Torikizoku

唔講唔知原來鳥貴族係發源於大阪，適逢開業40周年有個特別餐牌，推出多款以大阪為主題嘅菜式，樣樣都吸引，叫咗炸串蝦同炸串牛肉，香脆惹味，伴碟嘅椰菜爽口鮮甜，另外都鍾意大阪風味鐵板烤山藥蓉，口感軟綿綿又健康~串燒主要分<鹽燒>同<秘製醬汁>兩款，自己偏愛重口味啲嘅秘製醬汁，每款只係$29.9，大部份都有兩串一碟，真心抵食，難怪平日夜晚都大排長龍要等位，試咗以下呢幾款都覺得好食~🔘雞中翼 🔘雞腿貴族燒🔘雞肝 🔘雞心🔘釀青椒🔘蒜味果香燒牛肉串🔘雞肉白湯拉麵麵條彈牙，雞肉鮮嫩，湯頭係清甜雞湯唔會太油膩~🔘雞天婦羅配梅子醬炸雞Juicy，幾鍾意佢個梅子醬汁，串燒點呢個汁食都一樣好味~🔘多彩脆脆雪糕混合果汁味嘅雪糕，完全同飲品個味一樣，酸酸甜甜，有啲似yogurt drink嘅味~ 🔘士多啤梨牛乳🔘混合果汁希望佢快啲開多幾間分店，唔使淨係去屯門先食到~…Read More

日本超人氣燒鳥店 「鳥貴族」，係由一間小小居酒屋做起，一直堅持用優質食材，用心調製醬料，今年踏入40🎉周年啦 ！！！終於等到爸爸放假，避過排隊時間好快就入座，餐廳裝修風格以日式為主，店員一開始就問地嗌示嗌‘’貴族雞釜飯”，因為製作需時⏳️，見到每枱都有就叫黎試下，睇餐牌原來全部都29.9，真係好親民👍既價錢。🌈貴族雞釜飯釜飯配料有甘荀，牛蒡，雞肉，赤坂魚蛋，用上特製釜飯雞湯，另到每粒飯都食到雞湯既精華，如果想濕潤口感，只需要焗2至3分鐘，但我地選擇焗5分鐘，飯會有少少焦香。🌈章魚燒配脆蝦餅我地真係好似介紹咁夾住黎食，出奇地夾，但示好放太耐，吾係脆卜卜既蝦餅會變淋。🌈大阪風味鐵板烤山藥蓉睇個樣幾特別就點黎試下，將山藥蓉撈埋賣相吾討好，但食落幾好味，清新鮮甜中帶點姜味。🌈串燒 雞胸貴族燒(秘制醬汁)雞腿貴族燒(香辣)雞中翼 秘制醬汁雞肉丸鹽燒雞皮鹽燒雞腎鹽燒蒜味果香燒牛肉串燒豬腩肉串芝士雞肉丸✨️分別有秘制醬汁，香辣，鹽燒三種，香辣係bb既辣度吾夠可以自己再加7味粉，我偏向鐘意鹽燒，可以食到食物既原味，最鐘意食雞皮，雞腎，雞中翼。🌈炸法式芝士餅外層煙煙韌韌再加芝士半溶內餡，一定要趁熱食。🌈三得利生酒話明居酒屋點可以吾啤啤佢，最近愛上飲酒。🌈濃厚朱古力北海道牛乳無望真就嗌左，開頭以為係紅豆，點知係我最愛既朱古力。📌鳥貴族📍屯順街1號屯門市廣場1期1樓1108-1111號舖#鳥貴族 #torikizoku #torikizokuhk #屯門 #屯門美食 #屯門市廣場 #香港 #香港美食 #日本串燒 #串燒 #串燒居酒屋 #居酒屋 #香港食好嘢 #屯門餐廳 #屯門食好嘢 #屯門必食 #屯門好去處 #屯門美食地圖 #餐廳推介 #假日好去處 #ilovefood #hkfood #美食推介 #美食日記 #hkkol #blogger #親子好去處 #kol #親子日常 #萌娃 …Read More

鳥貴族 (屯門)屯門屯順街1號屯門市廣場1期1樓1108-1111號舖大西北有好野食注意‼️位於屯門市廣場嘅🇯🇵日本過江龍「鳥貴族」已經開業一段時間，一開業驚太多人，所以一路都未去試。今次終於嚟到呢間小編每次去日本都會幫襯嘅鳥貴族試一試！整體嚟講，水準同日本一樣好，🐔🐔串燒選擇亦有多樣，有雞中翼、雞胸、雞肉丸同雞肝，每款都好正😋😋。特別推薦佢哋嘅㊙️製串燒，醬汁香濃，為雞肉添上獨特風味；🧂鹽燒就可以突顯食材嘅鮮味，而香辣🌶️口味都唔錯。除咗串燒，餐廳嘅炸法式芝士餅🧀更加必食，外脆內軟，搭埋濃郁芝士。另外如果除咗雞肉仲想食其他肉類嘅話，小編推介可以試吓口感層次分明嘅🦑章魚燒配脆蝦餅，外酥內嫩嘅🦐炸蝦串外酥內嫩，香氣四溢嘅🐷燒豬腩肉串！點飲品方面，餐廳提供多款酒精同非酒精飲品🍻，適合各類型客人，無論係想小酌嘅朋友，定係想要清爽飲品嘅家庭，呢度都能夠滿足你。最後，甜品方面嘅🍵抹茶蕨餅配雪糕🍨，清新又唔會太甜，為整餐畫上完美嘅句號。總括嚟講呢一間過江龍鳥貴族真係值得一試，見開咗一段時間依然人氣爆棚，品質有一定保證❤️…Read More

first time 鳥貴族大部份串燒item都係$29.9 有啲前菜/飲品就$19.9期間限定都好吸引枱面有幾款調味料 但我覺得串燒原本嘅調味已經好夠漬物四點盛 $19.9大阪風味鐵板烤山藥蓉先嚟一點前菜:)2個人嗌咗好多款雞腿貴族燒（秘制醬汁）成餐最貴就係依個串燒$29.9得一串 (其實都唔算好貴 只係其他都有兩串雞腿肉質幾嫩滑 配埋啲醬汁都唔錯炸串：-牛肉-豬腩肉 兩款炸串都好香脆 配埋個醬汁 巧sik der~~秘制醬汁：-雞皮-雞心浸滿晒醬汁 好濃郁同惹味鹽燒：-雞翅根 -雞腎-雞胸脆骨-雞尾 Bonjiri芝士雞肉丸雞肉丸幾有咬口 配埋醬汁+芝士明太子蛋黃醬燒雞胸肉串明太子醬且係唔會輸的😬雞肉白湯拉麵🍜意外地大碗湯底係清清哋嘅雞湯 雞肉都幾juicy荔枝果茶 $19.9lunchtime就無飲酒嚕 嗌咗杯茶嗌咗好多嘢 好滿足環境都唔錯 坐得幾舒服…Read More

身為屯門人表示爽皮😂 因為來自日本大阪著名老字號既燒鳥品牌「鳥貴族」🇯🇵🐥 香港首店位於屯門市廣場😌 親民既價格 非常吸引😍➡️ 40週年特別餐牌 $29.9 / Per• 炸串(蝦) : 外酥裏嫩 蝦肉鮮甜🦐快速餐牌 $19.9 / Per前菜方面我地嗌左「油子醋枝豆伴小貝柱」;「山葵八爪魚粒粒」同「枝豆」😌 等待串燒既同時又開胃所有串燒類 特色菜 飯麵 甜品 $29.9 / Per➡️ 貴族燒• 雞胸貴族燒(秘製醬汁) : 以嫩滑既雞胸肉 搭配鹹甜交織既秘製醬汁 夠惹味• 雞腿貴族燒(鹽燒) : 肉質多汁 簡單既鹽味調料更能突出雞肉既鮮美➡️ 鹽燒• 雞皮 : 酥脆焦香 脆而不硬• 雞中翼 : 外皮酥脆 內裡多汁• 雞腎 : 鹹香濃郁 口感緊實彈牙• 雞胸脆骨 : 口感硬脆有嚼口 鹹香脆口• 鹽燒雞柳串配芥末醬 : 芥末既辛辣感 與鹽燒雞柳既鹹香形成強烈對比➡️ 串燒• 鹽味麻油燒雞肝 : 鹽燒既鹹香 麻油既濃郁 同雞肝既醇厚• 明太子蛋黃醬燒雞胸肉串 : 融合左鮮 甜 咸 奶香同微辣既風味 味道層次豐富• 蒜味果香燒牛肉串 : 結合左濃郁既蒜香 清爽既果香 同焦香既燒烤味➡️ 秘製醬汁• 雞肉丸 : 雞絞肉混合左軟骨 口感鬆軟中帶有脆脆既嚼勁➡️ 特色菜• 明太子薯仔沙律 (配溫泉蛋) : 味道層次豐富 口感濃郁又帶有清爽感• 脆炸雞皮 : 有雞油既濃香 極致的酥脆感➡️ 飯/麵• 貴族雞釜飯 : 用上特製既雞高湯 每一粒米飯都吸收曬雞肉既鮮味🍚飲品方面有多款選擇 有「酒精飲品」同「無酒精飲品」提供選擇😌…Read More

因工作需要遠道而來屯門，閒逛時見到有人排隊等開門，喺未有特別預期情況下進內試食，時間剛好11:30，所以喺無需等位下接近直入。餐廳燈光、裝飾、格局等呈居酒屋路線，座位間隔尚算寬敞舒適。如大多數餐廳一樣係自助點餐，廳面員工人多勢眾，卻不大需要與客有任何交流，用餐過程會不停聽到某些日式口號，有點令人覺得煩厭。食物質素 -貴族雞湯釜飯: 成餐飯最有特色的一個產品，即落單即上菜，擺喺客面前用火加熱，由落枱到食得約需30分鐘起。味道確實將雞湯融入，飯的質感正常，唯享用時正值食完串燒，特別覺得有點濕糯。$29.9價錢收貨，但用料的選材同份量難免令人覺得有點“孤寒”。雞腿貴族燒: 秘製醬汁味道屬於大路日式照燒汁，未見有太大特別加深記憶嘅體驗，雞腿烤得軟嫩適中，未有太大好與唔好。如果呢款係餐廳招牌菜式，難免有點失望。雞胸貴族燒: 如要為試香辣口味，證實既不香且不辣，質感與一般自己蒸煮雞胸大致一樣。雞肉丸: 鹽燒的調味下味道可以，但未見有如某些吹捧食評講到又juicy, 爆汁等效果，純粹係一件烤得好熱、乾乾的雞肉製丸子。可爾必思熱情果梳打: 好甜，冇熱情果味，係食串燒食到勁口乾時，滿足口腔需要的錯誤選擇。整體而言，此店屬於以價錢作招倈的話我無異議， 但若以串燒質素作評測，只屬僅僅合格。…Read More

日本國民串燒店開業40週年，係屯市開左之後，每次經過都大排長龍今日屯公爆水管，經過少左人排隊，即刻攞飛香港分店延續日本傳統，全場飲品食品‼️劃一價錢$19.9或者$29.9‼️🌟必食小食推介：- 章魚燒配脆蝦餅將蝦餅啪開一半，夾住章魚燒黎食，世一- 炸串 (蝦)唔洗驚要剝殼，脆到可以連殼食- 大阪風味鐵板烤山藥蓉本身烤山藥蓉已經係好食，加埋大阪燒嘅醬，冇得輸- 明太子薯仔沙律(配溫泉蛋)明太子撈埋流心蛋同薯仔，雖然撈完樣貌爭啲，但係真係好好食！🍢必食串燒推介：- 雞腎- 雞中翼- 雞腿貴族燒- 芝士雞肉丸- 燒豬腩肉串- 蒜味果香燒牛肉串串燒大部分都有2串，真係超抵🥹上次去東京食質素麻麻地，燒得有啲乾香港分店完勝日本👏🏻串燒望落色水好靚，食落係脆口，又juicy又有炭燒香味💦唔洗去日本食啦🍙飯桶推介：- 貴族雞釜飯個飯係黎到先點火🔥擺檯面等佢煮大約20分鐘後，直到燃料燒曬再等幾分鐘就食得！等耐啲仲有飯焦添🍨多彩脆脆雪糕五顏六色嘅脆脆仲有粒車厘子係上面，打卡之餘又好食…Read More

一入到去就感受到日式居酒屋嘅氛圍，裝修簡約又有特色，坐低就覺得好舒服😌🤩食物方面：雞腿貴族燒同雞胸貴族燒都係用秘制醬汁燒製，外脆內嫩，味道濃郁🥳貴族雞釜飯，飯粒香軟，雞肉嫩滑，配埋秘制醬汁，簡直一流😌雞中翼、雞腿同雞皮都係用秘制醬汁燒製，外脆內嫩，味道濃郁，真係好好味🤩🤩🤩🤪蒜味果香燒牛肉串，牛肉嫩滑，蒜香濃郁，果香清新，真係令人回味無窮🤭燒豬腩肉串，豬肉肥瘦適中，燒得香脆，食到好惹味🥰雞肉白湯拉麵，湯底濃郁，麵條彈牙，雞肉嫩滑，真係一流👍🏻👍🏻👍🏻🫶🏻飲品方面：Gin & Orange Juice係一個Mixed得好好嘅cocktail ，將酒香同埋橙味完美配合，Mega High Ball (Jim Beam)清新解渴，喺夏天嘅時間飲就最適合。濃厚朱古力北海道牛乳，朱古力味道濃郁，牛乳香滑，真係好正🙌🏻…Read More

叫左6件串燒，上枱速度快狠準、串燒完全沒有燒烤味、不脆香、鷄肉濕濕地、似足用水煮熟後再輕輕燒吓肉表層、 未曾食過咁狠難食的串燒，失望之極。 唯一可以接受嘅係鷄湯釜飯。…Read More

作為屯門人，終於等到日本超人氣燒鳥店「鳥貴族」黎香港開分店！呢間大阪39年老字號以平價高質雞肉串燒聞名，新店坐落屯門市廣場，裝修還原日本總店風格，木樑紙燈超有feel。雖然開業至今長期排長龍，但今日終於比我等到位，一於試下係咪真係咁正！ .醬汁炸雞丼飯 $29.9$29.9有咁大碗炸雞丼真係估佢吾到！炸雞外皮脆卜卜，咬落去竟然仲保持到肉汁，雞肉嫩滑得黎又夠入味，好有雞香味，簡單但滿足。 .貴族雞釜飯 $29.9幾乎每枱必點！用特製雞湯煮既釜飯，開蓋瞬間香氣撲鼻。飯粒吸晒雞肉同配料既精華，仲有赤板魚蛋、甘筍等增加口感，$29.9食到咁豐富既日式釜飯，性價比爆燈！ .鐵板烤山藥蓉 $29.9山藥蓉口感滑溜溜，撈埋流心蛋黃、紫菜同鹹香醬汁，味道層次好特別，係一道好開胃既小食。 .日式雞肉薯仔沙律 $29.9薯仔沙律creamy得黎仲有大大舊日式雞肉，冷盤同串燒交替住食好解膩。 .章魚燒配脆蝦餅 $29.9章魚燒外脆內軟，每粒都咬到彈牙章魚粒！跟埋塊脆蝦餅一齊夾住食，雙重口感好過癮。 .炸薯條 $29.9即炸薯條金黃香脆，灑左少少調味粉，送啤酒一流！ .蝦炸串 $29.9成隻鮮蝦直接炸，比燒既更香口，蝦肉依然彈牙，點少少檸檬汁更提鮮。 .雞中翼（鹽燒/秘製醬汁）$29.9雞翼控必試！鹽燒版本食到雞肉原汁原味，秘製醬汁燒既更加濕潤惹味，兩款都燒到皮脆肉嫩。 .蒜味果香燒牛肉串 $29.9牛肉串醃得好入味，蒜香同果香平衡得岩岩好，肉質軟嫩到忍吾住encore多串！ .釀青椒 $29.9青椒爽脆清甜，入面釀左彈牙鯪魚肉，呢個配搭估佢吾到咁夾。 .抹茶蕨餅配雪糕 / 巨蛋雪糕 $29.9抹茶控必點蕨餅雪糕，軟糯蕨餅配濃郁抹茶雪糕；巨蛋雪糕外層煙韌糯米皮包住冰涼雪糕，淋上士多啤梨醬好治癒。 .混合果汁 $19.9充滿大阪風情既果汁，酸甜清新，飲完成個人refresh晒！ …Read More

喺日本食過好多次，見到門口個牌先知原來係嚟自大阪仲開咗40年😯，香港首間分店坐落屯門，環境比日本好似光猛啲，廚房係透明可以睇到燒串燒🍢，特別要提店員服務質素拍得住日本，細微位都會留意到你需要，成餐食完都好滿足，可以暫時舒緩思鄉之愁🤩食物 $29.9 ｜前菜 $19.9[貴族燒一份一串，其餘串燒一份兩串]飲品 $19.9 （無酒精） ｜ $29.9 （有酒精）Highlight重點：鹽燒定秘製醬汁視乎口味，我比較重口味就鐘意秘製醬汁個人口味推介：✅貴族雞釜飯✅鐵板烤山藥蓉✅雞翅根✅雞尾✅雞心✅炸雞軟骨要讚串燒燒得幾好，保留到嫩滑唔會鞋，貴族雞釜飯CP值幾高，入面仲有雞肉，幾飽肚，甜品就正常啦，個人覺得主力食串燒飲下酒同朋友傾偈係幾正，希望可以開多幾間分店啦😎…Read More

平時根本唔會入嚟屯門，今日同屋企人去完曾咀拜山，順路過嚟朝聖。中午一點唔使排隊直入，限時90分鐘，自助落單，點了雞心、雞爽肉、雞皮、釜飯、醃青椒、炸鷄，季節限定：雞髀菇、豚肉荔枝、最緊要係啤酒，$29.9 Mega Beer，好抵飲！炸物做得非常好，粉薄夠脆，釜飯比較清淡，但有飯焦，但香港食會少咗陣炭香味，明顯係用電爐燒。麻油椰菜$78之後同日本一樣可以免費續加，可能當日坐近門口位置，氣氛不夠。希望將來會响九龍或沙田開分店啦，始終香港地都少有呢類型嘅餐廳。…Read More

日本過江龍「鳥貴族」香港第一間分店位於屯門市廣場，評價好壞參半。話說二月去日本食過一次，有對比先分到高下。開飯前必點招牌 Mega Size酒精一律$29.9，抵飲之選！串燒加酒，完美配搭；今餐一人都飲咗兩杯🤣必點枝豆、開胃菜鹽味醬拌青瓜及漬物四點盛。必點招牌貴族燒，有雞腿、雞胸，調味可選鹽味/秘制醬汁/香辣，賣相不錯，不過$29.9得一串，貴族燒分別在於多咗大蔥，香氣提升，醬汁雞腿細嫩多汁，鹽燒雞胸不算嚡口，中規中矩。推薦醬汁雞肉丸，夠入味！燒鳥仲叫咗雞腎、雞心、鹽燒雞柳串配芥末、雞中翼、燒豬腩串、釀青椒等。每款都預設好調料，相對上選擇就比日本少。期間限定春の料理就試咗鹽燒豚肉荔枝串$29.9，味道甜甜地；秘制醬汁燒雞脾菇$19.9，燒得幾juicy。炸法式芝士餅好邪惡！炸雞軟骨超香口！最後點埋超多cream朱古力芭菲配西班牙油條埋尾大滿足！餐廳間隔佈置同日本差不多，食物款式相對較少，香港定價全場為$29.9(快速餐牌$19.9)，價錢就比日本貴約$10，部分燒鳥亦只有一串。至於性價比高與低真係因人而異。上次係日本食大部分都燒燶🙂‍↔️ 其實香港分店都唔算太差～…Read More

上次去東京🇯🇵冇食到鳥貴族😌今次專登搭個半鐘地鐵去屯門食😂😂不過香港店既串燒價錢係每客（兩串)$29.9😕 ！貴日本店10蚊！呢間餐廳嘅最大賣點就係大部份嘢都係均一價🤓唔單止，而且食物種類又多，款款都咁吸引！🤤 ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ 1️⃣雞腿貴族燒（鹽燒x2) (秘制醬汁x1) ($29.9一串）一串有成21cm!使用日本國產雞肉的雞腿😇每一串都仔細地將雞肉同甜美蔥段串埋一齊🤭大大件嘅雞腿肉，用簡單嘅鹽燒調味，更能突出雞肉本身嘅鮮味！🐔 香港店醬燒用嘅醬汁，係由日本直送到店☺️ 同日本店用嘅一模一樣🤩醬燒都係必食嘅signature口味😇入口啖啖肉，肉質鮮嫩多汁，唔會乾柴！🤤 配埋清爽多汁既青蔥！必點之選！2️⃣鐵板烤山藥蓉($29.9)熱辣辣嘅鐵板上，鋪滿咗黏稠嘅山藥蓉，上面仲灑上咗美乃滋、海苔同鵪鶉蛋，賣相吸引！😍 山藥蓉口感綿密，入口即化，帶有淡淡嘅甜味。😋 鐵板嘅高溫將山藥蓉烤得微微焦香，更加惹味！👍3️⃣明太子薯仔沙律（配溫泉蛋）($29.9)呢個沙律真係好有驚喜！🤩 綿密嘅薯仔沙律配上鹹香嘅明太子，味道層次豐富！🥔 中間嘅溫泉蛋一切開，蛋黃緩緩流出，撈埋一齊食，口感更加滑溜，味道更加香濃！🥚4️⃣貴族雞釜飯($29.9)鳥貴族人氣特色飯👍🏻呢個釜飯真係好足料！🍚 特製雞湯將北海道米煮成鬆軟米飯，每一啖都充滿驚喜！😋 食嘅時候記得要撈勻，咁就可以每一啖都食到飯嘅雞肉鮮味✨5️⃣ 蒜味果香燒牛肉串($29.9)牛肉串充滿蒜香，香濃嘅牛脂充斥住口腔😇🐂 牛肉烤得啱啱好，肉質鮮嫩多汁！冇加額外嘅調味料，淡淡地食到牛肉本身嘅味道☺️6️⃣ 鹽焼豚肉荔枝串($29.9)荔枝嘅甜味同豚肉嘅鹹香味互相襯托，味道清新獨特！🐷 串燒各有特色，值得一試！ 7️⃣雞中翼(鹽燒)+雞腎(鹽燒)+雞腿(秘制醬汁)($29.9一串)鳥貴族嘅雞真係好多唔同部位選擇！🐔 鹽燒突出雞肉嘅原汁原味，秘制醬汁就更加惹味！🤤各有特色！🐔 雞中翼外皮香脆，雞腎爽口彈牙，雞腿肉質鮮嫩！8️⃣朱古力芭菲配西班牙油條+抹茶蕨餅配雪榚($29.9一杯)最後以甜品作結！🍨 朱古力芭菲配上香脆嘅西班牙油條，口感豐富！🍫 抹茶蕨餅配雪糕，抹茶味香濃，蕨餅煙韌，雪糕冰涼，好滿足！🍵9️⃣ 濃厚朱古力北海道牛乳($29.9)濃郁嘅朱古力🍫 遇上香滑嘅北海道牛乳🥛，簡直係天作之合！😍 甜而不膩，飲完一杯真係好滿足！🥰🔟荔枝果茶($19.9)果茶都好 refreshing！🍹 荔枝果茶充滿咗香甜嘅荔枝味，好解渴，啱晒配搭燒物一齊食！🍑⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚📍 屯門市廣場 1期1樓1108-1111號舖🚇 港鐵屯門站B出口🕒 Mon-Sun : 11:30-22:00…Read More

雞皮：燒得唔好，脆既位得好小，中間夾住果啲完全熟左就算，勁腥雞腎：腥，硬鵪鶉蛋：無特別，口感怪雞拉面：雞湯似味精湯，麵太淋，口感差，雞肉難食，勁「鞋」可以讚既，得雞翼依個價食依個品質真係一次就夠仲有一大堆失望…Read More