Meet Fresh (V Point )

每次喺銅鑼灣食完飯都忍唔住嚟鮮芋仙食糖水4個女仔去，嗌咗一個冰再加一碗芋圓已經食到好飽，仲要平均每人40蚊都唔使，真係好抵食。芋圓keep到水準，煙煙韌韌同埋唔會好甜個冰仲要有好多配料，一個人食嘅話一定食唔曬，建議大家同朋友仔share黎食。以依個價錢黎講真係好抵食，有機會一定會再食比較可惜嘅係依間分店係喺馬路隔離，而且係半開放式，所以冷氣唔係好夠，嗌熱食應該會食到出汗🫠，如果係夏天去食應該都會比較辛苦。…Read More

同朋友喺銅鑼灣行到攰攰哋，想搵個地方坐低食啲甜品叉叉電。經過登龍街V Point，見到地下舖位嘅鮮芋仙，二話不說就決定入去。始終呢個台灣過江龍品牌出名食芋圓同仙草，夏天食返碗冰品，諗起都覺得爽！我哋兩個人叫咗兩款唔同口味嘅刨冰，可以一次過試多啲。一上枱，兩碗冰都好「大堆頭」，份量十足，賣相相當吸引。第一碗係經典嘅**芒果冰**。佢好似一座黃色嘅小山，上面鋪滿咗新鮮嘅芒果粒，金黃色嘅果肉睇落非常誘人。食落口，芒果果然鮮甜多汁，唔會酸，配埋底下清涼嘅刨冰，暑氣全消。最頂頭仲有一大球雲呢拿雪糕，當雪糕慢慢融化，同芒果、刨冰撈埋一齊食，奶香同果香完美結合，口感層次即刻提升，絕對係芒果控嘅不二之選。另一碗就更加豐富，係一款**綜合刨冰**。底層係淋滿黑糖漿嘅刨冰，甜度恰到好處。上面嘅配料多到滿瀉，非常足料！有顏色鮮豔、口感Q彈嘅芋圓同地瓜圓，煙煙韌韌，充滿嚼勁。旁邊仲有啲晶瑩剔透嘅黃色啫喱，睇落似桂花糕，食落帶有淡淡清香，好清新。最特別嘅係上面有幾舊黑白相間、灑滿糖粉嘅麻糬，白色原味軟糯，黑色嗰舊應該係紅豆或者芝麻味，口感非常豐富。當然唔少得面頭嗰球淋上焦糖醬嘅雪糕，為成碗冰畫龍點睛，每一啖都可以食到幾種唔同嘅質地同味道，由軟、糯、Q、彈到冰爽，非常滿足！另外有個小細節，就係佢哋提供嘅匙羹都幾得意，上面印住「OSAMU」嘅字樣，為呢餐甜品加添咗少少趣味總括嚟講，今次喺鮮芋仙嘅體驗非常好。V Point地點方便，環境坐得舒服，甜品用料新鮮又足，價錢喺銅鑼灣呢個地段嚟講都算合理。無論你係想簡簡單單食碗芒果冰，定係鍾意多重口感嘅台式甜品，呢度都唔會令你失望。行街行到腳仔軟，入嚟食返碗冰，真係叉足電再出發！…Read More

熱芋圓4號及冰芋圓4號，內含手工芋圓、珍珠及芋泥。賣相就冰芋圓比熱的美麗。但是味道方面我比較喜歡熱芋圓，因為芋圓在熱糖水下軟軟QQ的，咬起上嚟非常好食。芋泥好足料香口，整體來講非常之唔錯。…Read More

今日買左鮮芋仙 MＥＥＴ ＦＲＥＳＨ既仙草凍家庭裝同屋企人一齊食。雖然鮮芋仙 Meet Fresh而家既質量比起剛剛開始食既時候有D唔同，但始終係香港暫時品質最岩我地口味既仙草凍。 有時淨係食仙草凍會太悶，所以今次買埋招牌鮮草冰沙。屋企人既小朋友超級喜歡吃 MＥＥＴ ＦＲＥＳＨ既芋圓，所以都買左兩份一齊食。黎緊天氣超級熱，應該會成日想買黎食，希望MＥＥＴ ＦＲＥＳＨ或者外賣平台再多點優惠就好了！…Read More

銅鑼灣嘅鮮芋仙一直都係我心目中嘅甜品首選，每次經過都忍唔住想入去試吓🥰💫芋圓4號呢碗芋圓真係充滿驚喜！裡面有紅豆、芋圓同珍珠，每一口都帶來不同嘅口感😋 芋圓Q彈，配上熱紅豆湯，簡直係夏日消暑必備！而且份量足夠兩個人share都無問題👍💫芋香奶茶呢杯奶茶香濃可口，芋頭味道濃郁又不膩，飲落去令人心情大好☕️ 伴隨著細膩嘅奶香味，每一啖都好享受！🎵🎵🎵Indulge in the sweet delights at 鮮芋仙, where every dessert is crafted with love and tradition. Their signature taro balls and refreshing drinks are the perfect way to cool down in the bustling city.…Read More

其實除左咩天氣都想打邊爐之外，我仲咩天氣都想食冰，今日就去鮮芋仙食下冰先，芋圓依然好咬口又好食，今次再加5蚊試食芒果綿綿冰，綿綿冰軟綿綿，每啖都有芒果味，不過稍為甜左d。…Read More

最近鮮芋仙新出全新泰奶系列🤩 鍾意飲泰式奶茶嘅我即刻去咗試吓👍🏻Q脆泰奶珍珠冰 ($78) (評分：4/10)一攞到個冰感覺非常之震撼😮 超大個冰側邊放滿晒黑珍珠同埋白玉珍珠，上面鋪滿Oreo碎，加埋雪糕同埋泰式奶茶，非常之適合打卡🥰食落去泰式奶茶醬味道唔算濃郁，只係得上面面頭部份有淋上泰式奶茶醬。頭幾啖配埋雪糕Oreo脆，其實幾好食口感豐富😋 但係成盤冰都只係得大量珍珠，食到一半之後已經冇咩泰奶味，變成珍珠撈刨冰🥲…Read More

銅鑼灣呢間做咗好多年都未執笠，證明好多人幫襯價錢真係好合理，$5x, 又多選擇。食到你個肚飽，都唔使食晚餐想食芋泥紅豆，份量好多，真係好滿足不過我睇錯嘢，揀咗下面個底全部都係冰，可以選擇仙草涼粉。。。食到最底，紅豆珍珠涼粉汁溶晒落去啲冰度，啲冰又差唔多溶，好入味…Read More

今日行去銅鑼灣見到鮮芋仙好似好耐冇入去食過，咁熱入去食個冰降溫吓先0之前已經食過牛奶冰，今次我見配料有啲唔同，呢個係芋圓Q麻糬牛奶冰，配料有冬瓜凍，麻糬，芋圓，冰又牛奶上面有一球雪糕°我記得上次個牛奶冰有兩舊布甸，今次轉咗冬瓜凍冬瓜凍淡淡冬瓜味似啫喱另外麻糬黑白冇乜特別，跟住芋圓會員入邊有少少容容🌸幾好味°另外叫咗豆漿豆花4號裏便有兩舊芋頭芋頭右面又軟甜甜地好好味，紅豆就冇乜味份量偏少，豆花就唔夠滑，嚟到雖然係出煙，但唔係太夠熱，所以又覺得麻麻地°鮮芋仙都係食冰好食啲😂…Read More

鮮芋仙都食過幾次，記得一開頭食都係叫外賣，因為堂食太多人排隊，冇一次成功等過堂食。而家就少咗人食，終於可以試吓堂食會唔會再正啲。最鍾意佢嘅紅豆湯，所以一定係熱嘅。今次叫芋圓3號，有紅豆、芋圓、珍珠。佢嘅芋圓同珍珠都好煙靭，份量亦都唔少，每一啖都一定會有芋圓珍珠。每次叫一碗都要兩個人share先食得晒。不過感覺上而家嘅份量好似少過以前，以前係會多到唔想食，而家係比正常偏多。可能夏天啲人通常都係叫冰食，下次再嚟就可以試吓。…Read More

今次禮拜五食完飯之後，仲有啲時間，所以就同埋屋企人一齊食埋個甜品先至返屋企今次去咗銅鑼灣鮮芋仙，其實依間餐廳我就未食過，因為個人都唔係太好食芋頭相關的食物，今次試一下今次嗌咗兩個甜品，一個係招牌芋圓（白玉珍珠芋圓）另一個係熱的紅豆珍珠芋圓如果兩者比較之下，我就比較鍾意食熱嗰個，因為口感甜度以及材料我都比較鍾意的甜度唔算太甜，都幾適合都市人健康飲食習慣冰嗰個我就唔係太識得欣賞嗰個配合，我就覺得一般般兩個甜品加埋$100左右價錢尚可…Read More

天氣熱周圍食冰消暑鮮芋仙相對其他冰鋪真係抵好多而且又多料雖然相對而言冰嘅細滑度冇咁高始終一分錢一分貨但因為價格相對便宜吸引好多唔同人嚟食所以銅鑼灣長期爆滿溫馨提示：每人最低消費$28…Read More

鮮芋仙基本上係大家想食芋圓都會係第一時間諗起嘅地方😆👍🏻我自己就係佢嘅忠粉特別鍾意佢啲芋頭，真係好香個芋頭好大舊啖啖芋頭香味，加埋佢畀嘅奶真係一絕一般嚟講我會鍾意外賣返屋企食因為佢唔太多堂食位置唔係好想同人逼不過呢間落大雨，唔想拎住返屋企咁狼狽所以就試吓堂食原來堂食會大份啲🤣平時同女朋友要一人一碗外賣堂食可以一碗兩個分🤣同埋堂食嚿冰冇溶得咁快，冇咁水比平時外賣更好食仲有好欣賞佢啲芋圓真係好Q彈彈呢個就無論外賣定堂食都無變🙌🏻…Read More

今次好好彩，晚上8:00去到剛好有5個位，完全不用等候。因為次次去都要等半個鐘以上，今次是好好彩☺️。因為我們有一個大肚婆，她只可以食熱甜品 🍮。她要了白玉湯圓紅豆湯，不過我覺得鮮芋仙甜品特別大份，剛剛食完晚餐，食不到全份。可惜今次無叫刨冰🍧，看見別人的刨冰好大份值得一試😋😋。我就叫招牌仙草沙冰🍧，用的糖漿是啡啡色，但我不知道是什麼糖漿，但都幾特別同幾甜。auntie都好鍾意鮮芋仙的仙草，但係我個人就鍾意食他的芋圓。我們五個人都叫咗Minimum charge。下次一定要再叫他們出名的刨冰。…Read More

現在是5月11日晚上9時，很高興到鮮芋仙銅鑼灣吃冰品，但服務員用的抹布抹桌留下很重的臭味，建議抹布保持乾爽乾淨！！！希望下次來能改善，建議改善，建議改善，建議改善，立即改善…Read More