Fung Shing Restaurant (Leighton Road)

今次同長輩食飯，就揀咗懷舊老店鳯城洒家，呢度有佢哋鍾意嘅正宗順德菜食，重有懷舊手工菜🤩我都好想試吓呀！我哋當日坐樓上，環境整潔又舒適，坐住食得好舒服👍🏻🌀紫砂茶壺燉螺頭湯呢個燉湯好特別，用茶壺一位位上的，個螺頭湯超鮮甜，材料超足，螺頭、雞腳、瘦肉、淮山，我全部食清光😝🌀鍋貼大明蝦球先嚟嘅呢個鍋貼大明蝦球，每塊炸得極酥脆嘅金黃色多士上邊都有大大隻原蝦好爽口彈牙，真係好好食😋呢個真係必食推介👍🏻🌀招牌炸子雞呢度嘅炸子雞真係超抵食，依家做緊個優惠價錢只係$148咋🤩重要係超大隻嘅三黃雞呀😍炸得皮脆肉嫩，雞肉好香滑，又保持到肉汁，就算雞胸肉位一啲都唔會嚡口，滑嘟嘟😋呢個真係必點🌀北京填鴨（半隻）鴨皮烤得色澤金黃，鴨肉質嫩香有肉汁😋完全唔會有肥膩感，薄餅皮配搭京蔥絲，青瓜，甜麵醬食，超美味😋🌀煎釀鯪魚呢個順德名菜煎釀鯪魚我第一次食，呢個真係手工菜，所以必定要點嚟試吓，將原條鯪魚起皮真係要好有工序，再去骨起肉，再釀番入魚皮之內，煎香切件，食落去有淡淡嘅陳皮味香，魚肉唔會有腥味，再沾埋個鼓汁食真係超Perfect😋🌀鳳肝金錢雞呢個順德名菜聽就聽得多啦，所以今次一於叫嚟試吓，一塊肥豬肉、一塊雞肝、一塊豬肉疊起組合而成，味道濃郁😋呢度比較特別，用上白麵包嚟襯托一齊食🌀海味雜菜煲食咗咁多肉肉，一定要叫返個菜先啦！就連個雜菜煲都咁足料，大量乾魷魚，大大隻蝦乾，個湯汁好鮮甜😋粉絲索晒湯汁嘅味道好正呀👍🏻🌀蓮蓉西米焗布甸（細）完美嘅一餐，就要用完美嘅甜品嚟結尾，咁呢個西米焗布甸一定係啦🥰即點即焗，上枱熱辣辣，表面焗得夠晒焦香😍布甸入面除咗西米之外，仲有超香嘅蓮蓉，喜歡佢唔會做得太過甜，食完一啖又一啖真係停唔到口，呢個又係必點，真係好好食😋…Read More

I'd seriously recommend booking this place for birthday celebrations in big groups, because they have huge tables and incredible Chinese cuisines to serve. Our birthday star was stunned by her "cake" this year, with a very aromatic baked caramelised top; custardy sago pudding in the middle; and sweet lotus paste at the bottom. The three layers perfectly melted into each other, and you could easily spoon this cake to savor. We got each of us a serving of the signature soup stewed in purple clay teapots, just poured the golden liquid out into the tea cup when you are ready to drink. It's the very rare moment that I enjoy soup in such a delicate and delicious way. There were dried conch, chicken feet, dried scallop, lean pork, yam, and wolfberries boiled in this soup- an absolute elixir to cure my body & soul. A proper Chinese feast should never miss any of these: Peking duck is a must-order, fried whole crispy chicken (on superb discount at occasions, please keep a keen eye!), giant prawn toasts that were extremely crispy and delightful, very well-seasoned fish paste-shaped fish that came in a tasty Chinese demi glace made of black beans & sun-dried mandarin peels, Chinese liver pate & preserved salted meat sandwich (a tribute to the traditional Money Chicken rolls), and a pot of assorted vegetables cooked with fragrant dried prawns, squid legs, mushrooms and vermicelli. Such a great dinner. …Read More

約幾個朋友假期前晚餐聚一聚，搵間酒家貪佢坐得舒服啲，原來啲嘢食都唔簡單。鳳城酒家表面上係一間普通酒家，實際上都有好多特色菜，包括餐廳主力推嘅順德菜。現場環境清靜，坐得又舒服 (最嘈反而係我哋嗰枱😆)，好啱朋友聚會。紫砂茶壺燉螺頭湯 $108/位雖然呢個湯係每位計，但每位佢都會有一個紫砂茶壺同一個細杯，淨係呢樣嘢已經夠晒誠意。但其實內裏佢嘅料都甚多，湯又夠味，相當不可多得。鍋貼大明蝦 $38/件餐廳推薦必叫。蝦甚為大隻，所謂鍋貼其實係多士，但炸得好脆好香口，而且有一定厚度，好好食。鳳肝金錢雞 $60/件好特別而經典嘅順德菜式。用上雞肝、豬肉等同烘麵包砌成，相當考手工，味道基本上由醬汁提供，其他材料主要係食質感。北京填鴨半隻 $238用上非常靚嘅擺盤造成。片皮鴨雖然只有半隻，但份量都算多。片皮鴨嘅肉量比較多，對於鍾意肉感嘅人嚟講，係一個福音。煎釀鯪魚 $238用鯪魚造成，但砌返一條魚嘅外型，同樣地好考功夫。食落去唔會有腥味，而且幾香口，亦唔會好膩，質感就偏滑。炸子雞 $148/隻今晚最抵食嘅菜式，因為係特價菜式，炸子雞係一整隻上，相當巨型，四人食亦未必食得晒。食落去亦好香口，味道絕佳，絕對符合我哋對炸子雞嘅期望。海味雜菜煲 $138最尾當然要叫返啲菜。呢個海味雜菜煲嚟到嘅時候我哋都覺得幾大個。最鍾意佢有啲魷魚，魷魚同菜煲嘅味係夾嘅。蓮蓉西米焗布甸(大) $198非常驚人嘅甜品。外表已經焗至焦香，聞落已經好香。食落蓮蓉同西米嘅味道好豐富。如果有胃口，最後用呢個甜品嚟買齋，係相當完美嘅收結。…Read More

中秋同一家人食飯，希望食得好味招呼正常同埋交通方便，最後我哋一行11人去了鳳城酒家我哋食咗3680位用嘅中秋，加咗$100嘅蝦多士同埋大良炸鮮奶。呢個八人餐，我哋九個大人兩個小朋友都好夠食。隻乳豬，應該係近10次八次最好食嘅。蝦多士保持返一貫口味嘅水準。大良炸鮮奶好味。臨尾有西米焗布甸作結。好多中式酒樓， 9點就開大冷氣趕人走。禮頓道鳳城應該無（好多人都唔鍾意食中式酒樓，其實9:00開大個冷氣凍死人，食都唔食得唔舒服，人哋返嚟至期，不過呢個係酒樓嘅陋習，我明白大家都好想早啲返屋企，唔好怪顧客唔食酒樓想。）會再嚟！…Read More

一家人下午去鳳地飲茶，我地算不上熟客，不過一個月都會起碼去一至2次，雖然我唔係啲咩大客，亦都希望幫下香港經濟。由上次開始幫襯，黎左個新經理，惡佢啲伙記我都算喇，影響唔到我，今次真係攪到我。碟菜明明唔係我叫，啲阿姐就係咁話我地自己tick, 我地飲茶都好少食小菜，佢講左幾次話我地tick, 我懷疑張手單可能上手客tick 左，或者屋企老人家tick錯，咁我就算啦，打算照要。我老豆仲話明明無叫仲仲咩要左佢，我心諗當幫下啲伙記。點知見到個經理同個伙記仲係度搾住2張單係到吱吱浸。咁我就忍唔住話我要睇返張單，先發現2張手tick單都寫同一個枱號，最好笑係隔離枱啲野落晒去我張單，個經理仲係度大大聲我知我知等我睇，我想睇單都唔比，要我大聲過佢先比我睇。就比我睇到，落左起碼5碟野唔係我地，我唔去睇，咁咪屈我食晒佢。咁攪點張單都算，唔知係咪要報仇，黎到啲野都幾衰。佢地平時啲野食都唔係好穩定，可能我今次又黑仔左喇，燒賣等左起碼25分中都未黎，最後要取消。我繼續黎，係因為搵位比較容易。咖哩 魷魚啲汁係水嚟， 雞腳係冇汁。今日多客我了解，但我地係好多人黎之前已經落order. 煩請比我地繼續支持香港 食肆，做得唔好好難支持…Read More

點了炸子雞、野雞卷、西米布甸、欖角骨、虎蝦伊麵，除了雞，其他基本上都不似預期。野雞卷太油，西米布甸西米少、糊、過甜、欖角骨太硬、也偏甜，虎蝦黑頭。服務員不會服務，游魂。很多年前去過同一店，證明多年不去是正確。…Read More

同屋企人食餐好嘅，今次揀咗喺銅鑼灣嘅鳳城酒家海蜇燻蹄好受歡迎嘅前菜之一，燻蹄切得好薄，口感唔錯；海蜇好有彈性，脆口食落會追食，少少辣味好開胃沙薑浸豬手🐷皮爽又彈，同樣都幾啱開胃大良炒鮮奶🥛牛奶同蛋白份量好平均，炒出嚟仍嫩嫩der，加上蝦肉，呢啲功夫菜，好好味鍋貼大明蝦球🍤方包同蝦配得啱啱好，輕輕蛋味，無影響蝦味，方包炸得剛剛好，脆口，無乜油膉味魚湯魚腐菜苗🐟個湯好清，魚腐煮得啱啱好，菜苗夠新鮮，配個湯冇得輸豉油王龍鬚炒麵🦑幼麵夠晒火喉，一啲都唔黏，加埋魷魚鬚，味道啱啱好蓮蓉西米焗布甸（要提早一日落單）超鍾意食呢個甜品，熱熱地食，蓮蓉夠晒味，好香口，每人分一小碗剛剛好🫶🏼題外話，我好鍾意佢哋嘅鐵觀音，特別香口同濃，我少有地食中菜狂飲茶🤣🤣好耐無食，不過水準仍然保持到，呢個價錢絕對唔貴（我哋係散叫，食食吓先知有套餐，其實唔使一定因為母親節先點，都幾抵食）喺幫襯呢一晚見到一啲熟口熟面嘅食客，希望佢哋宜家過得好啦🥺…Read More

提早慶祝母親節，老媽最鍾意食中菜，今次帶佢去老牌酒家「鳳城」食傳統順德菜🥢🫕紫砂茶壺燉螺頭湯一人一壺，自斟自飲，紫砂茶壺又保溫，𥚃面材料十足，有螺頭、淮山、雞腳、瘦肉、杞子，燉足幾個鐘，啖湯鮮甜又滋補。🦐鍋貼大明蝦原隻大蝦肉夠彈牙，多士炸得鬆脆。💰鳳肝金錢雞賣相似三文治，叉燒、肥豬肉、鳳肝（雞潤薄片）夾埋一齊食，味道比較濃郁。🐔炸子雞用上三黃雞，即叫即炸，雞皮金黃香脆，雞肉厚身嫩滑，每枱必點👍🏻🦆北京填鴨（半隻）鴨肉軟滑唔肥膩，加埋甜醬、青瓜，用薄餅捲嚟食，味道豐富。🐟煎釀鯪魚傳統順德菜，鯪魚拆骨起肉，再將鯪魚肉調味後釀返入魚身煎，食落魚肉有淡淡陳皮味，肉質紮實，豆豉汁惹味。🥬海味雜菜煲蝦乾好大隻，乾魷同樣鮮味，湯底清甜，粉絲吸味，健康又美味。🍮蓮蓉西米焗布甸經典甜品，表面焗到焦香，西米布甸滑溜，蓮蓉綿密。鳳城歷史悠久，保留傳統順德菜，炸子雞必點，當晚仲有優惠$148/一隻，真係物超所值👍🏻…Read More

之前喺銅鑼灣試咗鳳城酒樓，係一間老字號餐廳，今次專程嚟試佢哋幾款經典小菜。我最鍾意嘅係大良炸鮮奶，外層香脆、內裡滑溜，奶香濃郁，炸得剛剛好，入口即溶，真係好滋味。炸豆腐磚都做得唔錯，外脆內嫩，配上甜醬或椒鹽更加惹味。鯪魚球魚味突出，口感紮實彈牙，唔會粉粉地。叉燒肥瘦適中，微微焦香，味道甜中帶鹹，屬於穩陣之選。整體食物有水準，出品穩定，味道偏向傳統風味，適合一班朋友或者家庭聚餐。想食經典粵菜或小菜時，鳳城酒樓係一個值得一試嘅選擇。…Read More

鳳城酒家在港1954創立至今，歷史悠久是間老字號酒家，主打順德菜鳳城是一個順德品牌，以河鮮及巧手手工菜為主今次和新朋友們到銅鑼灣店嘗嘗正宗順德特色菜店內分上下兩層，傳統中式酒家設計✾ 窩貼大明蝦併大良炒鮮奶蝦多士炸至金黃色，多士入口超酥脆發出「咔嚓」聲，而上面蝦肉爽彈脆彈兩種不同口感，蘸點沙律醬更惹味炒鮮奶是以水牛乳製成，火喉拿捏得很好入口滑嫩奶香滿滿，加點欖仁和蟹肉提升鮮味✾ 順德炸鮮奶炸鮮奶炸漿薄脆，內餡滿滿滑溜鮮奶外脆內嫩滑Creamy，帶點淡淡芫茜香氣✾ 懷鄉蓮藕餅蓮藕餅煎得焦脆香口，爽甜蓮藕和鹹香臘腸拌入魚肉製作令蓮藕餅增添點彈性✾ 手作桂魚卷巧心手工菜，一片片細膩柔軟桂魚片包卷著大蔥、香菇和火腿，令口感層次豐富另外將魚腩等部位炸至香脆，一魚兩吃✾ 炸子雞（半隻）很喜歡雞皮乾爽脆身，而肉質保持嫩滑多汁雞肉醃製入味鹹香甘美又不失雞味✾ 啫啫生菜煲生菜即時放入熱鍋中發出滋滋啫啫聲音鍋中熱氣騰騰，碧綠生菜裹滿著惹味醬汁✾ 招牌鳳城炒飯炒飯充滿鑊氣，粒粒分明又乾身特別加入蕃茄粒增添點清爽感✾ 焗西米芋茸布甸布甸份量十足，足夠6-8人享用焗至誘人金黃色，QQ彈彈西米與綿密香甜芋茸甜而不膩，一口吃掉真的很滿足！✾ 紅棗糕紅棗糕很煙韌彈牙，帶濃濃紅棗清香…Read More

位於銅鑼灣的老字號酒家。說起順德菜，雖不算十分熟悉，但也略知一二；順德是一個不靠海的城市，因水系縱橫而孕育出獨特的河鮮文化，更以精緻的巧手功夫菜而馳名。.「鳳城」這個名字，源自1954年一位順德名廚來港創業的故事。當年一位老師傅在銅鑼灣創立首家鳳城酒家，憑藉地道手藝一炮而紅，鼎盛時期分店多達十餘間；時至今日，雖規模稍減，但四間分店仍門庭若市，多年的金字招牌，足見其深厚底蘊與過人實力。這次難得與幾位嘴刁好友相聚，便決定選擇這間在香港較為少見的順德菜了。⋆_____ᴛᴏᴛᴀʟ ᴏʀᴅᴇʀ______⋆✿ 窩貼大良蝦球拼大良炒鮮奶窩貼大良蝦球即指蝦多士，金黃酥脆，蝦膠彈牙鮮甜，雖有點油但夠香口惹味；大良炒鮮奶較為少吃，比起炸鮮奶口味更清淡，但奶香濃郁，一脆一嫩，口感有趣。.✿ 懷鄉蓮藕餅蓮藕餅外層煎得微焦香脆，內裡蓮藕絲爽口清甜，夾雜著肉碎及臘腸的香氣，口感層次分明，帶有家鄉風味的樸實。.✿ 手作桂魚卷桂花魚片細嫩鮮美，包裹著大蔥、火腿與香菇，魚頭魚尾炸至酥脆，一菜兩吃，鮮滑與香脆交織，伴上清甜西蘭花，更顯精緻。  .✿ 半隻炸子雞雞皮金黃酥香，肉質嫩滑多汁，醃得入味，粵式炸雞的經典風味。  .✿ 順德炸鮮奶外層酥脆輕薄，內裡鹹香軟滑，奶香濃郁而不膩，是順德菜的代表作。但由於混入芫荽，友人表示不喜歡（？但對我這位茜人來說，很完美。.✿ 啫啫生菜煲生菜翠綠爽脆，以熱砂鍋啫啫烹製，店員在桌邊炒香時，已香氣撲鼻了。雖簡簡單單的一道菜，卻十分惹味呢。  .✿ 招牌鳳城炒飯一致認同為是日的mvp.米飯粒粒分明，乾身有鑊氣，配料豐富；而且調味恰到好處，油香而不膩，盡顯師傅炒飯的功力。.✿ 焗西米芋茸布甸┆紅棗糕份量驚人的焗布甸，絕對足夠六至八人分享！表層焗至金黃微焦，內裡芋茸綿密香濃；而紅棗香氣濃郁自然，糕體軟糯不黏牙，甜度溫潤不算太甜，很值得留quota一吃呢！…Read More

已經有一段時間未嚟幫襯過禮頓道嘅鳳城酒家，今晚適逢星期三跑馬日，入馬場前喺附近食個晚飯。點了個鍋貼蝦多士拼大良炒鮮奶，炒鮮奶夠鑊氣夠滑夠香口，蝦多士亦很脆很有口感。隨後的風味釀蟹蓋，以前鳳城應該沒有這個菜式。味道帶有葡汁及少許咖喱味，有蟹肉有蝦肉有香蔥有菇，口感十足！另外嘅百花釀蟹鉗就唔使多講，傳統嘅招牌菜！口感彈牙蝦膠豐滿！跟住甜品西米焗布甸，好彩有預留如果唔係我驚都未必有得食，照舊一樣懷舊甜品，絕對是招牌菜，西米蓮蓉比例一絕！…Read More

大街看到搶眼的招牌。傳統順德菜，便進去試試午餐吃了蜜汁叉燒，叉燒很入味，質地很淋的，不似以前吃過硬過石頭個款。彩虹蝦餃，終於見識到皮薄餡靚喇，蝦粒好爽呀。干篇四季豆，有炒到香口微辣的豬肉碎，四季豆很清甜，香脆惹味。最驚喜是知我們是內地遊客，服務員還用流利普通話和我溝通。環境方面，就是傳統的格局，碗碟清潔 ，但是廁所就比較擠迫了。期待下次再來，試下他們的晚餐，非常滿意的一餐。#粤菜 #老字号酒楼 #銅鑼灣 #點心 …Read More

在大街上看到鳳城酒家的招牌 ，聽聞是傳統順德菜，就進去試試午餐。點了窝貼大明蝦，原隻中蝦爽口彈牙，配埋脆卜卜的多士，。鮮蝦菜苗餃，菜苗嫰嫰的，沒有渣，蝦粒一樣是彈牙爽口。脆皮燒腩仔，真係有5'層呀，層層分明，這道菜是我最滿意的。蛋煎糯米雞，這應該算是傳統菜吧，糯米雞沾滿蛋汁再煎香。糯米軟糯糯的。服務員雖然是上咗年紀的，但仍然很細心體貼個個都好有活力。環境光猛清潔，不過冷氣就欠奉，可能我飲左杯熱茶好滿意的一餐🥰🥰🥰…Read More

今日約咗一大班朋友一齊食飯，揀咗銅鑼灣嘅老字號「鳳城酒家」，上世紀八十、九十年代，「鳳城」名字響噹噹無人不曉！嚟到近年，「鳳城」將順德菜年輕化，除咗有經典菜式，仲有唔少新派菜供應😗同朋友sss，揀咗一大堆餐點，其中我覺得「順德魚雲羮」比較特別，以魚雲、豆腐、芫荽，用姜絲癖去腥味，製作成味道清甜的湯羹👍另外佢哋嘅招牌菜「窩貼大明蝦」，原來係順德版蝦多士，用咗新鮮大蝦，配搭脆口多士，熱辣辣新鮮上碟超好味😗「百花釀蟹鉗」、「風味釀蟹蓋」我都有試過，「百花釀蟹鉗」就係佢哋嘅經典菜式，基本上不會有大錯漏。反倒「風味釀蟹蓋」屬於新派順德菜，用咗葡汁、蟹膏、香菇、蔥製作成，以香菇增強口感，伴隨濃厚嘅葡汁，又係另一種滋味😋「家鄉焗魚腸」唔係多人都唔敢試🙈原來焗魚腸係用咗蛋液、陳皮、蒜頭，加上油炸鬼鋪面，再蒸焗而成😮未食過真係大開眼！「金磚豆腐」、「特搜魷魚鬚」、「龍袍四季豆」都係小食類😛自己就覺得「龍袍四季豆」比較有趣，四季豆用咗鹹蛋黃炸香，好似龍袍加身一樣，多咗浸鹹香味！「西米焗布甸」就比較少地方可以食到！我哋就嗌咗個大嘅share😗焗布甸用咗經典蓮蓉餡料，個面焗到焦焦脆脆，非常香口！✦ 順德魚雲羮 $198✦ 招牌炸子雞 $398✦ 窩貼大明蝦 $33@1（2件起）✦ 百花釀蟹鉗 $128@1 （2件起）✦ 風味釀蟹蓋 $128@1 （2件起）✦ 生菜鯪魚球煲 $148✦ 家鄉焗魚腸 $188✦ 金磚豆腐 $98✦ 特搜魷魚鬚 $108 ✦ 龍袍四季豆 $108✦ 西米焗布甸（大） $178…Read More