Ko Lo Ming Food Shop

經過一日辛苦工作後，同一班同去食晚飯，但已經到了晚上21:30，上水究竟有咩可以食呢..🤔🤔最後我地揀在食雞煲....我d 同事真係唔怕熱呢😄呢間高佬明早上係一間茶餐廳，但到了晚上搖身一變就係食雞煲😄😄我地叫在一隻雞，見到都好足份量....配料都有好多，有青椒、洋蔥、芫荽，味道開頭覺得味道比較重在少少，但加在水之後，味道開始適中....當雞件食在差唔多既時候，就係時候加入地其他配料...我地之後叫在肥牛....響玲，蟹柳、生菜、芝心丸，但配料比較一般....…Read More

而家出去出面食早餐，閒閒地都要差唔多四十蚊，而今次介紹呢間高佬明茶餐廳，我食咗超過十年，睇佢由20蚊一個早餐，到而家都未仲未洗30蚊， 相信喺其他茶餐廳已經食唔到呢啲價錢。呢間高佬明茶餐廳有兩層，另外一層係等下面full晒先會開，一般好少要上樓上。而今次主力要介紹嘅早餐就係b餐xo牛肉米粉茶餐廳內部嘅裝修一般，同其他茶餐廳無咩分別早餐可以選擇方包或餐包，再配兩個自選嘅餸呢個就係主力介紹嘅xo鮮牛肉米粉，xo醬係佢哋秘製，牛肉係用鮮牛肉，唔係普通嘅沙爹牛肉，米粉唔同出邊食到好林嗰種，係好有彈性那種飲品無咩特別，唔難飲就算呢間餐廳夜晚會做埋雞煲，不過我未試過講真29蚊有一個早餐已經好難搵，算超值…Read More

朋友介紹黎試下，叫左黃酒雞(半隻)，雞煲都OK，雖然一開頭湯底同黃酒味比較淡，不過食左陣收乾少少水後都食得出黃洒甜味。但配料相當唔得，牛肉片同豬肉片唔知用蘇打粉定乜鬼醃到過哂頭，兩樣除左顏色唔同之外，口感都係滑同爽而完全冇肉味，如果瞇埋眼食真係分唔到乜肉。水魷魚又係完全冇味，好似食膠咁。反而叫豆卜粉麵果Ｄ仲好，都叫吸到d湯底。另外係唔俾茶水，有d逼人叫野飲既感覺。總括黎講亦唔算平，再去機會應該就唔大。…Read More

難得早放工，當然要搵地方醫肚，原先打算去廣成冰室，點知休息，唯有係附近求其搵間餐廳。高佬明食店都去過好多次，餐牌都不用望。沙爹牛肉麵牛肉醃到無牛肉味，而且肉質好鞋，公仔麵底預先講一聲，總算淥得夠稔，有時真係好怕原個麵餅出現。紅腸用油略為泡過，但油份太重了，雞蛋太大路，方包是換了餐包，也好，夠頂肚。近月為了身體，已開始轉飲熱檸檬水免糖，起初酸得要命，但慢慢已習慣了。…Read More

突然好想食辣魚鍋，撞啱文廸姐收工得閒，就算唔多辣得都陪我食，夠義氣，多謝。直衝東記魚鍋，居然今日頭休息！好邪呀！搞到要另覓新場，左兜右兜，最後是鬼但試高佬明啦！估唔到內外只係茶餐廳格局既高佬明會有多款火鍋湯底選擇，驚喜萬分！水煮魚煲中辣，固執地今晚決定左食辣魚鍋點都要食得到囉，哈哈！半條鯇魚起片份量勁大呀，兩個人實在有點壓力，我仲要食其他野架麻。賣相十分吸引，顏色鮮豔奪目、嫩紅泛著光澤，超級新鮮既印記。灼一灼魚片魚腩，極度鮮甜！一向鯇魚片比我印象都係腍劈劈、淡而無味，仲有少少草青味。從來未食過如此甜美既鯇魚片！結實肥美，肉汁豐富，魚香濃厚，極上鯇魚也！到底邊度鄉下架？肥牛，最衰無手切牛頸脊啦，好采都唔差。雪花紋稍削，滑感微弱，香甜味偏淡，勝在肉質有咬口而牛肉味濃，還食得過，滿意。手打墨魚汁墨魚丸，居然提供既係新鮮貨唔係雪藏貨，good！讚讚讚！咬開粒粒肉汁反光立立令，燿眼奪目！墨魚汁鮮甜無比，無敵既爽彈口感，唔啪返三四粒根本停唔到手，必食！鮮雞腸，強差人意，跟水煮湯底唔太夾，食不到味道。珊瑚蚌，完完整整唔會散筲筲，新鮮無加工亦無飛水，我自己會先用雞湯及薑灼一灼，去腥及加點香甜味。珊瑚蚌索汁力頂級，鮮味中帶強辣，爽到索索聲，刺激又美味！蟹柳，又係我最討厭既大陸蟹柳，救命！膠感十足，紅卜卜顏色望而卻步。一灼即散，入口甜味極濃！不食也罷。午餐肉，自從四川、重慶麻辣火鍋興起，午餐肉亦隨之帶入火鍋界喇。同屬吸汁高手，浸得午餐肉透徹而軟滑非常，每一口都充滿辣湯汁及咸香，極度惹味！海中蝦，令我十分滾動！游水蝦來也，生猛腳撐撐，正呀！海中蝦，份量十足，未能一次過將佢地一鑊熟，唯有分兩次啦。掉落湯度游返一分鐘就食得，爽甜多汁，游水蝦邊有得輸呀！好食到震！皇帝菜，最後到殿堂級索辣至尊！以前我完全接受唔到佢既辛中帶甘既味道，由麻辣食食下到依家終於都食到，仲好鍾意食添。蔬菜吸辣得黎仲可以將辣味更濃縮，中辣變大辣！文廸姐投晒降要勁灌啤酒解辣，我就食到勁開心，超強辣味颷晒汗！爽甜帶辣 good good good，大愛！水煮魚湯底香料味豐富不單調，辣中帶香帶甜，有料！…Read More

原先打算去廣成食牛肉通粉，但已關門，唯有轉去另一間常幫趁的食店。下午過後的時間，只得兩三檯客人，午餐點了榨菜肉絲公仔麵，辣辣地又有嚼口，幾開胃而且惹味，公仔麵淥得啱啱好，柔韌富有彈性。咸牛肉蔥花炒蛋竟然忘了拍照，也未免太失敗了。凍檸檬茶雖然早已講明少甜，但總是沒人理你，還是依舊糖水一杯，幸好茶味不錯，清幽芳香。多咀跟另一檯客聊聊天，談談馬經，粗口橫飛，外人不知還以為是老朋友，這就是生活。…Read More

秋風起食乜好？？？一班朋友，最好便是打邊爐了，又是在上水放工，友人提議到這間……高佬明……一試，果然不錯！！！胡椒豬肚湯底，尚算足料，湯底又入味，胡椒味十足,飲完啲湯暖粒粒但有啲麻麻地!但冬攻吃後份外感到溫暖,要即刻除褸!這裡的招牌菜---黑色的才是墨魚丸吧,口感彈牙，而且有咬口, 出面不是輕易吃得到,總共ORDER了三碟! 雖然肥牛較為失望，不新鮮, 但尚算肥美厚身，都幾抵食既!其他邊爐配料只能以不過不失形容....但湯底跟招牌菜值得我再來!!!…Read More

:( 食品一般，地方狹窄，服務態度差。我們一家，一行10人，每星期日都相聚進餐。來高佬明吃火鍋都有三、四次，因為家人住粉嶺來這裏比較近，而且這裏的黃酒雞煲比較有特色，酒香雞夠滑，這晚我們叫了一個雞煲，一個鴨煲，雞煲裏的黃酒確實好香，我們還叫多杯酒一邊食一邊加保持酒的香味，鴨煲相對就比較差，鴨（鞋）唔好食，牛肩甲肉（冇牛味）可以不叫 ，肥牛和我在街市買70元一磅的水準一樣，一般貨色　 ，鵝腸爽口:)，黑墨魚丸可以叫幾好味:)，每次來都會叫兩份，脆鯇，雲吞，腐皮，都只是用來填飽個肚，有乜味道，總括來說食物味道一般，只有雞煲係比較好。…Read More

同事介紹左一次之後,大家都好鐘意食高佬既雞煲同胡椒煲。因今日係最後一日返工,亞姐好好專登再叫我去上水食飯。今日大約6點左右到達,桌數不多。但都有限時間,但都吾理咁多去咗先。今次因為得2個女仔,只叫了半隻雞(中辣)和2個菜和丸。當然一定要加佢地秘製辣醬(超好味,夠胡椒味)大約15分鐘左右已經上桌,香噴噴既味道出晒黎。再加上香茜...正。辣度中辣剛剛好。還可以食到雞味。雞夠滑身又吾多肥膏,配料吸晒所有味又夠淋,之後因為我地另加一個香茜。所以汁反而偏少,再加水已經覺得淡左。之後加了一個油麥菜和墨魚丸。墨丸味道都濃又有墨魚肉,好有口感(吾會因為煲太耐)。之後每人一杯飲品坐左2小時吹水。已經可以飽飽離開。其待下次一大班人黎食飯。…Read More

几位同事都住旺角尖沙咀，竟然答应黎上水gathering经过一番思量，选择左呢间系上水口碑极佳既鸡煲。本人都系第一次食，所以有啲忐忑架7点几开始已经有唔少人等位。好彩我地准时收工。鸡煲汤底几鲜甜，主角-鸡，鸡肉嫩滑，相当有鸡味。肥牛都唔错。值得一赞系朱红，本人唔食猪红，不过有位同事非常喜欢，几乎成碟食晒，盛赞味道好。其他菜既分量都几大。抵食。埋单位位140。…Read More

話說呢到有好多唔同的特色打邊邊湯底~之前已經好想黎呢到一試今日臨時臨急CALL大咪搵飯食~幸好有姣鬆D啋我~有傳聞呢到每日都會爆場,所以刻意早少少黎搵位,服務員阿姐指示我到二樓的雅座姣鬆D好快就到~我地睇好耐都唔知揀邊款煲好~最後試左個黃酒鷄煲,一聽就知好保身~!!煲來了~~真係好勁~又多鷄又多料~一打開個蓋就聞到好香的酒味~吸左3-4分鐘~漸漸就散~夾鷄食,嘩~頭兩三件真係好滑又好好味~食鷄要快~如果唔係耐左的話,就好易老同鞋口~!!人味見人見智~食食下鷄~仲可以叫埋其他打邊爐的材料,樣樣都好新鮮~D菜好掂~唔老又冇黃邊,仲係選用新界自己出產的新鮮西洋菜~!正~牛款都唔少~最中意係牛肉粒~!脆魭片好脆口又大件~正~仲有魚皮~雖然唔算係好上等即炸的貨色,不過唔會淋又脆,算唔錯~配料芫茜蒜茸逐碟計錢,不過我覺得如果D食材新鮮的話~唔需要太多的調味~!期間服務員阿姐殷勤的招待~令我地好舒服咁享用晚餐~!臨尾叫仲個白飯加入湯到煲成粥~白飯吸盡晒所有精華~變得又棉又好味~!真係唔忍得口~!我地問服務員阿姐要唔要識下~佢望左好耐,最後都忍住話''唔洗''~哈!~~我覺得佢其實好想試~!好開心的晚餐~期待可以再黎試下佢其他的煲款~!! …Read More

朋友推介，三五知己夜晚走去食高佬明叫左個奇味雞煲，有得揀大中小辣，第一次食所以揀左小辣試下先。個煲一黎到，嘩都無水GE，點樣滾我最愛GE肥牛呀??原來D 人會係食左煲入面D 雞先，食到咁上下就會有職員黎加水個煲好香濃、好惹味，D雞都幾滑之餘，配料如洋蔥青椒亦變得好好食!!D侍應好勤力好有禮貌，不時會過黎加水，可能怕令個煲GE 味變淡，所以每次都只係加少少，但佢地每次加水都好慇勤，仲會問下我地對個煲有咩意見:)配料方面都好多選擇，我地叫左牛丸、生菜、響玲卷、山根、肥牛放左落個煲入面全部都好香，尤其係響玲卷，滾10秒左右就夠，誠意推介!!連埋汽水，每人一舊水都唔使~抵食夾好食！:):):)…Read More

今晚!是高佬明食店開夜市第一晚,雖然唔算好旺.食物都可以.今晚試了兩款煲菜,味道,材料都是正!尤其係奇味雞煲,伙計話係走煲地雞,雞肉都嫩口.我諗隻雞都是細的.但配料超正,有青椒,紅洋葱,非常野味及頗辣!如果天氣再凍一些,可暖吓胃!至於澳門豬手豬尾煲,相對比較清淡些.它還可配其他打邊爐配料,我試芝心丸,新鮮肥牛.啲倆款超正!大家可以去試吓.…Read More

相距一多月又食過不過今次係堂食，而唔係賣外賣但叫ge也是一樣~XO牛肉福麵不過今次辣D同埋將火腿轉左做紅腸一樣咁好食而老公就叫左沙嗲牛肉福麵不過佢個碗唔知點解無菜…Read More

住左上水一年，有機可試到這間食店因這間食店好早就閂門令到我好少有機會嘗到此美食今日特登叫老公去lee間都買早餐平時食開有間的，但想轉轉口味幫我叫左XO牛肉福麵等到老公返黎一齊開餐打開一睇，嘩....咁多料ge碗麵裡面有菜+牛肉+火腿+太陽蛋+福麵再跟一個包及熱飲（華田）碗麵因有XO醬ge關係，所以好惹味又辣辣地，可以暖身食到好飽…Read More