G One Sushi Japanese Restaurant (Tai Pa Street)

今日帶完小狗去荃灣睇醫生，順便係附近食飯。西非蠔西非蠔既風味更顯純淨、溫和，帶有淡淡的奶香與榛果餘韻，層次豐富卻毫不霸道既鮮味緩緩擴散，完美滿足了味蕾對鮮味既渴望，蠔既體型豐碩肥美，肉身飽滿渾厚，帶著海洋的鮮甜在口中爆發。深海池魚王刺身(半份)池魚肉質緊實卻不失柔軟，入口冰涼滑順，感受到其極致既新鮮度同彈性，油潤甘香，魚肉通透如白玉，師傅以精湛刀工將魚肉切成透薄的柳片，魚肉肌理間閃爍著珍珠般的瑩潤光澤。黑松露帶子反卷將松露香氣與帶子鮮甜完美交融，每口都係奢華享受。甲羅燒盛載係原隻蟹蓋中的橙黃色蟹膏，用料極為豐厚實在，肉眼可見混入了絲絲的蟹肉，再加上鮮橙色蛋黃，蟹膏濃郁鹹香搭配脆多士令人非常回味。辣酒煮蜆湯汁辛香過癮，先啜一口湯，靈魂湯底鮮辣夠勁，卻不是死辣。蜆肉飽滿無沙，湯汁完美吸收了蜆肉的鮮甜，鮮、辣、香、醇，層次感十足。鹽燒牛舌串、燒雞心、煙肉蘆筍串串燒火候精準，鹽燒牛舌厚切彈牙，燒雞心脆嫩多汁，煙肉蘆筍串鹹香與清甜交織。…Read More

為食🐑之前喺尖沙咀分店食過，覺得食物質素唔錯，今次同朋友嚟荃灣店試試。入到餐廳，環境有種日式居酒屋嘅感覺，氣氛輕鬆舒適。Menu入面有唔少菜式做緊優惠，價錢抵食，於是點咗幾款招牌菜同新菜式試吓！💚 鮨一沙律🥗 $125
呢個沙律份量十足，入面有新鮮刺身、蔬菜同甜美蕃茄，仲有唔少蟹籽點綴。沙律菜新鮮爽脆，配上微酸嘅醬汁，味道清新又開胃，係一個唔錯嘅頭盤選擇。❤️ 日本黑鮪大拖羅刺身 🔥特價$298
大拖羅真是一個亮點！油脂豐富，入口軟滑，帶點甘甜嘅海鮮味，口感細膩。鍾意食肥美刺身嘅朋友應該會好滿意。🦪 仙鳳趾蠔 $156（8折後 $124.8）
日本直送嘅仙鳳趾蠔，個個都好新鮮，味道鮮甜，帶點海洋嘅鹹香，食落好滿足，質素完全對得住個價。🍣 帶子海膽反卷 $88
帶子同海膽嘅組合好搭，帶子爽口，海膽濃郁，壽司飯軟硬適中，食落口感豐富，係一道值得一試嘅卷物。🍊 蜜柑鯛薄切（半份） $99（8折後 $79.2）
鯛魚薄切入口鮮嫩，帶有淡淡嘅蜜柑清香，酸甜嘅味道同魚嘅鮮味好match。半份份量啱啱好，適合想試多幾款菜嘅朋友。🔥 串燒區🤍 鹽燒活白鱔串 $68
白鱔燒到外皮微微脆，肉質爽口，帶點海鮮嘅鮮甜味，簡單嘅鹽燒已經好夠味。🐃 鹽燒牛舌串 $45
牛舌切得厚薄適中，燒到外脆內嫩，咬落有嚼勁，炭燒香氣好突出，令人諗起日式燒肉嘅滋味。🐓 免治雞肉串 $32
雞肉串入面有軟骨，增加咗口感，豉油醬汁燒得微甜，仲有蛋汁嘅滑順加持，入口順滑，味道調得啱啱好。🤍 荔枝豚肉串 $32
厚切豚肉燒到外焦內軟，油脂香濃，搭配新鮮荔枝，甜美嘅果香中和咗豬肉嘅油膩，食落清新又唔失滋味。✨食材新鮮，刺身同串燒嘅水準都好穩定，環境又有日式風情，係一個同朋友聚餐嘅好選擇。🔥優惠：日本直送刺身同晚市定食8折（只限堂食，18:00-21:30），呢個價錢真心抵食！想食正宗日式料理，呢間值得一試，為食🐑會想再返嚟！…Read More

店內燈光柔和，有bar 枱座位搭配傳統和風裝飾，背景音樂輕柔，整體氛圍放鬆又有格調～適合朋友聚餐▪️ 特上錦繡刺身新鮮度爆燈！三文魚腩油脂甘香、帶子清甜爽滑、赤蝦彈牙，每款切得厚薄適中，入口即化～搭配現磨山葵，鮮味層次感十足！▪️ A5和牛櫻花蝦炒飯鑊氣滿分！和牛粒香濃軟嫩，櫻花蝦脆口提鮮，米飯粒粒分明且吸飽牛油香，一啖接一啖停唔到口～▪️ 牛油果軟殼蟹反卷 口感豐富！軟殼蟹炸得酥脆，牛油果creamy又清新，反卷醋飯酸甜平衡，完美融合～▪️ 清酒煮蚬 湯汁鮮甜到想飲埋！蚬肉飽滿無沙，清酒香淡淡滲入，暖胃又開胃～▪️ 芝麻雞翼 外皮炸得超脆，灑滿香烤芝麻，內裡雞肉嫩滑多汁，蘸少少檸檬汁更解膩！▪️ 蟹肉牛油果凱撒沙律 清爽之選！蟹肉絲鮮甜，牛油果軟滑，羅馬生菜爽脆，沙律醬輕盈不膩～…Read More

❤️西非蠔外型幾飽滿咬落去Creamy又爽口，唔錯❤️薄切魴佛魚口感清爽特別配上酸汁好開胃❤️秋刀魚刺身好少食到秋刀魚刺身原來係依排時令先有特別點黎試下食落都幾鮮味以為會好腥但又無❤️帶子海膽反卷海膽甘甜配搭埋帶子鮮甜口感兩者都幾夾而且飯粒醋味啱啱好❤️蟹肉牛油果凱撒沙律食落好清新蟹肉份量唔少同牛油果夾得幾好❤️清酒煮蜆湯汁清甜蜆肉好大隻又無沙❤️燒雞心串燒得香口彈牙唔韌❤️煙肉蘆筍串煙肉鹹香包住爽脆蘆荀減低油膩感❤️燒菠蘿香甜多汁最後用黎解膩一流‼️依家晚市6點至9點半所有日本直送刺身同埋晚市定食都有8折優惠添…Read More

📍 鮨一日本料理 - 荃灣 有朋友同我講呢一間日本料理做緊八折優惠，膽粗粗就入咗去，都冇特別睇價錢，原來店內喺六點至八點嘅時間日本直送🎌刺身做緊八折！所有嘅魚生都係每日喺日本新鮮直送，唔怪之得咁鮮甜，而且地理位置仲好近荃灣西鐵站勁方便，吧枱嘅位置可以睇住廚師每一刀切魚生🐟好治療❤️‍🔥✨ 秋刀魚刺身肉質細緻且油脂豐盈，入口即溶🥢✨ 鮨一沙律色彩繽紛嘅沙律，新鮮嘅沙律菜就唔使多講，仲有新鮮嘅整個蕃茄🍅最驚喜嘅係入邊有三文魚籽同蟹籽🤭食完都已經飽飽地❤️✨ 蜜柑鯛薄切簿到好透明，真係好考師傅嘅刀工，鯛魚刺身好嫩滑，而且仲有蜜柑味，清新度100分，唔夠1分鐘我哋已經清晒😍✨帶子海膽反卷帶子厚肉軟滑海膽份量都唔少，都鮮甜🙆🏻‍♀️🙆🏻‍♀️✨ 甲羅燒甲羅燒食得多，第一次用麵包夾住一齊食，入邊有齊蟹膏、蟹肉、青蔥、鵪鶉蛋黃，撈埋一齊鹹香味十足，夾埋喺麵包中間就好似多士一樣👍✨鹽燒大虎蝦蝦肉口感鮮甜，肉質緊實🦐✨燒雞心香氣四溢，口感既脆嫩又有嚼勁！✨煙肉蘆筍串蘆筍爽脆嫩口，搭配鹹香適中的煙肉，燒製得恰到好處👍…Read More

📍鮨一😍荃灣高質素日本料理👍🏻～餐廳環境靚😍食物質素高🥳店員服務態度好👍～壽司🍣海膽壽司真係非常正❤️勁大嚿又鮮甜😍另外帆立貝都好大嚿同新鮮👍🏻～秋刀魚刺身😍時令嘅刺身😘好難得食到秋刀魚係唔腥嘅👍🏻非常高質素😘價錢仲要好平😛～清酒煮蜆❤️睇圖都知勁大隻蜆☺️清酒味好香濃😍飲晒成碗湯🤣～鹽燒三文魚鮫😍三文魚非常肥美🤪仲要燒得勁香❤️調味做得好好👍🏻～蝦天婦羅🍤好豐盛嘅天婦羅拼盤😘有四大隻蝦😛外脆內軟😘～蟹肉牛油果凱撒沙律💕非常大份又好味嘅沙律😛蔬菜新鮮😍配上牛油果同蟹籽食味道一流👍🏻📍鮨一日本料理 (荃灣)荃灣大壩街79號地舖…Read More

老公就黎生日, 但因為正日出trip大家又忙就諗住之後先補祝但都係諗住近近地落樓食番餐啦又想食日本野所以就揀左鮨一啦～ 店鋪細細但確實係幾驚喜既૮꒰˶ฅ́˘ฅ̀˶꒱ა見到有套餐咩都有 散叫又唔係平師奶仔反覆考慮但都係想揀自己想食既所以都係散叫ㅎㅎ📍鮨一千層海膽飯（小）最先黎到 好打卡able ꒰˙Ꙫ˙꒱其實我都唔識分咩叫靚或者點先叫好食但自己食完無唔鍾意既味道就係好食🤤叫左小份但都好澎湃📍日本真蠔一人一隻 好大隻好creamy老公表示好滿意😀📍甲羅燒配左多士 味道都唔錯呀📍蟹肉牛油果凱撒沙律有蟹肉，蟹籽仲有牛油果 配搭食落好fresh 📍真鯛、油金魚、帶子壽司散叫左3款壽司正常表現 ʚဝိူɞ本來仲想再茶漬飯，估唔到食完都飽晒整體用餐體驗唔錯食物質素覺得好唔錯的坐係bar枱睇住師傅整野食好似覺得自己食緊omakase ꒰ ´ิ(ꈊ) ´ิ꒱餐廳7-8成滿座，但都好寧靜幾好唔太嘈唯一想講 如果可以唔一次過上晒菜就好啦雖然難d ._.…Read More

黎到荃灣，上OpenRice search吓有咩好食嘅日本菜，就見到呢間鮨一。一行入去有居酒屋嘅風格，有個open kitchen 俾你睇住廚師整刺身、壽司，都幾有風味～-三文魚刺身 （兩客）$110-三文魚肥美又新鮮，必食之選！-生蠔 （2隻） $136-生蠔非常新鮮肥美，一口咬落去，蠔香四溢。係我喺香港食過最好食嘅生蠔之一。每次嚟到必嗌兩隻☺️-鮨一千層海膽飯 $288-呢個海膽飯真係不得了🤩海膽堆到成座山咁高，非常吸引，完全滿足晒我對海膽嘅渴望！海膽底下嘅吞拿魚蓉都好幼滑，非常好味🥳…Read More

荃灣行街經過「鮨一日本料理」，見午市定食好吸引，就入去試咗佢哋嘅十貫日壽司定食，$138 包前菜沙律＋味噌湯，感覺非常抵食～壽司款式有三文魚、帶子、甜蝦、吞拿魚、蟹棒、海膽、三文魚籽等，全部都夠新鮮，切得厚身但唔會過多，飯量控制得好好，唔會搶過魚味，成件壽司比例非常舒服🍣其中最有驚喜係海膽軍艦，同紫菜一齊食下去鮮甜又唔腥，三文魚子就啖啖爆汁，配飯一流～甜蝦亦好滑嫩，帶微甜口感，真係好啱Chloe我嘅口味！味噌湯味道濃郁，沙律有基本配菜加少少沙律醬，簡單但解膩，整體配搭輕盈又平衡。坐壽司檯睇住師傅即席處理壽司，每件都即做即食，體驗感加分。整體環境整潔，氣氛輕鬆，適合一個人快閃食壽司或者同朋友來小聚。📍  荃灣大壩街79號地舖 …Read More

店名：鮨一日本料理地址：荃灣大壩街79號地舖1.特上十貫目 $318.00包含 海膽，三文魚子，油甘魚，炙燒左口魚邊，赤身，拖羅，金線鯛，深海池魚王，帶子，甜蝦，手握壽司新鮮即整，海膽清甜，左口魚肥美，每件都好食🤤🤤2.蜜柑鲷薄切（半份）$99而家做緊1800-2130入座優惠，只要係尼個時候內order，就可以享有8折（原價$99，8折後係79.2），半份有八片，魚肉新鮮，入口時有淡淡嘅蜜柑清香，好滿足，再配上柚子味醬油，又係另一種享受3.甲羅燒 $98.00甲羅燒食得多，但配多士食第一次試，蟹膏不是太腥，配合雞蛋攪拌，再放上多士上邊享用，別有一番滋味👍4.蟹肉牛油果凱撒沙律 $78.00蟹肉蟹籽份量多，每一啖入口都好滿足 ，沙律新鮮，配上牛油果同芝麻醬好好食5.鹽燒牛小排串 $68牛小排大細適中，可以一口吃，師傅控制時間做得好，保留到肉汁，入口時係口腔爆出黎，好正6.鹽燒牛舌串 $45牛舌又係正，外邊食開好多食肆都過晒火，牛舌外邊硬晒，但師傅處理得好好，外微脆內軟，還要有肉汁，我真係第一次食到牛舌有肉汁😆（必食推薦）7.清酒煮蜆 $62.00份量好足，蜆肉量多又大隻，配上清酒煮，好好食，但令湯時要注意可能清酒未完全煮走，會有些許微辣總價連加一$825…Read More

之前成日行荃灣廣場，去附近條街搵野食經過以為食omalase，感覺好似好貴，認真啲望下個餐牌價錢都合理，平日夜晚仲有啲優惠，所以入去食飯。魴「魚弗」魚薄切 半份$99讀音系「彷彿魚」😂初時我只系好奇問職員系咩魚，佢讀完「彷彿魚」之後以為自己聽錯笑左出嚟，佢話呢隻魚味道會較淡，但口感幾。因為6-9點期間限定有8折，計返$80左右幾抵，叫一份試下！魚生切得好薄，有少少透光，口感吾錯，淡淡魚味，覺得吾夠味可以點啲醋。時令魚生刺身 $328生蠔中等size，夠肥美。部分魚生幾重油脂，口感幾好，食得出都幾新鮮！三文魚籽薯蓉沙律 $58薯蓉入面有啲薯仔粒，有啲口感，而且有調過味。牛油果軟殼蟹反卷 $78呢度既軟殼蟹吾系一般大大隻個種，而系用迷你螃蟹，個身好多肉，呢度亦無用好多炸粉去炸，所以更美味！鹽燒活白鱔串 $68白鱔燒得好入味，魚肉燒完一啲都吾乾！鹽燒黑豚腩串 $36相比之下黑豚肉就正常發揮，吾算好特別。A5和牛櫻花蝦炒飯 $118和牛粒既牛味幾突出，啲牛油令飯粒更香，而且炒得乾身，炒到一粒粒，比想像中好食。…Read More

鮨一✨特上十貫目（$318）｜★★★★☆三百蚊有找食到北海道馬糞海膽、中拖羅、帆立貝，真係「抵到爛」！醋飯溫度啱啱好，壽司握得鬆緊適中，金目鯛輕輕火炙過，魚油香爆出嚟，再加半份深海池魚王刺身（$128*八折）簡直無得彈，魚脂香滑到似食緊魚生版牛油，如果山葵係即磨就完美喇！ 🦀甲羅燒（$98）｜★★★☆☆蟹膏濃到癲，撈埋鵪鶉蛋超Creamy，不過蟹肉少咗啲，如果有塊脆多士點嚟食就更加正！ 🌶辣酒煮廣島蠔（$78）｜★★★★★今晚MVP！蠔大隻到似乒乓波，辣酒湯底勁香蒜味同豆瓣醬味，但完全唔會搶咗蠔嘅鮮甜，個湯好飲到想打包返屋企撈麵！ 🐙富山灣螢光魷魚（$58）｜★★★☆☆鹹香帶少少內臟甘苦，送酒一流，不過如果加片紫蘇葉包住食會冇咁膩。 🍢串燒｜鹽燒牛舌（$45）＞雞中翼（$25）牛舌厚切爽口，簡單鹽燒已經好夠味；雞翼皮脆肉嫩，但調味淡咗啲，加啲檸檬汁會更開胃。 🥗三文籽薯蓉沙律（$58）｜★★☆☆☆普通總評：人均$500食到板前壽司+居酒屋，池魚王同辣酒蠔必嗌！（P.S. 晚市好爆，記得訂位，師傅不時有隱藏海鮮推薦㗎～） …Read More

第一次食日本料理食到食唔落成套定食好正式，超豐富，沙律正常，前菜同個湯就偏咸咗少少，茶係玄米茶，幾香，而且可以消食，不錯主食係招牌嘅角切丼，第一次餸同飯係一半一半份量㗎魚嘅種類好多，好新鮮，而且口感好豐富，每一啖都好滿足特別係隻甜蝦，之前我係唔鐘意食甜蝦，但今次食到，原來新鮮嘅係咁好食㗎口痕想食壽司，叫咗劍魚腩，好肥美，而且係師傅手握嘅，飯密度恰到好處…Read More

經過這家店的時候，看到豐盛丼超級大優惠，原價398現在才198，好吸引，而且食材都是日本直送，新鮮高質！### 豐盛丼超級大優惠398現在才198，端上來之後更是令人驚喜的色香味俱全，金黃色海膽閃光耀眼，鮮甜細膩的口感在口中綻放！三文魚籽晶瑩透亮，一粒粒地爆在口中特別香爽！白嫩的赤蝦肉質緊實且富有彈性，讓人感受到海鮮的極致新鮮！粉紅色的拖羅魚蓉的細膩與豐富的脂肪感，為整碗丼飯增添了層次！### 鮨一沙律這是一道色彩繽紛、口感豐富的沙律，讓人一眼就能感受到它的吸引力。各種刺身和新鮮的菜葉、黃瓜、番茄等蔬菜細緻地擺在一起，口感層次分明，讓人每一口都充滿驚喜！### 深海池魚王刺身鮮嫩的魚肉色澤剔透，宛如藝術品般令人驚嘆，魚肉的鮮甜在舌尖上慢慢釋放，極致奢華的美味！### 薄燒牛薄片的牛肉微微焦香，肉質鮮嫩，彷彿在嘴裡融化，搭配中間包裹的青蔥，牛肉的鮮美與青蔥的香氣相互交織，讓人每一口都充滿了驚喜。配的薄燒牛的醬汁更是不可或缺，香甜的味道浸透每一片牛肉，真是味覺的享受！### 西非蠔晶瑩剔透的蠔肉，色澤誘人。鮮美的蠔肉口感滑嫩，彷彿在口中融化，帶來海洋的鮮甜，讓人陶醉在這份獨特的滋味中！### 鹽燒活白鱔串和雞中翼串都烤得恰到好處，表面微焦，散發出誘人的香氣！…Read More

#🐒😋有幾日復活節假期 輕輕鬆鬆去咗 #荃灣食呢位係 #荃灣廣場 對面嘅 #鮨一── ✦── ✦ ── ✦ ── ✦ ──ʚ #蟹肉牛油果凱撒沙律 ɞ 牛油果撈蟹肉沙律感覺新穎 真係有一絲絲蟹肉估唔到牛油果配上濃濃既蟹味係幾夾ʚ #魴佛魚薄切 (半份) ɞ 魴鮄魚第一次吃 肉質鮮美感覺都似鯛魚刺身店員仲提我用 #OpenRice 訂位有8折ʚ #特上十貫目 ɞ 每件即場人手製作 刺身厚身魚味鮮甜都係基本但我特別推介火灸左口魚裙邊 油脂充分入口即溶ʚ #鹽燒油甘魚鮫 ɞ 燒油甘魚鮫魚皮香口 肉質鮮嫩多油多汁配埋佢個柚子豉油 令到呢個魚鮫好多層次ʚ #清酒煮蜆 ɞ清酒煮蜆都無得輸 蜆肉大大粒 最意想唔到既係個入哂味既白蘿蔔蘿蔔肉又林又有蜆既海水鮮味ʚ #鹽燒牛舌串 #鹽燒黑豚腩串 #雞中翼串 ɞ牛舌爽口生熟度剛剛好 好爽口黑豚肉肉身彈牙 肥瘦均勻「燒雞翼，我鐘意食」雞翼用小小鹽去調味已經好好食── ✦── ✦ ── ✦ ── ✦ ──…Read More