魚肉湯皇美食

Open Now

Now Closed

八月中旬‧有雨本來對這裡沒有什麼興趣，但見有炸雲吞，6元四件幾便宜，就買幾件來吃吃。油，薄，不過幾脆。但吃起來卻有鹼水味，而且也不像是有餡的，不算好吃。不過便宜就是真的，難怪也真的幾多人。

21-9-2011(Wed)晚同男友返到荃灣,佢要正式買晚餐喇,買咩呢?佢話呢頭附近啲小食店啦.啊.行到o黎呢o度,得呢間未閂,咁佢就買$9.00o既司華力腸,$8.00o既炸大腸同$6.00四條o既腸粉.返到屋企佢就食喇,其實呢三樣都係普通o野,唔好太難食吧.衛生:亞姐幫我o地用較剪剪司華力腸,但另一個亞姐o岩o岩用o黎剪好似係烏冬o既包裝袋,咁個亞姐就即刻畀佢用,點知佢接過後抺都唔抺,就剪司華力腸.亞姐,唔係o掛,個包裝袋乾唔乾淨o架?就咁直接剪落已熟,唔會再煮o既食物o度.而且男友叫佢放埋落腸粉,咁即係連腸粉都污染埋.

小弟家住荃灣區，所以之前成日放工都會光顧呢間小食店初初開業的時候應該係老闆自己落場，食物同服務態度還不錯。不過之後請左個女人，態度開始好差。成日聽錯order，同佢講返佢仲會話返人轉頭，所以之後都少左食。而且D食物都愈來愈差。就算最普通既魚蛋，你會發現一串入面，總會係有幾粒新鮮彈牙，有幾粒就特別又霉又淋，我估係因為隔過夜。尋日咁岩女朋友放工黎到荃灣，話想燒賣。因為近地鐵站，所以帶左佢黎呢間。佢叫左兩串燒賣，之後同我講有幾粒好腥。我本身唔信，因為真係未聽過燒賣會腥。點知我一試完，即刻吐返哂出黎，真係又腥又臭，應該又係唔知放左幾耐。以後唔敢再光顧呢家野。

今日(15-1-2011 Sat)起身後,同男友去factory outet 揀Gore-Tex,我o地決定搭地鐵出去,男友話食少少o野至行.啊.今日又好凍,梗係要食熱o野啦,佢話篤燒賣食,我話加魚蛋.佢就叫兩串燒賣同一串唔辣魚蛋.店員打開蒸o緊o既燒賣,我見到有牛肉球都想食,男友話食完呢啲先..店員用膠碗載住食物加幾支竹籤,重幫我o地加豉油.我o地有得食啦.好熱好熱,連心都熱,不過覺得唔夠味.食完我都係決定要牛肉球.男友就問點賣?店員答$6.00兩個.咁就買啦,請佢放o係我o地手中o既膠碗,而女店員話我o地買咁多o野,問我o地飲唔飲o野?平啲.我話都口喝o既,飲啦.男友話飲熱o野要好耐至行得,凍又凍得滯,佢就決定要$6.00o既凍奶茶少冰.好,食牛肉lu,牛肉味道好啲,內裡都有菜粒.而凍奶茶,估唔到好滑,茶味都叫做夠,係意料之外.我問男友夾夾埋埋幾多錢?我答畀o左$50.00剩返$23.00.即係兩串燒賣同一串唔辣魚蛋係$15.00啦.

早幾日係附近商場食左碗毫不滿意既生菜魚肉,今日行過,竟然係另一個商場一角,打正簱號賣魚肉.又多人食,賣相又幾好,一於試試.呷一口微微發白的湯底,的確有魚湯的味道,不過亦有師傅幫手,魚肉粉質不強,同樣地只有輕清的魚味.都係果句,以前係麗聲戲院門前的生菜魚肉車仔檔,竟然用石狗公熬湯,真材實料,近十幾年是一次都未遇過,可惜.

炒米粉~ 7元,真係大大碟呀,見個阿姐真係<不>左好多俾我,而且好闊綽!!!服務態度都不錯的~外賣扲返屋企,之後再蒸返熱黎食~口感仍是很好呀,雖然呢次唔係炒到金黃色,但好多料呀,有蔥,紅蘿蔔,椰菜,絕對唔少~呢次D米粉碎左少少~唔會好油膩!不錯不錯

(30-1-2010 Sat)晚,男友做完o野過o黎,佢買佢o既late dinner同當係我o既消夜,佢o係呢o度買o左一碗碗仔翅加魚肉,一大盒o野有兩種魚蛋,魚肉腸仔同燒賣.我每樣試啲,細魚蛋同燒賣口感好一般,甚至有啲啲腍.魚肉腸仔只係揩o左好少魚肉,呢個幾鹹.炸魚蛋口感好少少,有啲啲彈牙.而碗仔翅加魚肉,男友話有紫菜o係裡面,我食一舊魚肉,um....唔知點講好,都唔好味o既.$3X.00

3配料 13元(即時即造),選了辣咖哩魚蛋 7-8粒 + 豬皮 + 大量<九>菜,,因為我唔食豬腳,豬大腸那些內臟的東西..選擇有豬大腸及其他動物內臟的選擇...(我覺得嘔心的關係)點知d<九>菜好un呀.....而且整到好似老晒..可能浸在咖哩汁的影響吧...點知連d豬皮都變到超辣..因為豬皮會吸入醬汁.........OH MY GOD..所以食起來,滿口都覺得好辣,而且想不到是這麼辣,因為自己唔算食得辣的人.........我諗應該加價了吧,之前好似平d的~員工服務態度都唔錯~我order後,見到員工立即扲<九>菜出來切切切,又洗洗洗...

雖然不是每日都經過但每次經過都會幫襯佢地嘅格仔餅佢地有人order先會即做最近天氣咁涼食啲又熱又甜, 外邊少少脆, 內裡軟嘅格仔餅食完真係人都開心啲

今日食tea~決定去呢間小食店買炒面只需7蚊,而且又大大碟~見阿姐真係夾左好多好多...夾左2-3次tim呀有芽菜,蔥~但色澤幾靚,而且唔會好多油呀又唔會太咸~都不錯呀買了10蚊的粢飯呀~真係好大件呀,又好長呢~約10cm左右吧~裡面有榨菜,油炸鬼,淡口左少少呀...仲有肉鬆呀~d肉鬆真係幾鬆軟呀^v^榨菜咸左少少,而d 飯真係無乜味..要自行加d豉油同埋芝麻先夠好呀.食完又唔算太濟..ok的服務態度唔差,見小食店環境唔會好dirty,又幾衛生,所以先買加上人流又好多,d材料都好新鮮呀不論咩時候,都有好多人在here買野食~其他小食有車仔麵,格仔餅,飲品之類~

我之前食過大家姐的雞蛋仔，真係無晒信心好～呢次在呢間小食店買的雞蛋仔真係再次愛上返雞蛋仔呀其實呢間店個店名，真係要改改佢好ｄ　ＸＤ不過店的ｈｅａｄｉｎｇ，已經滿晒ｄ　ｍｅａｕ實在食左咁多次，都唔知間小食係咩大名每次買的雞蛋仔,都係即叫即整的~而且meet開裡面係內軟，金黃色的！外面脆的雞蛋仔～woo~太好味了!而且仲係熱騰騰,很棒的!服務態度又好,員工又細心,而且make food又快呢^^好鐘2在呢間店買炒面,腸粉~

29.3.2009心痕好想食腸粉, 見經過地鐵站就係呢度買6蚊4條, 一買時係超熱的雖然只係4條腸粉, 阿姐落左好多醬花生醬超香, 仲好似食到有少少花生既沙質??(係好味)反之甜醬就嘛嘛, 遮過晒其他醬既味下次唔要甜醬.....瘋薯雖然開左係隔離, 冇搶佢生意之餘反而帶旺左呢度呢間小食店有時仲好生意過瘋薯有機會想試碗仔翅or車仔面

呢度的雞蛋仔 ($10) 和格仔餅 ($8) 都係叫咗之後即整，雞蛋仔是外脆內軟的，而每次的火喉都是控制得啱啱好，真係好好味!! 雖然要等，但都十分值得! 我都好想試吓佢其他嘢食，例如腸粉，但每次都受唔住雞蛋仔的誘惑!!加上，呢間小食店喺一樓，而唔係好似大部份小食店咁喺街邊，感覺乾淨d。

荃灣地鐵站b出口~一出就會看到佢但你唔會留意佢佢位於公和荳品的旁邊~好似一般小食店咁~一d都唔起眼依家多左人去食瘋薯(瘋薯我都有食評: http://www.openrice.com/restaurant/sr2.htm?shopid=27017)但佢旁邊呢間~就冇因為咁多左人............只有站的位置~但佢的魚湯真係一絶絶對好味過魚米家!!!第一次食時~仲係學生時代~(幾年前啦~)嗰時想掃街當lunch叫左個魚湯魚肉出前一丁之後企喺到食good!!!!!!!!!!!!!!!!!!!!!!!!!!!!!!!!!!!加埋少少麻油~一絶呀!!魚湯鮮甜但唔腥~魚肉唔會好似其他煎釀三寶咁~~又稀又冇味反而佢粉的比例唔會太多~真係魚肉~唔會似咬膠咁~~~但缺點係佢真係好高溫~我多次食到講唔到嘢咁滯....(因為真係太好味~停唔到口)今次再食~只係食了生菜魚肉湯清清地~依然好味~~~~魚肉多到幾乎食唔晒~真係不枉佢自封為魚湯王佢話係用翅骨做湯底~~我絶對相信個湯底足料~~~~下次~一出地鐵~你覺得好凍的話~快d行去對面~食一碗魚湯啦~~~~

晨早在荃灣辦理完事情,本想到樓上的大快活吃個早餐,路經此處時見到店前的炒麵頗為像樣,即時改變主意買炒麵吃。除了炒麵($7)還有炒腸粉供應,似乎都很美味!不過今次還是要炒麵好了,因為見到師傅在鐵板上炒呀炒,比南豐中心那裡所賣的有信心得多。除了麵條還有丁點椰菜、韮菜,前者還有點硬,當作增加纖維好了!麵條質感偏軟,由於外賣關係也談不上什麼鑊氣了,加進豉油同炒味道ok就是!加了甜醬會更對胃口。魚肉燒賣用上鯊魚燒賣,粉雷雷的不算好吃,只是自己見到魚肉燒賣很少不吃的有機會再試試炒腸粉。