Torihana (Closed)

大確七、八年前開始我就愛到河內道一帶的特色餐廳，那兒有德國菜、西班牙菜等等，雖然常常經過鳥華，但從沒有走過進去。星期六約了一班朋友唱下午茶K，約好了二時正，但我大概一點半已經到達，心想不如吃個拉麵做午餐吧。雖然行過兩步的棉登徑有豚王，但從來不愛豬骨湯拉麵的我想試試新野，於是走進了這間主打雞白湯湯底的拉麵底。甫一進入店內就會發現店內的裝修設計簡潔，好適合周末的下午獨個兒享受悠閒的時光。店內有一長吧枱，對著吧枱的另一邊是數張四人枱，四人枱都坐滿了人，我選擇了坐在吧枱的一角，可以窺看清楚躲在吧枱後的廚房傳菜處。一坐下來，店員會先奉上一杯冷烏龍茶及餐牌。除了各式各樣的拉麵外，還有飯類、小食、甜品。對於一所拉麵店，不能專一只售拉麵，還有售賣飯類，我心裡已開始懷疑這店拉麵的質素。本來想試試招牌的雞白湯拉麵，但見到期間限定的濃蝦湯拉麵，便毫不猶疑點了濃蝦湯拉麵了。大概五分鐘過後，店員端上了一大碗的拉麵。深橙色的濃蝦湯，拉麵上放了一片厚切的半肥瘦豚叉燒，配菜有櫻花櫻、蔥花、貢菜和半隻味付半熟蛋。先喝一口那深橙色的濃蝦湯，是非常濃郁的蝦湯。味付半熟蛋，與其說是半熟，我會覺得是七分熟，雖然稱它是味付，但從其雪白的外表，已可以看出這隻雞蛋沒有醃鹵得透，味道一般，還不及豚王和一風堂的雞蛋。豚叉燒，就只有一塊，但對於不好肉的我，足夠得很。這裡的叉燒，有很豚叉燒和雞叉燒的。雖然那塊豚叉燒煮得很軟很稔，但可惜豬肉味欠奉，大概都是急凍貨色。終於要一嚐那拉麵了，說實話，我覺得這只是那種即食拉麵的質素，幸好烹煮時間拿攝得好，麵質爽勁彈牙，再加上有濃蝦湯補飛為這碗拉麵加分。吃過豚王、一風堂、富士山55拉麵，那些拉麵店都有個共通點，就是選擇麵粗幼軟硬，我相信這就是鳥華拉麵跟前者的差異，始終每個食客出拉麵的要求也不一樣。…Read More

真的，好難食！原想去一風堂，又想試新店，便來了這裡。服務一般也罷、裝飾一般也算、價格不便宜也不要緊，難吃，真的是致命傷。不，是很難吃才對。點了走葱走筍加蛋，來的時候又葱又筍沒蛋。再來了。蛋是半熟的，不是溏心蛋，很難吃。麵是一團的，麵餅還未分開。那兩片可有可無的叉燒，除了肥和難吃外，想不到形容詞。$83+10%的價錢，我買了一場教訓。從此要相信: 笑臉可能是宣傳手法、喊臉一定是對食物的控訴。…Read More

團購$59 + $10服務費: 一碗拉麵, 一隻溏心蛋, 三隻餃子, 一罐汽水拉麵上台嘅時候只係暖, 一d都唔熱。湯... 淡而無冇雞味, 麵質硬, 可能因為湯唔熱, 就算浸左一陣都係硬。:(3片「燈影」雞肉都係冇肉味! (突然好掛住May姐之雞汁)餃子好咸, 我係冇落醬油...成個餐唯一可取之處係隻溏心蛋!:)只係食左兩啖就放棄左...真係冇下次!!!…Read More

想試好~~耐! 終於有機會去食!好多地方都係以豬骨湯出名, 但事關我唔係非~常好豬肉湯.. (味僧fans是也) 所以都未至於會專登為咗個湯而去食.. 但雞湯喎, 實鍾意架~ XD  辛白湯拉麵 白湯拉麵掙扎咗好耐究竟食辣味定原味, 因為梗係覺得第一次去試應該食返原味先既~但我又真係好鍾意食辣喎!結果朋友叫咗辣味, 我要原味~ XD淺黃色既湯上面浮住好多鮮黃色既雞油, 飲落又唔覺得好肥喎~ 好多時拉麵湯都會太鹹, 但呢個我覺得好濃陏之餘, 鹹淡度適中, 真係可以當湯飲! 我真係好鍾意飲雞湯, 所以覺得原味更出色!蛋, 配料等都合乎水準, 不過不失! 餃子只係因為朋友想食所以叫, 但真係冇特別... (如果有人有好介紹有特色又好味既日式餃子, 請話俾我知~~ ^^")佢都做足日式煎餃子應有既水準既~ 稔pat pat既餡料, 煎得香香地既皮.. 就係咁..如果唔係朋友叫, 我係一定唔會食既小食不過都幾多味精... =.= 食完之後出嚟咳到我呢..但仍然都會去食! …Read More

我成日去附近玩既，經過都覺得唔錯，終於有機會同個朋友去試，大家都想食拉麵咁啦係門口睇睇個價錢又ＯＫ喎，唔太貴，個裝修又幾好入去服務員好讚，好快手，我地點左兩個雞白湯拉麵Ａ餐先黎左個麵同沙律，個沙律好好食阿，份量都岩岩好食完一睇番碗麵。。。。已經凍哂。。。。仲有層油係面。。。咦。。。扣哂分:(食落個面好好咬口，但個湯底就。。。勁似雞蓉味即食麵湯底。。。十萬個為什麼是店舖主打既湯底。。。。再來那個餃子。。。。點解咁咸架。。。我只係加左３滴醬油。。。。下次唔會再試ＳＯＲＲＹ…Read More

行完K-11出黎 係鳥華門口有位姐姐仔派傳單 原來係送可樂一罐既優惠睇左兩下meun就決定入去食一坐地 staff就俾杯茶我係凍凍地既無糖紅茶 係夏天呢d日子有杯免費凍飲 而唔係熱茶 真係好貼心一至四有dinner set要左個$88餐 有拉麵沙律餃子其他拉麵店呢個價錢只係食到碗拉麵咋先上拉麵同薯仔沙律 當然先食appetizer薯仔沙律好足料 每一啖都有d蘿蔔/青瓜/粟米 而唔係就咁得d薯仔當中已經將沙律醬充份撈勻 咬落有口感得黎 亦覺得好清爽好fresh連Appetizer都整d咁有heart主食一定唔差食完沙律 個雞白湯拉麵面頭已經有浸薄衣 證明個湯地應該幾濃下先飲一啖個湯底 OH...幸福到要轉圈圈呀味道其實好似阿媽煲既雞湯好香好濃郁 飲得出係真係真材實料用雞淆制而成 而唔係揾雞粉沖最緊要係濃郁得黎一d都唔鹹如果唔怕油 就咁飲都得（我都飲左一半）\拉麵雖然無好似其他拉麵店咁有得揀軟硬 但食落剛剛好 煙煙un un唔會過份稔而個三片雞肉亦令我好surprise好滑 一d都唔鞋 雖然連埋少少雞皮 但完全唔肥 絕對會一啖食埋同其他拉麵店鞋到爆既叉燒/豚肉比 一定贏足九條街餃子剛開始食拉麵佢就上 有三大隻睇落煎得唔錯 但一d都唔脆不過餡料絕不欺場 隻隻都好飽滿所以太飽食唔晒餃子相對拉麵同沙律就比較平凡了女仔一個人食呢個餐都其實幾飽下至於送既罐裝可樂飲左兩啖就無飲有d嘥不過值得讚既係我食完麵 係度玩左陣電話既期間 staff見我飲完杯茶都會即刻幫我re-fill而唔係扮見你唔到想你快d走呢d細微位唔係間間做到總結：雖然大家湯底唔同 但鳥華比豚王更令我驚艷 係我試過最好食既拉麵湯底 絕對有下次 一定會推薦俾朋友！！！…Read More

一直都有食開鳥華，因為我同花老嘢都鐘意粗麵。之前見鳥華有做團購，$148包1碗雞湯麵，1碗醬油麵，薯仔沙律，1客餃子同2杯嘢飲，都好抵架。由於咩都set好晒唔使叫，入到去坐定定等食就得。薯仔沙律先唻，不過不失喇，冇咩味，我食咗少少啫。之後2碗麵到咗，老嘢一成不變要食返雞湯，咁即係我要食醬油味喇，成日都唔就人醬油味有d寡，得咸味，2片叉燒都麻麻哋。老嘢就話雞湯都差咗喎，不過我冇試唔知。最後餃子唻埋，加d醋同豉油，個味唔差係個饀實咗少少。原本想試完個醬油味如果好味再買多次團購，不過我唔鐘意醬油味所以應該唔會買Lu…Read More

有次準備搭西鐵回家卻無意發現原來k11附近有鳥華拉麵店，位置就係西鐵站出口旁，相當方便。講真字有點遼草，唔講唔知o個個係華字 字睇唔到都唔緊要，認住隻雞吧! 我就給那隻強而有力的雞臂彎吸引了 原來這裡的雞白湯非常有名的。我未至於是拉麵控，而且拉麵的確不是間間好食，更甚很怕食到一些很油膩而味精的「仿日式」拉麵，今次momo 誠意推介鳥華，果然無介紹錯! 晚上7點多來到，不用等位，可能是平日的原故吧。餐廳以白色為主色調，感覺整潔舒適，座位不算擠迫，可以舒舒服服食碗拉麵，而且餐廳提供熱茶、濕紙巾，頗細心的。熱茶單看茶色都知，茶味濃郁，可消除拉麵的油膩感。星期日至四提供dinner set ，岩哂三心兩意的我，經常覺得拉麵店通常只有賣拉麵，有時想食其他東西都無，但這裡一個set 就可以滿足到我了。點了個$94 set，有雞白湯拉麵 + 迷你豚肉泡菜飯 + 煎餃子3隻，湯頭呈黃色，湯面有不少油份，先呻一口湯，嘩!!!! 係跟屋企煲的鮮雞湯一樣味，雞味非常濃郁，絕對不是味精或史雲生可造到的，味道喝得出是用鮮雞煲的，所以油份是不能避免，喝得多稍有罪惡感，若然可以撇走面頭油份，整碗我都可以飲得下。跟餐拉麵略為細碗，只有數塊燒雞件，燒雞雞肉鮮嫩不乾身。真心推介雞白湯拉麵!!! 值得一試!餃子皮都幾薄，肉餡不會太多份量適中，煎得剛好。迷你豚肉泡菜飯偏辣，本身很喜愛吃泡菜，但辣味好像來自辣椒粉而不是泡菜本身的辣，豚肉比較乾，可能似始終是拉麵店，飯真的麻麻。散點的雞白湯拉麵，比set 的多了豚肉叉燒及半熟蛋，半熟蛋呈半流心狀，晶瑩剔透。份量女生食剛好，男生吃便覺得不夠飽，吃完後覺得不夠的話，可以+$12 加半份麵，如果份量減半減$8。p.s. 餐廳提供自家醃製芽菜，味道幾開胃，但注意有點辣，不要加太多啊~…Read More

餐廳主打雞白湯底 點了一個最基本的雞白湯拉麵如圖所見簡單4片雞肉橫在面層 先嘗了一口湯 太讓人失望！死喊的味道 感覺就是一整包史X生雞湯加上重鹽造成一碗濃湯雞肉硬 毫無口感 完全不覺得吃的是雞拉麵是即食拉麵的質素 鹼水味略重朋友點了味噌雞白湯拉麵 再加錢要了半熟蛋與叉燒整碗拉麵還沒算加一已經$103上來就是3片雞肉3片叉燒1隻蛋湯底不過是在雞白湯裡加上味噌 自然不會好到那裡 但的確比單純的雞白湯好因為至少去掉一些死咸的味道半熟蛋是冷的 不過味道沒不妥叉燒是唯一沒出問題的食物環境以木為主 簡約風格 坐着也算舒適難得是假期前夕在尖沙咀吃晚飯不用排隊 【是因為太難吃嗎?服務不錯 店員十分勤勞為食客加水 可是價錢不便宜又難吃 其他方面多好也補償不了鐵定沒下次…Read More

下班獨自一人到尖仔吃拉麵之前在銅鑼灣店試過其濃湯拉麵感覺不錯在店內也不乏日本遊客看看MENU赫見雞湯沾麵鑑於本身是沾麵愛好者所以是次就點了沾麵沾麵湯質感十分稀像一碗拉麵湯呷一口汁, 味道鹹而不濃麵條放在汁內也沒有掛汁的效果半熟蛋也過熟非常失望地完成麵條很後悔沒有點湯拉麵腦海裡也很懷念周月的濃濃沾麵…Read More

[寫左好耐，但未有時間入相入電腦，所以而家先upload]~2pm，同2位朋友一齊食<環境>舒適、企理、乾淨 位唔係好多，一眼望哂<服務>有紙巾、濕紙巾提供侍應會自動斟茶、收餐上食物先，食食下先上飲品<食物>唔知係咪2pm太晏，冇哂$59 每日精選便當改叫雞白湯豚肉拉麵+細飯餐$73，麵減半(減$8) 雞白湯 正！有位朋友差唔多飲哂！個湯係黃色嘅，唔知點解叫白湯呢~拉麵 彈牙得2片豚肉好似少左啲 個細飯 啲肉有啲乾，部分飯沾有鼓油但整體好味~ 經過都會再試其他食物~…Read More

星期五既晚上約左舊同事們聚餐本身book左隔離街某日式餐廳...但臨時竟然提出只限食一小時一心聚下舊既我地梗係唔制啦!!!一個鐘..等得d野黎定食得d野呢? 拿拿聲轉場!!剛好朋友仔經過鳥華門口，問過staff話食到11點都ok!於是我地一行5人就試下呢間喇!!由於我地想5個一齊坐唔坐bar枱, 就等左大約15mins坐底後，我就要左個味增湯拉麵 + 蛋每人叫左一碗麵後再加左1客餃子 (5 隻) 同2碟芝麻雞翼 (一客3隻)拉麵黎既速度都好快~登登!! 呢個係我既!! 未食要先講既係...隻蛋個樣有d over cook喎...:(哎呀~呢個真係要改善下喇!試左啖湯~好濃既miso味..唔算好油麵係比較粗身個隻..由於我鍾意食d偏稔既拉麵..所以呢個對我黎講硬左少少, 不過都可接受既!雞肉整得好好, 唔韌又入味! :) (我好怕d雞肉有陣雪味/唔新鮮的"雞除")蛋呢..一如頭先講.. 賣相真係麻麻.. 食落最中間係溏心..不過邊位就熟到"粉"左但隻蛋冇咩味道...可能佢整得未夠入味啦......不過整體都ok既~~小食方面，餃子唔錯! 底脆內軟! d肉唔肥~最期待既芝麻雞翼就整得未夠脆同香口了!! 不過味道ok! :)要讚下係d service~真係由8點坐到10點半都冇人催我地埋單反而仲不停自動幫我地加茶!! 呢種服務態度真係抵讚呀!!!…Read More

年初四晚上，本來想去附近的星馬fusion餐廳食飯，可惜沒有開！由於時間已晚，當天和朋友也很累，走到附近看見裝修不錯的日式拉麵店，先進去才說吧。叫了一個最基本的白雞湯拉麵，再加日式炸雞一客。友人則叫了味噌湯的雞肉拉麵。結論是：貨真價實的雞湯！一口喝下去是超濃郁、超香的雞湯，當然，顏色中看出也會是偏油，但可能當時剛好覺得有點冷，吃完後感覺很補！份量有點偏少（據朋友說，我本身吃得少所以ok），但也許雞湯的功力已經令人感到飽肚！那塊雞肉和麵質則是不過不失。日式炸雞的肉質不錯，保留了juicy的感覺，不過我個人感覺它沒有炸得很乾身，所以有點油膩...份量偏少，男生可能要加點side dish日式炸雞不過，一定要喜歡喝雞湯的人才行，我的朋友對雞湯此食物普通，所以她並不欣賞它的拉麵...…Read More

lee間已經食過幾次，食評都寫過，拉麵固然好，今晚星期四去食原來仲有套餐，星期日至四 $88蚊有碗招牌白雞湯拉麵，一個薯仔沙律，3隻餃子! 食物keep到質素，雞湯鮮甜，粗麵夠彈，係d雞好似比平時少左dd;餃子餡算ok豐富，唔會得塊皮，薯仔沙律亦好fresh。不過講真套餐lee樣野個人認為唔太岩拉麵，因為拉麵係要快食，食麵質，如果食完個沙律先食碗麵恐怕會有少少影響左lee碗麵ge質素，所以愛麵人士我都係建議你齋叫麵，或者食套餐時食左碗麵先食其他野~講返今次重點---服務。服務態度好不在話下，細心少少留意下就會知人地d服務所謂質素唔係開口埋口幾句日文咁簡單，而係好多細節位度落心機。例如:(1)客人賣左單準備走，waitress們唔會急住走埋去收野，而係等人客真係離桌後先走埋去執，唔會趕住要你走;(2)加茶，唔洗叫都加之餘，見到你食晒個餐飲淨半杯都要加比你，到你埋單比緊錢都仲要加比你......好似好容易ge事，但老實講同價ge食肆無乜邊間做到…Read More

放工後約了朋友去食拉麵,今時今日在香港要食拉麵根本不難, 隨處可見!所以要搵一間有質數的試試吧,!聽朋友說近期吃得多豬骨湯的拉麵,!於是我地搵左著名拉麵湯底濃郁雞湯的- !鳥華.!入到鋪已經聞到好濃雞湯味,!我們便異口同聲儘管試試招牌的雞湯叉燒拉麵,!麵來了,份量不算太大,!但賣相吸引!!先渴一口湯.果然雞味十足,!感覺像飲緊媽媽煲的湯一樣.!很溫暖的感覺!濃郁的雞湯味滲透每一條麵條,!!正.!!吃完後整碗湯我和朋友都飲下去,!一定會再試,!:…Read More