Sushi Katsu (Closed)

今晚相約朋友去食最愛嘅日本菜～每位$1380，款式非常多～我地食到津津有味👍🏻｜前菜｜❤️慢煮鮟鱇魚肝肉質好腍滑甘香，加少許酸汁啫喱特別醒胃提神～❤️根室馬糞海膽十分creamy，加白鹽更加提出海膽鮮味～｜刺身五點｜❤️山葵橄欖油赤貝，爽口清新、山葵帶來少許辣味刺激❤️右口魚鮫蝶魚、輕輕燒香過魚味較濃，伴有紫蘇花、酸酸甜甜味道好開胃❤️紹興酒牡丹蝦，有帶酒香醉蝦嘅感覺～❤️中吞拿、魚香芥末口感融為一體，好新鮮～❤️大吞拿魚油香更濃，加上卜卜脆芥辣籽無咁油膩，食落就無咁油膩～｜大船渡灣蠔｜配香草檸檬汁，超級肥美鮮嫩，食到大滿足啊｜魚翅蒸蛋｜好嫩滑，醬汁調得濃稠混合蒸蛋食好美味同時又好暖胃～食日本菜當然要飲兩杯，清酒「一生幸福 」好名～味道清清地，淡淡酒香好順滑入口，配菜一流～｜三重縣新鮮北寄貝｜蒜蓉牛油煮，旁邊有炸沢蟹有椒鹽味，好鬆脆～｜白燒鰻魚｜柚子胡椒檸檬汁，提起鰻魚鮮味啖啖肉好肥美～｜兵庫縣 螢光魷魚｜珍珠米吸收晒魷魚鮮味好入味～同配埋龍蝦汁食得好滋味～｜紫蘇和牛天婦羅｜和牛煮到半生熟中間好粉嫩軟滑，白松露葉炸到脆，口感好豐富～｜富山白蝦｜蝦味特別濃，加少少明太子檸檬汁好｜黑鯥魚｜燒香外皮魚香散發特別出～肉質油潤好好味～｜鯛魚紫菜飯｜湯底清淡提起鯛魚香味，連胡麻、紫菜絲撈埋食成件事好夾～｜靜岡蜜瓜、熊本蜜柑、綠茶奶凍｜尾聲甜品生果、奶凍都有～果然日本蜜瓜係特別juicy多汁～綠菜奶凍上有銀箔點綴，綠茶味夠濃，份量啱啱好～…Read More

朋友要移民喇，臨飛前食餐好，就佢方便，佢揀左<鮨勝>食Omakase，點了$1380@set 有前菜，刺身x5，割烹料理和壽司x3😻前菜💕🔹北海道安康魚肝配柚子酸汁啫喱有海底鵝肝之稱嘅安康魚肝鮮甜，口感軟綿，和柚子酸汁啫喱嘅口感非常協調，讓人一口接一口。🥢山葵橄欖油赤貝配酸汁🥢火炙右口魚🥢紹興酒牡丹蝦赤貝的口感新鮮爽脆; 火炙過嘅右口魚的肉質仍然柔軟，而酸汁的味道則是讓整道菜更加清爽；紹興酒牡丹蝦入味，爽口。🥢熟成中吞拿魚腩，拖羅🔸先食中吞拿魚腩 醃漬過芥末汁，肉質較實🔸呑拿魚腩火灸過，加上芥辣子去膩有少少柚子汁，味道酸酸地，肉質柔軟，在嘴裡慢慢地融化。🥢大船渡灣真蠔好大隻，加了香草檸檬汁，清新去腥，質感爽口，滿滿海水鮮味。🔹魚翅蒸蛋好多魚翅，脆卜卜，蒸蛋加埋高湯一齊蒸，好味又嫩滑。🔹馬糞海膽多士馬糞海膽放在炸得酥脆的多士上，海膽creamy 冇腥味，好鮮甜，正！🔹熊本和牛天婦羅令人驚艷的口感，肉質柔軟，口感滑順，炸得酥脆的外皮令到口感層次更豐富。配上生葵、松露鹽，味道都好夾。🔹燒北寄貝燒得七成熟的北寄貝配上牛油，口感爽口入味，沢蟹炸到脆卜卜，讓人一吃難忘。不過小心會刮損口腔😂。🔹炭燒自家鰻魚配上柚子胡椒和檸檬汁，讓鰻魚更加的鮮美和清爽，口感非常不錯。🔹季節性螢光魷魚季節性的關係，螢光魷魚入邊有好多膏，龍蝦汁珍珠米更是加強了菜品的口感和味道，幾特別。🔹羽太、燒椎茸、櫻花麮昆布湯味道鮮美，羽太的口感鮮嫩，燒椎茸的香氣四溢，櫻花麵的質感也非常好，整道菜品口感和味道都非常出色。🔹燒飯團、鯛、胡麻醬、茶漬飯，鯛魚口感鮮嫩，燒飯團的口感也很好，胡麻醬和茶漬飯的搭配更是讓整道菜品味道更加的豐富和美味。壽司💕🥢白蝦壽司配檸檬汁和明太子醬鮮味重，感覺清新🥢黑鯥魚壽司肉質帶彈🥢穴子配海鰻汁壽司炙燒過後微微焦香，肉質軟嫩，趁紫菜未淋要快食🔹甜品是紅豆綠茶奶凍、靜岡蜜瓜和熊本蜜柑，最正係個蜜瓜，好清甜順口，讓人感到非常愉快和滿足。宜家做緊晚市任飲清酒promotion，鐘意飲清酒🍶嘅我地勁飲😆😆…Read More

第一道系鮟康魚肝配柚子果凍，有濃濃既魚肝味不醒不臭，魚肝好新鮮，加左果凍一齊食，反而更開胃。脆卜卜多士上面加上厚岸馬糞海膽， 馬糞海膽大份夠鮮甜。赤貝有清清檸檬香，爽品鮮味。中間餃碟魚夠彈牙肉質潤澤有光十分生鮮。最右系柚子漬牡丹蝦，入口廿甜爽口燒過既大拖羅油膩特別多，但食落又唔會太油膩。而且帶爽脆又無根。赤身配醬油漬方法製作，入口細薄巨有醬油咸香。岩手縣生蠔，蠔味不會太膿過多海水味，但蠔肉好大好軟棉細滑，師傅會加左檸檬皮，食落不會覺得單調。湯入面有羽太即(日本石斑) 肉質結實有魚鮮味。加入燒椎，櫻花麩，昆布煮成十分清香。魚翅蒸蛋內魚翅給了很充足，而且好彈爽口夠鮮味。蒸蛋都做到好滑好嫩。鰻魚用炭爐燒煮熟外層脆身，魚肉結實加小小檸檬汁增加味道上的鮮味。時令貝類-用左生鮮北寄貝，肉質彈牙爽脆仲加入左小小牛油煮熟十分香口。師傅好有創意，旁邊仲有一隻炸過既日本沢蟹仔，食落仲好脆口。西式意粉炭再配燒螢光魷魚，螢光魷魚燒熟後都幾彈牙，又唔會老。用西式煮法混合日本食材，呢種配合又幾夾。意粉粒粒分明，煮到龍蝦汁入曬味。 師傅用左熊本和牛作為天婦羅，和牛切開肉質仲系粉紅透晰。咬落淋滑有肉味，不會太淋太油。外脆仲有紫蘇葉包著一齊食味道比較平衡，不會過於油膩。小小燒飯團，再配合胡麻醬加山葵混合做成生茶漬飯，一飲而盡。味道豐富。時令壽司，櫻鱄魚肉潤麗上面用青蔥作調味口感豐富不會過於油膩。黑鯥魚肉質結實外層輕輕燒過入口有魚肉香氣。最後系星鰻鰻魚，廚師火槍燒到油脂滿載，再用脆紫菜包著，即做即食外層脆同層軟，香滑無比。最後有甜品作為最後總結，先食日本蜜金再食日本蜜瓜，最後系自家制奶凍。甜度剛好，蜜瓜完熟又甜又淋又多汁。…Read More

前菜-北海道鮟康魚肝配柚子果凍汁，鮟康魚肝好滑好淋，一點都唔會有醒味，柚子果凍可以解解魚肝油既油膩感。配合十分好。厚岸馬糞海膽下面配有脆香多士，海膽份量飽滿鮮甜，下層多士脆甜可口，好開胃愈食愈想食多口。，赤貝比較特別用左青瓜溶再加入小小檸檬酸香，入口潤滑入味。餃碟魚夠彈牙，魚肉清香。柚子漬牡丹蝦色澤潤麗有光，帶有甘甘甜甜。赤身用左醬油漬方法加小小芥末，醬油剛剛好，入口軟糯細薄有小小鹹香火槍燒過大拖羅外層爽口無根，入口即溶，魚油係口中，開加上西式芥末籽增加口感。生蠔-岩手縣「令和之怪物」蠔肉厚身入口軟滑，海水味唔會太膿。加左小小檸檬皮做調味。魚翅蒸蛋，師傅落左好多魚翅係入面，入面一疏一疏好足料。剛剛新鮮出爐，蒸蛋做到好澤潤鮮味十足。這一道比較有驚喜。鰻魚用炭烤燒過幾有炭香味，外層脆薄內層魚肉肉質軟糯。炭燒螢光魷魚配西式意粉，意粉加入龍蝦汁煮到剛好軟糯一散，而且意粉製作入味。螢光魷魚好香口好彈牙仲有小小鹹香海水味。熊本和牛天婦羅，和牛夠粉嫰，色澤通透油脂分報平均。外層脆卜卜連同紫蘇葉一齊炸，食落好香口香脆。燒飯團茶漬飯配胡麻醬一齊混合一齊食別有一番風味。時令壽司櫻鱄，味道上有點樣三文魚一樣但油脂比較少，魚味會比較強。上面加入青葱提升魚味。黑鯥魚係深海魚的一種，外層輕輕燒過有點點蕉香，魚肉香口。燒過既星鰻油脂滿載，包著紫菜外脆內軟。甜品-日本蜜金及日本蜜瓜甜道十足，自家製奶凍不會太甜好食有水準。不得不提店員有禮，當晚BOOK左台客人都會用摺紙方式摺出客人英文名以示歡迎，真係加分，店員又會主動為客人加水。…Read More

在九龍城搵食店，除了泰國野、打邊爐之外，原來都有師父發辦，同老婆見到都想試下，除了刺身壽司外都仲有熟食。我同老婆入到去坐底，選了Chef Omakase。【前菜】黑梅貝，用了汁煮方法煮成，非常入味，肉質彈牙。【刺身】左：赤身配了黃芥末，赤身用了醬油漬過，令味道甘甜，肉質堅實，軟中帶有嚼感。右：中拖羅炙燒過逼岀魚脂香，再配上芥末籽，令肉質軟綿。【魚翅蒸蛋】用了高湯製成的醬汁，入口非常軟嫩口感，表面上仲有一梳梳魚翅。【大船渡灣真蠔】大船渡產之蠔味比較平均，海水味突出，餘韻口味清爽悠長。【熊本和牛天婦罹】天婦羅都好有特色，入口外脆內又夠軟嫩又juicy，可以加點山葵或松露塩來調味，但我比較喜歡加山葵。【燒飯團茶漬飯】燒至金黃的飯糰放入碗中，加上鯛魚、胡麻醬做成茶漬飯，湯底味道濃郁，鮮味突出。【時令壽司】北海道櫻鱒，櫻鱒好少地方食到，櫻鱒魚腹帶點粉橘色，肉質滋潤，入口帶點清香。中吞拿魚腩，脂肪分佈平均，富有天然魚油脂的甘香，同平時一塊過的口感不同，令脂肪精華味道更加濃郁。【甜品】生果-熊本蜜桔：果肉豐滿帶點清甜、靜岡蜜瓜：香甜多汁，甜度有成16度以上。自家製抹茶奶凍-香濃的奶凍超軟滑，甜度剛剛好，再加了抹茶，茶味濃郁。…Read More

今日來九龍城感受一下泰國潑水節，氣氛真的非常好，各人都玩得非常開心，好在有帶定替換衣服，換完就去預先約定的餐廳吃飯，今晚老公book 了日式餐廳食omakase 超期待喔😚餐廳原來是割烹+ omakase, 在日本，割烹並不是一種料理，而是描述直接坐在廚房前面能看到廚師料理的一種餐館型式。最後我們決定選擇Chef Omakase + 割烹set ,師傅開始在席前烹調食物，全程可以跟師傅溝通，感覺份外親切。前菜北海道鮟鱇魚肝配酸汁啫喱，如鵝肝般豐腴的質感，魚肝入口即溶非常creamy 鮮甜。因其透過日本醬油醃漬過篩，讓口感更細緻綿密，配上酸汁啫喱可以減少膩滯感。根室馬糞海膽酥馬糞海膽配上酥脆麵包，做法非常創新，海膽甘香鮮甜，麵包外脆內軟，兩者配搭在一起估唔到可以咁夾，好有西日fusion料理感覺。 伊左木伴蘋果醋啫喱肉質雪白通透，脂肪豐盈，肥美甘香,具有柔軟的質感，伴上蘋果醋啫喱，酸甜味可以提升魚肉鮮味。赤貝上面放上醃漬青瓜蓉同吃，彈潤的口感和鮮美的味道都讓人難忘，口感爽脆，鮮甜味美。牡丹蝦牡丹蝦加入紹興酒醃漬過，蝦身灑上少許大葉調味，食落有香濃紹興酒香味，蝦肉鮮甜黏口，膠質感重。赤身-用上熟成了2個星期的赤身，經過醬油醃製成為赤身醬油漬，配以黃芥末醬調味，入口充滿肉的鮮味，肉身軟腍。中拖羅-表面先用火槍輕輕炙燒過放上芥末籽，魚油脂非常甘香，顏色粉紅, 油分恰到好處而無筋，入口即溶。沖繩水雲配靜岡番茄水雲是一種海藻，有黏滑口感，含有豐富的的褐藻素，配上酸醋汁，吃起來酸甜滑溜，特別醒胃，靜岡番茄味道超甜及濃郁，體積不大，鮮甜多汁，酸味較小。時令貝類．沢蟹牛油燒北寄貝，牛油味香濃突出，北寄貝燒到剛剛好，保持鮮嫩口感，肉嫩鮮甜，炸日本沢蟹、個子小小的沢蟹咬落卜卜脆，鮮味溢滿口腔，帶來與別不同的滋味。自家鰻鱼白燒鰻魚伴以柚子胡椒、蓮藕漬物，鰻魚燒到外皮香脆可口，魚嫩鮮嫩多汁，鮮味十足，加上柚子胡椒的柚子香味和辣椒的辛辣味，令到魚肉更加滋味。用上當造兵庫縣的螢光魷魚、放上炭火上烤熟，香氣撲鼻，魷魚保留彈牙口感和海水的鹹香鮮味，魷魚頭部分還有不少膏，甘香濃郁，配上用龍蝦汁燴成的米型意粉，望落似西班牙燉飯，但質地軟淋，口感滑溜。羽太椎茸清湯羽太的口感較有彈性，味道鮮甜，配上用炭火燒過的椎茸、樱花麩煮成的昆布湯，飲落清爽鮮甜，有淡淡椎茸香氣。時令壽司中吞拿魚腩-師傅將魚肉切成三切，去除筋位，口感柔軟，肉質鮮美，入口即溶，真的令人回味無窮。海鰻手卷海鰻燒得帶點焦香掃上自家製醬油，用上燒過的紫菜包著，入口油脂十足，海鰻軟滑肥美，輕輕一咬已經溶化，超級滋味。日本蜜柑+蜜瓜，蜜柑酸酸甜甜，清甜多汁，而蜜瓜皮薄清甜、果味香濃。抹茶紅豆布甸-布甸奶味香濃，抹茶味甘香濃郁，加上紅豆的香甜味，為今晚晚飯劃上完美句號。…Read More

2023年3月28日 星期二今晚專登預約左係九龍城區既omakase同老婆兩個人去食，通常係九龍城都係食泰國菜多，日本餐廳真係比較少，所以今次一於黎試下餐廳既omakase主要有三個套餐，最平既$980一位，而我哋就點左$1380一位果款，一共有十二款菜式首先有海膽酥，平時食開既小食千層酥上面加上左海膽，一啖食落去千層酥好鬆化，而且突顯左海膽獨特既味道，充滿鮮味，海膽完全唔腥之後有日本千草縣金目鯛，配以日本蜂蜜同柚子酸汁，無諗過蜂蜜同柚子汁可以配金目鯛一齊食，酸酸甜甜幾易入口，又食得到鯛魚既鮮味，魚肉好嫩滑，比起一般日本餐廳無加任何調味直接上金目鯛更加有心思呢一碟分別左邊有煙燻黑木魚，中間既係赤貝醃青瓜蓉，而右邊就係牡丹蝦，黑木魚好重煙燻味，肉質有咬口，好似熟成左既魚肉咁，而赤貝就好爽口，配青瓜蓉一齊食幾清新，至於牡丹蝦用左柚子醃漬，上面仲加左啲蟹膏，食落既彈牙又有蟹膏香味再黎有熟成左大約兩星期既吞拿魚腩配黃芥末同京蔥，吞拿魚腩入口即融，有黃芥末帶少少辣味出嚟，幾刺激，而且比起就咁食新鮮吞拿魚刺身，味道更加濃郁添跟住有清酒蒸生蠔配香草檸檬汁，隻生蠔有差唔多隻手掌咁大，蠔肉好豐滿，食落去完全冇蠔殼，加咗檸檬汁之後味道好清新呢個係昆布汁煮南非鮑魚配燒大葱，鮑魚煮得好腍，嚟到嘅時候切開左一嚿嚿，所以唔需要再用刀切，昆布汁既味入晒落去鮑魚到，汁同鮑魚好夾，大葱燒到乾身，咬落去索索聲黎到老婆最期待既菜式，係櫻花葉鱈場蟹腳配青檸汁，因為佢好鐘意食蟹腳，呢個鱈場蟹腳用左櫻花葉黎蒸熟，所以每一啖都食到櫻花香，而青檸汁就帶出蟹既鮮甜，師傅亦已經拆好左殼，方便一夾就得得再黎有熊本A5和牛配露筍，和牛切成一粒粒燒到三成熟左右，咬落去有肉汁又夠腍，蘆筍好爽脆呢個係愛媛縣蜜柑鯛壽司，裡面塞了腌漬魚皮，有少少酸酸地，反而更突出鯛魚嘅鮮味，完全冇諗過蜜柑可以用來配搭鯛魚壽司方面最後仲有燒海鰻，油脂好多又夠香口，包住海鰻既紫菜都好脆身，整體味道好平衡最後竟然仲有米漢堡食，上面有櫻花蝦同三文魚籽，櫻花蝦炸過之後好香脆又惹味，配埋三文魚籽一齊食反而唔覺得好油膩，而且食晒成個米漢堡都唔會好有飽肚感甜品方面左邊有自家製綠茶奶凍，右邊係熊本蜜桔同靜岡蜜瓜，奶凍好重綠茶味，而且口感好幼滑，上面仲有紅豆，感覺似食緊宇治金時至於蜜桔同蜜瓜都好清甜，食完真係覺得好滿足！！…Read More

今晚同老公去了九龍城鮨勝，一間不太起眼的餐廳食omakase, 點了中間價位的套餐慢煮鮟鱇魚乾配酸汁啫喱味道鮮美口感細嫩， 餐廳配上酸汁啫喱，令味道更加立體北海道釧路馬糞海膽酥海膽非常鮮甜美味，味道濃郁，食完口腔仲會留下海膽鮮味日本千草縣金目鯛， 配日本蜂蜜柚子酸汁非常鮮甜易入囗，柚子酸汁柚子味好突出，令整個感覺好清爽！左，煙燻黑木魚，味道濃郁，超強煙燻味，食出不同層次！中，赤貝掩咗青瓜蓉，清甜清爽！右，牡丹蝦柚子淹漬牡丹蝦上面有啲蟹膏，味道好有層次的牡丹蝦！必試！熟成兩週吞拿魚腩配黃芥末京蔥，周邊有輕輕燒過的痕跡，入囗慢慢溶化，又帶點口感，個人幾喜歡！有滿足的感覺！清酒蒸大生蠔配香草檸檬汁手掌般大的生蠔，好滑好鮮好多汁！生蠔的味道餘韻超強！！！老公表示超正！昆布汁煮南非鮑魚配大葱燒昆布湯幾特別，之前一路食的食物味道都好強好出，這個鮑魚則可以中和一下，整個味道較低調，但鮑魚口感仍然是不錯的！櫻花葉鱈場蟹腳 配青檸汁平時一定不會配青檸汁去食蟹腳，味道竟然出奇地夾！櫻花葉有陣草澀氣味，但一點也不影響蟹的味道！原條蟹肉有濃郁清甜味，蒸的關係，所以非常多汁！兩條真的不夠喉！燒螢光魷魚配龍蝦汁撈珍珠米形意粉非常特別！第一次這樣食螢光魷魚！珍珠米形意粉浸滿龍蝦汁，又不會糊，非常好食！低溫慢煮銀雪魚配焦糖洋蔥汁很少食慢煮的銀鱈魚，很滑很清甜！肉質結實，焦糖洋蔥汁非常特別！有洋葱香又帶少少甜！有趣！熊本a5和牛露筍花，令人念念不忘的和牛粒愛媛縣蜜柑鯛壽司內部塞了淹漬魚皮，酸酸地，幾特別醬油淹漬赤身為 配蔥醬完全不用怕會有蔥味，好食！鰻魚手卷櫻花蝦三文魚籽飯熊本蜜桔靜岡蜜瓜自家製綠茶奶凍每一道菜都不只一個味道，感受到廚師的用心！…Read More

同事介紹九龍城有間性價比高嘅日本餐廳，今日特登同朋友過黎幫襯下，睇下係咪真係咁正，我地揀咗Chef OMAKASE + 割烹 $1380，奏：海膽酥 螢光魷魚螢光魷魚配蜂蜜芥末醬，魷魚有煙燻嘅味道，彈牙，唔韌，海膽酥，馬糞海膽很多，鋪滿了整件多士，味道鮮甜，下面的多士口感鬆軟，海：時令刺身五點千草縣金目鯛刺身，金目鯛魚脂豐厚，伴著微酸的柚子醋和芽葱同吃，味道豐富又消膩， 海：時令刺身五點黑睦魚&赤貝&牡丹蝦師傅告訴我們這一碟要由左至右吃，左面是煙燻黑睦魚，上面有些醬油脆脆，味道咸咸地，帶著煙燻和魚脂的香味，中間是赤貝，伴有一些醃製過的青瓜蓉，赤貝口感爽脆，味道鮮美，右邊是柚子漬牡丹蝦，上面是蝦膏，牡丹蝦伴有蝦膏香和柚子香，蝦肉肥美，彈牙爽口，海：時令刺身五點熟成兩週的吞拿魚腩，上面伴有芥末籽，減輕油膩感，吞拿魚腩邊位火炙過，特別香，吞拿魚腩入口即溶，芥末籽脆卜卜，口感豐富，充滿魚油的脂香，酢：旬生蠔 檸檬香草酢物清酒蒸大船渡灣產真蠔，灑上香草檸檬汁，蠔大隻，新鮮有咬口，鮮甜，口感爽脆，蒸：慢煮鮑魚 肝汁清酒慢煮鮑魚，用咗三小時去清酒蒸鮑魚，再用鮑魚肝整咗個醬，正宗原汁原味，鮑魚大隻厚肉，口感彈牙，鮑魚肝醬味道有點像蟹膏，味濃且鮮，溫：櫻花葉蒸雪場蟹櫻花葉蒸鱈場蟹腳，蟹肉彈牙，鮮甜多汁，加點青檸汁上去，更有多重青檸香味，舞：海老 珍珠米 龍蝦汁鹽燒北極螯蝦，配上用龍蝦汁煮嘅珍珠米（米形意大利粉）&宮崎青椒仔，青椒仔鹹鹹地，螯蝦肉新鮮彈牙，珍珠米頭尾尖，好滑，彩：鱈 焦糖洋蔥汁慢煮銀鱈魚，配焦糖洋蔥汁，銀鱈魚啖啖肉，非常嫰滑，配焦糖洋蔥汁的微甜更帶出銀鱈魚的鮮味，畜：熊本和牛 蘆筍花汁燒A5熊本和牛西冷，配汁是紅酒汁，和牛嫰滑，咬開有肉汁，配上脆脆同吃，口感更見豐富，伴著高知縣的西蘭花苗，新鮮翠綠，味道爽甜，握：時令壽司三貫北海道櫻鱒，魚肉滑，魚脂豐富，醬油漬中吞拿魚腩，裏面包咗少少黃芥末醬同埋京蔥，有京葱嘅香味，油脂同樣豐富，入口即溶，握：時令壽司三貫脆紫菜包燒海鰻（穴子壽司）海鰻嫰滑惹味，帶著火炙的香味，紫菜脆口，灑上少少黑椒，與日本米同吃，多重口感，味道豐富，漬物（牛蒡，紅酒蕎頭，鰹魚花漬蒜頭），有漬物清一清口腔的油膩感，refresh一下，飯：櫻花蝦 三文魚子櫻花蝦已炸脆，三文魚子鋪滿飯面，新鮮脆卜卜，味道多層次，口感豐富 ，鮮：甲魚 北海道海蔘 椎茸 湯湯清，味鮮，不會過咸，這才喝得出湯頭的鮮味，果：時令水果兩款、甜品熊本蜜柑&靜岡蜜瓜，蜜瓜超甜，勁多汁，綠茶味蕨餅，伴綠茶牛奶汁（上面有紅豆蓉），綠茶和紅豆永遠是最佳組合，甜品不會過甜，為今晚這頓晚餐畫上一個完美的句號。總結：餐廳裝修很有日本風，餐桌和餐具乾淨衛生，食材用料高級，師傅亦處理得宜，適合朋友聊天或情侶拍拖食飯。…Read More

這一晚的廚師發辦位於泰國菜林立的九龍城，但入到店內卻感受到一份日式嘅風情，令人感受到放鬆的感覺.今晚的廚師發辦十分之豐富，有不少時令的菜式，廚師也十分細心地講解，有一啲食材更是第一次嘗試的.香甜的海膽，入口充滿了幸福的感覺，與香脆的麵包形成一個強烈的對比.金目鯛廚師利用灸燒的方法，加上自家製的醬汁，令鮮味提升了.沙甸魚魚味十足層次感分明，加上新鮮的赤背充滿了淡淡的海水味，牡丹蝦同樣新鮮，鮮味十足.大拖羅入口即溶，加上廚師利用灸燒更加之肥美.鮑魚十分之爽口，由於是利用慢煮的方式，更能夠保持原汁原味.日本和牛廚師控制火候得宜，令肉汁所在牛肉身上.甲魚清湯美味十足，配上日本的海參，簡直是最美好的配搭.櫻花蝦十分之香脆，口感十足最後配上日本的士多啤梨十分之香甜，加上日本啲蜜瓜新鮮度十足，這一餐十分之滿足及驚喜..…Read More

九龍城隱世omakase，經過門外不易察覺這間小店，但細心留意門外裝飾雅緻，室內光猛，播着輕音樂，感覺好舒服，適合慢下來食個精緻的晚餐。每個座位前把客人姓名摺紙顯示，好有趣。Chef Omakase + 割烹 | $1380奏：海膽酥 螢光魷魚富山灣螢光魷魚軟身又有帶點爽口，點蜂蜜芥末醬幾開胃；鮮甜的馬糞海膽，用外脆內軟的多士墊著，做法新穎，口咬特別。海：時令刺身五點。天草縣的金目鯛輕輕火炙過，肉質綿綿地，配上日本蜜糖柚子醋，幾開胃。。煙燻黑鯥魚上有醬油脆脆，魚肉綿中有韌性。。中間的是赤貝超爽口，上面有淹漬青瓜溶帶點酸。。宮城縣帆立貝沾到底下檸檬酸味，配上山葵昆布漬。。熟成兩週的大拖羅，油脂十分香，在口中揮散不去，配上芥末籽減輕油膩感。酢：旬生蠔檸檬香草酢物清酒蒸大船渡灣真蠔配香草檸檬汁，蠔蒸得剛好熟，仍帶有creamy口感，夾雜一點海水鹹味，蒸過不怕太涼，感覺好適合女仔食。蒸：慢煮鮑魚 肝汁南非鮑魚同清酒蒸了三個小時，鮑魚肝整成醬味道濃郁，但我更喜歡不點醬食到清酒的香味。溫：櫻花葉蒸雪場蟹櫻花葉蓋著兩件雪場蟹腳，加點青檸汁更鮮甜，有些少葉味但不算太突出。舞：海老 珍珠米 龍蝦汁塩燒北極䱯蝦，肉質被想像中淋，宫奇青椒仔鹽燒過，下面是龍蝦汁珍珠米，其實是米形意大利粉。彩：鱈 焦糖洋蔥汁慢煮銀鱈魚配焦糖洋蔥汁，鱈魚滑溜啖啖肉，焦糖洋蔥汁配鱈魚都幾甜。畜：熊本和牛 蘆筍花燒A5和牛西冷油脂極高又腍，淋上紅酒汁帶點微酸，夾著脆脆片一齊食，口感太點脆口，配菜是高姿縣西蘭花苗。握：時令壽司三貫。北海道櫻鱒魚帶點蒜蓉味。醬油淹漬中吞拿魚腩下赘黃芥末醬及京蔥，黃芥末醬及拖羅味道好夾，拖羅入口即溶。海鰻燒完用紫菜包著，接過手時仲好熱，快影一張就放入口，紫菜仲脆，海鰻味道甜甜地帶點黑椒味鮮：甲魚 北海道海蔘 椎茸 湯湯清甜，清一清去膩感。飯：櫻花蝦 三文魚子 漬物櫻花蝦三文魚子斧飯，櫻花蝦及三文魚子都好多，飯份量控制得好，不會飽到好辛苦。果：時令水果兩款、甜品熊本蜜柑、靜崗蜜瓜、蜜瓜超甜又多汁。綠茶蕨餅配綠茶牛奶汁，甜味升級，煙韌又香綠茶味。整餐飯都食得好舒服，靜靜地聽住音樂，餐碟都好美觀。…Read More

今晚同朋友去了間位於九龍城嘅日本料理食廚師發板，這店位於龍崗道，門面一望就知係食好嘢嘅地方！入到餐廳見到一道長長嘅吧枱，師傅就已經為客人準備食材中，食客主要就係座在吧枱旁位置，因為朋友有訂位，座位前有用紙摺成簿英文名字，感覺被十分重視餐牌有3款選擇，朋友就推薦了Seasonal Omakase，有我最愛嘅海膽！落單後店員同師傅就開始一道一道美食為我們準備奏：入口爆膏，充滿鮮甜魚香味嘅螢光魷魚、味濃，鮮甜，肉較結實嘅厚岸馬糞海膽酥上還放了魚籽醬海：極上刺身五點每款都係師傅精心炮製，有用備長炭煙燻過豐厚的脂肪，肉身肥美，口感更佳嘅鰆魚，再來三拼煙燻肉質鮮甜無比嘅黑鯥、爽口赤貝配上青瓜漬磨茸、用上紹興酒漬過嘅牡丹蝦並加上黃金蟹籽，入口有超甜感覺還有以熟成兩星期後嘅佈滿魚油花紋大吞拿魚腩，入口即溶油香四溢而又鮮味無比酢：清酒煮，令和怪物，大船渡灣旬生蠔．檸檬香草酢物，由日本直送到港未開殼真·「生」蠔，為保持最鮮、最原汁、最原味之狀態送到客人手上，即開即食。該款生蠔稱為怪物因其體積猶如手掌的大小，味道鮮甜濃郁，口感嫩滑，在日本有「海中牛奶」的美譽蒸：蒸日本大根入口軟淋、肥美和牛小排、牛肉味道濃郁，慢蒸3小時嘅慢煮清酒南非鮑魚，入口軟熟旁邊還配上鮑魚肝汁，入口味道更香濃溫：櫻花葉蒸雪場蟹腳，啖啖肉之餘入口爽口鮮甜舞：超爽口鮮甜伊勢海老配似龍蝦汁煮珍珠米形狀嘅意大利粉，入口軟滑彩：慢煮鱈魚配焦糖洋蔥汁，入口肉質十分嫩滑鮮：山瑞海蔘松茸清湯畜：以紅酒汁燒熊本A５和牛入口牛肉味道香濃，加埋爽口清甜蘆筍花飯：以樱花蝦及三文魚籽煮成嘅釜飯，蝦味香濃飯身夠晒煙韌，配上醒胃漬物，十分開胃握：還有時令壽司醬油漬赤身配上黃芥末及香蔥火炙穴子加上少量黑椒十分肥美 今晚另一 重點之作用上厚岸馬糞海膽而成嘅海膽壽司，飯身都用海膽撈勻海膽壽司，師傅用一隻匙羹上枱，放入口就 盡在不言中的滿足！果：充滿肉汁嘅靜岡蜜瓜及香滑自家製雞蛋布甸作為今晚嘅完結，師傅在整晚都忙過不停為食客準備食物，還介紹食物真的十分專業！整體食物質素高，餐具亦十分精緻，店員服務細心殷勤，之後又多一個食廚師發板嘅好地方！午餐時段都十分抵食，如就啱時間下次可以食埋午餐…Read More

平時黎九龍城多數都係食泰國野, 今晚去左間日本Omakase+割烹, 門面簡約和風, 裡面裝修高雅新穎, 超長雲石枱面. 無論枱墊同碟都好靚, 好考究! 呢度既特色係Omakase+割烹, 唔似其他餐廳只供壽司或熟食, 而係同平均提供壽司及熟食, 令食客唔會覺得沉悶, 食得開心!Seasonal OMAKASE+割烹:燒富山灣螢光魷魚配蜂蜜芥茉醬一隻隻螢光魷魚串起, 外形好可愛, 配甜甜地既蜂蜜芥茉醬.北海道根室馬糞海膽酥一開始就食北海道根室馬糞海膽, 真係好特別, 仲要用即烘多士墊底, 配上黑魚籽, 好鍾意呢個前菜!備長炭輕燒馬鮫魚鹽燒春魚配柚子蘿蔔蓉, 頂配上芽蔥, 通透既魚肉配上通透既器皿, 配搭好靚. 肉質鮮味, 魚皮有少少咸咸地, 同柚子蘿蔔蓉好夾.黑鯥, 赤貝, 牡丹蝦煙燻黑鯥魚配芝麻炸蒜醬, 肉質堅, 有咬口, 但絕對唔係韌, 充滿魚既味道, 配芝麻炸蒜醬超好食! 赤貝配wasabi, 赤貝客人面前即開, 超新鮮, 超爽口. 即劏牡丹蝦, 肉質鮮甜Juicy.熟成2週大吞拿魚配芥茉籽第一次食熟成大吞拿魚, 上面配芥末籽, 可以減輕油膩感, 平時都係食新鮮大吞拿魚, 熟成又係另一種味覺既享受, 有獨特味道, 一般大吞拿魚刺身係俾唔到你!大船灣真蠣令和怪物用清酒輕輕微蒸, 表面上仍然係生蠔, 但係帶有清酒味, 呢隻令和怪物真係好大隻, 肉質creamy, 加上清酒既香味, 食生蠔既另一層次.牛骨汁煮熊本和牛小排配清心大根熊本和牛既肉質超冧, 入口即溶, 仲要厚切, 牛骨汁濃郁, 接近漿狀既形態, 都唔知用左幾多數量既牛骨, 可以咁濃味! 而且個牛骨汁同樣入哂去青森大根裡面, 融為一體!清酒煮南非鮑魚用清酒蒸三小時, 南非鮑魚已經出名鮑味濃, 仲要配埋本身鮑魚肝製成既醬, 三重鮮味, 爽口彈牙!櫻花葉蒸鱈場蟹腳純正新鮮北海道雪場蟹腳, 根本唔需要添加任何調味, 已經鮮味突出, 啖啖肉, 帶海水味, 北海道風味!鹽燒北極鰲蝦配龍蝦汁好少食到北極鰲蝦, 仲要起肉鹽燒, 配埋用鰲蝦羔煮既珍珠米飯, 肉質彈牙! 絕配! 個珍珠飯有D似意粉質感, 好特別!低溫慢煮銀鱈魚配焦糖洋蔥汁銀雪魚肉質好滑, 配埋獨特既蕉糖洋蔥汁, 出奇地夾! 醬汁令魚味更突出!汁燒熊本A5和牛燒A5熊本和牛, 同樣厚切, 入口即溶係理所當然! 配埋紅酒汁, 脆片, 日本西蘭花苗, 添加清新, 唔會太膩!根室馬糞海膽飯開頭結尾都用上根室馬糞海膽, 完美互扣, 馬糞海膽果然超上級美食! 鮮甜味美!蔥醬油漬中吞拿魚腩本身件中吞拿魚腩已經好靚, 用蔥醬油醃漬後, 更帶出魚既鮮味.穴子用特製醬汁即燒海鰻, 帶微甜味, 肉質綿綿的, 用紫菜及日本飯包住, 外面脆卜卜, 裡面軟綿綿!櫻花蝦三文魚籽釜飯本身已經帶海水鹹味既三文魚籽, 配脆脆既櫻花蝦, 放係日本米飯上, 攪拌後味道已經係一道好完美, 好簡單既美食! 只因食材鮮!刺海參甲魚平茸清湯用海參, 甲魚, 冬菇, 苟蒻煮成既湯, 表面睇平平無奇既清湯, 原來味超濃, 吸收所有食材既精華!靜岡蜜瓜, 柑桔, 自家製草莓大福靜岡蜜瓜, 柑桔, 草莓大福, 全部生果都超甜, 記得要由蜜瓜起順次序食!…Read More

今日約了朋友去九龍城食廚師發板，餐廳環境佈置十分之明亮，氣氛十足，廚師與顧客的互動也十分之良好，每一道菜色都會細心地介紹。海膽：很新鮮，配上香脆的麵包，又是另一番的體驗。吞拿魚：經過了七日，魚味更加之香濃，加上這個部份是大拖羅，入口並沒有半點根、水準十足。螢光魷魚：十分之爽脆。生蠔：來自日本的一定有品質保證，食得安心又滿足。鮑魚：用了慢煮，加上廚師自家製的肝汁，配合得宜。鱈場蟹：鮮味十足，充滿了淡淡的海水味道。大蝦：配上了龍蝦汁的意大利飯，是一個新的體驗，口腔充滿了衝擊感。鱈魚：新鮮的鱈魚配上焦糖洋蔥汁，令鮮味提升了不少。熊本和牛：入口即溶，令人充滿幸福的感覺。櫻鱒：十分肥美，令口腔充滿了魚油。這一間廚師發辦，比較多主食，同坊間以刺身為主略有不同，所有主食廚師也花了不少功夫，值得支持。…Read More

平時去九龍城，一般都係食泰國菜今日難得住宋王臺嘅閨蜜，帶我去食隱世日本料理。新開張不久，將來可能會成為遊客店耶！閨蜜第二次到訪，想不到九龍城有出色的 鮨勝〰️廚師發辦。鮨勝 席前師傅刀工出神入化，選材追求極致，每一位食客都可以體驗到高質的 omakase。Seasonal OMAKASE + 割烹 $1680奏：螢光魷魚．魚籽醬,海膽酥螢光魷魚食落滿口鮮甜，魷魚膏香濃，質感綿滑。厚岸馬糞 海膽口感入口即溶，加入魚籽醬，好味到停唔到口。海：極上刺身五點備長炭燒 鰆魚魚味較濃，肉質非常鮮嫩，剌身口感和味道都勝人一籌。煙燻黑鯥魚: 細膩的刀工，煙燻黑鯥魚味道較濃。赤背、紹興酒漬青瓜：爽脆肉質，厚實味道香甜。牡丹蝦、蝦膏、黃金蟹籽：牡丹蝦黏口新鮮，配上黃金蟹籽更加令味道推至高境界。熟成兩週大的 Otoro 拖羅火炙大吞拿魚腩，用火輕炙，魚油脂香散發滿溢整個口腔。酢：旬生蠔．檸檬香草酢物原隻奉上 清酒煮生蠔🦪 灑上香草嘅檸檬🍋醋，清酒輕煮過的 大船渡灣真蠔～ 令和怪物，輕熟比較有爽口的感覺，蠔肉肥厚散發出淡淡既酒香，食落好飽滿。蒸：蒸日本大根、和牛小排、牛肉濃汁牛骨傲濃汁和牛牛小排，非常之肥厚，味道濃郁，香甜爽口又彈牙。慢煮鮑魚．肝汁清酒蒸南非鮑魚有驚喜！師傅話蒸咗3小時，肉質好鮮嫩多汁，濃味肝汁鮑魚有不少人喜愛。溫：櫻花葉蒸雪場蟹腳不時不食，櫻花葉蒸好有創意，輕易地帶出雪場蟹腳的鮮甜，啖啖肉好享受！舞：海老．珍珠米．龍蝦汁伊勢海老甜甜的蝦肉，味道鮮又甜。用意大利粉整成米嘅形狀，好特別，手工花心思之作。彩：鯚.焦糖洋蔥汁鱈魚慢煮銀鱈魚，鎖住肉汁，魚油的香氣，保持嫩滑！畜：熊本和牛．蘆筍花鹽燒日本A5熊本和牛厚切的燒A5熊本和牛，油份豐富，牛味濃郁，配菜也絕不馬虎。握：時令壽司二貫 ＋海膽壽司醬油漬 赤身，視覺和味覺都得到最高享受。海膽壽司北海道 厚岸馬糞海膽，油分豐腴，滿滿的 厚岸馬糞海膽入口即溶，Seasonal 海膽撈飯，確保吃到原汁原味和新鮮度，大滿足！火燒穴子香脆嘅紫菜包住柔軟潤滑的穴子，再灑上黑椒，塗上鰻魚汁，非常惹味！鮮：甲魚．北海道海蔘． 椎茸． 湯山瑞海蔘椎茸清湯，味道清爽宜人，北海道海蔘加上 椎茸，味道相得益彰。飯：櫻花蝦.三文魚子釜飯，漬物外脆內軟，心思的配搭。果：時令水果两款、甜品佐賀草莓🍓 靜岡蜜瓜自家製雞蛋布甸🍮兩款日本水果都鮮甜多汁，自家製雞蛋布甸食到充滿蛋香，好滿足！總括鮨勝，室內和式佈置令人有置身日本的感覺，料理十分豐富。閨蜜果然冇介紹錯，整體都超好味，想約下次再來！…Read More