香記燒鵝

Open Now

Now Closed

旅行後就算係星期五都要慳啲食，放工就去食兩餸飯TGIF吓北角呢間燒味店同時都有做埋兩餸飯，選擇好夠，頹有頹嘅快樂呢間既然叫得自己做燒鵝店，想必燒鵝一定係最掂，點知夜晚賣晒，燒味得返叉燒同雞於是就要蜜汁叉燒同豉油雞，叉燒一啲都唔似貨尾，肥瘦剛好，好有肉汁豉油雞仲要係雞髀肉，皮肉入晒味，而且好嫩口啲飯煲得好正，似乎係絲苗米好彩啲餸都仲未俾人清晒，仲有得揀糖醋骨好大嚿，仲好多肉，好掛汁，送飯一流蒸蛋都好特別，上面鋪咗蝦乾同煎釀嘅肉，外脆內滑鯧魚係家常便飯中，大胃最鍾意食嘅魚呢條魚夠晒斤両，都幾肥美好肉

難得搵到一間食兩餸飯，但係又有燒味嘅餐廳就喺北角雞蛋仔附近咋～食食吓都有好多街坊幫襯 係好有人情味既鋪頭多餸揀到好似返咗屋企咁🤤仲要咁出色，掃極都有 好多唔同菜式嘅嘢都想試 種類多先可以留得住你哋個胃真係食多幾次兩餸飯都抵 ！燒鴨好薄身同好Juicy食落唔會成嚿柴咁就係我最鍾意👍🏻叉燒有點兒Over蜜汁了 味道有啲重好肯進步的小店 會收返客人feedback做改進😃值得被看見我見佢仲有乳豬飯同搭其他燒味好似都幾正！

🔹️朋友介紹位於北角 “香記燒鵝兩餸飯” 抵食兼好食, 適逢打風便去買外賣加料🛍🛍 店內除了有堂食還有很多人買外賣, 而店舖主打兩、三餸飯、淨餸和出名燒鵝、燒味, 種類多不勝數, 食物有水準👍 價錢親民極緻💰 哥哥、姐姐十分友善、高效率🙎‍♂️🙎‍♀️🔸️今次買了兩盒淨餸🍲有嫩滑入味豉油雞、蜜汁香甜半肥廋义燒、惹味燒排骨、大大隻滷水雞翼、軟腍入味牛腩蘿蔔、香噴噴香擰雞、爽脆西蘭花、鮮嫩白菜仔、爽口絲瓜🥢😋

【香記燒鵝】，是一家街坊熟悉的燒味店，以親民價錢和穩定質素深受食客喜愛。燒鵝皮脆肉嫩，油脂分佈均勻，每一啖都滲出甘香鵝味。特別值得一提的是他們的燒鵝飯，只需五十多元，就有大大一碟飯、兩塊厚切燒鵝，外加蔬菜，份量絕對足料，令人滿足。店內環境雖然簡單，但服務迅速有效，很適合附近上班族或趕時間的食客。除了燒鵝外，蜜汁叉燒亦是心水之選，肥瘦適中，味道香甜，不遜於高價酒樓水準。以這樣的價位，能吃到如此出色的燒味，實屬難得。無論是外賣或堂食，都能感受到香記對品質的堅持，真正做到物超所值，是燒味愛好者不容錯過的隱世好店。

咖哩雞配粟米魚柳、咖哩薯仔多過雞。味道幾好。甜中帶辣、好適合港人口味。魚柳都係雪魚、要米汁太希。飯盒好細心、分隔的。不會佔到其他味道、白飯分開裝完全貼心。中午$30仲有例湯送👍🏻

在北角這個繁忙街區，香記燒鵝兩餸飯以其平價實惠和地道風味，成為港島區街坊的美食綠洲。近年兩餸飯熱潮席捲全城，香記憑著豐富選擇和紮實品質，在競爭中脫穎而出。店內提供堂食與外賣，堂食環境簡單整潔，設有舒適卡位，繁忙時段或需搭枱，但熱鬧氛圍正是港式小店的魅力所在。一進門，櫥窗內金光閃閃的燒味已教人目不轉睛。招牌燒鵝皮脆肉嫩，油香四溢，叉燒則肥瘦均衡，入口軟腍，帶著蜜汁的甜香，椒鹽調味恰到好處，微辣中帶點鹹香，令人一口接一口。西檸雞則是另一亮點，雞肉軟嫩多汁，裹上酸甜均衡的檸檬醬，入口清新不膩，配飯絕佳。燒味三拼更是香記的招牌，叉燒肥瘦相間，入口即化；燒鴨皮脆肉香，油潤而不膩；燒鵝皮下脂肪恰好，肉質鮮嫩，蘸點酸梅醬更添風味。兩餸飯選擇多達二十餘種，從大排檔經典的菠蘿咕嚕肉、家常蒸肉餅。香記份量慷慨，價格親民，三十多元的兩餸飯足料又抵食。服務效率高，店員親切，忙而不亂。無論是匆匆外賣還是悠然堂食。

買左3 個雙併淨餸加燒鴨飯。燒鴨飯嘅燒鴨都幾多件，而且幾淋身，白飯食得出質素吾錯。蘿白牛腩/薯粒牛仔骨，牛腩碎濕濕，牛仔骨味道還可以，但好油。醋骨/菜心炒牛肉，醋骨冇醋味，反而菜心炒牛肉有小小獲氣。咕嚕肉/蒸鯇魚，咕嚕肉完全吾得，炸到過左火位，乾到不得了。只可以講，試過便算。

在這幾年越來越多兩餸飯，呢間店可以堂食又可以外賣，堂食都唔錯，仲有卡位坐，繁忙時間就要搭枱！除咗兩餸飯之外，另外仲有燒味，在門口的櫥窗已經見到靚靚的燒味，真係買返屋企斬料一流，有我由細到大都喜歡食嘅叉燒，另外佢嘅招牌燒鵝都唔錯，港島區人士可以試吓呢間，咁就可以不用出去深井咁遠！而兩餸飯選擇都唔少，都有20多種可以揀，平時大排檔食開嘅菠蘿咕嚕肉，屋企整開嘅蒸肉餅，甚至乎清清地蒜蓉菜心都有！兩餸飯我就揀咗椒鹽豬扒，豬扒食落去又唔會乾爭爭，就是平時食開大排檔的味道，另外蕃茄炒蛋，呢個我見新鮮熱辣辣，一盤滿滿的應該啱啱煮起，個餸飯簡直係一流，雖然係家常小菜，令我回憶起我以前讀中學家政堂煮餸時的回憶！

香港除咗茶記之外，兩餸飯都係一大特色，外國朋友次次返嚟都一定要食😆 最近朋友話北角開咗間抵食嘅兩餸飯店，有超過20款菜式，另外仲有各式各樣嘅燒味提供，店內座位唔多，但竟然有卡位，乾淨俐落且夠光猛，睇嚟住喺附近或打工仔又有多個選擇啦！蔬菜有蒜蓉白菜仔、菜心、勝瓜雲耳炒肉片、西蘭花炒蝦仁、涼瓜炒牛肉、四季豆炒肉碎、魚香茄子等，新鮮，入味，醬汁多得嚟鹹度適中，比起出邊冇咁油膩。蛋白質則有番茄炒雞蛋、紅燒豆腐、麻婆豆腐，三款都好掛汁，撈白飯真係冇得頂。粟米魚柳同蒸魚都唔錯，啖啖肉，真材實料，建議可以加多啲豉油。肉類方面有西檸雞、紅燒獅子球、黑椒牛仔骨、咕嚕肉、白灼蝦、蘿蔔炆牛腩、咖喱雞薯仔、椒鹽豬扒，私心推介蒸肉餅，肉質紮實帶咬口，鹹蛋可幫助提味、蟲草花雲耳蒸雞比想像中嫩，家常便飯感覺健康。款式係好多但估唔到竟然冇小朋友最愛嘅雞翼！希望老細會整。