SUSHI MUSOU

元朗嘅Omakase店元朗隱世Omakase：鮨無雙今次帶大家來到元朗一間隱世Omakase店——鮨無雙。Omakase在日文中意指「廚師發辦」，即是由廚師根據當日最新鮮的食材，為客人量身訂造獨一無二的料理體驗。鮨無雙正正將這種精神發揮得淋漓盡致。環境與服務：鮨無雙位於元朗，店面低調而不失格調。店內只有十個座位，全部圍繞著開放式的壽司吧檯，讓客人可以近距離欣賞師傅的手藝。師傅林寶年輕有為，對食材的挑選和處理一絲不苟，而且非常健談，會細心講解每一道菜式的特色和吃法，讓整個用餐過程充滿樂趣。Omakase體驗：今晚的Omakase套餐 每一道都像一件藝術品，令人驚艷不已鮨無雙的Omakase體驗絕對是一場味覺的盛宴，師傅對食材的尊重和對料理的熱情，都體現在每一道菜式中。雖然價格不菲，但絕對物有所值，推薦給所有追求高品質日本料理的食客。…Read More

有用心製作的食品。 師傅將每一件食物都用上了一些獨特的方法處理令食物除了味道上升級外亦令食客了解到特別的製作方式。在師傅為每件食品講解後，更能感受到在製作上花的心思。特別是帶子及最後的魚油撈飯。 令人感到驚喜。帶子做法獨特，口感非常好。令人回味。最後雖然已經9成飽，如此製作魚生丼是我第一次見，飯的味道及香味卻令我後悔之前叫師傅少飯。香港現在太多偽Omakase, 大部分只係壽司Set, 同平時散叫冇分別。難得碰上香港一間真正有心及性價比非常高的Omakase。 希望有實力的可以留下來。…Read More

呢間係中學時代老師推介，老公一早已經訂咗位，非常期待嘅一餐晚市7點開門只做一轉，坐位舒適空間感高，一入門口已經係吧枱，由於只做訂位唔會有其他客出出入入，吧枱近門口都唔會有被騷擾感覺👍🏻👍🏻師傅細心介紹每一道食物，每一件都係時令食材精心調味，真係食得出用心製作我嘅金魚腦實在記唔到佢講嘅每件嘅產地，只可以由味蕾幫手由於係omakase都唔知下次有無機會再食到呢個餐牌刺身（其中一件有煙燻過好好味，但就係唔記得係邊件😅😅）用黑糖成份飼料餵嘅魚（唔記得叫咩名）-口感嫩滑，入口即溶象拔蚌-爽口鮮甜蠔-甜美嫩滑秋刀魚-肥美配特製豉油好味白子-濃郁豐厚鮟鱇魚肝-口感似豆腐容易入口用咗牧草配搭（又係唔記得名）-有驚喜👍🏻👍🏻天婦羅魚（唔記得名平時天婦羅都會食到）-炸漿薄，魚肉滑蝦-鮮甜，蝦味濃，炸脆蝦頭好食👍🏻👍🏻富有柿-炸完依然爽甜👍🏻👍🏻醋浸生果蕃茄配鮮髮菜-鮮甜清新壽司鮮北寄貝-爽口彈牙右口魚+魚邊-用火炙過魚油爆發，加埋魚邊油脂重，雙重味覺2日熟成鰤魚-有驚喜，味道濃厚中拖羅-鮮甜毛蟹+蟹膏-鮮甜味濃👍🏻👍🏻馬糞海胆-一食就知靚嘢👍🏻👍🏻燒鰻魚-熱辣辣外脆內軟大拖羅-用刀切斷筋再炙燒，油份豐盈，滿足感十足，紫菜包住減輕油膩感吞拿魚-炙燒過四面，呢個食法最好味蝦（唔記得名）-擦上面嘅蝦膏醬油，有畫龍點睛嘅功效，鮮甜惹味集一身👍🏻👍🏻最後係西日式洋蔥湯同甜品（唔記得咩名嘅梨同黃豆蕨餅），訂位時講明要慶祝都有提供牌仔蠟燭同送咗手工開心果雪糕，感激🙏🙏服務細心，師傅解說清晰，整晚流程順暢，食得好開心👍🏻👍🏻👍🏻（好彩無因為今朝胃酸倒流嘔咗半日而取消，唔係真係會勁後悔）…Read More

🐻爸🐻媽結婚週年紀念，自然要揾間Omakase食餐好慶祝下，鮨無双自然係必然之選，食過幾次都有驚喜，🐻媽早早訂位準備好，時間到就衝入去。估唔到午市都全院滿座，決定好邊個套餐，就靜靜睇大將表演刀功，前菜胡麻冷豆腐同黑松露松葉蟹蒸蛋就前後腳到場，冷豆腐既冰冷感剛好消一消暑，而蒸蛋濃烈松露香，配蟹絲同嫩滑蒸蛋，為之後既大餐打開味蕾。首先係刺身四款，有愛媛縣蜜柑鯛配岩鹽，入口一股清新鮮甜味道，鹽輕輕調味，剛剛好，令人回味十足。兵庫縣生蠔加上柚子醋，生蠔個頭小小但肥美多汁，口中感受到海水既咸同柚子醋既酸。仲有深海池魚配柚子胡椒，第一塊入口魚油滿滿，胡椒剛好解膩而不辣，第二塊配上紫蘇葉食更添層次，重點係厚切令層次可以添變化。最後係磯煮鮑魚，質地軟糯，鮑魚肝甘甜可口，真係食完都唔夠喉。刺身過後就係壽司環節，首發係鱆紅魚壽司，大師熟成2日，口感清爽，肉味比平時更濃。沖繩黑糖伊佐目，以黑糖餵飼既伊佐目經過火炙，油感好重，魚味十足。中拖羅壽司配上日本京葱，肥美肉香，入口半溶不溶之間，拖羅鮮美在口中徘徊。九州槍烏賊加上北海道海膽，烏賊改刀火炙後加上海膽，合爽甜香幾個層次，足見大將既功力。美味既壽司接踵而來，令人停唔到口，再上一道白銀雪魚壽司以明太子調味，火炙後油份爆燈，直情係滑入喉嚨，口中留下濃烈既魚油同鮮味。過場大將推出一道拖羅根配酸汁，一種平時食唔到既煮法，合脆與淋一身，越嚼越濃烈，相當好下酒。最後一道壽司係大將信心之作甜蝦壽司，甜蝦個頭大大隻，比一般甜蝦大好多，以蝦頭蝦殼煮汁淋上去，係用蝦完成既一貫壽司，入口就係蝦既全部。結尾係北海道海膽魚子飯，海膽同魚子份量十足，配上醋飯既微酸，🐻媽個份大將造成手卷蛋糕慶祝我哋週年紀念，真係細心同窩心。成餐飯大將依然全場停不了口，一邊介紹壽司，一邊同成場客人深度交談，氣氛因大將拉高到極致，真係留連忘返令人，鮨無双的確係🐻最愛既鮨店。鮨 無双 Sushi Musou元朗建德街33-35號時景花園地下9號…Read More

✨經朋友介紹先知元朗有間cp值高既Omakase😆雖然位置有啲入，不過都值得去食，dinner course 共23品都係每人$1380🤩依間確實比出面既餐廳平，但食物同服務質素令我會想再次光臨💚btw個師傅叫Jacky👨🏻‍🍳佢好好傾同埋個風格比較有層次感，所有食物已調味，豉油可攞開一邊，I like it☺️🥚食碗蒸蛋個陣真係要小心熱🤣因為會辣親個嘴架，味道好入味，口感都好順🦀師傅話先食個蟹肉，食左個鮮味，再將蔥同其他蟹肉同飯一齊食，層次再出好多🫶🏻🍣樣樣都好鮮，有啲魚既品種我唔記得見咩名😂吞拿魚、右口魚、馬糞海膽都入口即溶🤤魚既油脂係個口入面浪下浪下，諗起都流口水🤤🥳當然唔少得個甜品😚開心果雪糕入面有微細既nuts，有啲口感，不過開心果再濃啲就完美🤩有自家制好似蛋糕既玉子，不過我本人麻麻地玉子😂靜岡哈密瓜🍈好甜🫶🏻🥃師傅比左細細杯自家制梅酒我地試🥹好好飲，酒味較突出，飲落口好順，仲要賣晒就無😫可惜我地叫左比較甜既普通梅酒🥹💚我另一半就未試過我媽家姐，咁生日就同佢黎試😚十分推薦情侶生日/週年book位食🫶🏻…Read More

元朗非常有名氣既OMAKASE~鮨無双我最先認識呢間餐廳都係朋友介紹，一試之後，對鮨無双留下了深刻的印象。呢度以新鮮的食材和精美的出品聞名，每道刺身都展現出高品質。我特別喜歡他們的海膽，從色澤到味道都係一絕，讓我無法抗拒想再多咬一口。還有佢既蝦刺身，配上脆卜卜既米粒（哈哈，我唔知點形容）好味到不得了，唔同既口感，一齊放入口咀嚼，使每一個味蕾都能得到滿足。服務也值得一讚，員工熱情友善，樂於解答我對菜單的問題。…Read More

元朗鮨無雙近期在元朗非常受歡迎，店內提供了具有豐富口味和高性價比的刺身壽司。刺身種類超過，價格貼地且品種繁多，讓顧客有多樣的選擇。其中包括三文魚、赤身、油甘魚、帶子、甜蝦、海膽、鰻魚等款款肥美，每款都十分美味。😋😋此外，價格平實，環境清幽，適合一些大家庭或者小情侶去慢慢享用。🥰🥰🥰當日我太太生日去食，店舖的師傅會為生日她準備一份刺身生日飯，全場顧客為他唱生日歌，氣氛十分溫馨同開心👍👍👍…Read More

事隔多月～再度拜訪「鮨無双」🥰水準依然💛💛師傅超級好傾，食材依然新鮮🤤可以平價地解一解去日本嘅心癮🤣-都係無限任fill唔嬲嘅：牛蒡、面豉蒜頭、薑片👍🏻-前菜：三文魚籽茶碗蒸🐟甜味十足嘅三文魚籽配上熱辣辣嘅滑蛋！-數之不盡嘅刺身同壽司，都一如既往嘅新鮮🥰鯖魚係有驚喜！本身我好驚有好濃烈嘅魚腥味🥹但不單止冇腥味，入口嘅係新鮮！！令我對鯖魚改觀🤤👍🏻-銀鱈魚係世一🤭魚嘅鮮甜味係好濃郁-海膽更加係極品！超級勁甜！好似岩岩新鮮開出黎咁🤤🤤真係落重本買品質！-熱食嘅鮟鱇魚肝，係師傅自家製🥰👍🏻入口即溶，口感一流！因為出面現成嘅係好硬身，但因為自家製嘅原因，呢個口感係好軟熟🤤-最愛用燒左口魚三文魚籽飯作結🥹燒完嘅左口魚油俾啲飯吸哂，啖啖都係魚油香😍😍-甜品今次叫左焙茶雪糕🍦茶味好濃，甜度岩岩好，有啲茶澀味平衡番👍🏻👍🏻👍🏻…Read More

🇯🇵鮨無雙 ｜元朗🐻疫情後都冇係香港食過omagase,呢間係唯一令我哋4訪既🇯🇵餐廳🐻而家晚餐仲有7折，每人都係$1104，算係抵食！疫情期間都試過幾間omagase,但都冇一間令我地有再訪既欲望🐻唯獨鮨無雙無論食物，師傅定價錢都係令我哋一訪再訪既原因，我地小資夫婦生日想食好小小，都希望簡番有信心d既餐廳，唔好浪費金錢🥰🐻食材新鮮係基本，每道食物都感受到師傳既用心配搭，唔係剩係賺錢，係香港地黎講係值得尊重🫡…Read More

有咩驅使我可以晨早流流起身入元朗😆就係之前喺社交平台見到「鮨無双」做緊7折優惠，超級抵食，優惠期延長到11月30號，想試就快啲book位啦😋漬物師傅會先付上自家制漬物蒜頭漬、牛蒡同薑，三式都係我最愛😍食唔停口大蝦柚子沙律新鮮爽脆嘅沙律菜配上酸酸甜甜嘅柚子同和風燒汁，清新又開胃黑松露松葉蟹肉茶碗蒸讚👍🏻啱啱蒸起夠晒熱，雞蛋非常嫩滑，入口有淡淡嘅黑松露香但又唔會蓋過松葉蟹嘅鮮味磯煮鮑魚鮑魚以汁煮方法烹調軟腍入味，醬汁甜甜嘅味道充分滲入鮑魚之中，肝臟部分亦可以食用，個人好喜歡粉粉糯糯嘅口感秋刀魚正值秋刀魚當造嘅季節，師傅將秋刀魚砌成葉片嘅形狀，完全冇一點腥味深海池魚配以柚子胡椒帶出魚嘅鮮味，魚油脂豐潤，口感扎實而爽脆鮟鱇魚乾綿滑嘅鮟鱇魚乾入口即溶，香而不漏真鯛 熟成二日魚油脂豐潤，配上柚子皮減輕咗油脂感帶子 新鮮爽口嘅帶子灑上竹炭鹽，鹹鹹地嘅味道更加特出帶子嘅清爽間八 熟成二日口感韌中帶脆，油脂較少但肉質肥美，配上酸汁啫喱同芽蔥令味道更加濃郁鯖魚師傅已預先將鯖魚浸泡三日冰鹽水，令肉質緊緻細滑，入口油脂特別豐潤，滿口油香馬糞赤海膽 比一般海膽更濃味同鮮甜，師傅會再灑上淡雪鹽更能突出海膽嘅甜味銀鱈魚炙燒令魚油更加特出，配上咸鮮嘅明太子，令味道更升華大拖羅 拖羅入口即溶，超級肥美，配以唐辛子令魚味更為豐富，壽司中最愛嘅一貫甜蝦 以蝦膏蝦油調配醬汁味道濃郁，入口爽甜鮮醇拖羅蓉魚籽丼巨型丼飯😆我特別request😂軟綿綿嘅拖羅蓉配上粒粒咸鮮嘅魚籽，米飯已預先調味，入口感受到多重口感📍鮨無双 (元朗)元朗建德街35-55號時景花園地下9號舖人均消費：$500食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️…Read More

勝價比極度之高嘅午市啊媽家姐！！！$680 lunch set，再加上10-11月，期間限定嘅7折優優，真係抵到飛起！🫶🏻🫶🏻好多款合時嘅刺身，而且佢地嘅食材都係被開放核廢水嘅地方，安心食用！最抵讚嘅係成間舖嘅正式師傅同職員，全部都好好傾，亦都好貼心！食啊媽家姐最緊要嘅真係師傅有無窮無盡嘅話題，仲要係岩傾，認真難得！！食都食得開心啲！師傅記住亦都特別好，事前問我有咩唔食，成餐都會用心記住，避開哂我唔食嘅野！！！抵讚嘅細心🥰🥰👍🏻啲野食太吸引，不能及時用電話影相盡錄🤣🤣🤣…Read More

約咗中午十二時，但十一點五十五分我還未開門，即是話入邊什麼也未準備，那麼我是否要遲半個鐘先到，由此想像食物質素如何？換句話說那些食材是昨晚預備定的？高級餐廳喎，廚師發辦喎！呸！…Read More

雖然差不多一年才吃一次，今次是第3次光顧了～剛開業的時候真的超抵吃，不用加一，Lunch 13貫壽司才$320🥹🥹今次來已經加到$420而且要加一了🥺當日的發板大概吃了這些，記錄唔晒😅但記憶中有幾件都是柚子味呢。帶子金鯛蝶魚（有口魚）太刀魚三文魚子Toro 深海池魚馬糞海膽青魚（熟成）醬油？蝦今次的體驗是有點被冷落😅因為鄰座的客人很健談，司傅很多時都和鄰座聊天，我們那邊就像交帶這件是什麼壽司😅壽司的味道沒有第一二次吃的驚艷了😅當然還是好吃的，而這個價錢比起市區的都抵吃～相片不能盡錄（只能放12張）～大家有機會去試試吧😉網上訂位需付訂金～…Read More

前菜是大蝦柚子沙律跟黑松露配松葉蟹茶碗蒸🥄茶碗蒸相當有驚喜！黑松露是味道濃郁的食材，但在這裡又不會掩蓋了蛋香。蒸蛋入口直接化開，口感方面絕對是滿分，配上啖啖松葉蟹肉，這個前菜令我超期待之後的壽司和刺身🥺.刺身有4款💫✨鮫鰈魚✨✨魷魚海膽✨✨深海池魚✨✨吉列平貝✨刺身上碟時擺盤精美，師傳提議我們由淡味吃到濃味，每件都令人齒頰留香。深海池魚最為吸引，魚質厚實爽口彈牙，魚油香氣四溢，令人印象很深刻.壽司8貫💫✨活赤貝✨✨鮮帶子✨✨蜜柑鯛✨✨拖羅✨✨紫海膽✨✨太刀魚✨✨鯖魚✨✨甜蝦✨最喜歡omakase的地方是師傳會將每件壽司弄成藝術品一樣呈現於客人面前。以午餐來說，吃上這八貫美味的壽司真的超級滿足。特別喜歡拖羅，這次是接近魚鮫的位置，咬下幾乎是零筋位，口入即溶，幸福感max。結尾的甜蝦同樣精彩，用上最size的甜蝦，而且抹上了用蝦身和蝦頭熬製的醬汁，味蕾的享受得到一個昇華。.最後有個迷你丼飯💫師傅先炙燒了左口魚迫出油香，然後同魚油來拌壽司飯。三文魚子是他們自家醃製，咸味較低。拌上吞拿魚蓉，是丼飯的絕配。.甜品可以選紅豆雪糕或抹茶豆腐布甸🍨🍮大推布甸！抹茶味超濃郁，但又不會蓋過豆腐的香氣，布甸口感滑溜到入口即化，即茶碗蒸的口感很相似，首尾呼應，大大大滿足❣️❣️.Premium lunch course $620 pp…Read More

為與老婆慶祝周年紀念，所以訂了元朗這間Omakase的lunch set。總共有12道菜（未包甜品），由於上載相所限，所以前菜、麵豉湯和甜品（柚子雪芭和抹茶豆腐凍）未能用相片交代，但確實出色👍🏽👍🏽第一道：鮮蝦沙津配和風柚子汁第二道：黑松露蟹肉茶碗蒸第三道：火炙鰆魚，螢光魷魚炸物，汁煮鮑魚，油坊主刺身第四道：鮮帶子壽司配青柚子第五道：火炙鰈魚壽司第六道：深口池魚壽司配柚子胡椒第七道：中拖羅壽司第八道：鮮銀鱈魚壽司配鱈魚子加沙律醬第九道：北海道馬糞海膽配燒紫菜第十道：鮮鯖魚壽司第十一道：蝦鍋巴配濃蝦汁第十二道：左口魚邊油魚生飯每一道菜，師父都一一解釋選材的原因和特色，令客人可以品嚐到菜式的美味。味道非筆墨所能形容咁好味，想重點介紹師父很親切和友善，言談間帶點風趣，沒有架子。整頓飯很圓滿，性價比極高，每位都是$6XX，值得光顧。…Read More