Video
Exit A1/L5, Tsim Sha Tsui / East Tsim Sha Tsui MTR Station/ Exit F, Austin MTR Station
continue reading
Telephone
21130088
Payment Methods
Above information is for reference only. Please check details with the restaurant.
一年一度德國啤酒節當然要去湊湊熱鬧星期五晚上 7點去到 現場唔算多人一去到就去排隊買野食先德國豬手 必點 皮脆肉厚 薯蓉都好好食豬手隔離的德國腸 - 腸夠juicy 德國蝴蝶包好咸 要搣走啲鹽粒先食到Ribs - 唔係炆到淋果種 肉質好實啤酒 另有黑啤選擇甜品 蘋果酥 熱辣辣 好鬆脆 唔會過甜黑森林 - 好重酒味 本人覺得一般草莓撻 - 好味 士多啤梨好甜cheese cake - 正正常常雪糕係某某名牌子野食偏貴 味道尚可 一年一度 就盡情玩下 唔好計咁多了 let's go party party all night oh oh oh hey lonely lonely goodbye oh oh oh
continue reading
燒豬膝配燴紅椰菜及芝士焗薯片，最初大家都以為係德國咸豬手，食完再睇真一點，原來只係燒豬膝，鬼佬圓蹄？味道散發著原始豬肉味，有點偏淡，唔覺有燒過，被我形容為炆豬肉。肉質夠腍，質地乾爭爭欠缺肉汁，只微暖不熱。眼見廚師將所有一早炆好既豬膝放落鑊度略煎、翻熱，都好求其。德國豬手，夠晒巨形，但唔夠熱，暖暖地，皮又硬、肉又乾，一年比一年差囉﹗我真係大大力推介，要食真德國咸豬手，一定要搭飛機去德國食﹗好掛住當年係德國慕尼黑嘆過的傳統正宗德國脆皮咸豬手，切開勁脆外皮，裡面熱騰騰出晒煙，肉腍多汁又充滿咸香，非常好食。香港煮既根本唔係傳統德國豬手呀﹗我懷念以前係慕尼黑食豬手，外皮勁脆，下面係啫喱狀既骨膠原，再包住係軟棉多汁熱騰騰既豬肉，肉味濃郁，超級爆水 Juicy﹗香港真係食唔到。炭燒法靈堡腸配燴洋蔥及咖喱汁，一早煮定晒，有 order 就夾出黎加汁搞掂。真的燒過？完全無焦香味，室溫不熱，淋上微暖無味咖喱汁。幸好腸本身味道可口，好過隻豬手啦。德國香腸併盤，有我最愛的香草白肉腸呀，勁開心！得點解全部又咸又腍劈劈呢？非常失望！如果有芥辣調調味會更好。伴碟德國鹽餅好難食，不香脆，只有微弱鹽味。炆羊肉，西門兄話好正！肥美肉嫩微羶，沾上薯蓉及紅酒汁非常美味。燒春雞，試過非常不好的豬手，今次我要雞。依隻雞都只係免強合格，睇黎啤酒節真係主要飲啤酒架乍。雞肉乾鞋硬，淡而無味，不鮮甜不可口。依家先六點半，大部份來賓都未到場，所以尚算清靜，去攞啤酒、買野食都未洗排長龍，趁未算太多人，速速去買野食先。早年都無緣參加此啤酒節盛事，終於第一次黎觀摩觀摩。多謝各介朋友擁躍參加，party 非常成功，26 個朋友仔一齊玩，勁開心好玩 ﹗食物區，去 counter 比錢買完飛就黎取食物，如果有八達通就唔洗去買飛，直接係出品部嘟一嘟比錢搞掂 ﹗十幾款主菜，好多選擇。bar 檯係正我張枱隔離，好方便，班 promotor 妹妹一見鏡頭就回避，可能未熱身呢。係帳蓬外又另一番境象，好寧靜喎，大家只係飲吓酒、吓計，感覺好 relax，同入面熱辣辣既氣氛完全唔同。飛機友伊沙貝拉約左七點半前要到場，追到十點先話唔到！獲獲無誠信、無交帶！無緊要我頂，豪比您﹗堅嬲、無下次﹗
continue reading
同事結婚，來飲紅袍金豬全體: 脆卜卜，好好食，酒店分好才上枱，看不見全隻乳豬，好失落杏白百花球 : 好大粒，好好食，如果醬汁多一些會更好桂圓螺頭燉竹絲雞 : 推介，燉竹絲雞很清甜，螺肉味好香炸子雞 : 推介 2 皮脆肉香，可惜沒有拍照其他菜色還可以，生果盤上的朱古力天使好靚
continue reading
早陣子於馬哥孛羅香港酒店六樓宴會廳參加了一場婚宴。酒店地點在尖沙咀，交通方便，駕駛人士可停泊車輛於海運大廈(露天)停車場六樓，同層步行一會可達。宴會廳大致上呈四方形，樓底不算特別高，宴會廳廳中有柱，部份賓客視線或有所阻擋。在酒店用膳，衛生及服務大體上都屬滿意水平。食物方面，菜式都是一般中式婚宴的選擇。比較好吃的有紅袍金豬全體、雲腿鮮菌珍珠膽、紅棗花膠燉水鴨湯及鴻運炸子雞。紅袍金豬全體端上時仍熱辣辣，皮脆肉甘香，不肥膩。雲腿鮮菌珍珠膽亮點在於雲腿，鹹香甜美並重。紅棗花膠燉水鴨湯較少出現於飲宴上，一對新人享應環保，以滋補燉湯入餚選擇不錯。鴻運炸子雞和乳豬一樣皮脆，肉質嫩滑。有進步空間的菜式有杏香百花球及清蒸大星斑。杏香百花球不夠香口彈牙，不盡其責。清蒸大星斑沒預期般滑口，魚香一般。最後再次祝福一對新人白頭到老，永結同心！
continue reading
一月十三日 (星期日)是夜，來到尖沙咀馬哥孛羅酒店，出席一對好友的婚宴由他們初相識，一直看到他們成為夫妻，實是令人感動這晚的餐單，頭盆的乳豬和炸蟹鉗算是不錯，直至去到海青斑也是不錯，的確令人有點喜出望外不過，尾段氣力有點不繼，荷葉飯實在有點失望不過，由此至終，婚宴最重要的，始終是能向一對新人送上祝福我們也正籌劃婚宴，深知箇中的煩惱，中間付出的實在不少!是晚婚宴能順利完成，實不是易事~不出一年，就輪到我們了在此，再次祝願一對新人百年好合，永結同心往後，大家繼續四週覓食!!!
continue reading