Fisholic (Hung Tat Building) (Closed)

而家疫情返穩定，相對出街都安心， 難得今日出開去開旺角， 梗係順便去掃街， 真係好耐冇得咁樣做啦， 以前d 回憶返曬黎， 好懐念.家樂坊對面多咗好多小食店，樣樣都好想試， 好多舖係新開, 食咗4-5 間， 食飽飽重外賣咗d 間俾屋企人食.D 間好特別， 全部食物都係魚制品，每樣買d 返去試下.咖喱汁餃孑魚撈麵：餃子煎得香脆， 咖喱汁惹味， 魚麵彈牙香滑腸粉： 啖啖蒜香， 同傳統食法唔同， 但另有一番風味炸魚無薯條：煙煙韌韌， 彈牙，口感特別， 炸得唔太油炸魚狗腸： 加咗沙律醬同紫菜， 配埋一齊食， 正…Read More

餐廳：魚事者 (鴻達樓) (旺角)地址：旺角登打士街55號鴻達樓地下6號舖1️⃣ 又香又臭蒜油雞翼魚撈麵 $58 全份蒜香雞翼魚撈麵，富有濃郁嘅香氣同口感。魚肉麵條同雞翼都被醬汁充分包圍，讓每一口都能夠品嚐到濃郁嘅蒜香味。此外，雞翼外脆內軟，口感嫩滑，加上獨特嘅魚肉麵質，爽滑彈牙，值得一試。2️⃣ 黑白鴛鴦春卷 $50春卷魚味香濃，外層酥脆，肉質軟腍，加上清甜嘅湯底，配上爽滑彈性十足嘅魚肉麵條，分量十足，食到停唔到口。3️⃣「蒜」你識撈香滑腸粉 $25腸粉外皮滑嫩，內餡鮮美，光滑嘅口感非常有彈性，咬落去仲有種Q彈嘅感覺，配上特製醬油同調味料，味道更加香濃。4️⃣ 炸魚無薯條 $33 配黑松露醬 +$5薯條嘅外型，但係全用魚肉去做，即叫即炸，新鮮脆口，食落有種煙靭靭嘅口感，配搭埋黑松露醬，味道更加豐富有層次。5️⃣ 洛神花山楂雪梨茶 跟餐+$10清新爽口，帶有微微嘅酸甜味道，清熱解渴，健康之選。6️⃣ 夏菊羅漢果茶 跟餐+$10清甜怡人，淡淡嘅甜味，飲落潤口，非常舒適。…Read More

係旺角行完街唔知食咩好，路過見到魚事者外賣店，想食得健康D就決定試下，係店側有枱可以係到立食，好細心方便綿綿芝士汁吉列豬扒魚麵撈 $58即炸吉列豬扒熱辣辣，外層好香脆，內裏依然保持肉汁鮮味，十分juicy，伴埋沙律醬食魚麵入口彈牙，撈埋紫菜碎，蕃茄粒一齊食，好味道又香又臭蒜油雞翼魚麵撈 $58雞翼好大隻，蒜油真係好香點了全份，魚麵份量好多，由於好健康，所以食曬都唔會太肥，原來逢星期一係旺角店，點半份會比全份，超抵魚炸無薯條 $33 （+$5黑松露醬）想食炸薯條但又怕肥，可以試下炸魚，仲一D都唔覺腥，而且感覺上較健康，但又滿足到食炸物既慾望洛神花山楂雪梨茶 $18夏菊羅漢果茶 $18招牌奶茶王 $20果然係招牌奶茶，茶底夠濃，好味道，夠驚喜，下次經過一定買番幾支…Read More

魚事者(鴻達樓) Fisholic (Hung Tat Building)旺角美食攻略2023魚麵彈到好似食緊魚蛋咁好食!令人有驚喜既魚之專門店旺角肥姐隔離有間鋪,專賣魚肉做既小食,主食,麵食,主打既魚麵同魚小食都係極之有特色,唔好講笑,個魚麵好食到回味無窮叫左份外賣自取,可經app openrice下單提早落單比較好,唔洗在現場等5星推介係魚麵拌麵咖哩辣汁餃子魚麵撈看似平平無奇,但無論汁定係麵身都係極之美味單點$38起,可另外追加小食$10起餃子係炸既,皮脆肉餡飽滿另外主角係魚麵,另一個靈魂係個汁濃厚既咖哩汁有少少辣味有香料既味道個汁底已經值得返單麵身彈牙,但好似食緊魚蛋既質感,有魚味,彈牙,成件事好似食緊條形既魚蛋,出奇好食,個汁又惹味28蚊厚切炸豬扒,小食呢款唔錯,脆脆肉嫩全醬25蚊秘製腸粉,夠香滑,個汁微辣全醬最好食,咩汁醬都有齊,個味道係最豐富炸雞翼厚身肉多仲有魚湯麵都係極之好食黃金魚彈彈魚形魚片頭,有魚味,再加上特製既魚麵同湯底,另一個風味,真心好好食唔怪得係咁多人既旺角都站得住,真係有d料到,平凡中見不平凡#魚事者 #旺角美食 @fishlichk 旺角登打士街55號鴻達樓地下6號舖Shop 6, G/F, Hung Tat Building, 55 Dundas Street, Mong Kok…Read More

旺角街頭，特色小食推介周不時岀旺角都經過望到，好景商場對面，有好幾檔小食店，而哩間好特別，專門賣魚小吃😲今晚就買番去同屋企人食🙆🏻‍♀️綿綿芝士汁吉列豬扒魚麵撈$58分量算多，有一塊吉列🐷6件，脆口，好欣賞佢個魚麵，唔會腥，又彈牙，動L動L，口感十足我對魚麵印象只係話XX吱吱魚麵打邊爐，會淋身，易斷，估唔到魚事者打破左對魚麵睇法😗又香又臭蒜油雞翼魚麵撈$58雞翼炸到脆卜卜，真系又蒜🧄又香，食完口臭😷對佢又愛又恨❤️魚肉燒賣（芫荽）$20作為芫荽控的我，我會略嫌佢唔夠重芫荽🌿，整體而言，系食得岀芫荽味，魚肉都彈牙系旺角街頭黎講，20蚊8粒，特色口味，頗平下😌炸魚無薯條 $33+黑松露醬 $5必食推介，佢模仿幼薯條，但就唔係薯仔，系用魚！ 食得岀魚味，又唔系魚手指咁，坊間未見過哩款😋黑松露醬濃郁，沾上炸魚薯條更加了吸引，值得加5蚊要哩個醬🤓蒜你識撈香滑腸粉$25⚠重️🧄人士必食，滿滿炸蒜+蔥，再淋上蒜油，豉油，辣油，極為惹味，單系個汁可以撈上白飯了😂腸粉分量好足又滑👍發現個紙袋，職員親手繪畫blu blu🫧🐟fish 好cute cute^~^味道🐟🐟🐟🐟🐟/5環境🫧🫧🫧🫧/5Cp🌿🌿🌿🌿/5📍 魚事者 (鴻達樓) (旺角)旺角登打士街55號鴻達樓地下6號舖…Read More

小店以湖水藍為主調，色彩清新舒服。主打自家魚肉製的輕食，再結合街頭小食、茶餐廳風味、西式Fusion元素，既創意又大膽而且價錢亦平民化。綿綿芝士汁吉列豬扒魚麵撈吉列豬扒粉漿厚度適中，外皮炸到金黃，鬆脆不乾柴。魚麵真材實料，粗幼度跟烏冬相若，非常彈牙而且有魚味。炸魚無薯條用魚肉代替薯條，啖啖充滿魚香味，口感煙煙韌韌。炸魚狗腸(他他醬)外形十足十熱狗腸，但食起來卻是魚腸，口感有點像大魚蛋，醬汁可選他他醬或和風紫菜，配搭一起食非常滋味。…Read More

今日係旺角行街，見肚餓，係廣華醫院對出條美食街見到呢間，專食魚🐟製品，好似幾特別，就食下😝⭐️綿綿芝士汁吉列豬扒魚麵撈全份加配洛神花山揸雪梨茶吉列豬扒炸得剛剛好，最特別係個麵，係用魚漿整成，好彈牙。個茶好香洛神花&山揸味，隱隱帶出雪梨味，好解膩⭐️炸魚狗腸配他他醬當時眼闊肚窄嘅我，叫了呢個腸，但其實食完個麵已經好飽😮‍💨，好彩後來meet up嘅朋友，佢有小小肚餓，就幫我食埋。佢話好好食，超級彈牙，雖然要咗他他醬，但都會加啲紫菜，增加香味雖然間店好似得外賣🥡，但其實店舖出面有個立食位P.s. 店舖好有心思會係外賣袋到畫啲魚仔另外，follow ig ac 仲會有coupon 同明星小卡🤭…Read More

旺角最鐘意就係掃街，今次見到一間專係食魚既店舖😳好特別，一於去試吓。🫔黑白鴛鴦春卷 $50麵底：爽彈魚麵 湯底：白雪雪魚湯魚麵爽滑彈牙，魚湯清甜，連平時話唔鐘意飲魚湯既都連湯飲哂😂就知幾好味👍🏽春卷有黑白兩種，口感完全不同。🥟過癮咖喱汁餃子魚麵撈(半份）$38有湯麵緊係都有撈麵🤟🏻可以根據自己喜好揀半份定全份。餃子多肉汁。🍟炸魚無薯條（黑松露醬）$38用魚肉條整既薯條，有咬口又彈牙，驚喜十足。我哋加左個黑松露醬，黑松露醬又香又滋味。🍱「我要晒」小食拼盤 $40(炸魚狗腸＋雙併燒賣＋咖喱魚兵國）可以一次哂試哂三樣小食，選擇困難症既人就可以揀呢個啦🥳咖哩汁味濃☺️炸魚狗腸爽滑彈牙，必食🤩🥤招牌奶茶王$20奶味香濃，果然係招牌。店員好細心幫手整理好啲食物比你外賣拎走，而且外賣紙袋有佢哋自己畫既畫。好有人情味啊☺️…Read More

呢排天氣凍凍地好想食d熱辣辣嘅小食，但係又唔想食魚蛋燒賣咁普通，醒起旺角有間魚製品專門店，入面好多關於魚嘅小食👍決定再去光顧😉芫荽燒賣之前聽得多，都係第一次食😋😋芫荽味幾突出，食落幾特別，但係都係比較鍾意食原味多D☺️炸魚狗腸有兩款口味可以揀，其中一款係他他醬，另一款就係沙律醬加埋和風紫菜，我揀咗紫菜，佢都有加醬，好惹味😝咖喱魚兵團咖喱汁嘅魚餅好香好彈牙，魚控必點🫶🏻我要晒小食拼盤呢個其實係頭先幾款嘅混合版，如果自私食必推😋😋－個人乜都有🤤🤤黑白鴛鴦春卷魚麵第一次見兩種顏色嘅春卷，春卷有咬口又夠煙韌；魚麵口感鬆軟又有彈性，而且魚湯好清新😋洛神花山楂雪梨茶入口清甜帶少少酸，夠滋潤又開胃☺️夏菊羅漢果茶入口甘醇，感覺非常養生😍📌 魚事者 (鴻達樓) (旺角)旺角登打士街55號鴻達樓地下6號舖#魚控 #魚餅 #fish #fishnoodle #mkfood #mk #旺角美食 #美食推介 #小食推介 #fishlover …Read More

店名：魚事者地點：旺角登打士街菜式：外賣特色小食店，專賣同魚有關既食物，特別係魚麵餐牌：唔同口味魚麵撈，魚湯麵；小食如腸粉，薯條，燒賣；飲品有茶有酒綿綿芝士汁吉列豬扒魚麵撈 全份 $58呢款綿綿芝士汁吉列豬扒魚麵撈係我既至愛！首先好少係外面店可以食到高質吉列豬扒。一大塊吉列豬扒一切6片，炸得外皮香脆而入面肉質嫩口，食落啖啖肉，好滿足！伴有香滑沙律醬增添味道同香滑口感。主角魚麵係加入左魚肉造既麵，質感比普通麵彈牙，有d似食緊魚蛋條，味道就帶好香既魚味。綿綿芝士汁有好香芝士味，上面加有少量番茄莎莎，旁邊有少少紫菜絲，最後上面仲灑上少量香草，令個魚麵味道更好。過癮咖哩汁餃子魚麵撈 全份 $58餃子一客4隻，入面有肉有菜，味道都唔錯，凍左個皮會硬，要快d食。個過癮咖哩汁少少辣，好惹味。伴有木魚花，紫菜絲同香草加添味道。炸魚無薯條 $33炸魚無薯條好有創意，看似薯條，其實係炸魚條，外脆內彈牙，味道質感都好特別。咖哩魚兵團 $18咖哩魚兵團係一客3件魚形魚蛋，口感好彈牙。上面加滿香香咖哩汁同香草，味道好惹味，個汁我用黎送炸魚無薯條食！一如既往，食物即叫即整，食物質素高而價錢唔貴。外賣紙盒厚身而精美，衛生程度令人安心。…Read More

✨炮台山分店嘅魚湯小火鍋真心大推！旺角外賣店相對地就冇咁多款式，不過都有好多魚類製品嘅特色小食，口感有驚喜，做宵夜一流🥰！🐟過癮咖喱汁餃子魚麵撈 $58 👍🏻魚麵口感彈牙，完全冇魚腥味！好欣賞魚麵有得揀半份/全份，魚麵同餃子同樣係咖喱味，少少微辣😛 不過我更加推薦「又香又臭雞翼雞肉魚麵撈」，超重口味，食完個口勁臭，但魚味更加突出🤭🤭🤭🐟炸魚無薯條 $33 👍🏻👍🏻薯條其實係炸魚，口感Q彈，好似魚蛋咁，勁盞鬼🤤 唔蘸黑松露醬都已經好夠味，而且完全唔油膩。🐟炸魚狗場$28 👍🏻每次都會買😋 和風紫菜口味😋-🐟魚湯 $20熱辣辣，係好溫和舒服嘅口味，仲有條魚仔暢泳，好得意✨🐟招牌奶茶王 $20傳統港式奶茶，茶味重，口感順滑，如果鍾意茶香味濃同唔嗜甜人士會好鍾意。留意到外賣袋仔每次都有親筆寫嘅文字同公仔，好有溫度🥹 值得繼續支持小店，期待未來有更多唔同口味嘅魚麵！…Read More

小店主做外賣生意，但如果想好似我地咁樣即時食嘅話，小店喺巷仔果邊都設有企位，供大家使用。L1綿綿芝士汁吉列豬扒魚麵撈 $58/全份食完先知佢有芝士汁，唔講我仲以為係紫菜、沙律醬撈魚麵😅，芝士汁可謂零存在。吉列豬扒炸衣幾厚，而且唔痴肉，可以成塊炸衣甩出嚟。豬扒無特別，即係無豬味、無怪味、唔韌、唔鞋，勝在份量多。魚麵好彈牙，唔會好似四海果款魚麵咁鹹。L2又香又臭蒜油雞翼魚麵撈 $58/全份雞翼有4大隻，炸到硬脆。蒜味好濃，但又唔會覺得好假好臭😏。當然魚麵撈左佢就唔會試到魚味，因為蒜味幾嗆。S5 炸魚無薯條 $33本身配沙律醬，不過我覺得唔點都得。食落有D似台灣甜不辣FEEL，只係切成條狀拎去炸。魚條好有咬口。總結，個人略嫌呢度嘅魚麵抑或魚條雖然有咬口，但無乜魚香🤔。三款中我地4個都覺得炸魚條係比較好。價錢又唔算好貴，而且可以揀半份，如果大家作為掃街其中一站，唔怕食太多太飽。…Read More

「Blu Blu💭💭💭」之前食過 北角ge魚事者分店其實就留下左 深刻印象， 魚面~炸魚冇薯條等，所以menu 上的魚品 全部都好吸引🐟🐟🐟然後去到旺角登打士街， 發覺原來佢有一間外賣店㗎❗❗❗不過門口有d 俾隔離間肥姐小食店ge 人龍擋住🙉 朋友掛住食打卡拎edan 閃卡之際，等等睇睇menu先, 同之前有d variation👍🏻 招牌ge炸魚冇薯條係必食💮今次想試多d, 叫左依d🤪👉🏻棉綿芝士汁吉列豬扒魚麵撈 @$38芝士吉猪-全份@$20賣相我覺得依份最令，超豪華💗👉🏻又香又臭蒜油雞翼魚麵撈 @$38蒜油雞翼- 全份 @$20.0我食左依份，雞翼唔知有蒜油香，仲有芥末味😋😋😋👉🏻過瘾咖喱汁餃子魚麵撈@$38咖哩餃子-全份@$20👉🏻炸魚無薯條 配黑松露醬 @$38招牌菜冇得輸，店長驚擺耐左冇咁好食推薦我地新鮮食d 先💗煙煙韌韌💗冇食薯條ge 罪惡感😂👉🏻炸魚狗腸 和風紫菜味 @$8 依個做緊promotion 💗主食嘅魚麵撈全部都可以揀💮半份同💮全份，方便掃街嘅人士🤟🏻依個價錢食到咁多份好味魚品真係超抵食😋😋😋有心思的店長仲俾我地揀想要邊款佢親手畫我令令外賣袋👶🏻👶🏻👶🏻❤️‍🔥…Read More

前排行經旺角見到依間幾有特色既魚麵店，所以買外賣番屋企試下！店舖以外賣為主，但都有少量企位可以俾大家堂食。黑白鴛鴦春卷暖笠笠魚湯麵 $50魚湯清甜，魚麵爽口彈牙，就算攞到返屋企食都唔會漿住一舊舊，魚肉春卷炸到香脆可口！又香又臭蒜油雞翼魚麵撈(全份) $58依個撈麵真係又愛又恨，蒜油醬蒜香味十足，上面仲灑左啲炸蒜，好惹味！全份雞翼有4隻，雞翼炸得香脆而不膩。不過食完會有大量蒜味，食完記得要清一清味蕾😂炸魚無薯條 $38 +黑松露醬 $5薯條份量十足，魚肉炸成薯條形狀，外脆內軟，口感煙韌，配埋黑松露醬，食唔停口！「我要晒」小食拼盤 $40小食拼盤有齊三款小食，燒賣、咖喱魚兵團同炸魚狗腸。燒賣有兩款口味，正常魚肉味同芫荽味，燒賣係純魚肉製成，無落豬肉，食落好彈牙，芫荽味好特出。魚兵團同魚狗腸有啲似長洲大魚蛋既口感，加埋秘製咖喱汁，好惹味！夏菊羅漢果茶 ＄18 (跟麵 -$10)依度飲品選擇比較健康，有自家製涼茶，味道清甜，最岩用黎清熱氣。…Read More

今日收工收夜咗，都冇乜餐廳開，都希望嚟嗰快食，跟住返屋企休息，係旺角掃街都好喎！好，睇吓有咩好食先，呢間小食店主打用魚肉，都幾特別。黑白春卷湯麵，首先試下個魚湯，好重魚味，係幾甜，爽彈魚麵，個麵咬落真係好似食緊魚肉咁，春卷兩款都好香口。我要晒小食拼盤，有炸魚狗腸，雙拼燒賣，咖喱魚兵團，全部主打係魚肉，魚肉口感，好煙韌，醬汁有少少辣，仲有魚仔造型，好可愛。夏菊羅漢果茶，呢度仲有自家飲品，個羅漢果茶唔會太甜，飲完喉嚨好舒服，嘻嘻！…Read More