Mustache Chef (Closed)

價錢非常合理，西西里Pizza係即焗送到黎仲熱辣辣好好味！食得出係手制pizza，非常出色，十分推介！辣肉腸青醬意粉非常惹味👍🏻👍🏻，意粉仲係彈牙嘅黑松露薯條，黑松露醬一啲都唔孤寒，每條都有沾到黑松露醬雞翼蒜蓉包非常香脆❤️仲有三文魚沙律冇影到出嚟，醒起嘅時候已經食晒，沙律菜係好乾淨好新鮮，冇噏到霉霉爛爛，配油醋汁啱啱好！很出色的西餐廳，咁嘅價錢有咁嘅質素，真係真心欣賞！另外要讚吓D記外賣員，非常有禮貌！(雖然佢睇唔到😂)…Read More

鬍鬚仔喺九龍灣都幾出名，午飯時間人山人海，仲有唔少人排隊，好彩等咗10分鐘就有位😛Lunch set有意粉、焗飯、pizza同漢堡，今次試下經典牛堡配薯條($70)，飲品要檸檬伯爵冰茶，見到其他人嘅餐都幾靚，所以有啲期待😆份量幾大、漢堡好厚、薯條好多🤣麵包表面烘到濃濃地，配料就有基本嘅芝士、蕃茄、生菜，漢堡扒應該係入貨，因為有啲肉丸嘅咬口，不過都唔會太實，我覺得okay👌🏻醬汁方面係有啲芥末味嘅沙律醬，酸酸甜甜幾唔錯，但要食到中間先有，所以頭幾啖偏乾，如果搽均勻啲就更好😝蕃茄生菜都算新鮮，唔會”梅曬”、保持爽脆感😉薯條係連埋皮嗰款，感覺上會真實啲😂因為食完個包先食，所以凍咗又冇咗脆，呢個純粹係我嘅問題，因為有幾條細啲、仲熱辣辣嘅真係好脆口😋飲品方面唔太建議檸檬伯爵茶，都係茶餐廳嘅茶底襯凍OT多啲🤣見到啲湯都頗濃郁，應該係唔錯嘅選擇😙…Read More

用外賣app，再係放左大約半個鐘先食，一樣好好味😋叫三人餐，多到三個人都食唔晒🙈Burger：今次試至尊牛堡，包係有一種甜甜麵包香味，同埋放耐左，個包麵唔怕淋身，好正！牛同配料好足，牛係唔會好乾食，有肉汁，加埋d 醬、芝士、菜，真係好滿足😋粗薯條：好香脆，好有薯仔味，加埋有d薯皮痴住，好原味既感覺，正👍🏻咸蛋黃雞翼：又係無得輸，雞翼炸到好香脆，加埋邪惡咸蛋黃醬，好香，有d醬我忍唔住，點薯條食埋，值得試👍🏻洋蔥圈：唔記得影，一樣無失望…Read More

我係去左啟業外賣自取嘅😂，呢間其實佢有網上外賣平台外賣店，將軍澳、葵涌都有，咁我就唔hashtag啦，呢間都想試好耐，因為睇到連登好多人都推介，就試下佢有咩咁巴閉🤨🍔【經典牛堡配薯條🍟 】 $70 (8.7/10)塊牛有少少似嘉寶，但厚好多，最鍾意係佢個包有烘過，外賣返到去咬落仲係脆😌，食落完全唔會覺得乾，好好食，薯條都比得好多😮，食到好飽，可能我係外賣，拎到返去有啲淋🫕【蘑菇湯】 （配餐$0）(8.7/10)想講超超超濃蘑菇味，飲落好似蘑菇蓉咁，睇後少少嘅相就見到勁濃🤤…Read More

我成日覺得而家啲Pizza店唔好食，朋友介紹我食呢間Pizza，咁樣呢日我就外賣返去試吓先叫咗一個二人餐，再加一個黑松露薯條個盒就係招牌，鬍鬚仔套餐有四件蒜蓉包、四件雞翼蒜蓉包、雞翼都好味 12吋pizza：意大利人的怨恨個名都幾得意，個Pizza好好食，真係好食過其他Pizza店，就算食唔晒，隔一陣再食，個Pizza一樣保持水準黑松露薯條呢個係朋友推介，但可能我對黑松露不大興趣，但其實薯條係OK的煙三文魚沙律可以的煙肉蘑菇白汁貝殼粉呢個好好味，醬汁調教好味其實呢間小店，雖然唔起眼，冇其他Pizza店咁多分店，但係水準好過好多Pizza店，下次一定會介紹其他朋友試…Read More

喺九龍灣商業區附近，有一個格格不入嘅公屋區。樓下有啲食店，除咗有連鎖店之外，係一個唔起眼嘅地方，有一間專食pizza嘅西餐廳。鬍鬚仔就匿埋喺一個咁嘅位置度。今日係假日，就點咗個假日午餐。記得要喺三點前嚟到，因為佢哋四點落場。叫咗一個Pizza餐，同埋一個burger餐。而家諗返轉頭真係好後悔。實在太大份，我諗三條友都夠食。介紹返，呢個係一個八吋雞肉pizza。價錢係108，包嘢飲，餐湯，沙律。你冇睇錯，呢個係一個一人餐。Pizza係即叫即整，嚟到熱辣辣，芝士拉絲當然冇難度，不過因為放到成枱都係嘢食，已經冇位置可以影到相，冇辦法影到拉絲嘅情景。Pizza比較辣，要做好少少心理準備。正當我哋覺得Pizza好抵食嘅時候， burger就上菜。為咗表達burger嘅澎湃，我哋特登拎咗一支正常長度嘅刀去做對比。如果係女仔叫嘅話，我相信個burger高過你塊面。98蚊，牛肉漢堡，不過實際上，其實佢仲有雞蛋芝士蕃茄菜，同埋兩片好足料嘅漢堡包。又要再重複一次，呢個一人餐仲有包埋沙律餐同嘢飲同埋薯條。薯條亦都係非常之多。Burger相對於Pizza來講味道就比較平凡，不過我相信你睇相都知道係非常足料。如果再去食嘅話，四人的話，我會叫一個Pizza餐，一個burger餐，再叫多幾個其他小食，就應該夠食。疫情下希望大家繼續支持不同小店。…Read More

好似成日都聽到哩間鋪頭個名，難得要去附近做嘢就試下，大滿足😋難得屋邨會有西餐，仲要設計得幾靚，環境舒服☺️十二半去到，開始有食客，一入就有位。叫左個經典牛堡午餐配檸檬伯爵冰茶都等左一陣先有嘢食，原來啲薯條啱啱炸出黎，熱辣辣，外脆內軟，仲勁大兜🤤 真係多到食唔晒🙈個burger 都好靚仔，係我衰影到好細隻咁😂麵包睇得出應該唔係嘉X 嗰啲包。肉又唔會乾身，好足料。好味又大件夾抵食😋待應妹妹勁有禮貌、環境靚、食物高質，估唔到屋邨會有哩類餐廳。食完出黎，原來門口排緊隊了，好彩早啲黎😊揾返先知原來食過港島嗰間，唔怪之得覺得個名好熟。都係食burger ，一樣好好食，好juicy🤤 不過嗰邊環境簡陋好多，似行快餐風格🙈 兩間都推介🤤🤤👍🏼👍🏼…Read More

心血來潮想食pizza，去到先發現九龍灣鬍鬚仔暫時暫停堂食，只可以外賣。一場嚟到當然都要繼續支持啦💛Menu入面有好多唔同款式嘅pizza可以揀，可以根據佢圖案提示，選擇適合自己口味嘅食物。佢哋亦都有飯、意粉同埋burger。如果多人一齊share，叫套餐都係一個唔錯嘅選擇，可以試多啲款式嘅食物🤤今次試咗一份十二吋辣味三文魚pizza，即叫即整，需時大約10分鐘就可以拎啦！拎上手熱辣辣，勁想即場可以食🤤十二吋pizza總共有八件，兩個人食嘅話啱啱好。拉出第一件pizza嗰陣，啲芝士可以拉絲!!辣味好突出，第一啖已經有驚喜。佢哋係用薄餅底，食完一件會繼續想食第二件～～味道偏濃，配埋可樂非常滿足💯…Read More

2021 年最後一日，捉咗另一半，同我過去幫襯一間，好大膽喺老人邨開嘅西餐廳，食最後一日嘅晚餐。因為大家心情都唔係太好，唔想煩同諗，所以，直接叫佢哋個兩至三人套餐就算數。大家可以看圖識字，每樣嘢質素都係唔差，雖然冇影到湯同飲品，不過，我覺得絕對食得過，大家方便嘅，就多啲幫襯一下呢啲小店啦！將來嘅嘢冇人知，今日唔知聽日事，對我嚟講，可以做到幾多得幾多，但求問心無愧便可！ 😋👍🏻😍💪🏻😋👍🏻😍💪🏻…Read More

覆診之後心血來潮，醒起啟業嘅胡鬚仔曾經告急，所以，特登過去睇下咩環境。去到嘅時候，可能時間尚早啦，發現不論堂食定外賣，都係一個客都冇，所以，就決定留喺度堂食，叫佢哋嘅午餐 ～ 經典牛堡配薯條喇！聞名不如見面，不論係個包定係兜薯條，都好豐富、巨大。我極盡本人之能事，因應個漢堡嘅厚度，縱使已經施展渾身解數，依然未能將個包，一次過放哂入口！結論係，不論味道、質素、價錢、服務，都令我願意回頭嘅，除咗地利位置之外！事實上，我好佩服佢嘅勇氣，喺一條俗稱舊村 / 老人村度，開一間西式舖頭，可以想像晏晝，都叫做有後生仔過嚟幫襯下，但係到咗夜晚呢就 …………… 應該水靜河飛了！所以，如果大家有興趣嘅話，就多啲支持下呢啲小店，免得到消失嘅時候，就後悔莫及㗎啦！😋👍🏻😍💪🏻😋👍🏻😍💪🏻…Read More

啟業邨近來換咗好多新餐廳，我今晚就試咗呢間鬍鬚仔。我哋揀咗2-3人餐B $228- 煙三文魚沙律- 蒜蓉包- 脆香雞翼- 蘑菇湯- 辣肉腸青醬意粉- BBQ烤雞Pizza蘑菇湯真材實料，食到湯裏面有好多蘑菇蓉👍🏻蒜蓉包同埋雞翼真係頂呱呱，完全係新鮮整，好香脆👍🏻辣肉腸青醬意粉麵質唔錯，用料十足👍🏻Pizza餅底厚薄適中，上邊好多配料，食到舔舔脷👍🏻總括來說，呢間小店嘅質素絕對高於大部份餐廳。只係張枱較為細，放咁多食物有啲困難。不過講明小店， OK啦🤗…Read More

落街買個午餐，經過呢間新開冇耐嘅小店，話說呢頭附近大部份都係茶檔或者連鎖快餐，難得見到多咗間貌似都有誠意嘅西餐，就決定試試個外賣先。。。佢有分兩邊門口，感覺有啲似前後門，一邊係堂食，另一邊就做外賣點餐，而今日就有啲肚餓，就點咗一份午餐有蒜香鮮蝦露筍意粉+罐裝汽水，另外單點咗一份煙三文魚沙津。點餐到拎到食物大約10分鐘，由於係外賣自取，好自然溫度都仍然保持到唔會得返微溫，沙津既份量好足，意粉亦好香，外賣黎講味道確實唔錯，相信堂食的話應該會更好。…Read More

I was absolutely thrilled to see Mustache Chef’s new branch in Kowloon Bay! I went to the Wan Chai branch before, but since they do not serve dine-in after 6pm, I wasn’t able to try out their burger that time.Luckily, this Kowloon Bay branch has plenty of comfortable seating area, and the lunch menu looks pretty good! My friends and I were looking forward for Mustache Chef to get their alcohol license, so that we can have a nice happy hour here.I got this lunch set with Eel & Egg Burger with fries. The portion was huge! The long piece of eel was very meaty and nicely flavored with the sweet eel sauce. The piece of tamagoyaki (egg) was very enjoyable too. Love the thick-cut fries which was lightly seasoned with black pepper. With so much protein and carbs, I was so full for the rest of the day!Must try the delicious looking pizza on my next visit!…Read More

滿足的中秋晚餐今次揀咗2-3人套餐$198前菜有沙律（凱撒沙律/ 煙三文魚沙律🥗） 份量好足😆☺️ 兩個大人一個小朋友食岩岩好。沙律菜好新鮮，醬汁好夠味 好開胃蒜蓉包（推介）+炸雞翼 蒜蓉包我加咗橄欖油同紅酒醋，個包咬落去脆卜卜又有煙韌的口感，好有Italian style 讚👍🏼 揀左個西西里pizza, 個餅底烤得幾好，皮薄餡多餅邊都唔會太dry,平時唔鍾意食邊的我都有食，芝士夠多夠熱，有拉絲，小朋友食得好開心🥳 環境…Read More

呢度主打意式餐 套餐由2-3人起 平均一位都係幾十蚊 有PIZZA有小食仲有飲品同湯好抵食沙律係煙三文魚沙律 咸香既煙三文魚加醋汁 清爽咸香好食前菜小食仲有焗牛油法包同炸雞翼 一客4件焗到好脆口重牛油味4隻雞翼係炸既,炸到好香脆,咬開仍好有肉汁好嫩滑主食係蜆肉意粉,大量蜆肉加蒜辣椒爆香 係經典做法 入口香辣濃郁,蜆肉鮮味用比較粗身既意粉,入口彈牙美味PIZZA係即焗,所以比較遲上,用好薄身既批底加芝士火腿辣椒絲 食脆口感,餡料唔多平均消費$150評分8/10九龍灣啓業邨啓賢樓地下1號舖…Read More