Video
4-min walk from Exit B, Whampoa MTR Station
continue reading
Telephone
93575711
Payment Methods
Above information is for reference only. Please check details with the restaurant.
Video
Photos
金錢肚油潑辣子刀削麵
冬蔭功刀削麵
+246
+21
朋友約出黎食飯，到左佢屋企附近的鴻御百年，一來見佢新開想試下，二來見佢有山西刀削麵又有泰國菜咁特別。入到來，小店光猛簡潔，老闆娘挺熱情的，感覺不錯嘛。睇左陣餐牌，都幾多野想食，就叫多幾款先🤤⭐冬蔭功湯先來個冬蔭功湯，酸酸辣辣很開胃，左椰奶香亦有海鮮的鮮味，味道很正宗嘛😋飲下飲下仲發覺一碗入面有六隻蝦，咁足料嘅，會唔會蝕本㗎？⭐泰式酸辣鳳爪沙律再來份涼盤泰素鳳爪，同樣係酸酸辣辣的，鳳爪好爽脆，軟骨有咬口好味喎😋⭐曼谷水門雞飯朋友點左水門雞飯做主食，黎到份量好大份喎😳老闆娘話唔夠飯仲可以加飯添呀，哈哈。雞件已去骨好嫩滑，有雞的鮮味，再點埋個伴醬就更香口，正🤤雞飯仲有雞湯送，鹹鹹地的菜湯都幾好飲呀，至少唔油膩先啦👍⭐山西剁椒油撥麵自己就揀左山西刀削麵，呢款係油撥麵，看似辣醬拌麵？睇落好辣但實際唔算，辣得黎香口，蔬菜很多增加味道同口感，麵條彈牙有咬口，好食🤤⭐泰式燒豬頸肉仲叫左份燒豬頸肉，略微乾身左啲唔夠油水，但個酸辣醬汁好好味。⭐山西大同黃米涼糕全個餐牌得呢樣甜食，試下先😆糯米飯同小米都煙煙韌韌的，上面淋左桂花糖，香甜但不膩，好味但好飽肚，今晚叫太多野啦，哈哈。⭐泰式奶茶 & 泰式檸檬茶仲加左泰式飲品，奶茶茶香奶滑，甜度啱我口味。朋友揀左檸檬茶，原來用青檸的，都好飲但無黃檸檬咁酸😆樣樣都好食喎，開頭見佢二合一嘅菜式仲驚兩頭唔到岸，但原來中式同泰式都煮得好味，讚👍
continue reading
我和太太經常一起尋找新開的食店，這次的目的地是位於紅磡寶其利街43號地舖的鴻御百年山西大同刀削麵。聽說這家餐廳提供正宗的山西刀削麵和其他美食，所以心中充滿期待。我們到達餐廳後，迎面而來的是一股濃郁的美食香氣，讓我們胃口大開。我們迅速入座，開始品嚐這裡的美食。作為前菜，我們選擇了涼拌東北小碗耳-$35。這道菜色香味俱佳，小碗耳爽脆可口，配上特製的涼拌醬料，帶來一股獨特的東北風味。接著，我們選擇了兩道主菜。第一道是金湯酸菜魚刀削麵-$60，湯汁濃郁魚肉鮮嫩，刀削麵有嚼勁，酸菜的酸味與湯汁的鮮美相映成趣，令人回味無窮。第二道主菜是曼谷水門雞髀飯-$68，雞肉鮮嫩多汁配上香氣四溢的泰式飯，口感絕佳。其中的香料和調味料使得這道菜帶有獨特的泰國風味，令人驚艷。我們也點了兩道小食來搭配主菜。第一道是泰式炸蝦餅$58，外酥內嫩，蝦肉鮮美，搭配泰式蘸醬更加美味。第二道是蠔油菜心-$25元，菜心綠意盎然，蠔油的鮮味使得整道菜更加美味可口。作為甜點，我們選擇了山西大同黃米涼糕-$39元，一份有四件，涼糕口感滑嫩，米香四溢，甜而不膩，給了我們一個美好的結尾。最後，我們點了兩杯泰式凍奶茶，每杯28元。這杯凍奶茶濃郁香醇，口感冰涼，與辛辣的菜餚相得益彰，解渴又開胃。整體而言，鴻御百年山西大同刀削麵是有特色及用心製作的餐廳，更可同時享用泰式料理，是一舉兩得能令味覺雙重享受地方。
continue reading
本人中意食刀削麵同口水雞，今日就黎到黃埔呢間刀削麵試新野！一入到黎已經比佢餐牌嚇親🫨原來呢度係中泰合璧，又有刀削麵，又有泰國野！睇落好似伏伏地咁，但身為為食專員，真係要試下先知🤔我地叫左口水雞刀削麵，剁椒豬頸肉油潑麵，仲唔少得解辣嘅泰奶同泰檸茶✨#剁椒豬頸肉油潑麵 $58店員問我地食唔食得辣，食得就要試呢個出面少有嘅油潑麵。唔好比面頭嘅油潑子嚇親，食落又真係唔算辣喎，豬頸肉唔會好柴，整體黎講值得一試。🔥#口水雞刀削麵 $60口水雞冇辣度揀，個人認為微辣程度，麵做得好入味，份量滿意。但刀削麵真心好食，好煙韌，唔會覺得佢好硬，店員同我地講真係老細手切架🫢#泰式奶茶/泰式檸檬茶（跟餐+$10）正常發揮，不過不失，但幾中意佢冇咁甜，岩晒平時飲開少甜嘅我😂整體黎講食完有下次！不過店員傾傾下同我地講可能做多個幾月就唔做刀削麵直接做泰菜，所以想食刀削麵嘅你地快啲趁早去試啦
continue reading
依間餐廳主打刀削麵，仲集合了泰式風味多款美食🤩無論你鍾意泰式菜定刀削麵，呢間麵館都滿足到你味蕾😋價錢並非常親民，叫咗好多嘢食都唔過$350😍上菜速度好快，員工服務質素好👍🏻曼谷水門雞飯 $60老闆娘極力推介✅ 自家製嘅水門雞🐔肉質嫩滑多汁，加上泰式辣椒醬，再搭配香氣四溢米飯，每一口都極具滿足感紅燒牛腩刀削麵 $58招牌之一🙌🏻牛腩肉質偏硬少少，刀削麵條富有彈性😋牛腩湯底再香濃一些會更好味🙈每一口都食到不同層次風味泰式燒豬頸肉 $65推介✅豬頸肉燒得金黃酥脆，保持著豬肉嘅嫩滑🤩配搭獨特嘅泰式醬汁整體味道昇華😍泰式肉碎生菜包 $58少少偏辣🌶️份量好足夠👍🏻生菜非常新鮮清爽，配搭泰式肉碎增添了口感嘅層次感😆健康得來又好食😋📍鴻御百年山西大同刀削麵紅磡寶其利街43號地舖
continue reading
小妹去黃埔行街，心血來潮想食刀削麵，點知撞啱見到呢間新開既刀削麵店🫣見到店內不少顧客幫襯，坐位闊落，唔逼，就入去試吓😝豬頸肉🐖份量十足，表皮香脆可口，且肉汁能鎖住，配上醬汁味道啱啱好，好味😋刀削麵🍜呢間刀削麵原來有不同食法，傳統配湯或撈麵麵同以。配料相當足料，味道不錯👍🏻刀削麵煙煙韌，唔係薄薄既刀削麵，咬落有口感，夠飽肚；而辣醬味道香口，食完後味蕾仍感濃味🌝海南雞🐔感受到餐廳🍴係每日新鮮製成，而且雞件嫩滑又大件，油飯粒粒分明有嚼勁，不錯😝泰式肉碎生菜包🐖🥬份量啱啱好，肉碎微辣，肥豬肉唔多，啖啖肉汁，非常惹味，配埋生菜一齊食唔會覺得滯😊冬陰功湯🍲湯既美味感受到新鮮冬陰功湯，冬陰湯底係我食過較清既一款，味道偏甜少少，唔似平時食得咁油膩，小妹都幾中意呢個湯，又足料😋泰式凍奶茶🥤甜度適中，茶味芳香清純，整體茶味濃度唔高，最特別係飲後喉嚨仲徘徊著陣陣茶香💕泰式檸檬茶🍋濃厚既茶香，配合檸檬🍋果香味，但甜度較甜，小妹都係鍾意飲港式檸檬茶多🙈整體黎講性價不錯🤗 如果想食刀削麵既朋友仔記得要試吓❗️
continue reading