Mr. Rich Bakery (Moved)

今日經過旺角呢間商場見到有間鋪頭有好大隻兔仔呀即刻俾佢吸引左入去睇嘩見到啲產品包裝超靚忍唔住俾佢吸引左入去望多兩眼原來呢間鋪頭係賣曲奇㗎而且款式仲好多添啊哇個包裝咁靚攞嚟送禮都一流呀而我就試咗佢哋呢間店嘅蝴蝶酥最鍾意就係佢全部獨立包裝唔怕一開盒就疏風因為一次過食唔晒一罐入邊有30包夠我食足一個月啊每日下午茶肚餓時都食一塊配上一杯茶蝴蝶酥嘅味道非常香脆可口牛油味好濃一打開個包裝袋啲香味就撲晒出嚟而且焦糖味好香忍唔住要食多塊啊下次想試埋其他曲奇…查看更多

 Mr. Rich Bakery網紅店果然出色， 又多一間手信店了最近見到網上好多推薦，超方便係網頁都可以選購，曲奇款式都幾多而且包裝設計超美原味好鬆軟，有牛油香濃味牛油味食落好香，甜度適中鬆化既口感非常重要！。比利時朱古力味味頗突出，但又不會太甜膩好味道。香芋紫蕃薯味既曲奇我第一次食，紫薯味濃，甜味亦剛好，帶少許牛油味！咖啡味曲奇帶有少少的苦澀咖啡味，食落唔會油膩清香！焦糖綠茶綠茶味好香濃，同焦糖既甜味中和中好夾好好味曲奇表面焦化，牛油分量剛好，非常有口感味道！推介推介⭐️⭐⭐️⭐———…查看更多

餐廳名字： Mr. Rich Bakery📍旺角彌敦道636號銀行中心廣場1樓28-29號舖重點： 又多一間手信店了*******最近見到網上好多推薦呢間Mr. Rich Bakery身為Foodie 既我都要食食啦超方便係網頁都可以選購，曲奇款式都幾多一盒裏面有兩層，都幾足料比利時朱古力味同埋香芋紫番薯味紫薯味道都幾突出，食落去唔會太假幾好咖啡味曲奇帶有少少的苦澀咖啡味，食落唔會油膩清香，岩食！焦糖綠茶綠茶味好香濃，同焦糖既甜味中和中好夾好好味原味好鬆軟，有牛油香濃味送禮自用都一流食物 👍🏻👍🏻👍🏻👍🏻👍🏻環境 👍🏻👍🏻👍🏻👍🏻服務 👍🏻👍🏻👍🏻👍🏻價錢 👍🏻👍🏻👍🏻👍🏻備注👍🏻5粒代表最推介——#kayGorfoodie #foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #igers #hkig #hkigfood # Mr. Rich Bakery…查看更多

蝴蝶酥自細都好鍾意食，但係好食嘅蝴蝶酥就真係唔係成日見，依家真係買少見少啦，經過朋友介紹嘅一間魔術兔嘅蝴蝶酥，食完果然令人難忘，設計新穎又可愛，估唔到裏面嘅蝴蝶酥都無我令人失望，佢嘅蝴蝶酥每一件都係獨立包裝㗎，乾淨衛生，攜帶又方便，蝴蝶酥食落口鬆脆，唔會太甜，件件充滿牛油嘅香氣，果然食過令人返尋味。買到返屋企，特別係啲小朋友，個個都食到停唔到口，最慘嘅係我，呢頭話要減肥，嗰頭俾我發現左啲咁美味嘅食物。…查看更多

最近好多推薦呢間Mr. Rich Bakery，而我係見佢個包裝盒勁令於是就買左間野除左曲奇仲有蝴蝶酥賣。為食既我又每樣都想食，所以就揀咗呢盒咩味都有曲奇，粉紅色包裝盒😍😍真係好靚，一打開蓋，已經有好濃郁的牛油香，大小一件一啖岩曬同小朋友食朱古力味不會太甜膩有朱古力香味👍🏻紫薯味道都幾突出，唔似出面假紫薯無味得隻色 咖啡味濃郁同聞落有陣陣咖啡香，食落有啲焦糖味整體依間曲奇一啲都唔差，大家不妨都可以試吓…查看更多

熊仔牌之鬆化曲奇鬆化程度至揚威海外，是各地遊客特別是內地旅客必買手信，可說是香港手信之一，而這樣鬆化的曲奇確實因熊仔牌以首次接觸並一試愛上，但近日公司同事請了另一牌子的鬆化曲奇品嚐，其相似程度直迫熊仔牌！而且味道更多顏色更少女，所以便再自行購買回家慢慢品嚐店鋪主角正正是罐面上的魔術兔先生，不論粉紫色或粉藍色都與兔先生非常恰襯，不失少女典雅風鐵罐均有膠紙封邊，打開後一陣香濃牛油味撲鼻，曲奇被牛油紙蓋著，每兩塊放在一齊同時每個曲奇模大小都只是緊緊放得下曲奇，以上設計都能減低曲奇被撞碎或撞散的機會，不然鬆化的曲奇會被撞得更碎細罐10塊裝，大罐則是16塊裝，內裡各藏3款相同口味之曲奇，有香濃咖啡、紐西蘭特濃黃牛油及香芋紫番薯味，曲奇顏色亦可容易分別出其味道曲奇鬆化得快能在口裡溶掉，鬆化度比熊仔牌更高！烤至金黃色的紐西蘭特濃黃牛油曲奇有香濃鹹香牛油味，而且糖份相對較少來突出牛油香，雖然鬆化但一點都不覺油膩放在嘴邊已有陣陣咖啡味飄出，每一口都嚐到清淡咖啡味，對於一日一杯咖啡的我覺得咖啡味不算濃郁，可能咖啡味較清幽可接二連三地一塊接一塊品嚐也不覺重口味初次品嚐鬆化可口的香芋紫番薯味曲奇，不太擦覺有香芋味但有少許紫薯味道浸出，淡紫薯味反而減低飽滯感，可以多吃數塊魔術兔先生為曲奇界帶來新沖擊，雖然與友牌相似同製鬆化曲奇，但口味更多，除以上三款口味外還有抹茶拿鐵及比利時朱古力味，而且還製作蝴蝶酥、方塊酥及果仁曲奇。最重點是此乃香港製造，送禮自奉佳可，看來香港又多了一個屬於香港的手信…查看更多

屋企無啦啦見有2盒屋企人買既曲奇，其實小編係唔太喜好曲奇，屋企話好好食就試下，一打開就見到曲奇顏色都幾繽紛，睇隻色就知係咩味，本身心諗應該都係得隻色，點知都算有驚喜。因為其實一開已經好香牛油曲奇味，我最欣賞係牛油味，曲奇餅底勁鬆化，好香牛油味👍🏻紫薯味道食落有啖啖嘅紫薯香味，唔算太甜綠茶味好香濃有少少微甜味👍🏻👍🏻小編對曲奇有咩興趣但其實佢都算好食係屋企人話好好食如果送禮其實都係咁差選擇…查看更多

我的第一盒Mr. Rich 是朋友送給我的，之後一試難忘。今次忍不住自己買了一盒。包裝夢幻可愛，有著愛麗絲夢遊仙境的感覺，魔術兔就好像Mr. Rich的代表。買了粉紅色罐，魔術兔5 MIX 🐰 五款口味，口味是搭配好的。有醇香咖啡☕️、紐西蘭牛油、比利時巧克力🍫、焦糖抹茶🍵、紫薯香芋🍠。曲奇入口酥脆，滿滿牛油香，鬆化得來不油膩，在嘴裏沒多久就融化掉。口感很好👍🏻👍🏻👍🏻最喜歡咖啡味和巧克力味，兩者味道都好香濃。送禮自用佳宜。下午茶沖杯茶，嘆塊曲奇，好吃都停不了口。一塊接一塊！下次想吃不同款的！…查看更多

依家好食嘅牛油曲奇唔再係得一兩間啊！早幾日同媽咪出街，咁啱見到兔仔盒嘅牛油曲奇！之前已經係IG見過好幾次，有人介紹佢哋嘅蝴蝶酥都話拍得上某酒店嘅蝴蝶酥！我哋都買咗兩盒牛油曲奇返去，因為爸爸好鍾意食😂😂😂我哋買咗三隻味有原味牛油、咖啡、香芋紫番薯 三味😍😍😍無論係紙袋、盒嘅包裝定係曲奇，佢哋個賣相都好吸引一打開曲奇餅個蓋，好香濃嘅牛油曲奇味就即刻湧出嚟！ 好香！！！忍唔住食！真係好鬆化！食落口唔會好甜！真係配上綠茶一流我驚爸爸未返屋企已經俾我食咗一大半啊！雖然我都知牛油曲奇本身好肥！但係真係忍唔住食咗4舊！估唔到小店嘅曲奇都會印埋食物標籤好專業！最重要係香港製造咁！先有信心保證！支持本土小店😝…查看更多

平時經過店鋪，已經被一盒盒精緻的曲奇盒吸引住，盒上的兔子先生好可愛，造型百變。適逢巧合的機遇，決定買下試一試。Mr Rich 蝴蝶酥全香港製造的蝴蝶酥，外盒好靚，每個蝴蝶酥以獨立包裝，無論帶出街定喺屋企喺公司食都好方便。一盒30個。每塊size小巧，怕肥女生都可以淺嚐。送禮自食兩皆宜。蝴蝶酥香脆，酥皮層層分明，有微微的砂糖包裹住，不會過甜，牛油味濃郁。食完覺得香港製作的產品果然必屬佳品，強烈推薦送禮給外國親友，作為香港手信。…查看更多

經過朋友介紹，佢話呢一間Mr.rich嘅曲奇餅好好食，佢講到好似天上有地下無咁，梗係要買返盒，一試佢究竟啦。淨係睇個罐，有隻白兔仔，充滿咗童話，好似愛麗絲咁，已經覺得好可愛好吸引。返屋企一打開盒曲奇餅，濃濃嘅牛油香氣撲鼻，已經流晒口水忍唔住啦，食返件牛油味嘅先，食落口又鬆又化，最緊要嘅係充滿淡淡的牛油香味，真係想逢都被唔開啊，好快男朋友嗰隻魔鬼手就攞咗件朱古力味，朱古力味有濃濃嘅可可香味，鍾意朱古力嘅人士，真係情難自禁啦。仲有綠茶味，本身以為綠茶味會好苦，但係估唔到都甜甜地，不過一向就比較唔鍾意食綠茶，咁就梗係讓晒比男朋友食啦，自己個人就本身比較鍾意佢嘅香芋紫薯味，因為呢個味真係好特別，出面嘅曲奇餅唔係周圍都可以搵到呢一隻咁獨特嘅味道，識落唔會太甜，而且充滿淡淡嘅香芋紫薯味，味道十分之夾。…查看更多

近年來越來越多小店出售自家新鮮製造嘅手作曲奇, 而且花臣越搞越多, 反而失去左牛油曲奇最重要嘅特色最近朋友請我食咗呢間鋪頭出嘅曲奇, 又香又鬆脆, 好有J字頭曲奇餅新出嘅時候嘅水準😋, 今日行過買多兩盒同屋企人share! 佢一盒有好多隻味, 包括焦糖綠茶,牛油味, 咖啡味, 比利時朱古力味同埋香芋紫番薯味, 個人最鍾意焦糖綠茶同原味, 綠茶味好香濃加埋微甜嘅焦糖, 襯埋剛剛好😋, 而原味就一向都係我嘅all time favourite!😁…查看更多

支持香港製造！食曲奇不一定要大牌子。最近爆紅的魔術兔曲奇Mr Rich， 無論包裝設計、曲奇款式、味道，都唔錯喎！我鍾意食蝴蝶酥，今日終於帶左佢返屋企啦！ 紫色鐵罐有魔術兔造型，感覺很夢幻，食完留返個鐵罐都開心！100%香港製造，而且不加防腐劑，開盒後要盡快食用，罐底也有寫食用期限。喜歡它包裝設計用心，曲奇和蝴蝶酥的味道都很有誠意。鍾意佢一層一層鬆化嘅酥皮，有少量粗粒砂糖，甜甜地，又有濃濃的牛油香味，鬆化爽脆嘅口感， 一口一塊，吃到停不了，很邪惡啊！獨立包裝，方便隨時吃，一盒有30塊，放在公司下午茶食又得，和同事開心share都不錯！…查看更多

今日買咗呢一盒Mr. Rich曲奇，佢一盒嘅味道原來有好多款，一盒包括左: 焦糖綠茶、牛油原味、咖啡味、比利時朱古力味，同埋香芋紫番薯味！一打開你會發覺佢嘅曲奇顏色都幾突出，所以唔怕唔知邊個打邊個味啦，一盒裏面有兩層，曲奇就排得密密麻麻，所以唔係呃秤㗎！而我鍾意嘅味道有三款，第一款就係佢嘅咖啡味，陣陣嘅咖啡香，感覺上令到曲奇帶有少少的苦澀味，食落唔會變得好油膩，而且一口接一口！而另外我覺得一個幾特別嘅味道，就係佢嘅香芋紫薯味啦，佢嘅紫薯味道都幾突出，而家食落去唔會係個隻人造味道，一啲都唔假，而且呢個口味都幾特別，出面都好難食到！不過我最鍾意嘅都係佢嘅原味牛油味，一咬落去好鬆軟，而且個牛油香濃，雖然感覺上好罪惡:(，但係都停唔到口！整體而言，me.rich曲奇一啲都唔輸蝕過出面其他出名嘅曲奇，大家不妨都可以試吓！而且送人一流，相信你嘅親朋戚都會鍾意，特別得黎價錢又合理~~~…查看更多

有姐的孩子像個寶話說家姐知我鍾意蝴蝶酥，之前佢因爲包裝靚買左一盒曲奇黎試，請過我食一塊曲奇感覺唔錯。咁岩今次再路過，見到有我最愛嘅蝴蝶酥，所以買左一盒送比我添首先蝴蝶酥個盒係藍色罐嘅兔仔圖案，好有愛麗絲夢遊仙境feel. （而曲奇就係粉紅色盒嘅）曲奇同蝴蝶酥都係獨立包裝，一盒有30包，包裝袋嘅設計都幾有心思。蝴蝶酥嘅層次分明，口感酥脆，雖然充滿住牛油嘅香味，但唔算好甜，所以食起黎好易一塊接住一塊都唔會覺得膩。整體黎講，價錢合理，味道質素唔錯，諗諗下應該都幾岩送比男友最愛影相打卡嘅港女媽媽做中秋節禮物喎…查看更多