Torikizoku

日本鳥貴族🍢👑終於開嚟香港🇭🇰 去襯日本旅行唔想plan又想食串燒又平，基本上都係入鳥貴族😂 雖然香港定價全場$29.9（快速餐牌$19.9）比日本貴大概HKD$10，但還原度如何呢？實測一下！ 環境 平日夜晚都要排隊‼️想食建議避開繁忙時間嚟，一入到餐廳，間隔同日本一樣，獨立卡位，私隱度高。 餐牌 柚子醋枝豆伴小貝柱 $19.9 前菜必點香港限定柚子醋枝豆伴小貝柱，價錢$19.9同日本一樣，小貝柱份量多，細細粒但都彈牙，簡單前菜但味道唔錯👍🏻。 麻油醋汁椰菜 $19.9仲有另一抵食前菜同樣$19.9嘅麻油醋汁椰菜，重點係可以無限追加，$19.9任你食，椰菜相對上生咗少少比較硬，但我係OK呢個爽脆口感。 雞腿/雞胸貴族燒 $29.9/串串燒招牌必點貴族燒，有雞腿🍗/雞胸，調味可選鹽味/秘制醬汁/香辣，同日本都係一樣，賣相都好靚仔，不過就真係貴咗啲，$29.9得一串，但比起出面香港嘅居酒屋仍然係平好多，貴族燒分別在於多咗大蒽，香氣提升，雞腿嫩口多汁，雞胸就相對乾啲，但不至嚡口，其實我有睇馬田介紹條片，我都失策，醒唔起聽佢講應該雞腿夠嫩就揀鹽燒，雞胸揀醬汁😹 雞腿串、鹽燒雞柳串配芥末、雞腎串、雞皮串、芝士雞肉丸及蒜味果香燒牛肉串全部$29.9/2串雞類🐓仲叫咗芝士雞肉丸、雞腎、雞皮、雞柳及雞腿。款式都係預設好調料，相對上選擇就比日本少（日本大部份款式都有齊鹽味/醬汁兩款可選）。醬汁芝士雞肉丸好夠味，唔錯，雞腎就韌咗少少，雞皮夠油脂，一定要襯熱食，鹽燒雞柳就真係無乜味，減肥人士食幾串都唔怕，普通雞腿都好食，比貴族燒抵食。仲有蒜味果香燒牛肉串，呢個幾Juicy🫶🏻 鐵板烤山藥蓉 $29.9私心必點鐵板烤山藥蓉，係我最愛嘅鳥貴族菜式，其貌不揚，但真係每次食都係覺得咁好食，山藥同生蛋黃、紫菜拌勻，再加上鹹味醬汁，超好食！ 貴族雞湯釜飯 $29.9仲有每枱都必點嘅貴族雞湯釜飯，係新鮮熱辣，因為上枱由生米燒30分鐘煮熟，呢個用嚟配燒物串啱哂，因為用雞湯煮，成個飯同配料如牛蒡絲、赤板魚蛋等都吸收哂雞湯嘅精華，所以相對較濃味，啱重口味人士。 明太子薯仔沙律（配溫泉蛋）$29.9鍾意明太子嘅話要試下明太子薯仔沙律，十分creamy，配埋温泉蛋，味道好豐富，第一次食呢個，都納入我必點名單🤪 Mega Lemon Sour $29.9點少得招牌Mega Size酒精，一律$29.9，選擇無日本咁多，但香港嚟講真係好抵飲🙈…Read More

終於有時間放工去屯門排隊食《鳥貴族》，估唔到平日嘅晚上大概七點都有排大半個鐘先有得食！兩個人叫到成枱食物鋪滿，好滿足啊🥰！所有串燒類🍢、特色菜、飯麵🍜及甜品🍨一律都係$29.9，我覺得香港嚟講價錢都合理！🔸貴族雞釜飯侍應會把一煲釜飯奉上，現場明火煮熟，大概煮30分鐘，再焗兩至3分鐘，飯粒完全吸收雞湯的精華，撈勻其他配菜牛蒡、雞肉、甘筍、赤板魚蛋，食落每粒飯都充滿雞肉的鮮甜味道👍🏻🔸雞腿貴族燒 秘製醬汁雞腿🍗外層焦香，加上秘製醬汁特別惹味，雞腿肉外面保持肉汁🔸雞中翼 秘製醬汁 x 2雞中翼嘅秘製醬汁甜甜地，雞皮燒得卜卜脆，雞肉剛剛好熟，保持嫩滑🔸雞脆胸骨 鹽燒雞胸肉夾着軟骨一齊食，一啖香軟加一啖脆口，口感非常豐富🔸蒜味果香燒牛肉串牛肉肥瘦適中，牛肉味濃郁🔸雞肉丸 鹽燒 / 秘製醬汁雞肉丸啖啖肉，有兩款口味選擇🔸鹽燒雞腎🔸雞心 秘製醬汁🔸雞肉串 秘製醬汁🔸雞翅根 鹽燒🔸鹽燒雞柳串配芥末醬 x 2🔸柚子醋枝豆半小貝柱 - 香港限定🔸日式雞肉薯仔沙律薯蓉沙律混合燒雞肉，洋蔥絲🔸炸雞軟骨加少少檸檬汁食，炸雞軟骨香脆好味🔸香橙Cassis 甜酒🍹濃郁嘅香橙味，加上淡淡的甜酒，開胃又解渴🔸男梅 Sour🥃呢款梅酒有好香嘅紫蘇葉味道…Read More

於日本大受歡迎的連鎖燒鳥品牌「鳥貴族」登陸香港後人氣持續高企，今天跟住屯門的男友到訪朝聖，一試究竟；佔地 2000 呎，裝潢還原日本總店，以木樑作間隔，掛上紙球燈籠-串燒有 3 種口味，分別為秘製醬汁、鹽燒及香辣；所有串燒、特色菜、飯麵及甜品劃一價 $29.9，串燒大部份款式皆有兩串-🔹雞腿貴族燒 (秘制醬汁)雞腿肉嫩滑多汁，秘制醬汁輕甜滋味，夾雜大蔥同吃增加味道及口感層次-🔹雞胸貴族燒 (鹽燒)雞胸肉較緊緻，鹽量剛好不過鹹-🔹雞中翼 (秘制醬汁)有炭烤的味道，雞皮香脆，雞肉軟嫩-🔹雞腎 (鹽燒)爽脆彈韌有嚼勁-🔹雞心 (秘制醬汁)紮實帶嚼勁，吃到雞心獨特香味-🔹雞肝 (秘制醬汁)口感軟綿細滑，甘香醇厚-🔹雞皮 (鹽燒)酥脆可口，油香豐富-🔹雞肉丸 (鹽燒、秘制醬汁)口感鬆軟，吃到啖啖雞肉香-🔹芝士雞肉丸加上鹹香適中的芝士提升了雞肉丸的味道層次-🔹明太子蛋黃醬燒雞胸肉串細膩的明太子集鹹、辣及微甜味道-🔹鹽燒雞柳串配芥末配上嗆鼻的芥末好醒神-🔹貴族雞釜飯選用日本米，上桌後點火炊飯；材料有雞肉、牛蒡、甘筍、赤板魚蛋、日式醃蘿蔔及特製釜飯雞湯；雞肉嫩滑，米飯吸收雞湯精華後鮮甜滋味-🔹抹茶蕨餅配雪糕蕨餅滑嫩 Q 彈帶啖啖抹茶香，配搭忌廉及雪糕令人滿足-🔹沙律蛋黃醬烤雞沙律 $19.9烤雞柔軟汁多，配搶洋蔥及蛋黃醬，開胃美味-🔹味付玉子 $19.9溏心狀的玉子蛋香濃郁-🔹熱生薑茶 $19.9薑味足，甜度適中…Read More

如果你有喺日本食過鳥貴族，我覺得可以唔需要黎香港呢間食～因為個味道同氣氛真心差好遠～點知咁少人有提及過呢到既海外分店。首先入座安排已經唔係好清楚佢既方法係點，原來係5點半會派飛～但有限派飛既數目～因為我去到既時候6點已經無飛派，個店員話要叫哂啲拎左飛既人入座，先開始可以俾walk in ～但walk in 係7點先可以開始俾入，所以我地決定等一個鐘～等到7:15就終於可以入座～呢到既酒menu好多選擇而且都唔算太貴～而食物就真心差好遠，因為喺日本食啲野係熱住咁上，而且好有味～呢到既串燒大部分係淡咪，叫左醬油個款味道都同日本差好遠，值得一提既係呢到個椰菜係好食仲可以免費refill 。枝豆更加唔洗講，白烚連一粒鹽都無，所以要自己加鹽。薯條配個個芝士醬勁假隻味，勁奇怪，食唔出係芝士。呢到個氣氛絕對唔係日本咁，係無串燒店既氛圍，同樣地啲店員唔會大叫迎接客人～所以都係去返日本食返原汁原味啦～～…Read More

最近有緣來到屯門，知道有間鳥貴族，下午去時一入就有位置，真的不錯，就是兩人卡位有點小。發現竟然沒有拍到串燒的樣子QQ，可能當時太肚子餓了XD。飯類是大眾價錢，如果叫招牌雞飯，來到要等一段時間，建議真的最先叫。說實話，很少去吃日式的串燒，還要是鳥類別，因為在香港吃的，早些年大部分也一樣，不是太柴身就是冷的，燒汁不知道是不是同一代理商，咸甜口味，不配合。或許是，太小的大小，吃完感覺不多，所以拒絕了很多年在香港點日式的串燒，因為燒得好吃的太少見。而今次，這間有驚喜，鳥串基本大約都有一寸闊，基本都叫了五六類，怕吃不完。五花肉的份量比較少，而且相同價錢還是鳥串，即燒即拿出來，那個燒汁也是合格水平，不是在超市嘗試到那種。當然，如果是炸鳥串的價位，是比較中貴，只能說一般份量，未到抵食。最後，結帳出來，那個收銀又很特別，長又不長，還要職員背向客人收款，其實是很危險及不太對的設計，那個畫圖的人有問題，收貨的人卻覺得無問題？？？OAO店名：鳥貴族。地址：屯門廣場。費用：中貴。如想看更多食評，可在主頁點擊，全自費用餐，更沒有什麼優惠用餐券等，希望有金主姐姐課金。…Read More

今日同寶貝去咗屯門市廣場新開嘅鳥貴族食下午茶，真係幾抵食㗎！佢哋嘅食物得兩個價錢，$29.9同$19.9，選擇都算多，我哋試咗幾款，整體感覺都唔錯。首先，醬汁味嘅**雞腿貴族燒**真係幾正，雞腿肉燒得啱啱好，外皮有少少脆，入面仲好嫩滑，醬汁甜甜哋，好入味，食落去好滿足！寶貝都話好食，仲搶住食多幾啖。**燒雞翅根**都幾好，燒得香口，肉質唔會太乾，咬落去有少少juicy，配埋佢哋嘅醬汁，味道更加豐富。不過如果再多啲醬汁就更好啦，因為我哋都鍾意重口味啲。**燒雞腎**就比較有咬口，食落去有啲爽脆，燒得幾香，唔會太韌，啱晒鍾意食內臟人。不過如果唔係好鍾意內臟嘅朋友可能就未必咁鍾意。**炸雞軟骨**同**炸雞皮**都係我哋嘅最愛！雞軟骨炸得脆卜卜，咬落去「咔嚓咔嚓」咁，好過癮！雞皮就更加邪惡啦，炸到好脆，食落去有啲似薯片，但係又帶住雞油嘅香味，真係停唔到口。不過食得多會覺得有啲膩，建議同朋友share食。至於主食，我哋試咗**雞湯燴飯**同**白雞湯拉麵**。雞湯燴飯嘅湯汁好濃郁，飯吸晒啲湯汁，食落去好暖胃，好啱呢排涼涼哋嘅天氣。白雞湯拉麵嘅湯底都幾清甜，拉麵嘅口感彈牙，不過相對嚟講，我哋覺得燴飯更加出色。總括嚟講，鳥貴族嘅性價比真係幾高，$29.9同＄19.9嘅價錢可以食到咁多款嘢，真係好抵！食物質素都唔錯，尤其係啲燒物同炸物，真係幾有驚喜。不過如果佢哋可以多啲醬汁選擇或者再濃味啲就更好啦！下次再嚟一定會試吓其他款式，推薦俾鍾意食雞嘅朋友！…Read More

發源於大阪燒鳥連鎖品牌「鳥貴族」🇯🇵首次進駐香港🇭🇰之前一直都未試過，所以今次去試下😬.⚠️此餐廳收取10%服務費💰.貴族雞湯燴飯🍚單點$29.9💰雞湯味道相對清😌有雞肉、蔥花、紫菜、雞蛋🥚.南蠻炸雞🥢單點$29.9💰香脆炸雞淋上南蠻醬同洋蔥🧅酸甜解膩💯.鹽味醬拌青瓜🥒單點$19.9💰清新爽脆😗.秘制醬汁雞腿貴族燒🍢單點$29.9💰香嫩滑雞腿肉配上大蔥、秘制醬汁😍好味道🤤.秘制醬汁雞胸貴族燒(2串)🐓單點$29.9💰.鹽燒雞腿貴族燒🧂單點$29.9💰.香辣雞胸貴族燒🐦單點$29.9💰.秘制醬汁雞腿🍗單點$29.9💰啖啖肉，但肉質較結實🥺.芝士雞肉丸🧀單點$29.9💰原塊半熔芝士片🫕雞肉丸混入洋蔥、軟骨🦴可惜雞肉丸質過於軟腍，口感較差😔.明太子蛋黃燒雞胸肉串🧡單點$29.9💰明太子被蛋黃醬蓋過🥲.鹽燒雞柳串配芥末🐔單點$29.9💰.雞中翼鹽燒🐥單點$29.9💰外脆內嫩😙肉汁多😋.秘製醬汁雞中翼🐣單點$29.9💰.自製醬汁雞翅根🐤單點$29.9💰.蒜味果香燒牛肉串🐄單點$29.9💰肉味濃郁，Juicy😛.抹茶蕨餅配雪糕🍦單點$29.9💰抹茶蕨餅Q彈🍵牛奶雪糕配上焦糖忌廉😆.醬油甜醬巨蛋雪糕🍨單點$29.9💰口感有少少似雪米糍🤔加上鹹甜醬油☺️.蜜桃果茶🍑單點$19.9💰.檸檬梳打🍋單點$19.9💰…Read More

創立於日本大阪的連鎖串燒店「鳥貴族」幾乎無人不曉，在日本已經有超過六百間分店，去年年底終於進軍香港，選址屯門加上熱潮漸退，平日晚市繁忙時間排隊人龍比想像中短。日本店串燒劃一收費¥370（約HK$19.5），而香港店大部分食物均為HK$29.9，但畢竟香港寸金尺土，受昂貴租金所限，定價較高亦無可厚非。串燒與日本一樣一份兩串，唯一三款非雞類串燒包括「牛肉串燒」、「燒豬腩肉串」及「釀青椒」，云云串燒當中最不容錯過的定非兩款「貴族燒」莫屬，雖然價錢相同但只有一串，不過每串足足有21厘米長，「雞腿貴族燒」肉質嫩滑，可以選擇鹽燒、秘制醬汁或香辣三款口味。「雞皮」、「雞心」、「雞爽肉」、「雞肉丸」、「雞腎」、「雞中翼」、「雞胸脆骨」等鹽燒串燒調味簡單，能夠突顯食材本味，當中個人最喜歡「雞皮」，口感鬆脆且毫不油膩；「雞爽肉」亦即雞頸肉，肉質富有彈性。「雞腿」、「雞心」、「雞肝」、「雞翅根」、「芝士雞肉丸」等加上以雞肉、蔬菜及水果慢煮而成的秘制醬汁，微甜惹味，比鹽燒口感更加豐潤，「雞翅根」亦即雞翼鎚，肉質結實。特色菜包括「鐵板烤山藥蓉」、「炸薯條配牛油醬」、「炸法式芝士餅」等，「脆炸雞皮」比串燒更加酥脆香口，「南蠻炸雞」應該選用雞胸肉故略嫌較乾，相反「貴族秘制醬汁炸雞」外脆內嫩，而且配上他他醬酸甜清爽。主食方面有「雞肉白湯拉麵」、「貴族雞湯燴飯」、「醬汁炸雞丼飯」等選擇，「貴族雞釜飯」大約需要30分鐘烹調時間，飯粒加入雞湯煮成，濕潤飽滿之餘盡顯鮮味。…Read More

難得鳥貴族嚟到香港～有機會梗係要去屯門試吓啦咁首先講咗佢哋最出名嘅雞肉先啦我個friend話覺得佢啲雞肉最好食嘅就係揀秘製醬汁嘅🥰🥰所以我哋好多都主要係揀秘製醬汁嘅雞腿貴族燒食落去幾嫩滑😍😍而雞腿根食落去都幾特別👍👍值得一試嘅係我覺得佢哋個雞心幾唔錯☺️☺️食落去幾煙煙韌韌幾爽口芝士雞肉丸食落去亦都好入味😋😋明太子燒雞腿肉串真心幾濃郁咁之後就講埋其他肉類同埋炸物囉牛肉食落去相對比較乾身豬腩肉串食落去幾有口感😝😝覺得佢哋嘅南蠻炸雞食落去幾Juicy炸薯條嗰個牛油醬食落去幾特別😘😘食落去唔會覺得好Heavy跟住就講吓佢哋嘅飯啦～貴族雞釜飯食落去都算幾豐富🙃🙃貴族雞湯燴飯食落去嗰個湯幾甜之後醬汁炸雞丼飯亦都係新鮮滾熱辣整起嘅最後就講埋佢哋嘅甜品啦我自己覺得佢哋嘅朱古力巴西配西班牙油條幾好食❤️❤️味道幾啱啱好，唔會太甜…Read More

屯門市廣場美食種類可謂百花齊放, 這間居酒屋以充滿日本色彩木系裝修, 有卡座, 地方闊落。食物以串燒為主打, 還有飯麵和 特色小食, 酒精和非酒精飲品, 串燒主要是雞的不同部位。雞腿貴族燒秘制醬汁和鹽燒各一串, 雞肉嫩滑, 加上甜脆蔥白, 沾滿惹味秘制醬汁, 食落好香口。鹽燒則雞味較香口, 各具風味。雞肝 （秘制醬汁）烤得外酥內軟, 味道甘香濃郁。雞胸貴族燒 （鹽燒） 蔥段令味道更突出, 肉質嫩滑有質感。還有鹽燒雞心、雞腎、雞皮、蒜味果香燒牛肉串、釀青椒和鹽味麻油燒雞肝, 當中鹽燒雞心和雞腎口感好爽脆, 鹽燒雞皮脆卜卜, 又帶有肉香。特色小食點了炸法式芝士餅、脆炸雞皮、炸雞軟骨和貴族秘制醬汁炸雞, 當中以炸法式芝士餅味道最突出, 流心芝士奶香軟滑。還點了貴族雞湯燴飯和雞肉白湯拉麵, 飲品點了可爾必思柚子梳打、士多啤梨梳打和熱情果梳打, 清甜果香又冰凍, 吃串燒嘅好配搭。…Read More

源於日本大阪嘅知名串燒居酒屋嚟到香港啦😍大部分都用咗木系大地色，感覺同日本舖都好相似～全間舖都係得兩個價錢😆💓 串燒都係即叫即燒，而且仲分別有三種調味，秘製醬汁、鹽燒同香辣～ 各有特色，包羅萬有，揀咗啲懶人包推介款俾大家🤤◾️雞腿貴族燒🍗揀咗要雞腿位燒所以啖啖肉😎 雞腿肉同香蔥梅花間竹，秘製醬汁就濃味啲💦 燒好雞肉都嫩滑，據聞長係21ᴄᴍ 都真墜手🤣▫️貴族雞釜飯🥣上枱之後要等～30分鐘熄火先食得😚釜飯用咗北海道米，每啖飯都吸滿雞肉嘅精華，仲有嗚門卷絲、甘筍、牛蒡等配料，2個女仔ꜱʜᴀʀᴇ食都夠💓◾️蒜味果香燒牛肉串🐮牛肉油香濃郁，入口勁ᴊᴜɪᴄʏ🤣 ▫️南蠻炸雞🐓雞件炸至金黃酥脆～淋上甜酸南蠻醬同蔥花，解膩💯◾️炸法式芝士餅🧀內餡流心半溶熱辣辣🔥放大版嘅芝士年糕好邪惡😈▫️巨蛋雪糕🍦係意想不到嘅驚喜✨ 甜甜嘅雪糕配上鹹鹹哋嘅醬油，出奇地ᴍᴀᴛᴄʜ😍…Read More

日本著名燒鳥連鎖品牌 鳥貴族，香港🇭🇰有分店啦。除左有最招牌燒鳥串燒🐔，串燒類仲有牛🐃 • 豬🐷另有特色菜(炸物 / 沙律🥗…) • 飯🍚 / 麵🍜 • 甜品🍨野飲方面 : 無酒精飲品(汽水 / 梳打🥤 • 咖啡☕️/茶🍵 • 果汁🧃)…，酒精飲品🥂(Whisky • 清酒 • 梅酒 • 紅/白酒…)店內木系佈置🪵，掛左好多波波紙燈籠，打造成居酒屋感覺🏮~•~•~•~•~•~•~•~•~•~•~•~•~•~•~•~•~•~•~• 價錢💰🔸所有串燒類 • 特色菜 • 飯麵及甜品 ($29.9/款)🔸快速餐牌 • 無酒精飲品 ($19.9/款).▪貴族燒 (一客一串) - 3個口味可揀 (鹽燒 • 醬汁 • 香辣)▫️串燒類 (一客兩串) - 2個口味可揀 (鹽燒 • 醬汁).🤎醬油味 : 帶少少甜味😙🤍鹽味 : 輕輕吊吊味，可以食番材料原味道😌❤️香辣 : 微微辣，唔太食得辣既朋友仔都接受到🌶枱上另有調味架(鹽 / 七味粉 / 花椒粉)，想食重味d既朋友仔可以加埋。.▪雞腿貴族燒 : 嫩滑有肉汁▪雞胸貴族燒 : 雖然冇雞腿咁滑，但唔會柴柴個種。▫️雞爽肉 : 稀少部位，口感彈牙 • 多汁，脂肪比例適中。▫️雞皮 : 脆脆✨唔油膩▫️鹽味麻油燒雞肝 : 濃郁雞肝 配蒜香麻油醬汁▫️雞尾 (七里香 / PatPat) 脂肪豐富另外仲食左▫️雞心 ▫️雞腎 ▫️雞翅根 ▫️蒜味果香燒牛肉串🧄▫️燒豬腩肉串🐷 .▪特色菜▫️雞天婦羅配梅子醬點住酸甜梅子醬，食落冇咁膩▫️貴族秘制醬汁炸雞用雞胸肉，比常見既炸雞冇咁邪惡😝▫️雞肉白湯拉麵湯底香濃不油，雞肉夠嫩🍜.▪快速▫️漬物四點盛(韓式泡菜 • 蓮藕 • 醃蘿蔔 • 牛蒡）▫️柚子醋枝豆伴小貝柱加左柚子醋，可吊吊扇貝鮮甜味🤍▫️味付玉子蛋白沾住甜甜醬油，溏心蛋黃🧡正正。.▪甜品▫️朱古力芭菲 配西班牙油條西班牙油條炸到酥脆💥雪糕上面仲有大Pat Cream。細細個，但都夠滿足🤰🏻.▪野飲▫️混合果汁 (北海道產牛奶 加多種水果混合而成，牛奶較出🥛)▫️凍咖啡☕️.~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻‍♀️需另加𝟏𝟎% 服務費 ~•~•~•~•~•~•~•~•~•~•~•~•~•~•~•~•~•~•~• …Read More

串燒以雞肉為主，每碟2串均一價$29.9，價格非常親民，但品質一點都不馬虎！🧂鹽味串燒 鹽味串燒最能吃出食材的原味： -雞腿肉串肉質鮮嫩多汁，外皮微焦，咬下去滿口香氣。 -雞胸軟骨串脆脆的口感搭配淡淡的鹽味，越嚼越香。 -雞爽肉串其實即係雞頸肉，入口非常香濃，絕！🍢醬燒串燒喜歡重口味的人一定要試試醬燒系列，濃郁的甜鹹醬汁讓人欲罷不能！ -芝士雞肉丸串肉丸綿腍多汁，醬汁味道層次豐富。 -雞心串烤得恰到好處，口感彈牙，醬汁完全滲透進內。🍻飲品各式啤酒冰涼的啤酒搭配串燒，簡直是絕配！ 無酒精飲料適合不喝酒的人，像是烏龍茶或可樂都很受歡迎。 總括而言，平價美味，串燒控的天堂！…Read More

屯門巿廣場開咗間日本過江龍「鳥貴族」，都開咗一段時間仲見到好多人排隊，之前去日本旅行嘅時候，從來都無食過呢間店，所以就嚟試吓。雞腿（秘制醬汁） - 嗯⋯⋯咁普通？！絕對唔係唔好食，但係又唔係好食，淨係諗到普通兩個字無其他😅。雞爽肉（鹽燒） - 呢個算好食，首先肉質比較有彈性，鹽燒比起秘制醬汁好味，同焦燒嘅香味比較夾，亦唔會掩蓋雞肉味，貴族雞釜飯 - 如果係釜飯嚟講，一定唔係好，但係唔係唔好味，可以食得落肚，真係好普通、好平凡之類嘅形容詞，唯一優點：份量好多。日式雞肉薯仔沙律 - 薯仔沙律本身無問題，反而係日式雞肉出事，日式雞肉係會淋喺薯仔沙律上面，但係雞肉果啲汁超鹹！完全破壞晒！雞皮（鹽燒） - 呢個應該無得輸喇啩 ？！但係都要輸一半🤣視乎你鍾意食脆卜卜嘅雞皮還是Q彈嘅雞皮，他們家的是Q彈的。芝士雞肉丸 - 三個字「超難食」，芝士被醬汁完全掩蓋，少少芝士味都無😓。雞肉丸質地腍bet bet ，啱晒無牙嘅食。釀青椒 - 青椒唔好乾，水份非常充足，以為係蒸。青椒有少少紫蘇葉既味道幾清新、可惜釀青椒係用雞肉丸嘅免治雞肉釀的，所以⋯⋯我食咗$229.2🤔應該唔算便宜，同埋咁嘅質素，真係無乜必要再幫襯。…Read More

餐廳位於屯門巿廣場一期, 鳥貴族是日本知名的連鎖串燒居酒屋, 每次到日本都必食, 首次進駐香港, 更推出香港特別版料理, 令人期待✨環境與日本店舖相似, 帶日式設計、裝潢時尚, 顏色是採用木糸大地色, 設有卡座我們點了串燒🍢雞腿貴族燒（秘制醬汁）必推名物貴族燒, 香嫩雞腿肉和甜美蔥段、香氣十足, 配上秘制烤肉醬, 非常絕配雞腿（秘制醬汁）雞腿肉啖啖肉、口感較結實芝士雞肉丸🍡賣相很吸引, 充滿肉汁的鮮嫩肉丸配上濃郁芝士, 烤至半融化, 邪惡又美味明太子雞胸肉串雞胸肉串表面擠上美乃滋明太子醬, 有獨特的鹹香微酸雞皮經過烤製後帶點酥脆, 醬燒風味濃郁, 非常香口鹽燒雞中翼一串有三隻中雞翼, 鹽燒更能品嚐原材料鮮味, 外脆內嫩、肉汁ᴊᴜɪᴄʏ蒜味果香燒牛肉串 🐮口感柔軟、牛肉油香濃郁、散發滿滿肉香釀青椒🫑外皮很薄, 吃起來爽口微甜及淡淡清香菜佐酒小食柚子醋枝豆伴小貝柱（香港限定）作為前菜非常開胃日式雞肉薯仔沙律🥔薯仔口感很綿幼滑, 加上雞肉吃起來口感豐富, 帶少少鮮甜味法式芝士餅🧀建議趁熱食用, 芝士餅外表炸至金黃色, 用上金文畢芝士、忌廉、車打芝士混合, 滿滿流心芝士非常濃郁, 口感ǫ彈炸薯條及枝豆正常水準甜品朱古力芭菲配西班牙油條用上北海道牛奶製作, 味道更香滑飲品清爽檸檬sᴏᴜʀ 🍋ᴋᴏᴅᴀᴡᴀʀɪ sᴀᴋᴀʙᴀ檸檬sᴏᴜʀ入口冰涼清爽, 酒精不算太濃, 非常適合女任飲用, 食串燒一定要配酒精類飲品服務很親切, 全部即叫即燒新鮮製作, 非常抵食、ᴄᴘ值高, 晚市坐無虛席…Read More