Uohachi Suisan (Closed)

Weekend與好友相聚，相約在銅鑼灣，選了魚八水產用膳。大約六時到達，只有我們一張檯，點了很多款小點，精選幾款評評。店中優惠的惠比須蠔，28元一隻，先點兩隻生吃。加點檸檬汁及特製醋汁，蠔很新鮮，是爽口的質感，不錯！後追加兩隻生蠔及兩隻燒蠔，這次沒有加任何醬汁，蠔味更突出，好吃！蠔燒了便縮小了，像蠔豉，一口吃下，蠔味比生吃更濃，比想像中好吃。魚八壽司，五種不同的刺身配上青瓜卷。三文魚和三文魚子肥美，海膽蟹肉鮮甜，最突出是吞拿魚腩蓉，入口即溶，讚！軟殼蟹手卷，剛炸起的軟殼蟹鬆軟無比，油份控制得很好，並沒有油膩感！蟹籽青瓜加紫菜也恰如其份，整體口感很好！吃了很多生冷食物，還是要一些熱點。這個芝士焗薯仔為是晚亮點，芝士香濃，薯仔很腍。重點是這店加上甜醬油，增加了味道層次，本店之選！與友人都覺得食物質素、服務與環境皆不俗，不知為何星期六晚上都不滿座呢！…Read More

十一月三日 (星期六)這裡，是我們一直想試的日式食店不知何解，總是未能的起心肝，就找來一個週末，前來吃一個午餐週末的中午，人不多，只有兩三台食客，應該是熟客來的，看到他們與侍者和師博有講有笑，言談甚歡這裡提供的款式不少，特別看中自選漁師飯，可任選指定的魚生刺身人總是貪心的，而且貪心得來還有多款選擇，實令人愛不惜手就在點餐紙中選了三文魚,甜蝦,鱆紅魚,吞拿魚腩蓉,海膽,帶子等上枱，賣相不俗，海膽倘大，可惜入口不只欠鮮甜，還帶點苦澀感覺第一印象已打了拆扣，再試甜蝦，味道尚算不俗，味道鮮香，肉質也很嫩滑另外的三款魚生刺身，也欠一點油脂，肉也較韌最後一款是吞拿魚蓉，味道也欠鮮整體，真的不算稱心滿意，若單吃這個飯，可能要給一個喊樣~另一款點的是三色丼所謂三色，包括三文魚併魚籽丼,吞拿魚蓉蛋絲丼和天婦羅丼最先吃的，是色澤最搶眼的三文魚併魚籽丼三文魚比起剛才在漁師飯吃到的簡直是天壤之別，油香豐潤，入口味鮮而嫩滑配搭的魚籽也沒腥味，入口汁多而鮮美，十分享受吞拿蓉仍是欠鮮，幸加了一點香蒽，總算能夠入口蛋絲實太乾身，也有點硬，口感不是太好最後才吃天婦羅丼天婦羅炸得頗乾身的，尤其是炸蝦，炸粉薄而蝦肉爽口其他的如南瓜和蕃薯天婦羅也很不錯，入口清甜…Read More

嗰日周圍都勁多人排隊，同朋友見到哩間有勁多位就是旦入去。入到去先知死火，啲嘢食又貴，選擇又少。就是旦叫左兩碗拉面同一客日式凍豆腐。凍豆腐即刻就上左，係一磚你喺街市都買到嘅一磚凍豆腐上面加幾粒蔥，半點調味都無，完全係無味道無口感可言，哩磚嘢竟然賣$24！我同朋友即刻cancel order，係五分鐘內嘅事，等多五分鐘都無人答復，我地企起身想埋單走，總之唔可以再食佢啲嘢。點知個店長勁惡唔俾我地兩個女仔走，迫我地話就算唔食都要埋單先走。…Read More

對於我一個咁鐘意食日本嘢嘅人嚟講，咁又點少得兩三間我經常去嘅日本料理同居酒屋呢!!魚八水產係我經常去嘅一間，可以稱得上係我嘅飯堂。呢度嘅裝修唔算奢華，只是像一般日本居酒屋, 但地方簡潔坐位寬敞, 服務員誠懇有禮, 最啱三五知己良朋聚會把酒談心。這店提供嘅食物可算是包羅萬有(可能誇張咗...哈哈!!), 日本直送海產刺身sushi唔少得之外, 重有日本燒肉, 串燒, 煮物拉麵冷麵等等。清酒方面亦選擇很多。我每次嚟都會先點一枝清酒，我就最喜愛特別純米極上吉乃川及義左衛門純米吟釀, 前者香醇後者比較辛口。酒一上, 店員亦除即送上佐酒小食 ~ 秘制芥末螺肉 (免費的), 用以新鮮嘅螺肉加上新鮮芥末做成, 非常美味!! 佐酒一流!! 有時一小碟真係唔多夠喉, 我地會向店員要求追加...佢地當然冇詐形啦 跟著我會點個極上剌身併盤或當日店員推介嘅日本直送活魚刺身 (如金目鯛, 池魚, 飛魚, 象拔蚌), 每次食都冇失望, 非常新鮮甜美, 特別係三文魚子及海膽。再嚟就開始order熟食, 我會多選擇燒廣島蠔, 三文魚頭, 油甘魚㬵同串燒。之於日本燒肉或燒海鮮我就比較少order, 因為佢地比起出面嘅日本燒肉專門店只屬一般, 燒海鮮還可牛肉真係一般。值得推介係佢地嘅串燒牛舌, 厚厚嘅牛舌燒得啱啱好, 配上一層蔥花, 肉質鮮美有咬口, 正!! 這個係我每次嘅指定動作另外串燒免冶雞肉棒亦值得推介, 新鮮雞肉加上雞軟骨攪碎而做成嘅肉棒, 經過蟯烤肉汁依然保存, 加上雞軟骨嘅化學作用令食落更有口感, 再配上北海道蛋黃汁非常美味!!講講下有d肚餓...等我即刻約埋d friends去再食過先…Read More

服務員很有禮貌, 環竟舒服, 食物方面, 刺身極度好味新鮮, 但煮物就真的麻麻, 比在家中自己煮的還要差…Read More

一向喜歡吃日本菜，友人提議到魚八晚膳，立即訂位。晚上六時多沒太多人，呷一口茶，與朋友談天說地，好地方。看看餐牌，點了這板每日限量的海膽，先不談味道，以六十八元的價錢，很超值。試了一小口，沒有沾上任何調味料，鮮甜可口，好吃！魚生沙律，生魚片配上羅馬生菜和火箭菜，跟油醋汁，很合我的胃口！貪心的我，選不定壽司，便叫了這個魚八特色壽司。青瓜小卷配上五種不同的配料，有三文魚、海膽、碎吞拿魚腩、三文魚子跟蟹肉，很新鮮！我最愛碎吞拿魚腩，綿綿的魚蓉加上壽司飯，一絕，令我想起日本的魚心壽司呢！這張相片拍得不好，這個是焗蟹肉蟹膏，樣子不美，但絕對有內涵。蟹肉蟹膏加上蔥花，油香滿溢，味道非常好，友人與我都只顧吃，沒有談話。燒明太子飯團，作為明太子狂的我，不能不點。不要以為相片中的飯團只是小小一個，這個飯團比我的手掌還要大，比一般飯團大三分之一呢！把上面的海膽和蟹肉蟹膏配上脆脆的飯團同吃，太美味了！到尾段才看見魚生餐牌上有池魚，即點了一條，一半切件，一半細切。各有各好吃，新鮮的池魚，配上薑和蔥，非常好！這次友人的介紹真的很不錯，回味無窮呢！…Read More

知道此店是日本人開的, 在香港, 由日本人開的食肆其實真係不多; 所以點都想一試, 今晚和大豬終有機會了!6:30 來到, 冇訂位, 好采仲有.嘩原來都幾爆! 仲有一半客人是日本人MENU 上有平有貴; 好想食吞那刺身的我, 見到成二百幾元才4片中卜口, 都豫疑左一陣;但心想, 咁多日本人幫襯, 當堂信心大增, 叫一客喇! 其他也都係食海鮮為主打, 呢度係水產嘛燒八爪魚, 不多調味; 但由於新鮮, 也不用! 生熟剛好, 帶出肉的鮮甜.燒扇貝都唔平, 八十幾兩隻很有水準, 生熟剛好, 出面熟得O黎中間係有少少生, 更能帶出鮮甜.魚八特式壽司SET, 一樣一D, 似係FOR 香港人DESIGN 的, 海膽100分, 大豬女友讚不絕口.相右邊係熟蟹, 份量足, 但味卻相對淡, 比起其他, 略遜.魚生飯都係每款有一點全都有水準, 價錢也合理!中卜口的吞那魚竟係最後上, 仲以為漏單有點迷幻, 但不會影響味覺吧?咬落口, 雪味有少許, 雖入口即溶, 但鮮甜味欠奉, 有點失望.服務很好, 有問必答, 也很主動, 很專業!overall 係很好, 係最後片中卜口有點失手! 或係港人根本唔叫呢D, 所以 turnover 慢引致呢?下次都係留意D 日本客人叫咩先!…Read More

近期股市大跌市，跌到吃龍肉也無味，不過說好了這個秋天要吃頓秋刀，就沒辨法之下﹝點解要說得那麼難為的呢？﹞，唯有選擇一所能吃得便宜一點的食店吧，知道此店供應直送海鮮，而且價錢不貴，加上還有不少日本人來幫襯，心想錯極都有限吧。雖然說是要吃便宜一點，但既然要吃，就不能吃得太馬虎，與唔太同來，之前老早致電留了一條日本直送的秋刀用來做刺身，另外再經濟的吃一條燒秋刀，見凍蟹也是七十九元一隻，也再要上一隻，另外加個沙律及飯，來一點纖維及澱粉質，應該是很夠吃的了。有那麼多美食相伴，對於酒鬼如我，又怎可不點杯酒呢，隨便的點了杯麥燒酎，本人不是喝慣日本酒之人，但也感覺酒身頗圓滑，而且真的有不錯的麥味，那種麥味來得跟蘇格蘭的威士忌，當然是有所不同，不過都算真的不錯。先來個沙律來開開胃，是日點的是炸軟殼蝦沙律，軟殼蟹就真的聽得多，軟殼蝦大家又聽過沒有，喜歡這個沙律，不單是因為隻軟殼蝦炸得酥脆之外，蝦肉也不失彈性又不霉，主因都是因為店家的沙律夠簡約，那橙色的Dressing下得不多不會太膩，但同時下了點芝士粉來提升香味，最特別的，就是那個Dressing帶點微辣，掛上豆苗、洋蔥、蕃茄及生菜來吃，非常新鮮爽口，吃起來很開胃。接下來開始是夜的海鮮之旅，先來的是七十九元一隻的松葉蟹，價位是多麼的親民，所以不難發現店內每枱的食客都吃上一隻，也真的不要看輕這便宜貨，雖然在貴一點的料理店，甚或是專吃蟹宴的店子是沒法比，但此蟹至少是有點蟹肉的汁，蟹肉鬆腍而不散，入口散發出一陣鮮甜。大家看看那堆蟹腳，中間的三對蟹腳的肉真的挺厚，再蘸點帶點酸酸甜甜的醋汁來吃，少少的酸味並沒有蓋過蟹肉的甜味及天然的海鹹感，光光是吃蟹腳已是值回票價。也不要錯過蟹蓋內的風光，由於是松葉蟹的關係，蟹殼內有一層薄薄的軟蟹殼，幼嫩而帶鹹鮮味，而蟹身內的蟹膏也挺多，這很可能是季節的問題吧，但其實蟹膏不是太香，跟我國的大閘蟹來比，真的是立即被比下去。之後就是吃主角的時候了，秋刀魚原條刺身，由於秋刀屬於光身魚，易敗壞要快吃才行，但是日這條一百八十八元的秋刀，是由日本直送，是貴一點也有道理，一條秋刀起出了近十件頗大的刺身，加上起骨起得淨，賣的都是血汗辛苦錢。說到了起骨，雖然真的起得淨，件件吃入口都沒有一丁點骨，但在此也挑剔一下其功夫，可能幼骨是呈逆向的關係，令起骨變成一項難度很高的要求，所以魚肉被挑得散了一點，無形之中影響了其口感，幸而每件剌身肥大肉厚，不然真的要大嘆回水。秋刀魚之味最重要的，除了是那白凝呈半透狀的皮的脂肪，加上肉質軟嫩鮮甜，油潤豐腴，魚味濃至近乎帶腥，不過是日絕對沒有這回事，只不過是因此特性，所以每次吃秋刀刺身也是跟來一碟薑蔥豉油。之前說過是點了條燒秋刀的，可是店員送錯了一條燒池魚，本人不以為然如神經失常般，拍了照後就照吃無誤，彷彿忘了自己點的燒魚都是秋刀，嚐了一口，驚訝的發覺為何不是原條燒才醒悟，這個星期真的是上班忙瘋了，畢竟本人總算吃過，在此也評一評吧，池魚燒過之後，肉質變得較為結實，有着不錯的魚味而鹹度適中，稍嫌魚肉是乾了點罷了。之後來的才是真命天子燒秋刀，這條非直送的版本，當然不能用來作刺身，用來作燒秋刀就最好了，只是五十八元，明顯細條不少，灑了點點檸檬汁之後，就用上筷子按壓數下魚腹，壓扁了當中的內臟才吃，好讓當中的鮮味滲透出來。這燒秋刀也燒得外層蠻脆的，不過鹽巴好像是下得太少，總是覺得雖然那陣內臟的味道，雖然既甘且甜，真的鮮美，但沒有了足夠的鹽份來吊起魚鮮，個人認為那個甘味的深度，就變得不及年前在Naozen吃過那一次的美味，那回吃到的燒秋刀，是甘得來有很明顯的魚肝香味，是日本人吃的版本都有，但就是弱了一點。澱粉質的代表選取了較多魚吃，而相對地價位也較高的吞拿魚漬飯，以桶形器皿端來的米飯，面層舖有不少的紫菜及漬過的吞拿魚，看來份量也真不少。個人有感鮪是漬得鹹了點，不過如果不是有這頗濃的醬油味，個人嗅到此吞拿魚是有陣濃得近乎腥的魚味，這對於很多人來說可能會腥，不過幸而醬油味道不錯，而魚肉雖不太肥美，但至少軟腍無渣，用來伴米飯吃也真的不錯。魚肉雖然普通，但不過真的不要說笑，其飯真的幾好吃，醃漬吞拿魚的醬油滲透了在飯粒之中，那飽滿而有咬口的珍珠米，入口煙韌有咀勁，加上醬油味及芝麻粒散發出的芝麻香，真的是不容小覷。最後以喝一口味噌湯，拌勻後喝，感覺不太死鹹之外，最棒的是這味噌湯確有點麵豉味，在香港真的很難遇到此情況。吃了多道海鮮，又魚又蟹又沙律又飯，加上喝酒的價錢，原來也只不過是六百元，每人三百也不用，實在是便宜得令人發笑。…Read More

本來諗住去食韓雅X..但係竟然爆場....見隔離間魚八無人等位...又勁肚餓喎唯有試下LEE間啦~~~入到去見$79松葉蟹...朋友即話唔係唔叫牙...結果又唔係好差...$79真係超值....全隻蟹仲有膏~~雜錦刺身飯又好新鮮:)李白濁酒係服務姐姐推介~~~都幾易入口...其實食飯都係講環境...服務...LEE間都算有驚喜~~推介…Read More

其實原本想食佢對面的韓國野，不過只得２個人，擔心韓國太大碟，見到魚八水產又有＄７９隻松葉蟹，　結果就入左去．一入到去有ｄ驚，　話哂星期日晚市喎，點解得果兩枱客？？ 都唔理得咁多，　照食啦，　叫左 松葉蟹一隻　－已經開哂殼，淡淡肉，唔算太鮮甜，不過＄７９已超值魚八風什錦海鮮壽司　－　放面的蟹肉,吞拿魚碎,三文魚子,海膽,三文魚都唔錯，　其中三文魚子非常新鮮，　好有口感．　另有青瓜小卷墊底，個人就喜歡同海膽一齊食．串燒併　－有７串，　我覺得質素平平啦．．珍珠貝串燒－店方話係全香港獨家的，不過真係熟食冇生食，　肉質彈牙，都幾得意，仲重要係真係有粒珍珠俾你拎走．魷魚豉油漬　－　呢樣唔係間間有得食呢，有肝的，　味道非常強烈，　真係要飲多兩杯呀（見到樓下食評都好大碟喎，　不過我果次好似得６件？？　希望係我記錯啦．．．．）李白濁酒　－　最令我印象深的，竟然係佢既sake 杯　！！　好鬼靚．．．　係sogo 要過百蚊隻．．　（食飯前我就係去sogo搵sake 杯呀，因為太貴所以冇買到．．．所以係呢度見到隻杯我真係好開心） **本身想叫活雞魚刺身, 可惜是日冇貨,一於下次再食過 !! …Read More

我喺街頭等太座時, 見到喺銅鑼灣廣場地下, 竟然有人為呢間食店派傳單, 心諗:唔係呀?!上次(地震前)去無訂座係無得入去食架喎!現家竟然要咁.......所以, 我預計呢次入去應該至少唔駛等位。上到去, 原來情況比我想像嘅仲差少少, 不單無人等位,而且仲只係得幾枱客。尋日先食完剌身同壽司, 所以呢餐就打算食日本燒烤,坐好之後, 就唔駛諗, 立即叫過魷魚豉油漬同一支啤酒先, 因為上一次食完後, 嗰種獨特嘅味道久久不能忘記, 仲要喺我只知道呢度先有得食, 最重要係, 送啤酒真係一流!!!之後先再睇下食咩, 咁就叫咗個厚切牛舌同特上牛肩下腋, 嚟咗後, 發現份量唔係好夠, 咁就叫咗個海鮮二人前嘅SET。厚切牛舌---味道OK, 好有牛舌嘅彈牙口感同亦有牛味, 唔錯。特上牛肩下腋---呢個好食嘅程度令我始料不及, 因為肉同油脂嘅分佈啱啱好, 非常平均, 食起嚟既有牛肉味,又有牛肉油脂嘅香味同口感!好食嘅程度比起依X波有過之而無不及, 但係唔好忘記價錢平一大截喎!!!!!海鮮二人前:幾多嘢食, 最正喺有隻新鮮榮螺、四隻日本白蜆同墨魚骨。榮螺好味, 白蜆鮮甜, 而墨魚骨爽口!以二佰多少少嘅價錢, 我就覺得物有所值!最特別同最開心嘅係, 今次喺呢度認識咗一位日籍嘅員工小姐, 喺交談中得知佢係日本人, 但係以日本人嚟講, 佢嘅廣東話真係好叻! 最初我無話食日本燒肉, 我哋去咗普通枱, 之後我先話我喺嚟食燒肉架, 佢從無嫌我哋麻煩要換枱, 及幫我哋轉枱, 及後, 佢見到我食魷魚豉油漬同叫咗一支啤酒送嚟食, 佢主動問我點解會識食呢個嘅, 我就話佢知我喺一個叫OPENRICE嘅網頁知道有呢個小食, 所以我已經唔係第一次食, 佢就話呢個小食唔係咁多本地人喜歡食, 你嘅口味同我幾似, 我就話佢知呢味小食配啤酒真係一流架!!! 其後, 我叫嘅上述燒肉上到枱, 佢就話我知榮螺要慢慢燒先知好食, 又話多春魚要用慢火等等……期間, 因為佢之前知我嘅口味同佢差唔多, 竟然送咗一碟WASABI榮螺俾我食同送酒, 份量雖然唔多, 但係真係俾人一種尊重同窩心嘅感覺!!!而且, 同佢交談之中, 我都學到好多日本嘢食嘅知識!!!我亦由呢位侍應小姐中, 親身體驗到日本人嘅熱情, 因為我埋單後, 佢主動送我哋去到LIFT口, 同我哋講好高興認識我哋, 同埋熱切期待我哋下次光臨, 仲要係表情非常咁誠懇。所以, 真係令到我食呢一餐非常之開心同感覺良好!!!!我亦知道我一定會好快又食多一次, 因為喺呢度我會有好多由日本直接入口嘅好嘢等住我去食!!!最遺憾嘅係, 我唔記得為佢送俾我食嘅WASABI榮螺影張相俾大家睇囉, 因為送啤酒好食到我唔記得囉!…Read More

　今天是第２次到該店，吃過壽司飯及魚師飯午餐，都十分好吃Last time went with colleagues and we have a wonderful dining experience there since the envionment is quite cozy. The waitress is so good to offer my colleagues a free drink since her order is not in the set menu. The food is quite fresh and promising. I would say it is a quite a satisfying Japanese restaurant to serve people with good food.…Read More

今晚我同老公去食日式燒烤，叫咗三款牛肉同牛舌。牛肉好濃牛肉味，不過有其中一種好韌，於是我話俾個職員知，立即有位廚師走黎話同我哋換，仲親自教我哋燒。跟住仲送咗兩碟小食、一碟雞翼同一碟豬肉俾我哋食，仲話想客人食得開心！咁好服務，唔怕蝕底嘅態度，宜家真係好少有！抵讚！補充：食客有九成日本人，可見呢度啲食物夠地道！…Read More

大致上所有刺生, 新鮮度是OK, 但刺生入口的溫度可以凍番少少會更好壽司飯都算軟身但不會散, SIZE 比百佳那些細少少$58 蔥吞拿魚手卷 較特別是塊紫菜, 帶少少甜味很特別, 不會似以前食的只有咸味$48 柚子左口魚邊壽司 食唔到柚子味$48 胡麻三文魚壽司 上的醬汁很好味, 同三文魚很夾鰻魚柚子芝士卷 賣相很美, 內有牛油果, 鰻魚的味,加上牛油果配合鰻魚汁, 好好食串燒牛舌, 牛舌很爽口 比以前食的爽口很多, 很特別蟹肉蟹膏大蔥錫紙包燒.....半點兒冇蟹肉蟹膏的味道燒池魚, 唔乾唔油, 但都是覺得鯖魚肉味較池魚吸引串燒, 不應該叫肉類, 肉本身的油脂加埋油''串燒'' 過後,入口很油利感覺養侍應生的資素唔夠, 雖是有禮貌, 但問其中二個女的待應生, 有好多答唔出, 要找人幫手, 舉例, 我們ORDER了串燒盛, 內裏有7款串燒, 我地只是問7種任我們選還是已經SET 好了, 都答唔中要找人幫手…Read More

來這店是因為看了 Needs 雜誌上的廣告，說什麼日籍師傅主理... Needs 是一本免費雜誌，有很多關於日本旅遊、文化的資訊，就被吸引了來。這店在銅鑼灣廣場「潮州邨」的舊址，當時是新開張不久，門口貼上午市優惠 75 折的推廣。更加強了要試的意慾，午市定食本來最貴也是百多元，打折後損失也有限啊。一進店內，看見料理檯前的幾位師傅已心知不妙，那幾位怎樣看也是很年輕的香港人嘛... 不過既來之則安之，點了，魚師丼定食和特上壽司定食（好像各 $130）。特上壽司定食有前菜煮大根，煮的軟腍入味，大根入口無渣且不帶澀味，不錯。特別交帶服務生我不吃三文魚，所以有兩件章紅魚壽司，一件吞拿魚，一件甜蝦，一件帶子，三件軍艦（海膽、三文魚子和蔥吞拿魚茸）。章紅魚和吞拿魚赤身的新鮮度一般，帶子有一點腥味，甜蝦還算黏潤甘甜，海膽幸好也不苦，但三件軍艦的紫菜都腍身不脆。壽司飯太厚身也握的嫌太結實。另附一碗湯烏冬同上，那怎麼吃好呢，吃了前菜和烏冬太飽了，壽司該握好便快吃（特別是有紫菜的軍艦），但吃了壽司烏冬又恐怕浸太久變腍！老公的魚師丼定食也附煮大根，魚師丼內有魷魚、蟹肉、三文子、海膽、帶子、甜蝦、穴子、玉子等等，看來色澤配合亮麗，新鮮度和我的魚類差不多。定食還附一碗蒸蔬菜（南瓜、蕃薯和馬玲薯），雖然樣子看來不俗，但澱粉質太豐富太飽滯，我倆也沒能清掉。以午餐的水準來看是未見突出，雖然定價便宜，但吸引不了我倆再來。…Read More