鮮入圍煮花膠雞海鮮火鍋

Open Now

Now Closed

女人時不時都要補一補，養顏花膠當然係首選啦，所以今次就約左朋友，一齊試尖沙咀出名嘅花膠雞海鮮火鍋。估唔到天有不測之風雲，今日出門口嘅時候明明好天氣，點知一出地鐵站就傾盆大雨，有遮都濕左半邊身。一入餐廳，侍應見到我由頭濕到落腳，即刻安排一個冇咁凍，唔係出風位嘅座位俾我地，仲預備紙巾俾我地，非常體貼。可能淋一淋雨，個人特別凍，即刻order花膠雞湯做湯底。湯上枱之前，自己可以先溝定蒜頭，蔥花等醬汁。花膠雞湯黎啦。 大大煲湯加半隻雞，一睇就知雞湯好足料，有雞有大件花膠，超正。正式打邊爐之前，先飲兩碗花膠雞湯。雞湯熱辣辣，又香又濃，啖啖雞嘅精華喺口內徘徊，好得呀。花膠好大件，又膠又滋味，感覺骨膠原返哂黎。至於雞肉又滑又嫩，唔似煲湯豬肉咁嚡，食多兩舊，飲多兩碗湯，已經半飽啦。其他火鍋配料選擇都幾多㗎，不過我地都半飽啦，叫小小火鍋料就夠。蟹子墨汁墨魚滑，彈牙爽口牛骨汁濃湯牛丸，牛丸超爆汁，一咬開仲會辣親嘴，食嘅時候要小心啲先得呀。原粒帶子鮮肉水餃，真係有原粒帶子喺入邊㗎，真材實料，唔錯唔錯。出前一丁，吸哂雞湯精華，好食。呢餐食完即刻覺得自己靚左呀

最近好忙，無時間煲湯，成個人殘哂，想飲些滋潤湯水美顏補身。今午朋友約食飯，她話帶我去鮮入圍煮花膠雞湯海鮮火鍋飲花膠雞湯兼打邊爐，她說試過好正。這火鍋店位於尖沙咀厚福街H8大厦8樓。朋友發辦，我們兩個人叫了半隻招牌濃厚原隻雞煲花膠湯底。個湯好足料，內有半隻雞和多塊花膠。湯煲得香濃順喉夠火路，雞湯很甜，充滿膠質和骨膠原，極富營養又滋補。雞件雞肉嫩滑，花膠好正，淋滑厚身。雞湯太好飲，我竟然飲了三碗，朋友也飲了兩碗。其實個湯夠3至4人飲。飲完湯吃完雞肉花膠已半飽，於是我們灼量叫了一個招牌手打蝦滑，一份鮮淮山和一份唐生菜。店員加了雞湯給我們打邊爐。蝦滑真材實料有蝦味，好吃。唐生菜滑，鮮淮山爽甜，用雞湯灼熟更好味。滿足!這店還有很多新鮮的食材，例如海鲜，肉類等值得試下。下次約多幾個朋友上來飲湯吃火鍋食海鮮。店內有魚缸，石班，瀨尿蝦，海蝦，鮑魚，貝類等都生猛新鲜。飲品選擇多，價錢合理。朋友飲完青島啤讚好。店員服務態度好，座位舒適，通風良好。

#ftf_尖沙咀香濃花膠雞湯 健康無味精邊爐濃厚原隻雞煲花膠湯 （小）$288⭐️⭐️⭐️⭐️⭐️湯底雞味濃郁，唔油膩，冇味精，飲咗幾碗都唔口渴，加上厚厚嘅花膠，骨膠原level up，飲落都好rich。隻雞係店員即場剪開，所以雞肉完全鎖住肉汁，口感滑嫩，唔鞋口，有鮮味！花膠份量都好慷慨，大大塊又厚身，食落有口感，好滿足！娃娃菜 $38⭐️⭐️⭐️⭐️打邊爐必選，令到個雞湯更清甜，吸晒啲雞湯又好味！而且份量都好大盆！鮮腐竹 $42⭐️⭐️⭐️⭐️⭐️好吸湯，必叫！唔好睇佢細細份咁，食落有好多！而且真係好新鮮，唔會一煲就散開晒。中山脆肉鯇魚片 $78⭐️⭐️⭐️店舖推介，魚肉好新鮮！但有少許碎骨，個人認為厚身啲，應該會再爽脆啲？同朋友兩個人食，完全係捧腹而歸！建議個湯飲到最後夠喉先落豬骨湯，我哋就完全冇加豬骨湯，完全原汁原味！醬料人頭$15，須加一，只收現金。回頭率🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

阿媽話好耐無打邊爐，又諗起有朋友介紹過尖沙咀有間火鍋店很不錯，所以就走左去厚福街搵食喇。店內裝修很中式，有一個大魚缸，保證海鮮一定新鮮啦。火鍋湯底好多選擇，我地就選擇左點餐紙上有隻讚好手指公既濃厚原隻雞煲花膠湯，不過由於得我同阿媽兩個人，所以就只係order左半隻。濃厚原隻雞煲花膠湯 – 店員拎到埋黎，係我地面前剪個半隻雞，叫我地飲左花膠雞湯先，飲夠就會幫我地加豬骨湯再落火鍋配料。個湯真係好濃，好夠味，而隻雞亦相當嫰滑。中山脆肉鯇魚腩 – 極厚肉的綄魚腩，味道非常新鮮，食到津津有味，正。值得一讚是店員的服務態度，大部份都是年青人，但十分有禮和貼心。

疫情以來，好少同媽媽出街食飯。上網見到呢間有花膠雞湯做湯底嘅火鍋店「鮮入為煮」，即刻帶媽媽去試吓😁地點好方便，喺尖沙咀厚福街，地鐵站出行幾步就到。呢度嘅湯底其實有好多選擇，不過見網上介紹花膠雞湯係招牌湯底，一定要試咗先。店員教我哋要先飲咗啲湯，不過唔好飲晒要剩返啲，之後再加湯打邊爐用。嘩，超濃味嘅花膠雞湯，雖然叫我哋唔好飲晒，但係我都飲咗幾碗🤣🤣花膠都好足料，好多，同埋大大嚿，淨係飲個湯已經好滿足😋，我哋仲叫咗西班牙豬腩片、炸魚皮、淮山、鮮冬菇 & 帶子鮮肉水餃，啲材料都好新鮮，炸魚皮好有驚喜，未浸落湯就咁食都已經好香脆。鮮冬菇用雞湯淥嚟食，真係好香，好好味😋😋。帶子鮮肉水餃估唔到咁爽口！今餐實在太飽，本身個湯好足料，淨係飲湯已經飽咗一半了～

早上因要到尖沙咀和公司客戶進行面談會議，意外地進展順利，完成離開時還未夠正午12時，屆指一算，我豈不是還有約2小時外出午膳時間，不用像平日怱忙買個外賣、怱忙食完。難得忙裡偷閒，就盡興一些。前幾天晚上，心想吃下火鍋，無奈很多食店都要等候很久，或未有預約無法招待。好啦，今午就嚟一個"中午快食火鍋餐"。記憶中，我好像未試過，上班日中午去食火鍋。好，我以我身處厚福街開始搜尋，原來我前面的H8大廈有好多間火鍋店。由於午膳時間其實唔係太多，要計算埋交通時間，因此，最好火鍋湯底內，有基本的即食已熟食材便最好，所以就揀咗這一間，鮮入為煮。店內環境：窗外環境：濃厚原隻雞烋花膠湯288元首選是這個花膠雞鍋，只是速加熱數分鐘，鍋內的食材便已可以進食。雞件都算多和肥美，質量不錯、有咬口的花膠件快有6~7塊左右。我和同行的同事進食完鍋內食材已有約7成飽。餘下的3成胃部空間，就點了幾下幾款小食。原粒帶子鮮肉水餃56元。炸枝竹42元。炙燒流心芝心丸48元。水餃肉量夠，還真的有原粒一小粒的帶子BB在裡面。炸枝竹一碟份量都已超大份，最終我們只灼熱左一半進食。芝心丸外皮香香地，加熱後咬半散熱(因為曾試過被加熱後的流心丸內

呢帶出名多嘢食 仲要有埋呢一棟成棟都係餐廳可以慢慢揀 今日約咗個女仔朋友 之前上網見到好多人推介呢度嘅花膠雞火鍋湯底 兩個女人又想滋補下就決定嚟佢個花膠雞湯底可以揀半隻或全隻 我地兩個女人就揀半隻啦 但估唔到佢個份量係咁多所以我哋兩個人淨係食完個湯底嘅材料已經好飽 之後叫咗少少配料都食唔曬講返個湯底先啦 一上檯視覺上已經非常吸引 黃澄澄嘅湯底 店員幫手剪開隻雞 雞都幾大隻好嫩滑咁 食落真係好味 雞胸都唔會鞋 重點係花膠大大條 既爽又腍嘅口感 非常足料 試飲啖湯 好香濃 滿滿雞肉香夠晒滋潤，又覺得好滋補。兩個女人仔飲咗佢半煲以上嘅湯 而且之後飲完都唔會覺得口渴（真係飲左半煲架）之後我哋就叫咗啲配料啦揀咗墨魚滑，枝竹，准山，手工韮菜餃同埋紅薯粉當中我哋最欣賞嘅就係個墨魚滑同手工餃。墨魚滑彈牙，韮菜餃入面韮菜超新鮮，好香，唔會淋晒個種。紅薯粉都好q彈，份量太多都食唔晒，同枝竹都吸曬個湯汁，好味道。店員親切，午餐唔算多人，有梳化邊坐得舒服，推介！

今天去尖沙咀『donki』朝拜，自然也在尖沙咀覓食。記得『鮮入圍煮』就在附近的厚福街，決定去嘗嘗傳聞中的鮮雞湯味道。平日的尖沙咀，街上不算多，但是去到『鮮入圍煮』，已經有數桌食客，選擇了一個舒適的位置，悠悠然坐下，靜靜聽聽服務員的用心推介-『濃厚半隻雞煲花膠湯』。既然本來已經想一試，就來一窩『濃厚半隻雞煲花膠湯』。『濃厚半隻雞煲花膠湯』陣陣雞香味樸鼻。經服務員細心現場替雞隻切片，一窩『濃厚半隻雞煲花膠湯』正式完成。即刻夾一塊雞件嚐一嗜，果然名副其實-雞湯香，雞皮滑，雞肉嫩。雞湯面層薄薄的雞油，如果不太喜歡雞油的朋友，大可以只飲清湯，雞香味很濃厚。『濃厚半隻雞煲花膠湯』本身用料十足，食完雞隻已經七分飽。醬料不在於多，在於精。六款醬料任配搭。肉類，丸類，海鮮，麵食，蔬菜種類甚多。海鮮和魚類是我比較喜歡的食材，隨心選了數樣，果然食材新鮮美味。如果好新鮮食材，不妨一試。

半隻花膠雞湯底🐥🐥淨係飲湯食啲雞同花膠已經半飽啲花膠又幾大舊，令雞湯超多膠原蛋白🙀雞肉唔會煲到老哂 食落仲算滑身蜂巢豆腐🥢索埋雞湯極入味，勁飽肚，好正! 脆鯇魚片都好味🐟好爽口淨係湯底+3個菜已經超級飽🫣🫣🍽鮮入圍煮📍地址：尖沙咀厚福街8號，H8大廈8樓📞電話：2782 2003

今日和屋企人去左尖沙咀行街，尖沙咀有很多美食，想食任何國籍嘅嘢都有，今日經朋友介紹有一間打邊爐湯底非常出色的，這間樓上店舖空間闊落，適合三五知己一齊聚一聚，入到店舖店員很有禮貌招呼我們，首先我們點了一個招牌湯底就是原隻雞煲花膠湯，特濃的湯底，滾起來之後香味撲鼻，濃郁的金黃色，嘗試一口，雞湯超級濃郁，未放配料打邊爐我就已經飲了一大碗湯底，雞肉嫩滑，又有很多花膠，湯底非常滋補。點了一份脆肉鯇，鯇魚非常新鮮，入口爽脆彈牙，證明食材新鮮，打邊爐一定要食材新鮮。這個鮮蝦滑也不錯，蝦肉爽口有口感，而有很濃的鮮蝦味，一路打邊爐一路飲湯底，湯底真是非常出色，我並沒有誇張，而且飲得出他是真材實料加強版，點了一份萵筍，份量也很多，這個炸響玲，也不錯因為響鈴吸收了湯底食落口特別好味，一個湯底是火鍋的靈魂所在，這間店舖值得一試，最尾點了一杯巨峰提子特飲，今餐非常滿足。

預約早了一點的時間丶所以有一張好啲嘅座位丶如果唔係會勁迫勁窄丶要搭枱😅無論落單前同落單後丶食物到了丶員工都沒有介紹丶花膠雞湯如果只飲係正嘅丶不過食耐咗會覺得好over用呢個湯底打邊爐不好吃丶如果只飲湯食花膠係OK嘅丶火鍋配菜也沒有特別食到咁上下好悶所以擺咗啲配料落去做火鍋丶之後有個員工行埋黎同我哋講話唔好打邊爐住丶飲咗啲湯先丶唔係會影響啲味丶心諗你一早又唔講環境也不是10分乾淨丶但可以接受丶不是10分好味丶如果咁樣我覺得比較貴丶試一次可以了

依幾日天氣忽冷忽熱，咁岩岩放假又涼涼地就想去打邊爐，朋友話打邊爐最緊要就係個湯底，咁我就同佢一齊嚟依間出名飲埋湯底嘅火鍋餐廳食晏晝😄餐廳位於尖沙咀厚福街果到，交通都幾方便。一入門口就有大大個魚缸係到，啲海鮮睇落幾新鮮🐟邊爐當然又湯底叫起先啦，我地叫左濃厚原隻花膠雞湯（由於得二個人食所以只係要左半隻雞🐓$288）另外又叫左脆肉鯇魚片🐟$78、蜂巢豆腐$58、帶子鮮肉水餃🥟$56同一份稻庭烏冬🍜$33一開始先飲左幾碗湯同埋食咗啲湯料，味道濃厚，花膠嘅膠質都溶左落湯底到，食完湯料都已經飽左三分一🤣鯇魚片厚薄適中淥完好爽口，係有少少骨絲🦴不過影響不大😊蜂巢豆腐索滿湯汁，啖啖都好似飲一啖湯咁，水餃大大隻不過不失，連晒烏冬食到飽一飽😋餐廳位置方便，晏晝想食好啲嘅不失為一個好地方，而且晏畫人流較少唔會驚逼同埋趕住走😃

呢間餐廳已經mark低咗好耐，今日終於食到佢最招牌嘅花膠雞湯🙈一打開煲蓋已經聞到好香，有店員會幫手剪好雞件，未落任何食材之前會先盛好每人一碗花膠雞湯，品嚐個湯嘅原汁原味。-湯底香濃，好濃郁既雞味，老火湯咁樣，感覺好滋補，好快就比我清哂成碗😋😋打邊爐個湯底真係靈魂黎架～另外叫左一份手切頂級安格斯牛肉，對於兩個女仔黎講，肉量非常多🙉肉味幾重，亦都係我鍾意嘅口感，輕輕一焯就食得。蟹子鮮蝦滑同樣大大份，食落好彈牙🤩整體係一個好滿足嘅體驗。

最近好鐘意打邊爐，癲到母親節中午都出左去打邊爐😂 去到竟然令我愛上 #雞湯 🍲今次去左 #尖沙咀 #搵食 ，就出門口見到兩個大雨缸，放咗好多唔同嘅海鮮🦞.打邊爐最重要係咩？除左個煲同個爐，最重要一定係湯底啦！我就揀咗佢個花膠雞湯（半隻雞$288🐥）湯底必試，因為捉料！2個大人加一個小朋友食半隻雞都食到好飽😋個湯超入味，Tebo 飲左3碗湯，又狂食雞🤭，話返屋企要叫爺爺再煲比佢飲🤣🤣🤣.我覺得佢啲丸幾特別，叫左佢個芝士流心牛丸同埋金牌牛肉丸😍最鐘意食芝士既丸😌真心值得一叫！.人頭醬料費呢度係$15一位，不過其實我覺得個雞湯好入味，入未到根本就唔需要落醬料🙈.#鮮入圍煮 #花膠雞湯 #海鮮 #火鍋 #尖沙咀美食 #厚福街美食 #hotpot

堂食放寛番，咁耐冇家庭聚會，即刻約daddy mammie同埋細妹去打個邊爐慶祝下先！🥳今次去左喺尖沙咀厚福街嘅新餐廳⭐鮮入圍煮⭐！🫕呢度出名原隻雞煲花膠湯，咁緊係要試下啦！原來半隻雞 $288已經夠晒我地4個人食！入面仲有六舊大而厚嘅花膠添呀！每一舊花膠都浸入左濃濃嘅鮮雞湯味，而花膠軟腍入味又多汁，好好味啊😋！而呢度有多款餐廳自養嘅海鮮🤩👍！我地仲叫左大平洋肥美桶蠔 $188好似手掌咁大隻， 真係好肥美！美國極上A級手切牛肉 $288肉質鮮嫰！浸一浸，淥一淥已經入晒花膠雞湯味，好正啊！羊肉片 $128好大盤，每一塊都脂肪同肉好分明，每一塊肉都薄切，入口即溶又唔蘇！芝士流心牛丸 $48一碟有六粒，咬入去好多芝士湧出黎！中山脆肉鯇魚片 $48新鮮魚肉，鮮甜又唔腥！呢度環境舒適又乾淨，下次要再黎啊！