢啲配菜，好鮮嘅味道！芥蘭又完全唔苦唔鞋口，墊底索汁無得輸，兩個人極速係咁食，停唔到口！第三味係金銀蒜蒸扇貝，粉絲鋪喺底索味，果兩個蒜汁香到久久不能忘懷，扇貝亦唔細，好淋好甜好鮮味！呢餐真係食得好幸福，新鮮同甜美同大份！基本上兩個人係足夠有餘，店員親切友善，吃得好舒心好幸福！…Read More

今天天氣放晴但係要開工，早排成日落雨，影響我四圍搵食😁近期每天中午都會去鴻記午膳，貪佢價錢合理，款式多且係即叫即炒，鑊氣十足👍🏻應該係延續大牌檔嘅營運方式單係粉麵飯嘅餐牌就有75款，最適合有選擇困難的人士，只要順住餐牌叫，要2.5個月之後至食完🗓️並且小菜價錢唔貴，偶爾幫襯都唔錯。多數我下晝諗唔到食乜，我亦都會嚟呢間幫襯✳️滑蛋蝦仁飯 $48味道適中，唔太鹹🦐蝦肉質尚算結實，但應該係雪藏蝦，有些微腥味，以$48的價錢可以接受…Read More

今日係年初三，亦是西方情人節。昨日去到"鴻記海鮮飯店"的賀年點心已估清，所以今朝特意早些去到。一入門囗，第一時間便叫了兩款賀年點心。分別係"發財好事燒賣"和"橫財就手"兩款。"發財好事燒賣"是新鮮蒸出的，但碟數只有很少。點心上面少許髮菜佈在蠔豉及豬脷上面，下面是兩粒大大粒的蝦肉及豬肉燒賣。熱辣辣，燒賣蝦肉彈牙，味道唔錯"橫財就手"就是炆豬手了。豬手炆得夠焾但應該不是用南乳炆，味道偏些甜，也算👌這兩款點心貪其意頭，亦是過年這幾天才有，本人每年都去品嚐。另外就叫了一款"四寶滑雞扎"見到新鮮蒸出，也是例牌必食點心，外觀不錯，味道也唔錯👌整餐連茶錢也只過$70，整體來說是滿意的早茶…Read More

今日下午係柴灣漁灣邨做完野，見到鴻記海鮮飯店，店舖睇落都應該開左好長時間，應該屬於邨內既老店，雖然店舖裝修比較舊，亦唔稱得上企理，但又係好有「地」味，即係夠貼地，所以入去試下味道先我地點左2碟餸配白飯🍚，蒜香雞、豉油王鵝腸，同埋2碟肉片炒河，好麻甩既餸，蒜香雞好惹味肉質唔柴口，豉油王鵝腸唔夠豉油味，可以再重味少少，肉片炒河賣相可以，實質就可以鑊氣多番少許，總體而言，我覺得依餐味道65分中規中舉，都收貨既，繼續支持老店💪🏻…Read More

大排檔式風味現在已經買少見少，取而代之是一眾地道”飯店”。對食客也有好處的，既能一嘗鑊氣小炒，又能在冷氣環境下享受美食⋯環境雖然比較貼地、但就貼切大排檔風味這裏定價不是平，是市價價格看來並不特別便宜，市價中份量也比坊間的”例牌”大碟粉絲雜菜煲 - 用上南乳作底味，配有鮮魷片、冬菇、蝦米⋯比坊間的雜菜㷛野味蒜香辣雞翼 - 雞翼切為小粒，入味易入口，脆炸雞翼件，配上大量炸蒜粒，簡直停唔到口!椒鹽鮮魷 - 份量大大碟，炸粉厚薄適中，魷魚新鮮厚切，有咬口，即炸鮮魷點上喼汁，佐酒必備。咸蛋蒸肉餅 - 好耐冇食嘅家常小菜，充滿家的味道！…Read More

與媽媽食晚飯。媽媽喜歡食蟹，而鴻記的蝦蟹抄得出色。平時抄蟹外賣回家已經覺得很美味。今日堂食，希望更鮮味。店員幫我們選了兩隻 膏蟹，真的好多膏，而且新鮮。蝦也抄得很香口(因為媽媽喜歡香口的)，小抄皇夠晒鑊氣。環境尚算整潔，始終都是小店，不能要求環境十分舒適，但勝在食物水準讓人滿意，所以就算是小店也會繼續支持。…Read More

柴灣食大牌檔既，通常都係食泉記但我覺得普普通通啦鴻記味道比較好環境的確係唔算企理既...（相比起其他大牌檔，其實佢環境算正常企理架)，個格局地痞小小囉但d野食幾好味架，又夠鑊氣👍🏼👍🏼成班麻甩佬飯就一定無錯第一樣要食既係豉油王炒麵個麵小小硬，唔油，又夠乾身，鑊氣十足避風塘雞翼/ 避風塘排骨蒜粒新炸，無油溢味，又唔會得個辣字籠仔-蝦-荷葉飯蝦唔算大隻，但新鮮，蝦尾無變黑，用金銀蒜放飯面蒸，蝦味落左去d飯度，飯都係炒底而且唔油，好味！但荷葉味就好淡，唔算好香最「難」食係個炸水餃，炸墨魚咀，炸香飯魚，唔好誤會，因為依三味野，成日缺貨，但係依三樣野都好好味架仲有，到凌晨一兩點左右就開始有晨早點心架食宵夜既朋友，傾傾下計又肚餓，就可以再食多獲環境的確係唔算企理既...，而且個格局地痞小小囉但d野食幾好味架，又夠鑊氣👍🏼👍🏼成班麻甩佬飯就一定無錯第一樣要食既係豉油王炒麵個麵小小硬，唔油，又夠乾身，鑊氣十足避風塘雞翼/ 避風塘排骨蒜粒新炸，無油溢味，唔會得個辣字籠仔-蝦-荷葉飯蝦唔算大隻，但新鮮，蝦尾無變黑最「難」食係個炸水餃，炸墨魚咀，唔好誤會，…Read More

柴灣 － 港鐵的尾站,對於住新界九龍區居住的人會覺的很陌生, 但對我來說,這裡是成長的地方漁灣邨相信是數一數二的舊式屋村, 但這裡卻有一間24小時營業的飯店, 凌晨至早市時段有點心供應, 晚市時段有海鮮小炒當晚與好友聚舊, 當然要回到年少時常到的聚腳點籠仔荷葉蒸海蝦(炒飯底)  - 開邊蝦不算大隻, 但勝在每一隻都有蝦膏, 加上蒜蓉一起蒸, 上層的精華完全跌至下方的炒飯, 令炒飯更加濕潤, 淨食炒飯都食得出一種鮮味, 不過賣相與圖片不符蒜香雞翼 - 雞中翼一分為二, 炸得夠乾身好入味, 份量都好足 海皇瑤柱羹 - 內裡有蝦/帶子/魷魚/魚柳等海鮮粒, 內裡瑤柱份量都唔少, 不過味道略為淡了一點沙薑雞腳 - 雞腳煮得夠淋, 雞腳都尚算多肉, 不過沙薑味不夠濃炸片頭拼大腸 - 除了這個配搭, 還可以拼上椒鹽鮮魷/京都骨等, 岩晒三心二意的食客, 值得一讚, 片頭非常厚切, 夠彈牙, 炸大腸沾上酸甜汁好惹味啫啫生菜煲 - 上檯時香噴噴陣陣蝦醬味, 份量一大煲，加上蝦乾一起煮整體唔會太咸, 飯店亦有誠意, 炒熟生菜後再放上煲上煲一煲才起菜雖然味道不算太特出, 但友人推介必定要前來食點心, 蒸牛肉SIZE有拳頭一樣大, 一定要見識一下…Read More

想起以前只來過這裡吃晚飯，沒試過飲早茶。趁著今天放假，於是與家人首次來飲早茶。由於十時多才到，早市差不多完結，故此剩下的點心款式不多。我們兩個人，選了四款點心。雞絲粉卷 ($10)：雞肉有點紅，或者是雪得太耐吧。粉皮太爛，包不實餡料，所以許多餡料是外露的。魚翅餃 ($10)：皮略乾，餡料飽滿。但豬肉也是有點紅，應該也是雪得太耐，感覺不太新鮮。糯米包 ($10)：糯米包很大個，配料是傳統的臘腸、蝦米和冬菇，但很少。糯米飯太乾，不夠黏性，但勝在不油膩。皮太乾，其中一個的皮更爛開了。蝦餃 ($13)：蝦餃頗大隻，但餃皮太厚。蝦大隻，但不算十分鮮味。連茶錢每位$4，埋單共$51，職員還收我們齊頭$50，十分便宜。不過點心只是一般，或許是因為由早市開始放到十時多，已放涼了，所以味道和質素未算理想。又或者，小菜才是此店的強項。以後還是光顧晚市好了。…Read More