馬仔記麵館 (Closed)

讚1.鳳城水餃的確好味，皮薄，足料，湯既麻油豬油底夠香，區內雲吞水餃麵店雖然唔少，但呢間真係做得好2.侍應好細心，見我紮住隻手入去，提我如果係扭到就唔好食蝦彈1.腩汁蘿蔔帶苦身…Read More

鳳城水餃🥟有木耳絲、蘿蔔絲、蝦、少少豬肉碎，哎起上來十分爽口好吃😋可惜湯底好咸，感覺味精多，但粒餃又好吸引，食過好多次，真係百吃不厭，哈哈哈。起碼我媽媽包既唔會有呢種材料配搭。…Read More

行完山去食馬仔記 嗰度嘅雲吞同水餃真係值得推介🤩👍🏻👍🏻 啲蝦好彈牙同新鮮 尋日無啦啦想食涼拌青瓜 今日就喺嗰度試埋 嗰度嘅青瓜拍得好碎 特別入味 仲加咗少少木耳 好爽口🤩 皮蛋一份一粒 切開四舊 蛋黃仲有流心嘅口感😍😍 Staff嘅務態度都好好😛.…Read More

今日都幾夜先食飯，這裡的不少都關門，見到這間食粉面而且仲有飯都有不少選擇而且都坐得不錯就入去試一試，入到去原來仲有魚，雞都有驚喜，但因為不太餓關係只食二個面食和小食都十分飽肚，價錢都合理，味道都不錯。好多牛腩撈面就來到，牛腩唔太硬身，吾夠入味，牛根幾好味淋身，面比較多簡水味所以本人不太喜歡，朋友都覺得可接受，但過了一陣他都說味道再濃郁咗冇咁好味了，幸好叫了飲品就冇咁口乾。炸餃子幾大隻而且炸得比較乾身，一食落去仲有汁流出好味道。見幾桌人都有叫就叫來試試這個醣心皮蛋配薑，皮蛋的確不錯流心足，但薑太大片而份量多一二片會更好。豬什面，豬什都好嫩身而厚肉，啖啖豬什好味而面質口感不錯而且都幾大碗，湯底都幾清甜。…Read More

冇諗過隻水餃可以大隻到咁😂上枱個陣我忍唔住嘩咗一聲心諗咁大隻 應該好多皮冇乜餡啦點知😝一咬就幾隻蝦碌咗出嚟仲有木耳絲、蘿蔔絲同少少肉食落啖啖鮮味 仲爽爽地 真係有驚喜😍講到麵底 我就轉咗米粉 仲落咗醋唔知大家食麵既時候會唔會好似我咁唔呷醋唔安樂既呢😌…Read More

今次介紹呢間係象山邨開咗好耐嘅老字號，然後過嚟荃灣開分店嘅一間麵館！話明老字號，就梗係食地道野🙆🏻我梗係要去試一試啦🤔🤔嗰日諗住自己食個午餐，但係一見到張餐牌，就唔係地道野嘅價錢啦🤔🤔🤔略嫌有少少貴咁啦，一個午餐如果加埋凍飲差唔多$50埋單🤔係呢一個地段，側邊有咁多茶餐廳，真係覺得有啲貴🤦🏻‍♀️不過都算啦其實都幾好味！今次叫咗個砂礓雞飯😍好明顯係一個頹飯😂😂😂但係個砂礓雞一上嚟我見到係雞髀♥️果下都開心左一陣🙆🏻咬落去唔係剩係得啲皮有味，雞肉都有味，仲要係滑嘅😍😍😍😍可惜得個一條菜，dry左少少，如果可以多多兩三條咁就更好啦😂😂作為一個頹飯佢都算係咁嘅🙆🏻…Read More

昨晚和朋友晚飯，我點了韮菜餃（餡味感覺似落左糖）麵，青瓜雲耳（也是有種甜味，怪怪的），最嚇人就是酥炸雲吞，居然可以不熟透！吃完晚飯後，還非常口渴，飲完一支樽裝茶也解不到渴！絕不會再幫襯！…Read More

我都算係支持左好耐既食客，由中學果陣象山麵館開始至富麗小食檔，到而家既大廈街店，佢地麵同水餃可以話我覺得全香港最好食。但唔知幾時開始餐廳既方向越來越奇怪，推出甚麼「黑松露水餃撈」麵就成個面禁大但黑松醬就得手指尾甲禁多，我見到就心知不妙，但都黎唯有試下，不出我所料「中伙」，黑松露完全同個麵撈唔埋，黑松露又冇黑松露味。禁我唯有寄托麵同水餃，誰不知麵係未熟，搞到我認唔住講左出聲「好難食！」，店員們見到我禁，只能面帶暗暗既笑容😏，我心諗我係唔係上整蠱偷拍節目。不過可讚既係水餃都保持到以前三分一既水準，係果一刻都算係安慰，但最後都係堅持唔到落下食左一半就走，係我排隊比錢果陣，收銀員仲不斷向我前面係食客推介黑松露撈下次一定要試下，我都好認同佢既推介，因為依個麵真係可以「試」但千祈唔好「食」。相我就冇影啦，但如果想一睹風采可以自己去鋪頭睇下。禁都要講番句公道說話，其實日間老闆喺度坐陣果陣味道都仲可以，但一到夜晚就......希望老闆們可以關注一下，而家長情係食客少一個就係少一個😔…Read More

這間「馬仔記麵館」約半年前來到這裡經營。這些年來，在大廈街都有不少新開張的小型食肆，跟一些已經在當地經營十多年的老店並立，百花齊放，爭一日之長短。新舊店舖要怎麼樣面對競爭，都是一個課題。不過作為食客的我們，當然是高興地看到多一些選擇啦！平時晚上較少出外用膳的小妹，因為和親戚們乘晚機外遊返港，返到這地區時都差不多晚上十時許，眾人都大嗌肚餓！不過在大廈街這個時段仍然有一些食肆是營業中的，包括這間。有店員站在門口，看到我們的餓相，熱烈地歡迎我們入內。內裡的裝修令人眼前一亮！紅地氈﹑紅色的木質枱椅，微黃潔白的牆身，適度的鏡牆增加空間感，再加上明亮的燈飾，用上傳統的中國風木燈籠點綴……顯然是落本打造。餐牌依傳統茶記般夾在桌面玻璃，一目了然。嘩！晚上十時許了，員工還要包雲吞，莫非……這裡的雲吞銷量極佳？點選了不同種類的食品，我還以為這裡以麵食為主，但原來可說是包羅萬有。請留心看看賬單。不說價錢部份，我想說的是現今的賬單「菜淋D」都可以呈現。是的，我們點「郊外油菜」時有提醒店員我們想吃較為「腍身」的菜心。連這樣也能夠落單，真是有夠細心。秘製豬扒飯：看到豬扒「佔據」整碟的四份三！真誇張！秘製豬扒飯本身不是有汁飯，靠的是豬扒的肉汁。吃起來，豬扒應該是燒製或略為煎過，肉汁依然存在豬扒裡，咬下去肉汁是微甜豉油味，有一種家常豬扒的感覺。五香牛腩麵：這裡的麵食基本上是廣東麵(鹼水麵)，很爽。五香牛腩麵的牛腩和牛筋呈五五比，當然也有一兩塊白蘿蔔點綴。牛腩清湯鮮甜，牛腩和牛筋都應份地呈現出適當的口感。蘿蔔很腍，而且吸收了清湯的味道。鮮蝦雲吞麵：就是看到阿姐姐努力地包雲吞，所以必定要點啦！爽爽的雲吞，一口一粒就是傳統的大小。吃到有原隻蝦，蝦和肉比例適量。雲吞麵的清湯偏淡，不過湯與韭黃(我估計)配合，應該會帶返湯頭的冶味出來。鹵大腸撈麵：想不到這碟撈麵如此大碟！而且鹵大腸的份量也不少！鹵大腸仍然是有肥美的脂肪內層，所以整體來說是極度誘惑和邪惡的美食！難怪那碗伴湯是多麼的重要，可以解解膩吧！實際上又不太膩的，因為鹼水麵某程度上幫助解膩，而且有些人喜歡加一些浙醋在撈麵裡，就更加解膩了！真的所有食物都清了！讚！…Read More

其實屋邨面黎講質素係做得好有心，服務都好。之前都成日去食，不過就係因為咁，成日叫碟油菜都撈左幾粒發泡膠係入面，見到就話挑起佢姐，見唔到就食埋d發泡膠落肚。。。就算佢換過碟菜俾我，d發泡膠都係放左落去同d湯一齊滾，萬一溶左d係湯度，對健康都有危險。。。所以決定唔再幫襯佢了，真心希望老闆會正視問題改善一下。…Read More

為何深夜總是餓？又係一個陪老公夜食晚飯的日子，估唔到屋邨都搵到一間裝修企理又光光猛猛的粉麵舖。食物是一般的大路粉麵嘢，但就相當有heart。雲吞睇得出是自家製的，的的骰骰的，而且用料絕不姑寒，大大隻的蝦包在大細剛好的雲吞皮中，一啖一隻雲吞食得很過癮。炸醬撈麵的炸醬很入味，但最吸引的是彈牙爽口的麵。而且份量都不少。上湯不覺味精，感覺真材實料。老公的豬雜撈很新鮮，豬潤是爽口的。員工非常有禮貌親切，絕對係深夜裡的一股暖流。…Read More

最近大廈街一連開咗兩間新食肆, 此麵館是其中一間.初初開幕的時候曾經在這裏吃過牛腩撈麵. 味道幾好, 不過價錢略貴($42), 較附近兩間同類粉麵舖貴.今次中午時段再來光顧, 見餐牌上有午餐可供選擇, 我就選了豉椒排骨飯.以40蚊包熱飲的收費來說, 價錢合理, 不過味道略遜於其他茶餐廳出品, 味道偏甜, 少少怪, 而排骨只得幾舊, 仲要過半數都係有肥豬肉嘅排骨, 可供食用的不多.總結, 要食飯都係去返茶餐廳.不過, 值得一讚的是這裏的環境,裝修及服務.…Read More

同薯頭先生與友人行經大窩口近大窩口邨，正好接近午飯時間，在大廈街見這間馬仔記乾淨企理，就入去試試啦！12時有不少食客，好彩剛好有卡位，一行三人坐得舒服。舖頭光猛又乾淨，地板不會「濕det det」，讚！本來以為只有麵食，看menu才知原來都有不少飯類選擇，我們每人叫了份主食，再叫了碗淨水餃share。嗜飯的我叫了京都炸醬煎蛋飯 ($38)，首先最吸引我的是隻蛋，煎得好靚，還有我最喜歡的脆脆蛋邊～ 而且好大碟，要分點給薯頭才吃得完。這種港式京都炸醬甜甜哋帶微微辣，最合我口味啦！炸醬用來配撈麵也不錯，如果叫炸醬撈麵就$40。薯頭最愛的薑蔥撈麵，這裡有成十幾二十款，他選了薑蔥黑豚豬肉拼粉腸撈麵，任何雙拼加$7，所以原本$48+$7 = $55，粉腸煮得軟熟，粉粉的滿有口感，麵底亦煮得彈牙，軟硬適中。份量超大，薯頭話味道同我們食開的中環老字號絕對有得fight喎！友人的白灼肥牛麵 ($33)，她說幾好味，肥牛份量夠多，幼麵彈牙，加點辣椒油更惹味呀。我們share的鳳城水餃王 ($35)，平時只愛北方水餃的我都覺得好味，一碗都幾多粒，我們每人分到兩至三大隻，味道鮮味，好多餡！臨走見到隔離枱食的南乳豬手撈麵都好吸引，不過已經好飽，下次再食啦！…Read More