魚木日台美食

Open Now

Now Closed

食過好多次將軍澳分店，覺得好味又抵食，有排聽到佢地籌備開分店所以暫時停業，好一段時間心思思，咁啱嚟到九龍灣，一於試吓新分店水準如何！醬油漬花魚定食+溫泉蛋 湯魚木fans最鍾意飲佢嘅湯，好好飲唔會口渴，無飯家庭恩物，太餓未影就飲完😂個魚好滑，醬油入味，配埋溫泉蛋撈飯，加埋紅色嗰啲魚鬆同蘿蔔，好滿足又唔會好重口味。小食:鹽酥雞仲嗌咗個鹽酥雞，外皮酥未去到脆，唔熱氣，調味夠。其實好多小食都想試，不過食唔到咁多，下次再支持加分位我當日整親腳拎住柺杖入去，店員好好安排咗近門口嘅四人枱俾我坐得舒服啲，謝謝細心嘅店員~

有新食店於這充斥著貴價小餐廳的商場內開業，不妨給它一個機會，看可否為這小商場洗脫污名。一看餐牌，罷了，“貴” 似乎 跑不掉，且看食品水準是否可挽回點面子。我點了一個套餐，“松露溫泉蛋火腿芝士意粉”。 加了松露固然有陣陣飄香，其實那意粉的芝士汁也調得不錯，夠香濃，不會水汪汪，連溫泉蛋一起送進口中，口感、味道也不俗，不過有點「九唔搭八」的就是那碗麵豉湯，它雖然夠熱夠香，但配芝士意粉，簡直是 ...「貌合神離心相遠，門戶不對也不當」！

魚木日台美食 | 九龍灣有一段時間冇嚟呢間商場，先發現原來啲鋪都差唔多開晒，仲多咗好多間新餐廳🍴見呢間幾吸引就特登早啲嚟唔洗等位入得。🐟照燒汁鯖魚丼 $67鯖魚都幾大塊，燒得好香，肉質幼滑，呢個價錢絕對係超值，一定會再幫襯試埋其他魚👍🐟醬油漬花魚定食配溫泉蛋 $78魚身幼滑花魚味道濃郁，不過碎骨比較多要細心慢慢食，飯的配料好豐富，呢性價比好高👍❗️依家啲新餐廳全部都用QR code落單，其實我都幾唔鍾意要做呢個動作，不過好似新餐廳全部都用呢個系統，唔接受都要接受🤷🏻‍♀️📍 九龍灣常悅道21號The Eastmark 1樓106號舖

中午經過見到好多人食,放工19:30去食,冇咩人. 前後食咗兩次, 第一次食滷肉飯便當$58+粉葛魚湯$12, 沒有台灣滷肉香味,味道比較清淡,滷肉偏肥.湯都好清淡,勝在飲完不會口渴.第二次點咗豬軟骨肉燥便當$58+鮑魚五指毛桃湯$12, 豬軟骨火候不夠,沒有應有的豬軟骨香味, 而且骨頭硬到咬唔到，湯一樣好清淡. 整體上食物水準好一般,但勝在份量較,有肉又有配菜, 較少調味料, 感覺上比較健康,可以去食下. 希望大家試下其它款式,看看會不會有意外發現......

之前幫襯將軍澳外賣店，食過鯖魚飯、牛肉飯、鰻魚飯，今日第一次去九龍灣店堂食。呢個醬油漬花魚定食配温泉蛋，識食魚（唔怕有魚骨）嘅必食！！超好食！！碗飯嘅配料（木魚、紫菜、芝麻）多到幾乎食唔到一匙白飯😋 $78 咁抵食有冇搞錯～ 將軍澳店就冇做花魚，九龍灣店較多選擇～晚市少人🥺其實地點好近德福同九龍灣，一啲都唔吊腳。大大力支持～埋單時老闆主動問意見，話花魚係日本入口靚貨。冇呃人～味道冇花假～晚市要人！！！

再早DD已經想去會一會架啦，但係知道佢既QR code落單系統好似有啲問題，利申：本人對QR code落單係有少少既偏見的呢日睇過佢社交平台專頁貌似已經settle好啦，就去試試啦。我既主食係咖哩吉列雞扒丼，雞扒好薄身，咬第一下以為豬扒，去到中間啲厚啲啲既部份有返雞既口感啦，而且炸既部份感覺到油溫不對呢。而朋友叫既西京漬三文魚定食，佢既評語覺得不過不失，畢竟價錢唔貴，我地亦覺得唔會要求太高。除咗主食之外，我地仲Order咗日式玉子燒、章魚燒小丸子、唐揚墨魚餅拼唐揚墨魚咀，日式玉子燒意外係冷盤，章魚燒小丸子亦冇失手，食物黎講，主要都係炸物方面有D失望，其他都還好。值得一提係店員都非常友善主動，亦由於新開既店，臨走前都有認真問客人意見，希望下次黎到會見到有進步啦。