鴻機茶室

Open Now

Now Closed

嚟呢頭揾早餐食夠晒多選擇，間間望吓餐牌揀啱有位就坐低 😜早排未有咁多人出街揾位易啲，我哋試咗呢間鴻機，無乜期望反而有點驚喜，多士好新鮮，應該係跟單即時烘嘅，唔似得有嚟茶餐廳烘定晒，上檯時又硬又靱。奶茶飲落又算好味喎，其他蛋呀，餐肉呀，米粉呀之類都係正常嘢，不過不失。啱啱個星期日又再次幫襯，但今次明顯多好多人等位，安排上有啲混亂，一時叫你去嗰度等，跟住另一個又叫你唔好阻住通道 😭😭😭 不過呢度檔檔都係咁，揾食有啲艱難呀！

每次食隔離既魚蛋粉都會叫鴻機既細杯熱奶茶和奶油脆豬，事關隔離既魚蛋粉真係唔夠食。鴻機既食物好少食，試過佢既早餐，無咩特別係普通茶餐廳既質素。值得一提既係佢地既奶茶，有大杯同細杯兩個size。我覺得佢既奶茶有別出面大型連鎖店既奶茶。佢唔會好似出面茶餐廳d奶茶咁有一浸好厚既淡奶味，佢飲落口感覺的雖然感覺有d稀，但係好滑同埋茶味好濃。

大埔街市熟食中心有好幾檔，我真係可以說是由細食到大。而且，就以前同而家都是，大埔街市各商戶都保持一個良好的營商環境，我做茶水，你做粉麵，佢賣粥，後面檔做點心，夜晚留晒個場俾晚市果幾家做。我坐係A檔，可以叫B檔送東西過來食。此外，茶水檔往往同某一兩檔粉麵拍住上，從前，在臨時街市，賣咖啡奶茶的《鴻機》是拍住賣魚蛋粉的《洪記》一齊做生意的。新街市落成後，《鴻機》同《洪記》依舊拍住上，依舊是隔離檔。今次，我只說《鴻機》(全名是《鴻機茶室》)。因為細細個的我，入街市食早餐，《鴻機》永遠都是首選。所以今次來到街市食早餐，我終於忍不住了，要回味一下。 肚子餓，我決定要食一碗公仔麵。貪心了一點的我，點了一碗豬手麵。很正宗的豬手麵，湯麵同豬手是分開上的。麵有時菜，也就是生菜，有肉絲，湯底也是有足夠的肉味，香香的，不錯。 豬手，單是看已知道是味道美妙的。吃入口，醬味濃郁，豬手皮起了一個完美的膠質，肉腍骨香，非常之惹味。味道香，入口腍，更可以說是完美。 由細食到大的，就是鮮油多。從前，他們是以厚切方包，在中間剖開一刀再夾牛油。今時，就普通的兩片正常方包中間夾牛油。味道感覺其實有少少不同的，不過同樣的，就是牛

今日星期日 諗住同男朋友食個港式茶餐做早餐 叫左個蛋治烘底 ($14) 同特餐轉丁($36)份蛋治一黎到 嚇左一嚇 未見過薄到咁既蛋治 塊蛋係零厚度 亦唔係一般茶記會食到既炒蛋 於是問一問落單呀姐 呀姐表示 蛋治一般係噤 除非特別講明要炒蛋噤話 然後 特餐黎到 炸菜肉絲雞翼面 味道不過不失 不過肉絲就欠奉 大埔街市熟食中心有好多好選擇 呢間一定唔係

晨早要落大埔街市買餸，順道探下幼稚園食到依家既洪記啦。多人到呢！人山人海！見到隔離茶水檔有位即刻坐低先講啦。唔好迫我啦！我唔想又出前一丁架，今日想食魚蛋粉架乍！欽記無開！竹昇麵平記無開！最後侷住出前一丁！雞扒多士，原來唔係淨雞扒，仲有好多料喎，份量十足又有 heart，抵食！即烤多士香脆熱辣辣，外脆內軟又香口，咬落索一聲，好 high 啊。雞扒多士，煎焗雞扒都嫩滑帶肉汁既，不過味道一般，醃得略甜而單調沉悶。幸好有鮮茄鮮生菜加沙律醬作點綴，認真生色不少，帶來清新味道，口感及味道既時豐富起來，都幾好食。太陽蛋滷水雞中翼出前一丁，湯底異常地淡，唯有辣椒油打救啦。辣油似層相識，唔知邊度食過，辣到冒汗，正！麵質正常大路，太陽蛋正常滿意。滷水雞翼食晒碗麵先到，賣相黑媽媽又乾爭爭完全唔討好。雞中翼瘦削不肥美，一入口微波爐叮熱味道，死實無生命。雞皮黏口，雞肉乾鞋又霉又腍，極重八角味道，滷水味濃而混濁，試一次便夠。

上去大埔墟街市上面.有的店無開門.有的就坐滿人.我去到個刻得呢間店有位..吃的是茶餐廳食物.也不妨一試.....有住家感覺.食火腿蛋.是用筷子.不是用义...火腿幾厚.有二大塊又少油...正!蛋係半熟的..多士脆而香口.又熱辣辣.無可批評.......通粉:熱到燙口..不過煮得太林...炸菜肉絲好多........不過呢碗通粉好淡口......埋單23元..........合理...

今日入大埔，主要係因為知道吉之島要closed了! 曾經在大埔住左3年0既我，以前一到假日總會到吉之島行下的，真係有點唔捨得。今日既然來到，我同老公都決定到新街市食，最想食0既係欽記魚蛋粉...可惜去到無開!我唔想等，就是但到了一間唔洗等位的茶餐廳。我要左一個特價餐，$20 包括腿蛋奄列、白面包、餐肉同熱華田; 另外再加左一份吞拿魚多士$11。野食都幾快就到，一睇之下賣相無驚喜! 食落味道都相當普遍。至於份多士呢，一食落發覺真係好少吞拿魚...唔好食! 其實$11 都唔係特別平，但禁少吞拿魚，真係有點過份! 呢個價錢在一般的面包店可買到好足料的三文治呢!所以，下次再來大埔都唔會幫襯呢間了!

在大埔來說的確有不少出名的食物.一條林村河分隔大埔南北美食,如不是有經驗的食家說這裏,我也不知道這裏出名的是西多士,說西多士,小時候非常喜歡在大家樂下午茶時段食一件西多士,出來社會工作也不忙在下午茶叫西多士.但往往所製作出來的西多士令人難以忍受.位置於大埔墟新街市的熟食中心.在星期日放假有空閒的時候不如來這裏食個早餐精神一下..約早上九時到達已發覺不少顧客坐在這裏慢慢食多士,坐下則叫一客西多士,加一杯凍奶茶.先上一杯凍奶茶.奶味十足,.也是不錯的精神飲品.用相機拍照時不小心用了閃光燈,使到同枱顧客受影響.連忙說不好意思.今回的主角西多士也遞上.雖然西多士的表面雖然還未到達金黃色的境界,但看一看也知道這件西多士也絕不簡單.如果西多士外表愈是深色也代表那件的質素,有不少店鋪用隔夜油或是剛煮完食物的油再製作.所以會出現深色的情況.下一點蜜糖,塗上牛油,慢慢地切開一小件,食下去鬆軟,口感頗豐富,而它的中間帶平均地塗上花生醬,甜而不膩,食西多如食漢堡相同,必需由上至下一起進食,如食上方才接著下方則失去其原味.一件西多士帶出廚師的技巧及經驗.如食西多在店內則好,因多次經驗的關係,此品萬萬不可叫外賣

說真, 此茶檔真的是陪著我成長, 從我未出世, 父母兄姊在太和樓樓下的每天早餐, 至我小時臨時街市的星期六早餐. 那一份鮮油多, 那一塊西多士, 那一杯奶茶咖啡, 那一碗魚蛋粉. 仍然不能忘記. 當年那種街坊的溫情, 看見鴻機兩個字, 往往帶起不少回憶.惜日的老東主, 早已退休. 店舖交由大兒打理. 今日, 在新街市重訪老店, 老東主當然不在場, 大兒子亦不在場, 店原來已交由二子打理. 幾十年街坊, 老爸依然把人認出來了, 亦慢慢細說了以上的當年.......(已省近千字).來到鴻機, 只有兩個目的, 鮮油多, 西多士. 這兩個陪伴我們一家五口成長的每天Menu, 相隔了十多年, 這份, 鮮油多, 西多士, 是否仍然是當年的, 鮮油多, 西多士?昔日的鮮油多, 烘底的厚切麵包, 再由中間剖開, 鮮牛油慢慢溶在仍然是軟綿綿的內心上, 特別的好味. 如今, 這個剖腹厚麵包的功夫沒有了, 換來只是普通的兩塊麵包夾著. 雖然那牛油仍然是一大片夾在中間待溶, 但今時不同往日, 那塊麵包, 已令到今時今日的鮮油多, 失去了當日的色彩.西多士, 也是鴻機的佳作. 幸好, 西多保留了當年的水準. 金

6/4(日) 4pm光顧"莊記"的同時,到鄰店"鴻機茶室"要了杯茶走$9.茶走入口幼滑,甜度恰當;唯茶及奶要下點功夫去平衡;奶味略甚.$9貨仔,有所交代!