Yu Mai (Closed)

今早在尖沙咀行完博物館，很肚餓，經過這間「魚米」，見餐廳門口展示的相片和價錢都不錯，所以入去試下。我點了特餐「果醋豬軟骨菜飯」，飯端上來是熱騰騰的，菜碎充足，估不到最好吃的是果醋豬軟骨，果醋酸酸甜甜的，酸甜味道均衡，用來撈飯十分醒胃，豬軟骨煮得好諗，每件切得一口大小，方便嚼咀和配飯，廚師十分細心啊！套餐包熱飲都只是$46，十分抵食。朋友點了「五福米線」，魚蛋都幾彈牙爽口，魚味就差少少，貢丸也很彈牙，泰式魚餅少少辣，十分醒胃，魚湯頗濃，配米線一起吃十分入味。如果芽菜和韮菜多一點，便會令整碗米線的口感更加豐富。…Read More

魚米周圍都有分店，今次就黎左佐敦呢間魚米食返個lunch!Lunch time餐廳都好多人！始終食原條魚的魚湯米線都有一定嘅粉絲！佐敦分店唔算太大，枱與枱之間都比較逼，不過快食當然無問題喇！Lunch time設有平靚正set, 40幾蚊有埋野飲！通常食魚米都係食佢嘅米線，但今次就試左佢嘅淮山麵喇！第1次食淮山麵啊！酸辣腩肉魚角淮山麵淮山麵大大碗碗面有炸菜香蔥作配料酸辣味略嫌不夠酸淮山麵幼身，非常滑口幼而滑，易入口，好味好像可以吃很多也不會飽的感覺腩肉厚切有口感魚角大大片食落有吃魚蛋般的感覺整碗麵十分足料熱柚子蜜大大杯不會太甜$42一個午餐夠飽抵吃！…Read More

以連鎖式餐廳嚟講, 「魚米」算係:(1)價錢抵(2)好有心思(3)又算好好味(4)又健康所以為佢開完一間又一間, 區區都有。我地多數午市或者下午茶幫襯。 選擇多、味道好、價錢親民。服務亦都算唔錯。豬扒菜飯, 既健康又美味, 份量充足。凍金桔蜜, 可口!腐皮魚角米線, 腐皮魚角新鮮, 味美, 魚湯冇味精, 貨真價實。 米線嘅質量亦恰到好處, 唔會太淋又唔會太韌。熱奶茶, 亦好飲, 等同於優質嘅茶餐廳出品。煎黃花魚鹵肉飯, 無械可擊, 好味到冇嘢好講! (除非你唔鍾意食魚)激讚呀!…Read More

叫得做魚米，當然好多魚選擇。香煎鱸魚$62，炸到好有氣勢，但 size 很細。食落，條魚肉係實的，但冇魚味，冇腥味，完全冇味 ....... 極其量，都叫食到油炸味；點左豉油，便只有豉油味，咁大個人第一次有呢種奇幻感覺。邊食邊諗，好彩佢咁細條啫。麻辣八寶米缐 $53堅多料，又大碗，有齊八寶- 腩肉、魚蛋、魚片、豬肚、豬膶等等，冇伏食得過。不過小辣都幾辣。加$13 有碟菜，都幾大碟，外表正常以為執到寶。點知又係伏，菜芯超淋，入口即溶，BB食都得，應該灼耐左一倍時間，嘥料。👎白灼魷魚仔$32夠鮮味，但實在太細隻，加上賣相一般，唔太抵食。白灼牛肉$31， 夠大碟，唔韌，唔係好有牛味果種，不過不失。加＄7 有野飲，熱檸茶夠大杯，但是澀的。整體來說，唔好味，尤其條魚，揀簡俾佢個外表 fake 左。環境同服務都 ok 。…Read More

我叫左果醋豬扒飯，果醋汁甜甜酸酸的，又有洋蔥夾集其中，雖然唔係話特別濃味，但用黎點豬扒都叫剛剛好。豬扒煎得唔錯，調味也不錯，唔太咸，又香口。肉質腍身，非常唔錯。可能個鑊之前煎左魚，從豬扒上卻找到一點點線索。這就是有些魚皮，魚碎黐左係豬扒上面，而且你會食到一絲絲魚香。這個是好處還是缺點？真係要睇你本身食唔食魚，我就反而覺得幾好，是多了一種鮮味的。 白飯個份量都夠多，但偏向水份過多，較為濕。同埋如果佢多番少少菜，或者雜豆也好，成個飯會均衡啲。…Read More

放完學都成晚上9點幾，與J小妹去搵飯開，途經佐敦魚米，被門口的Menu 的字眼吸引，（原條魚米線，原味, 魚湯 ，及好似幾抵的價錢）,就入內。環境不錯我最愛自家制的食物，因為覺得好有心，及有創意 ，所以點了自制魚腐魚湯米線 HKD 37 及加了2元配酸辣湯底。足料份量，好抵食呀。 首先試下個湯先，有淡淡的魚香及少少酸辣，不錯呀！再來吃一啖魚腐，魚味濃，OK 好味 。不過吃到少少魚骨。（俾了成6至7塊魚腐）配菜，有芽菜，腐皮及酸菜。酸菜味道一般般 ，只得酸味，沒有甜味。如果是又甜又酸，就好啦。米線ok ，不會太淋。另外點了魚湯蘿蔔煮腩肉配白飯。（HKD48)腩肉不會太肥，色澤OK, 味道一般。蘿蔔不夠入味。…Read More

魚米嘅賣點係食原條嘅魚，米線或者飯都可以，而價錢又合理，一個人大約$60就可以了。今次食lunch行過佐敦呢間，發現愛魚的我從來都未試過，所以就衝咗入去。鎖定目標係魚的米線，所以無理到個特價午餐嘅牌，但見到有個套餐係原條黃花魚+飯+飲品都係$55，都真係好抵，或者下次試啦。既然黃花魚有套餐，咁就試其他魚嘅米線啦，感覺上如果又叫黃花魚米線好似唔抵咁😚叫咗紅鰂魚米線$59，酸辣湯底+$2，比起特價套餐，$55仲有埋野飲，真係叫套餐抵啲，但而家可以試下套餐無嘅紅鰂魚😋條魚好大條啊( ˃᷄˶˶̫˶˂᷅ )霸哂成個碗佢會另外有個大碟俾你食魚，食得唔會狼狽，呢知安排幾貼心條魚喺炸嘅，真正做到皮脆肉嫩但有啲熱氣，我食完嗰晚就生咗粒暗瘡😂如果叫飯好似係可以揀用蒸的不過，個酸辣湯底就麻麻，好似就咁放啲酸菜落個湯底度咁，啲酸菜好酸，辣味就無咩喇店舖環境就不過不失啦，食lunch都唔會坐好耐，眼見乾乾淨淨，坐位唔窄就ok喇不過員工服務就可以講一講，成間舖頭嘅員工，唔計厨房得3個，而客人基本上是全滿嘅，我知佢地人手上應該係唔係好夠，加上有個員工好似係新人，所以佢地嘅面上係充滿厭惡同疲倦，雖然佢地無態度惡劣我，但佢地俾我嘅感覺就係「我好唔鐘意呢份工」「我好唔開心」咁囉香港人真係好大壓力(´-ι_-｀)…Read More

屋企要食魚好難，出去食又好貴，好彩搵到lee度價錢合理既，可以過下口癮。而且要蒸魚最抵，係因為佢真係花時間去蒸，唔係一早做好！所以要等一陣既。我要咗鼓汁蒸左口魚，魚好滑，算鮮，唔多骨，唔會好咸。下面有南瓜。所以條魚無黐碟。碟飯好大，魚汁撈飯一流，所以我哋食晒。再叫咗魚湯浸時菜，原來跟餐會平d。我唔知道可以跟餐，但店員自己幫我變咗跟餐，真係老實唔賺到你盡，讚！我叫咗娃娃菜，不過菜就唔係好靚，成碟菜都有一點點黑色。咁平仲想點，食唔死人就算。魚湯一流，有魚鮮味，我真係當湯飲。價錢就係咁多，兩個人食抵到爛啦。其實我嚟過不下五次，每次都想食大眼雞但永遠都唔會有。所以真係不吐不快，要係e度呻下。無既話唔該係餐牌整走佢啦！…Read More

這天走來到這間專門食原條魚的米線專門店食Lunch，午飯時間都坐無虛席，幸運地有張搭枱可以即可佳低，午餐時間當時要爭取時間啦....這間餐廳主要賣點就是提供原來魚的各類米線，即叫即煮，魚的各個部份都可以點叫，主要是配搭米線，仲有不少的飯類選擇....到左糧尾梗係食個比較相宜的午餐套餐, 這碗是魚蛋魚角米線，跟餐可以配一杯指定飲品，我點了一杯銀菊蜜，一共HK$39...米線的份量比我想像中多，米線中有魚蛋魚角之外，仲有一些蔥花，酸菜及腐皮，湯底可以選擇辣定唔辣，仲有酸辣的，因為我唔太喜歡辣，選擇了清湯....湯底好清，而魚蛋魚角都好彈形爽口，味道還可以，醫肚是不可多得的選擇，咸度也適中....份量都算幾多...這套餐比較原條魚的米線便宜更多, 仲加配了一杯飲品, 十分抵食!…Read More

今天晚上十點後去呢間魚米我地叫左一碗田園雙菇竹笙米線 一碗雞肉片米線吃了七十四蚊，都好好食，又抵食，又大碗加上用魚湯做湯底，感覺非常之好食，搞到想叫一份外賣雞肉片又有配豆芽，食落索索聲，又唔會覺得雞肉片好油…Read More

今日同朋友去佐敦做運動，順便去搵好西啦!!因為想食簡單啲，廢事食咁飽去做運動啦!於是就圍住運動場附近搵下點知好多餐廳都比較貴，成$50個午餐？點個行行下轉轉轉就見再魚米，$30幾蚊有野飲又多款選擇，就入去啦!!米線比我想像中大碗，餸既份量都好足夠，不過配菜如果多啲就仲豐富啦朋友叫清湯，試過都唔太特別，唔可以話係魚湯，有點似味精咪多啲。不過食完都唔算太口乾既!!我叫酸辣，湯底唔算酸，只係有啲酸菜係面，辣度就岩岩好(因為辣，要加$2)。米線就偏軟，無乜咬口，但份量都多既我地大約四點半去到，店面都好大，人數都唔算多，多數人都叫米線，呢到都仲有其他飯麵可供選擇，價錢合理仲包熱飲如果你想簡簡單單，平平地食餐飯，的確係個不錯選擇。…Read More

自從主管帶過我們來午餐後，每個月總會食上2,3次。貪其價錢划算，而且每次水準都保持得到。我最愛吃這裡的魚米線，竟然是原條魚上的，有時候魚還蠻大條的。用熱油煎過，把魚肉的鮮味及肉質的滑溜都保持起來。外脆而內滑。除了魚米線外，還有飯類選擇。寶寶則選擇了豬扒菜飯，菜的份量夠多；而豬扒同樣煎得香口。…Read More

這間用原條魚為買點的魚湯米線分店，位於佐敦道的地舖感覺清新唔知道食物方面又如何呢🤔黃花魚米線 - 黃花魚煎得剛剛好脆口非常有魚味，濃郁魚湯飲得出用了很多魚來煲十分鮮甜筍殻魚米線 - 筍殻魚煎得非常到家沒有過火而且魚肉鮮嫩好味到連魚頭都食晒麻辣鮮菇豬扒炸醬米線 - 豬扒肉厚再加上鮮魚湯加上麻辣的辣把所有的味道也提升真的十分好味值得再次光臨👍🏻…Read More

今次點選了帆立貝蜆肉蘿蔔米線(48元)， 要麻辣湯底(加2元)。好大碗麻辣湯，色澤金黃， 芽菜韭菜拌底不少得，但不夠麻只覺辣。帆立貝及蜆肉不算大粒，有點失望。 蘿蔔好入味又大舊， 補番數。加9元整番杯冬爪水消下暑。…Read More

米線專門店越開越多，有雲南，酸辣，傷心等等，真是多不勝數，要突圍而出，談何容易。但偏偏最近又見到一間了，叫魚米，在佐敦。是晚一人，見佢新開張，於是入去一試。可能太夜，店內食客不多，由於新裝修，環境颇舒服。我見到此店賣點之食物是魚，好多套餐是用魚做主菜的，我見隔離枱成條炸魚一個人吃， 我雖然想食，但份量太大，留番下次同honey 一齊吃。還有此店自稱其湯底是原條鮮魚秘製，以配合新興的健康飲食文化。今次我點了果醋豬軟骨韮菜餃米線和凉粉奶茶。個醋味真的好酸，配上好爽的豬軟骨，又不痴牙，成個人醒晒。韮菜餃就稍為多肉，如多些韭菜， 就 perfect 了。至於湯底，信佢原條鮮魚秘製啦，因好有魚味。至於奶茶凉粉也不錯，如凉粉大粒些就更好。…Read More