Ankofish 98 (Closed)

今日去呢間嘢食晚餐，叫左個「牛舌烏冬」，未食過咁難食嘅嘢1。個牛舌勁厚，幾乎冇切過，仲要連皮上，脷苔都見到，又明顯冇燒過冇煎過，好韌，一大陣腥味，又難食又核突。2。連個湯底都有問題，第一次食烏冬個湯會一大陣腥味，離遠都聞到，完全冇晒胃口。個餐牌話個湯有柚子味，完全食唔出，個湯嘅腥味完全蓋過晒成個餐所有食物嘅味道，真係未試過食到咁羞食嘅嘢。3。連個跟餐嘅雞粒都有問題，成粒都係粉，少少雞肉都食唔到，仲要凍嘅。唯一食得嘅得個跟餐沙律，算係正常。其實剛才都睇咗幾篇食評，好多人都劣評呢個牛舌烏冬，好後悔冇睇咗食評先點餐，亦都唔明點解呢間餐廳會將呢個咁難食嘅餐仍然保留係餐牌上。…Read More

香港愈來愈多日式餐廳, 很多都好有質素, 而且價錢又愈來愈有競爭力,  再加上很多日式放題,  所以做日式定食要怎樣出位, 才吸到客呢 ? 最近我吃了很多用平價吸客的餐廳, 很多都一般般的質素,  而感覺此間比較有記憶,  所以再回顧寫番對「魚魂98」的一點簡短評價。 我們一家四口同行,  老公已吃了飯,  實得三人吃飯, 我和囝分別叫了鯖魚定食及咖喱雞飯, 仲要求多飯,  囡選烏冬, 都是不太特別的定食,  服務員又無唔妥我們四人入座只叫三份定食,  這可能不怪, 而我隔離檯的女士叫了個龍蝦煲,  我見賣相很吸引, 大大條龍蝦冚晒個煲,  我想下次來可以試下, 其實最奇怪是她一人獨坐4 人位,  出面有人在等位, 服務員依然無咩所謂, 我很欣賞這種有吉士的服務態度。…Read More

依家經過啲舖頭，見到人多，都唔係幾想入去食，費事增加風險。星期日晚喺旺角見到哩間鋪人流唔算太密集。而價錢同菜單亦都合心水，一於決定試吓...嗌咗兩個餐「柚子燒沖繩白豚腩丼定食」「燒柚子牛舌讚岐烏冬」兩個餐分別有啲配菜，小食同沙律，麵豉湯我覺得太淡.唔夠香，小食係炸雞球粒，味道ok但凍咗，沙律正常「柚子燒沖繩白豚腩丼定食」豚腩係出色嘅，嗰種咸香味食落去比人一種幸福的感覺，但腩肉始終都係有肥膏，食多幾塊會令人有啲滯。「燒柚子牛舌讚岐烏冬」湯底有柚子清香味，烏冬軟硬適中，有咬口，唔錯但係主角牛舌真係敗筆，食落去完全唔覺得有燒過，之後睇其他食客評論哩間鋪嘅牛舌，形容為食緊牛腩咁，真係好貼切所以我建議店家真係搞搞個牛舌佢，已經唔係得一個食客反映…Read More

經常出開旺角，次次都要諗有咩想食，今次想吃日本菜，就打算試下呢間魚魂98。我記得以前成日都好多人，有時仲要排隊，但可能因為疫情關係，而家兩個人都可以坐四人枱！我地今次食晚餐定食套餐，叫左極上牛肉讚岐烏冬，湯底就係佢嘅招牌湯底鮟鱇魚濃湯，湯底濃郁幾好味，但d烏冬就唔夠彈。定食包埋沙律同炸雞粒，味道就不過不失啦。另一個餐就叫左燒柚子牛舌讚岐烏冬，味道都係不過不失啦總括來講係抵食，加埋野飲大約100蚊左右！.............................. 味道😋: ⭐️⭐️⭐️環境👀: ⭐️⭐️⭐️服務👨🏻‍🍳: ⭐️⭐️⭐️⭐️抵食💰: ⭐️⭐️⭐️⭐️…Read More

其實我闖蕩搵食界多年，時常係ig 嘀foodie 度沖浪，唔多唔少遇到好多照騙，大家影相功力深厚，將餐廳影得有如瓊樓玉宇，餸菜恍如錦衣玉食不過有時候，我係唔排除運氣好，師傅又撞手神，而影出靈光一閃號照片記得有次去一間專門賣龍蝦三文治嘅鋪頭，二百幾蚊，真係冇誇張，入面只有兩，三隻小紅蝦，我直頭要開人地嘀照比個侍應睇，佢仲要攞個三文治入去商量左好耐，先至肯整過一個新嘅比我，但其實我都真係好驚得罪食市員工⋯⋯但果次真係嚇一跳，不過話說回來，儘管翻車現場一個接一個，但只要你嘀餐廳book mark得夠多，悲傷就追你唔到，總會食到啱你心水嘅餐廳今次呢間餐廳，我都係上網見人影得幾有卓頭嘅餐廳，佢有個牛肉卷起好似一座小山嘅火鍋，但我係俾一個牛丼吸引到其實真係唔係話佢唔好食！但照片同真人真係有落差，但講真價錢又唔係貴，佢係合格，係我對佢太大期望啦！其實做到親子丼有三文魚子，都好好，就係一碗普通丼，不過不失咁，如果你唔係特登搵呢間野黎食，是但喺街撞入去係完全冇問題，錯在我有期待合格丫，冇野呀⋯⋯…Read More