鴻淘士多‧羅太豆花

今日行到上水，係「大水管」附近搵個地方歇一歇腳。呢間小店真係平靜又舒服，入到去先叫咗一碗冰涼豆腐花，滑到入口即化，甜味啱啱好，清熱一流。再叫埋炸豆卜，外脆內軟，咬開仲有少少豆香滲出。四點左右，原來好多小食已經賣晒，聽到都有啲心痛，下次要早啲嚟先唔會錯過招牌。總之，呢度真係上水炎夏「躲」一躲的好去處。 …Read More

2025.1開心重遊羅太好地方要行一段路，天朗明媚，身心康泰。遇上一群牛，一群羊，一群鳥。。。每種都令人開心，已上唔到大水管。。。好在羅太冇變。。。選了豆腐花，炸豆腐，一咸一甜粿子，齊齊分。豆腐花的糖水，依舊有濃烈姜味，為我所愛。遺憾疫後，沒有了任飲任食，可以瘋癲地大食一餐。炸豆腐，現炸熱辣辣，外脆內軟，愛死人。粿子。。。朋友愛咸，我愛甜；share齊齊試，好開心。回程見到可愛的婆婆，體態依舊好美。…Read More

位置唔方便，唔係踩單車好難會黎到呢度食豆腐花，之前食過兩次，印象中係$8任食（應該好多年前😂）今日踩單車，順便入黎食多次，已經加到$12一碗。味道都唔錯，幾滑，但熱食應該好食d, 不過天氣太熱喇，我食左凍，下次天氣涼d再試下食熱先。…Read More

得閒入去上水河上鄉行下散下心，聽人講呢度食豆腐花好出名，於是就入去坐下享受下悠閑寧靜，食下野休息下都好十零蚊一碗豆腐花而家無咗放題:(有點可惜不過豆腐花質數仍然唔錯，好有豆味，黃糖同糖漿係自己落，可以睇自己口味調節，唔錯我亦買咗枝豆漿，留喺繼續行程時飲，豆漿有超級冰凍的既揀正呀！舖頭亦有唔少豆類製品可以買番屋企做手信！我就買咗支竹和腐乳！屋企人都讚不絕口我見到有其他網友介紹雞仔餅，我今次去就見唔到，有機會見到都想買黎試下！…Read More

住附近村屋嘅我，久唔久都會踩吓單車嚟到附近，今次同埋兩位朋友郊遊，帶埋佢哋嚟食。對於豆腐花嘅喜好真係一般，唔鍾意食入口鞋鞋地感覺，倒不如食豆腐。不過行完山嚟到坐吓試吓嗰豆腐花豆漿放題係幾特別，好chill，唔係坐cafe嗰啲偽chill🤭豆腐花豆漿就一般啦，淡口無乜豆味，都唔滑身。不過呢到除咗豆腐花豆漿放題，仲有好多豆類製品同埋張了可以被行山人士買 （好似郊遊買手信咁😂好正）$1x可以買到嘅悠閑同休息嘅地方，抵啦。…Read More