香辣吧 (Closed)

本身我個人都中意食酸辣粉上次星期日晚上黎呢間係食牛肉酸辣粉（$40包汽水），今次就試豬肚酸辣粉。兩次都覺得唔錯，價錢合理啦，味道拍得住出面街邊鋪、其他廣場鋪嘅酸辣粉、傷心酸辣粉。佢個豬肚都有驚喜，真係爽口嘅，唔會煮得好老、好淋，又唔會太生，上次牛肉都係，煮得岩岩好，d味道仲保存喺肉入面，唔會感覺入哂湯淡左。整體材料都算豐富嘅，唔係孤孤寒寒（可參考附圖：豬肚酸辣粉）點完、買完野食就後無單據嘅，耐心等待就ok，上次同今次買酸辣粉大概等8分鐘，不過好彩嘅係上次同今次都係得我一個客人落單。希望呢間如果慢慢愈來愈多人幫襯之後質素唔好變差啦。溫馨提示：應該好多人知道西九龍中心8樓在好久歷史之前為左唔好比d唔係食客嘅人坐太耐，d櫈好多都改左做斜櫈，但香辣吧附近仲有一d平櫈可坐架！但希望大家盡量留比有需要嘅人啦！！同埋食完係要自己拎盤去垃圾桶上面放好架，雖然係間唔中有一位至兩位姐姐清潔收野（其實好多張枱上面都有痴住提醒食完要將盤放好）…Read More

上星期五要去西九龍8樓攞完野，跟住就行過隔離美食廣場食野，兜左半個圈 ，諗起上次行過見到成間店紅卜卜，肯定係食辣野，已經想試呢間香辣吧，今次擇日不如撞日啦！望左一陣，最後點左份香辣豬什飯，再叫左一份涼拌雲耳同涼拌土豆絲，同老闆講埋要再加大辣😋，坐左一陣好快有得食！開餐！但係原來我發覺自己唔太鐘意食豬腸同埋豬肚，不過豬潤同豬心我就食晒👍而且個辣度岩我口味😘另外個雲耳同土豆絲就嚇左我一跳！點解？因為好大碟呀！當初係諗住$20份，都預左佢一定唔大碟，如果唔係點會咁平，點知⋯⋯真係好鬼大碟，重量級份量👍雲耳既酸味好開胃，不過就唔太辣！但土豆絲就唔辣之餘就太酸！同埋太多汁，有點失色！最後我當然食唔晒啦！問老闆攞左外賣盒比我打包，老闆都無再收我外賣盒錢😊呢餐加埋都只係八十幾蚊，一啲都唔貴！如果我再行開西九龍都會再黎食既😋…Read More

麻雀雖小 五臟俱全  風味十足西九food court 真係咩國家既菜都有，中西日意韓既小店都有，但要係到站得住腳既吾多，而尼間就係其中一間佢主要買四川菜同辣野，口水雞呀，麻辣粉呀等等，而禁岩哦日真係十萬個好想食麻婆豆腐，就當然食尼個菜啦，點既時候仲有得揀要咩辣，當然叫住個小辣啦，如果叫左個大辣，真係怕食吾到即叫即煮，10分鐘左右就有啦，真係色香味俱全呀，而且仲好好味呀，佢最讚既地方係麻婆豆腐（配好多蔥）同飯分開，禁就吾會令到d飯搞到好淋，雖然都係有少少油，但配飯一流，而且大大碟，38蚊（好似係）真係非常值👍🏻👍🏻👍🏻👍🏻…Read More

大家冇睇錯，只係$28。份量同茶餐廳一碟飯差唔多，夠食。而味道方面，雞粒唔係求其炒，而係用鐵板煎完再炒飯，所以會好香，而且味道十足，好少見到。菠蘿炒得足夠乾身得黎仲有少少JUICY，成個飯炒得夠勻，每啖都好平均，作為炒飯係上品。冇野飲跟係惟一缺點。整體評分：味道：7.5/10份量：8/10性價比：9.5/10…Read More

很久沒有到過西九龍中心, 朋友說若我到那裏8樓的美食廣場, 肯定會很瘋狂, 無錯, 我去到後, 真的迷失了, 迷失是因為不知該吃什麼才好, 因那裏太多食市, 每間都是很小型, 看上去樣樣都很美味! 最後我揀了去香辣吧, 因朋友說他們的水煮魚很美味! 這店舖很小, 只可容納兩人工作！很可惜的是, 排隊等"水煮乜""水煮物"的人太多, 剛巧他們準備炒回窩肉, 勁肚餓的我放棄了水煮魚, 而改要回窩肉~回窩肉價錢不貴, 不足$40便可以上 ! 他們分了大中小辣, 我點了小辣, 但還是食到滿頭大汗!回窩肉用上椰菜 豆腐干 唐芹 辣椒及豬肉來炒, 調味倒真不錯, 再配上香菜, 真的很下飯! 不足之處是整碟回窩肉較油及較濕, 而豬肉又不是一片片薄片的, 吃起來不夠過癮! 下次再來時, 定必試試水煮魚的美味~…Read More