Maguro Japanese Restaurant (Closed)

朋友係灣仔番工, 最近成日ot 想呻下. 作為fd 當然義不容辭啦😂 今次間餐廳近佢公司, 係佢經過見到好似唔錯, 所以就約埋試下一入去環境都幾舒服, 晚市都好清靜. menu 選擇都幾多, 有d 花多眼亂. 最後散叫居多選左個壽司盛 $148 再散叫左鰻魚同三文魚sushiset 一共有8件, 其中甜蝦, 三文魚同帶子sushi 最鮮甜鰻魚sushi 幾厚身, 肉質軟腍, 加上濃郁香甜鰻魚汁, 唔錯選擇困難既我地直接聽左店員推介, 試左幾個當日先有menu白子天婦羅, 白子時令, 口感新鮮軟腍. 而最與眾不同在於佢唔落天婦羅汁, 反而係蘸上一邊既抹茶鹽同擠上少量檸檬汁. 抹茶鹽帶淡淡抹茶清香, 加上檸檬汁減少左炸物既膩. 另一道特別菜式係金山寺黑豚, 用左腩肉, 肥肉大約佔7成, 但入口卻不油膩, 有別於中式慣常煲得軟腍做法. 呢度腩肉係醃好後反而只係輕輕煎至金黃, 利用左一邊鹹香甘味味噌醬調味, 保留到腩肉既爽口同帶出其香味.香草燒羊架, 肉略嫌煮得老左d. 近肥肉邊羊臊味比較重. 但中間羊瘦肉位調味都幾香泡菜牛肉鍋, 泡菜香辣味唔重, 反而似係娃娃菜豆腐煲牛肉. 肉份量好慷慨野菜稻庭烏東, 喜歡稻庭烏東口感, 唔會太腍, 幾有口感.有大量菜煲煮湯底, 調味適中. 清清地帶點菜鮮甜. overall 味道都ok, 環境大同舒服, 都幾岩同fd 傾計…Read More

以我去過既居酒屋之中，冇咩印象有二人餐，呢間有個二人餐組合，睇落每樣野都幾唔錯，如果望住個menu花多眼亂，選擇呢個二人餐都幾好。另外，值得一提既係，店員服務態度真係好好👍🏼👍🏼 令我地心情更佳去享受美食☺️二人定食 $528網燒安格斯牛扒(160g)，個汁好正，食落成個感覺好juicy !🤤 不過肉質再腍一啲會更好。刺身盛(12切) ，賣相吸引，幾款刺身都好鮮甜。當中，我最喜歡油甘魚同三文魚😍鯛魚湯煮蜆，蜆肉既數量多，算大隻，又新鮮👍🏼 鯛魚湯好清甜，好有益既感覺，不過我鍾意清酒煮蜆多啲🙈蔥吞拿魚腩伴法包(2件)，幾特別呀，法包烘得好脆身，好多吞拿魚腩蓉，好滿足🤤 呢個配搭好夾。海膽帶子鵝肝卷，都係幾特別配搭，又係夾的，覺得呢間餐廳幾用心去諗個新菜式👍🏼吉列廣島蠔(4件)，炸得幾鬆脆，唔油膩，蠔好肥大。清湯稻庭烏冬(2碗)，最正既烏冬，晶瑩、清甜、口感好。蟹子沙律，新鮮美味又開胃😁…Read More

服務態度差劣👎🏻食物質素低👎🏻以這樣的食物質素來說，價錢太貴了吧👎🏻諗住夜晚搵間有優惠時段嘅餐廳食，見到佢九點半有半價就膽粗粗去試，真係嚇破（海）膽🤢。一入門口，空無一人，心已覺不妙。九點半準時到達，廚房仔已經開始洗野，更時不時用筷子敲打廚具，進行敲擊樂演奏，氣氛甚為慵懶。問女侍應壽司盛（特上）有什麼，她只求其回答幾款，數量都唔講，要不斷追問才肯講一個稍為滿意嘅答案。最後決定點了壽司盛（特上）、帶子鵝肝卷及生蠔一隻（因女侍應特別推薦）。等了大概5分鐘，隨着敲擊樂的伴奏，生蠔已被徐徐放在枱面上。大就大份啦，不過又腥又唔新鮮。想問佢攞檸檬掩蓋腥味，姖就話「放左酸汁啦喔」⋯心諗：新鮮好吃的話，就不用加檸檬啦。跟住就係壽司盛，牡丹蝦都唔錯，其他刺身都算合格，但係帶子壽司同埋海膽壽司直頭係不知所謂。帶子薄得好像一張紙，海膽也是苦的。最後係帶子鵝肝卷，本身諗住可能有驚喜，可惜個卷上邊都係有一片苦苦的海膽，浪費了整道菜式。總括而言，就算餐廳減價減得再低也好，都不會再回來⋯😓😓😓…Read More

喺灣仔睇完畫展,行完好餓要醫肚, 就去食日本野。先叫壽司,離不開蔥吞拿魚軍艦,油甘魚,帆立貝店員話有空運貨好鮮, 一隻可做2件壽司,於是就叫左~ 果然比較鮮甜, 有彈性 仲有帆立貝鵝肝卷物, 加左海膽喺帆立貝面,好有 層次串燒有雞腎, 雞翼 ,雞掌肉 , 燒到恰到好處, 唔會太乾保持到肉汁深海池魚雖然只係叫左一份,因為之前有人order左一份,所以我地有骨伴碟, 初時仲以為比錯左一條 芝士炸軟殼蟹, 原隻都幾大隻,加埋芝士好香 . 唔同出面有d 只係比蟹腳, 蟹身得少少肉  最後有鰻魚炒飯, 分量幾大, 食唔哂... 鰻魚幾多加埋少飯同埋鰻魚汁好惹味…Read More

灣仔真係好多野食，日日出去食lunch 都有排食呀~今日就同同事去試下呢一間日本野~因為唔記得book 檯，12:25就出左去，12:30 都未算係lunch 既高峰期，即刻有位~一坐低，店員就拎左湯，沙律同漬物俾我地~如果我地睇完餐牌覺得唔岩食~都唔係幾好意思走~😂😂個湯夠哂熱~芝麻醬沙律就正常喇~lunch 有一個2重奏，可以選兩款飯我同同事都選左海膽三文魚飯~三文魚切得好厚，三文魚仲好肥，雖然個味唔重，但係因為肥的關係，食完會有幸福的感覺😂😂但個海膽就好失望喇~  除左"聲"味就無其他味嚕~碎蔥吞拿魚腩飯~相比之下，其實我比較鐘意食三文魚多D，但呢個吞拿魚都唔錯~食到有吞拿魚味~再加埋豉油同芥辣，好食!雞扒風味燒飯~個飯少到離哂譜，三啖就食完~個飯個燒汁好香仲有少少甜甜地~係幾好食~雞扒個肉唔會好乾，但都唔可以講話好滑~仲有飯後甜品tim~個飯的份量，真係好少~食完好似無無過野咁~ 食物味道又唔可以話係好好，我諗我應該唔會再返黎食嚕~…Read More

经常路过这家店 今天特意来吃 前餐的沙拉很赞看起来很精致，其实沙拉酱就是中规中矩的那种，但是我很喜欢选两种main courses 我选的排骨，偏甜，是我喜欢的口感！但是一点点菜都没有！肉食主义者的大菜。另外一款选的牛肉，因为这家餐厅较贵，想看看跟吉野家大连锁的区别，只能说有点不一样，肉是爆炒出来的，有很浓的烧烤味，酱料足。但是觉得性价比不高。很多人爱miso，我真的觉得一般般，感觉就是冲泡出来的，但是据说对身体好。所以我这次也喝了一些。要收10%服务费，最后会给mochi做甜品…Read More

午膳於鮪屋日本料理，對上一次到訪已是多年前的事，印象已相當模糊。餐廳裝潢普通，和風味道不濃。午市以定食為主，定價由 $68 至 $138 不等。 田園沙律賣相質素普通。麵豉湯口味屬清淡輕盈一類。 筆者要了一客「二重奏」，可從眾多飯麵主食中自由選取兩款。第一碗是碎蔥吞拿魚腩飯，吞拿魚腩食感肥軟，碎蔥香氣不足，不及白芝麻搶香。 第二碗是豚肉生薑燒飯，飯品整體口味偏甜，豚肉選用部份含軟骨，吃時不太方便。整體來說，鮪屋只算一間入門級的日本料理，食品質素無特別驚喜。作為平日普通飯局的落腳點未常不可。 …Read More

今天一個人很累，剛巧經過見有位就試一試，諗住這食店開了幾年應該不太差吧！在門外有個一人前套餐，百多元，不會太有期望，但也想不到這樣差！上餐很快如快餐般，但服務及食物質素就嚇怕了我。先給了我一個沙律，很快就是這前菜和小食，但侍應只顧聊天，連碟子或碗也不給一個，要我開聲問才給一只碗。八爪魚又靱，只得咸字，沒有其他味道。天婦羅的蝦冇蝦味，也沒有汁提供（侍應說沒有？）算了⋯⋯到主菜牛扒，又靱又乾又鞋又多根，𡁻香口膠的感覺。蒸蛋是最易討好人的，但也欠味道，碗底那些又鞋又怪的肉粒，吃了也吐出來也不知怎的連飯也煮不好，飯碗邊爛如此也敢奉客，真是非常冇禮。終於到尾聲。我問侍應，套餐沒有湯嗎？她好像不信自家的甩漏，還問另一侍應，「係咩，未比咩」。難道你以為我問你攞多碗？誰不知又是災難，只有甜味，沒有麵豉味。所謂甜品就是雪米糍，隨便放在枱上。很奇怪這麼差的餐廳，敢稱自己做日本餐。還能生存超過三年？可能真是百貨應百客，唔知咩人會係呢啲咁差嘅餐廳長期支持者呢？…Read More

敗筆之處1. 服務態度 -香港餐廳來說：平平 -中高價消費的日本餐廳來說：極差2. 醬油（鼓油） -怪怪的，不像吃壽司點的醬油。3. 生魚片 -沒有提供薑片之類的配菜來清口味。4. 魚生飯（呑拿魚碎） -米飯落得太少醋，像吃白飯一樣。 -忘了落葱。 -芝麻過量。5. 烝蛋 -沒有應有的甜味。優異之處1. 個名呃到人。2. 上菜速度適中，能夠因應食客節奏。3. 杯茶好飲。4. 前菜「芥末醬八爪魚仔」不錯 (見圖)。總結來喝杯茶還是可以的。…Read More

獨愛吃吞拿魚的好友，突然嚷著要帶我到灣仔品嚐不一樣的吞拿魚，莫非又是拖羅？由於 BeautySearch 本身也是日食的愛好者，當然願意陪她走一趟。初來到灣仔，竟然找不到有關店子，我倆在軒尼詩道來來回回，後來才發現，原來店子外架了棚架，所以剛才經過時未有發現《鮪屋這家日式居酒屋》就在眼前。甫進店來，便看見廚師的舞台，食客可選擇這吧檯位子欣賞廚師的功架，當然，亦可往前一點坐到方桌去。 不過店子較細，只有數張方桌。但就勝在人少少，環境清靜。MENU 設計簡約，充滿日系感覺。 最先揣上桌的是「三文魚腩刺身」 HK$78，一碟只有三片，非常矜貴。 每一片都是厚切的，魚身的脂肪分佈平均，魚油豐腴，非常滋味！愛吃芝士的我，還點選了一碟「芝士焗軟殻蟹」 HK$78。香酥軟殻蟹嚐過不少，沾上濃濃的芝士，上面還散滿卜卜脆的蟹籽，這個組合非常新鮮，如此配搭蠻不錯喔！「鰻魚炒飯」 HK$98 份量可不少，我們二人各吃了一碗還剩下不少。用上珍珠米，感覺非常正宗，上桌時看到飯粒的色澤，已覺非常入味，食落，真的滿是鰻魚醬汁的味道，確實非常滋味。主角出場，友人當晚的目標是店子的招牌菜「燒吞拿魚餃」HK$338，坦白說，上桌時這碟菜餚的外型真是不算吸引，誰料，食落外皮香脆，肉質鮮嫩，還有豐腴的魚香，油脂滿溢，每一口都令人感到滿足。最驚喜的是，看似平平無奇的魚餃，原來滿載很多很多魚肉呢！…Read More

同friend食左呢間日式餐廳，在灣仔地鐵站附近，位置都算方便，都唔錯的。佢地方唔算大，但都坐得舒服，坐滿都唔覺嘈及逼。menu上都有好多款式的食品，有一d特別名字的食品問職員，佢地都會都好耐心地同我地講，我地研究了一陣先決定到，大家都有d眼闊肚窄(^_^;)首先到的是燒吞拿魚鮫，外皮燒得脆脆的，又多肉，我最鐘意，份量比我地想象的大。仲有伴在一旁的竹笙，灑滿芝麻，好香好好食。刺身同壽司我地試左幾款唔同的，有油甘魚刺身，葱吞拿魚腩壽司，花之戀，芥末八爪魚。各款都好新鮮，尤其最喜歡花之戀嘅三文魚，好肥美啊！芥未八爪魚冇食開，但原來都唔錯的！全部排晒出來好靚啊！本來想食劍魚, 但係咁啱冇, 店員好醒目咁聽得出我哋係想要啲肥啲嘅口感, 所以就counter-propose 咗油甘魚刺身芥末八爪魚就唔算好特別, wasabii係可以刺激吓食慾嘅~花之戀意料之外地好食, 因為冇咩expectation, 係fd子想食先叫平時香港食啲三文魚多數有雪味, 大陸魚居多, 啲沙律醬啲味又成日怪怪哋點之呢舊魚幾肥喎, 有好香嘅魚油味, 所以有啲驚喜雞軟骨同燒茄子，差不多是本人必叫的小食，最開心係茄子鋪滿木魚絲，正！另外我地仲叫左少少熱食。濃湯海鮮烏冬,好足料，個湯都好幼滑, 食完魚生再d熱食，感覺上會舒服d我地仲想試其他的，但已經飽了。呢餐每人約$250幾，都ok的！…Read More

一排無食日本嘢, 便相約在灣仔工作的友人食飯, 我地去了鮪屋日本料理食晚飯.店內的面積不大, 座位也是十多個左右.我先點了軟瞉蟹卷, 串燒拼盤和燒吞拿魚鮫.軟瞉蟹卷.軟瞉蟹尚算脆身, 卷物面還放了牛油果, 入口有淡淡的牛油果香味, 與軟瞉蟹味道好夾.串燒拼盤, 當中包括牛舌, 雞翼, 免治雞肉串, 煙肉車厘茄串和冬菇.我地較為貪心, 想一次過試多幾款串燒, 所以點這個串燒拼盤就啱晒.冬菇能夠保持多汁, 不會乾身.車厘茄好多汁, 幾鮮甜, 可以中和煙肉的油膩感.牛舌質感還不錯, 帶點咬口.免治雞肉串調味不錯, 也不覺得硬.雞翼就略為乾身咗少許.燒吞拿魚鮫.吞拿魚鮫平日較少食, 加上友人愛食魚, 既然難得見到就點來試下.魚鮫的肉質夠嫩滑, 不覺得覺乾身, 魚味相對較濃, 又不會覺得腥. 連平日不太鍾意食魚的我, 但這個我也覺得不錯, 愛食魚的朋友要一試.另外, 我點了海鮮蕎麥麵, 本身是烏冬, 我見佢地有蕎麥麵食, 便轉為蕎麥麵.這個麵材料也相當豐富, 包括蟹肉, 帶子, 魚, 蜆和蝦.幾款海鮮也算鮮美, 蝦肉夠彈牙. 帶子唔會過硬, 蜆肉無沙.蕎麥麵麵質也不錯, 略為軟身咗一點點.反而服務員的態度有待改善. 當到達店後, 店員安排我坐下, 最少也應該俾一杯水, 不是我叫佢, 佢無打算俾我. 語氣一般, 無乜笑容, 帶點黑面, 這樣已經令客大打折扣.…Read More

是日要在會展工作, 放工後我同同事都好餓, 要在灣仔立即醫肚才回家起我地回家的巴士站附近見到有間日本餐廳, 雖然門面搭起棚架有點隱蔽, 不過門面都放有Menu banner加上同事之前試過, 覺得唔錯, 大家都唔想再諗餐廳之下就進來啦進來後, 先有bar檯, 可見師傅在內打點一切當晚都有幾檯人客, 侍應安排我地去到餐廳的最深入位置整間餐廳的燈光都較昏暗我們坐的位置更帶私穩大家都急不及侍的看過Menu, 朋友亦推介佢上之吃過的日本菜不少得的壽司, 刺身類傾成單生意, 食好少少, 先來個刺身 雜錦刺身盛盒$298本身是有5款不同的新鮮魚生, 但當中有八爪魚我倆都不吃, 所以要求將其轉為三文魚盛盒來到都幾豐盛, 魚生色澤靚, 樣樣大隻厚肉, 三文魚都很肥美還有原粒大隻帶子, 好鮮雖然來吃日本菜, 但都不想全吃生冷食物所以其後都是熟食平時吃得多的燒三文魚頭, 今次試下燒吞拿魚頭先 $388嘩....件頭都幾大喎, 無諗過係咁大 唔好以為魚頭無咩肉食呀 打開香脆的魚皮後 (真係好香, 都想食埋塊魚皮添) 都隱藏咗好多肉起入面好過食成條魚, 因為魚頭係無細骨, 啖啖肉超, 而且一d都唔鯹蘸上帶少少酸的醬汁, 我地2個好快就KO左個魚頭了~然後來多份燒安格斯牛肋肉 $118點菜時侍應已細心問道牛要幾成熟, 大家都吃得生, 所以點了五點已切開一片片方形的安格斯牛, 排得好靚, 大約有十片, 都算抵食五成熟做得剛好, 中間有點紅, 但不會滲出血水也看到每片牛的雪花油脂分佈得平均, 咬落口完全沒有筋或韌的感覺油脂和肉混合, 果種油香味好良好辛苦了一整日, 要用飯來結束完美的一天 (餐)蟹膏炒飯 $128由細到大我都鐘意食炒飯既人, 侍應將其端上來的一刻, 我雙眼已集中在那碟炒飯上灑上芝麻粒的炒飯, 分外香口廚師將飯炒至一粒粒, 每粒都是獨立, 沒有黏住一塊的飯裡有帶子粒, 香蔥, 洋蔥等等, 更添惹味, 唯獨缺點是蟹膏味不足不過對於愛炒飯的人來說, 整體都是滿意的就連盛載的器皿都來得優雅, 很喜歡這個像海洋藍的碗…Read More

灣仔其實也是個美食天堂。自從在港島上班後，到香港島吃晚飯的時間多了，而發掘的食物亦多了。日本菜當然是當中必吃代表，所謂不時不吃，就是日本菜的精髓。先來串燒，牛脷是其中的推介。整體來說，串燒烤得不錯。除了做到外面層比較香脆可口之外，而肉身內部都可以做到大量肉汁鎖上。烤得一點點焦其實會突顯了其肉身的味道，不錯牛肉粒烤牛肉粒也算烤得很香口，大量肉汁之下，一咬下去，就會感覺到整個肉汁會從口腔中流出，牛肉本身的味道十分香濃，亦不會有太多脂肪，整體算不錯呢。烤羊架當日的食材推介包了烤羊架。在店員的建議之下，便點上了羊架 (但等候的時間十分長）羊架外層烤得很香口，而羊本身都有羊羶味 (但不會太濃厚，所以很易入口）但略嫌有一點點肥膏，但比例算不錯，可以接受到主角 --- 登登登登---特盛壽司根據店員所講，每日都會有不同的組合，日日會有不同。當日是包了香蔥吞拿魚，海膽，牧丹蝦等。說真僅僅是該幾款壽司都已經值回票價。 先點評至愛牧丹蝦，咬下去鮮味十足，而且由於蝦本身份量十分大，所以口感十足，飽肚及滿足指數都十足蝦膏流中都十分香身，鮮味都很大海膽壽司的鮮味都十足，做到入口即溶的感覺，爽呀整體來說，覺得餐廳的串燒會比壽司好味，但in general 的食物水準都不錯，值得再Encore!…Read More

和大學師兄相聚不見數年大家都有不同的生活來到鮪屋這家日式居酒屋點了招牌燒吞拿魚餃魚香滿溢油脂豐厚每一啖都是舌尖上的滿足燒免治雞肉串是我的最愛那香甜醇厚的日式醬汁是一種令人懷念的回憶之味另一令人驚喜的是芝士焗軟殼蟹絲絲的芝士揉合鮮香的軟殼蟹是坊間少見的配搭加州卷牛油果小卷水準高鰻魚炒飯份量很多用上珍珠米是正宗的日式做法鮪屋的日式菜式有水準是飯聚的好熱點…Read More