駿運士多

呢日朝早出街，行經呢間名店，雖然已經朝早近11點，過哂早餐，但又未到午餐時間，依然照例要排隊，慶幸只係前面有幾個人，但即使人多，因為員工效率高，都唔會等太耐。呢次叫咗$10蘿蔔糕，有兩件，$10魚肉及豬肉燒賣兩溝，共$8粒，姐姐問我要唔要辣，心諗：蘿蔔糕唔辣邊好食㗎？於是話要，姐姐就落咗豉油同辣椒油。由於呢度只做外賣無堂食，咁嘅天氣，自然走去附近其中一個商場坐低，影完相後慢慢嘆住冷氣嚟食。呢間名店最出名係燒賣，所以質素唔使講，亦必然比7仔好食太多，兩款燒賣，各具特色，平分秋色，無比較就無傷害，試過就知龍與鳳。蘿蔔糕雖然唔係好熱，但煎得焦香脆口，而且食到蝦米同蘿蔔絲，咁嘅價錢，咁嘅質素，仲可以去邊度搵到？可惜嘅係落咗豉油，令到佢偏鹹，影響口感，下次叫佢只落辣椒油，唔好落豉油至得，但唔落豉油，燒賣或者會變得無咁好食都未定，做人真矛盾！唔理啦！試咗先講，唔好食嘅話，最多再下次分開叫。…Read More

行過觀塘呢間駿運士多，見到唔少人圍住等燒賣，即管八卦吓，$10 就有 8粒豬肉燒賣，夠抵！呢款燒賣豬肉餡軟熟，豬肉味唔算濃郁但都有香氣，間中食到少少馬蹄粒，令口感唔會一味淋，幾有驚喜。加埋甜豉油，鹹中帶甜好惹味，辣油就普通啲，只有辣味冇乜香氣，略為可惜。雖然唔可以話佢係高質燒賣，但作為觀塘人氣級小食，份量夠、味道唔差，真係無得輸。如果你喺附近出出入入，肚餓想醫吓嘴癮，呢款燒賣真係幾稱職，性價比極高之選！…Read More

好出名要排隊嘅燒賣！✨山長水遠去到特登試哂兩款燒賣豬肉燒賣 $10 八粒無魚肉燒賣咁有咬口，不過會多陣冬菇嘅香味，我個人好鍾意🤤魚肉燒賣 $10 八粒都幾彈牙，不過我都係鍾意金龍燒賣多啲🫣🫣🫣配搭上食唔到16粒，其實都可以叫姐姐$10兩溝。佢哋好好人，都會照做俾你！…Read More

This roadside tuck shop sells Taiwanese meat buns (胡椒餅) for 30 bucks, which were amazingly delicious. The buns were huge, fresh, flaky, served hot, and fully stuffed with large chunks of flavoured porks! Juicy and meaty! Could be a tad cheaper but we think that it’s still worthwhile to get one of you don’t have time to make a trip to Taiwan yet. There were other stuffing like Taiwanese scallion; and beef. I think those would taste good as well, next time we should give these alternative flavours a try! …Read More

1. 第一次食，見甘多人排以為好好食，買左燒賣牛肉球，難食X3，可能工廠區無野好食，點難食都多人排。2. 店員放個兜系出邊自己找錢，問佢系米放系兜入邊自己找續，店員黑臉吾出聲，買嘢食好似乞衣一樣。 3. 去隔離七仔買個丁丁燒賣牛肉球都好食過佢，全粉味。4. 香港人通常都貪熱鬧， 人多排隊就必好。完…..…Read More