鳳城小食

今日特別肚餓，真係要食番一點飽肚既野食先得，我就諗起鳳城了。鳳城現在有3個舖位，枱與枱都還有一定距離，所以坐得都相當舒適。因為連著的關係，他們都可以互叫相關的食物：豬扒、雞翼、牛腩、豬手、沙嗲牛肉蛋等等...相當方便。原來還有作零售：魚旦、魚片、雲吞、水餃，更有辣椒醬可購買，真的打邊爐都可以在鳳城買料便可。今次叫了原汁牛腩飯，他們會先來一碗菜湯，當中有菜更有魚片，可作飯前開胃的前菜。牛腩飯來到，今日真的好肚餓了，聞到陣陣的香味，真係流口水。牛腩軟腍入味，咬下略帶甜味，而且肉質鬆軟，確實回味。蘿蔔吸收了牛腩的肉汁，而且聽說他們用的是日本蘿蔔所以份外清甜。茶走茶店茶底係唔同d，加上煉奶，令奶茶跟甜更易混合更順滑。…Read More

Fung Shing snacks has been around more than I have been around.This could be the only joint that gives you the pork chop bone if you order their pork chop sandwich or burgers.I ordered the sandwich because Chinese burger buns are sweet.Being excited about the bone I forgot to ask if the bun was buttered or had any other sauces because Chinese style sandwiches are a bit different and the sauces they use are a bit sweet especially the salad cream.Anyway, I got the egg pork chop sandwich.As expected, they cut the meaty part of the pork chop and put it in the sandwich and serve you the bone on top.The fried egg was actually quite nice because it wasn't oily or had that nasty smell from the metal grill or pan that they used and the pork chop was not tenderized which meant the texture of the pork was natrual.Overall, it was quite nice but I would prefer ketchup and not the sauce they used.…Read More

食晏有時會去依到食，貪佢快手、價錢平同埋食物質素都唔錯。但係食開都知啲呀姐態度唔好，不過河水不犯井水，我有我食，你態度差唔影響到我都無咩問題。最近去，如期遇到態度唔好嘅呀姐，發現叫咗碟菜但一直無嚟，嘗試問呀姐有冇落單，呀姐即刻鬧我問邊嗰，然後鬧我無落過單，唔緊要啦，我都係想餐飯啫，所以麻煩佢落返單。點知，碟菜一上嚟有至少一半係爛菜，我唔想鬧交所以盡量可以食都食，食食吓發現又有河粉又有麵條，仲有唔知係咩，相反第二枱有位男士同一碟菜係好正常。最後，我執緊嘢嗰陣再俾呀姐催叫我快啲走。咁嘅態度叫我仲點敢再幫襯。…Read More

有時lunch諗唔到食咩，就一定會嚟食豬扒米粉。這裏的豬扒不會太瘦又不會太肥，咬下去口感十足。亦不會煮得過瘦過乾，口感剛剛好。豬扒應該是先炸過然後再放湯，調味要做得剛好，不會很咸。我最愛加隻太陽蛋，太陽蛋煎得剛剛好，永遠都是半生熟！🤩🤩🤩唯獨就係啲阿姐一貫態度就好似澳牛啲阿叔一樣咁有香港特色🤣🤣🤣🤣如果在附近上班， lunch又諗唔到食啲咩，這裏不失為一個經濟實惠又好味嘅選擇👍🏻👍🏻…Read More

鳳城小食在很久以前己經好出名，不止豬扒，三文治都不少上班一族光顧一番。鳳城由從前兩間舖相連(另一間係灣仔另一位置)，現在都變成三連舖般(搬在一起)此舖由無飯餐賣都變成有飯餐賣(令原來都人山人海變得更多人)套餐飯都有不少選擇如: 雞翼餐腿飯、原汁牛腩飯、南乳豬手飯等等......)三間舖的地方都不算太大，約可坐20人左右，但每位客人都會好自覺地食完就會離開蒜香豬扒烏冬，又厚又大件，而煎得金黃色，仲配上幾條嫰綠既生菜非常吸引。豬扒醃得剛剛好，不會太咸很有口感，性價比高！走前仲口痕想食多少少野，就叫多份奶醬包。奶醬包食落包仲好軟熟，配合煉奶花生醬一流。…Read More

鳳城既豬扒早已經好出名，雖然係小店，但都好多街坊、上班族熟客。我其實已經食過好幾次，今次再幫親先記得拍照寫食評。食豬扒最怕薄切、乾曾曾又冇味，而家就連所快餐店都要打正旗號話豬扒係厚切（嘆氣），可惜就算厚切都係冇味，唔係用沙律醬就係用蕃茄汁去掩飾佢地既豬扒係冇味。所以我時不時想食豬扒時就會諗起鳳城。鳳城既豬扒食咁多次都水準如一，juicy 、鹹甜適中、口感唔錯，我覺得佢好似有用極少孜然粉去醃，好喜歡佢地豬扒個味道。是次外賣豬扒米，湯係自動分開裝。要彈就係米粉太碎，之前有次也是這樣，有點奇怪。不過整體來說也是非常不錯。價錢方面，$31冇野飲，平貴就見人見智了。…Read More

來這家大家都知道必吃的是炸豬扒！我也每次來都會吃！但你絕對不知道。。。這也是必吃之一啊！。。。。。。香港人的最愛。。。。。。肉丁麵！五香肉丁公仔麵！整碗都是紅通通的，全都是五香肉丁罐頭類的紅油！太正了！還大方的附送了三四條生菜！但。。。。。。重點是五香肉丁的份量！我這碗有倒半罐吧！Lunch 吃這個實在太爽了！在灣仔附近住的或工作的，真的可以試試，雖然坐得不是特別舒服，而且夏天更是熱的難受，但有空吃一碗肉丁麵配一塊炸豬扒，就是爽啊！…Read More

放假嚟到灣仔嘅玩具街睇玩具，就梗係要過埋嚟鳳城小食，食埋出名正到爆嘅豬扒包。鳳城小食位於太原街同交加街轉角位，附近有修頓球場，太原街又有得買玩具，所以假期黎食野嘅人真係特別多。熱奶茶 $15奶茶好香滑，茶未夠濃。飲奶茶、咖啡真係要搵呢啲老字號地方，先至最好飲。豬扒包 $24 - 豬扒係新鮮即叫即炸，份量仲要大大塊。呢度嘅豬扒醃得好好味，配埋生菜同沙律醬，再加上烘到好脆嘅芝麻包，真係咁耐冇食，都依然好出色。…Read More

如果唔係有友人帶路，我都唔會知唔會發現有間咁既茶餐廳仔，舖頭比d排檔遮住晒，除非你行返行人路或者本身住係嗰頭，熟嗰到，唔係都幾難發現。餐廳好似有瓦遮頭既大排檔咁，不過面積比較細，但係係兩間相連，而且亦有舖外吧枱位坐。煎豬扒公仔麵等左10分鐘左右，豬扒煎得夠香而且有咬口得嚟唔會嚡同乾，不過如果可以另上唔係浸係湯到會好d，公仔麵亦唔會過淋，仲有一棵菜送。雞翼都係，煎得外皮脆，入面唔會乾𠲜𠲜，仍然有小小肉汁。…Read More

今日去灣仔街市買嘢，順便去食埋個午餐，見到呢間鳳城小食茶餐廳出名豬扒，雖然坐位逼左d,但快食快走，所以叫左碗$30豬扒烏冬，佢d豬扒煎得好香，而且味道醃得岩岩好入味，加送幾條菜，價錢抵食！…Read More

中午一時到，食客不算多，全店大概可容納二十至三十人。地方算寛敞，環境亦衛生。叫左個好多人都會點既豬扒粗麵，豬扒又厚又大件，煎得好靚且金黃色的，配埋幾條嫰綠嘅生菜，粗麵又夠爽口，加埋幾滴辣椒油，好味到呢⋯⋯食完個麵，又想試埋其他野，所以再叫多份奶油多士，即整即食，外脆內軟，配上啖啖奶油香，令成個午餐昇華到另一個層次，這就是一個人的浪漫啊！一向鍾情幫襯小店，服務又有人情味，食物簡單得來又有水準，絕對會encore!!…Read More

香港國際美食多，日本正宗發辦壽司、美國Juicy100%安格斯牛肉漢堡、泰國船粉，連越南牛河都幫大家分南北越版本，都咪話唔出色。但你問我邊樣野食食極都唔厭，我肯定一定係茶餐廳。同志明講的道理差唔多，「是真的油了點，是不太特別的，喜歡就是喜歡。」茶記款式其實來去都是幾味，但好食既你就會Keep著食，呢間灣仔Up Dum鋪就係我其中一間Keep著都想食的老茶記。一行二人朝早早餐，叫了一份單蛋腿奄列、奶醬多、凍熱奶茶各一。唔係講笑，單蛋的奄列都咁大份，真心正！一份正的港式奄列係蛋皮有焦香味道而裡面仍然保持嫰滑的口感，呢份就係咁啦！到份奶醬多，咪睇佢薄薄一片野咁，真心薄、脆但滿滿的醬料，啖啖邪惡又滋味！絕對唔係坊間厚但削的麵包，醬又俾得唔夠慷慨。食的野真是好簡單，哪間餐廳沒這些，但味道有多少及得上這。還有一樣我愛佢的原因，就是它夠頹，夠殘，求其一兩張摺枱摺椅，哪有色彩鮮豔的裝潢，就才是我心中真正的茶記。…Read More

朋友見我仲有個零月就會離開灣仔，去其他區番工，就提議我去呢間鳳城小食，話佢地既豬扒好好味，一定要試😮LUNCH時間人較多，一張圓枱仔都要坐6人，用筷子食野好唔方便，伸斜少少都會戳到隔離位😥…不過D野食又真係唔錯既豬扒粗麵 ($30)豬扒SIZE大之餘，仲要有一隻手指咁厚；肉質有少少爽口、彈牙同肉類應有既煙韌度，完全唔係果D比梳肉粉”那”到軟淋淋既口感；粗麵份量算多，而且又有D菜，食完都幾滿足牛蛋治 ($14)由於個人好中意食包，所以加多份三文治；三文治看來平平無奇、餡料亦無鋪滿整塊包，但其實好好味；餡料雖然無鋪滿，但有厚度；面包雖然無烘底，但軟熟，搽埋牛油之後已經不再平凡…Read More

今日黎到灣仔，雖然到左食飯時間但又唔太肚餓，所以就黎呢道食嗰輕食午餐。呢間係十字街口嘅茶記係坐得有啲逼，但勝在啲野好食又抵食。我嗌咗兩樣嘢: 豬扒包同油占多。特別欣賞佢嘅豬扒包，豬扒大大件金黃色，煎得好靚好香脆，唔會太油而且肥瘦適中。另外，佢嘅包係有烘過嘅，所以食落會脆脆哋。夾埋沙律醬同生菜一齊食令到成個包食落去冇咁油膩。如果可以再多幾塊生菜就會更好喇!而油占多嘅餡料亦俾得非常大方，鳳城應該係我食過咁多茶餐廳之中畀得最多牛油同果醬嘅一間。烘過嘅多士配合酸甜嘅果醬真係好好食嘅配搭，而且呢個價錢都屬於超級抵食!…Read More

I really don’t understand the appeal and popularity of this place. The restaurant spans over 3 spaces and this is the busiest one. I ordered an egg sandwich and it was alright, nothing special and definitely not memorable. I probably won’t come back.…Read More