Postcollectionhk Cafe (Closed)

今日同個friend係尖沙咀食飯，佢話附近有間幾得意Cafe，所以我哋兩個就去咗試試佢，係幾得意嘅。睇個名都知關寄野事，但又估唔到裏面啲裝修有幾精緻，至少入到去真係比到一種舒服寬躺嘅感覺我，係一個可以停留得耐嘅空間。我叫咗個香蒜辣椒蟹肉意粉，調味係可以嘅，我就覺得唔係話太辣，意粉都煮得OK，唔係林啤啤。嘢飲帶咗杯奶香咖啡，我覺得嘢飲出色過嘢食，所以我好推介就係買杯嘢飲坐喺度同朋友促膝談心，應該幾好feel。總結：係一間唔錯嘅Cafe，感覺舒服，唔會有壓迫感，買完嘢食又可以任坐，我仲見到有啲人喺度補習添，鋪頭裏面仲有得買明信片，我就覺得幾得意嘅，你呢？…Read More

朋友約左黎呢度食個tea，上到去見到周地都係紙巾，無人清潔，已經大打折扣。呢度係全自助，出去買完野食要再自己拎，望見餅櫃啲蛋糕就勁唔開胃，乾爭爭之餘好似放左唔知幾多日咁，勁恐怖。我地叫左Egg Benedict,10%黑松露汁雜菌意粉同煙三文魚火箭菜pizza。Egg Benedict有兩隻poached eggs, Parma ham, smoked salmon, muffin同salad。poached eggs流心，正正常常；Parma ham唔知放左幾耐，勁乾勁硬好恐怖；smoked salmon都正常；muffin唔脆; salad 以為有驚喜啦竟然有我至愛串茄，點知勁污糟重有啲泥，擺明未洗乾淨！！同埋一啲都唔新鮮，食落唔脆身，勁腍。又係唔知擺大幾耐⋯⋯10%黑松露汁意粉又係唔掂，我諗1%就有⋯⋯⋯得忌廉咁⋯⋯同埋唔熱煙三文魚火箭菜pizza真係嚇親！發生咩事？！成個pizza俾茄汁浸濕咁⋯⋯⋯完全唔夾煙三文魚，又係唔多熱。最恐怖係我食食下已經開始肚痛，然後肚屙，一屙就屙左兩日。呢間野真係好唔掂，真係好耐無食過啲咁難食既野🤮🤮🤮🤮🤮🤮重要食完屙⋯⋯…Read More

約了在漆咸道工作的朋友吃飯。下班後，朋友帶我到首都廣場的啡室。這是一家感覺很年青和自由的咖啡室。自助形式，一人以至多人座位都有，適合大、小組別聊天、聚會。還有一邊是可席地而坐的空間，有大cushion ，氣氛溫馨。團體可在餐廳舉辦活動，牆上有大塊黑板寫著快將舉行的活動。特別之處是座位不限時，只要光顧，可坐上頗長時間，很方便和彈性。所以吸引不少年青人來聚會或討論功課。當日見到不少年青顧客帶著電腦來，有獨自埋頭工作的，也有小組在討論，似乎是附近大學的同學，在做group project。配合主題的郵筒，還有名信片發售，很有文青 feel !食物偏向多菜少肉，比較健康。柚子醬青蘋果香煎 L級刺身帶子沙律~$118蔬菜和生果都十分新鮮，青蘋果很清新。帶子稍稍煎過，中間不熟透頗鮮嫩，柚子醬很醒胃!牛油果蓉多士~$ 78牛油果蓉頗多和美味，生菜很新鮮。香草汁菠菜雜菌意粉~ $ 68飽肚之選，味道尚可!平日光顧午餐可累積點數換咖啡，可存放在會員集點卡櫃。餐單很多搞笑備註 : 周街都有 但簡單好味 牛油果蓉多士、老闆最愛吃 柚子醬青蘋果香煎 L級刺身帶子沙律、還有店員愛偷吃的龍蝦肉蕃茄醬薄餅.....!閏蜜聊天，以至公私事邊吃邊聊的輕鬆詳談，其實都是不錯的選擇!…Read More

這晚來到好久沒有到訪的首都廣場覓食，尖沙咀要找一個空間感較寬闊的cafe實在不易，這間有點似Food Court的格局亦有文青聚腳點的氣息嘅餐廳，播放著懷舊歌曲，店內寧靜環境是適合好友情侶傾談的好地方。店內有木椅亦有坐地咕順選擇，放鬆心情自由選擇座位後，看看掛著牆上的Menu到Counter點餐。特別要留意，此cafe經營不設服務，食客需自行取餐，完餐需將食具放於回收盤上，所以不設加一。真•龍蝦肉番茄醬意粉即叫即炒的足料意粉，數粒龍蝦「真」的是龍蝦，茄醬充足，加上一層淡芝士碎，是值得一試的一款。蒜香煙三文魚多士，三文魚碎片充足，吸睛不錯的一個多士，如果多士能夠更脆，配合雜菜沙律的食法就較好。心太軟，當晚窩夫沽清選擇了心太軟，雲尼拿雪糕放在暖暖心太軟上影相吸睛，朱古力小流心，蛋糕厚實朱古力味偏向甜味。說是香港郵意當然就是有郵寄的服務，場內有特式名信片可供食客選擇，是旅客經過尖沙咀打卡可以選擇的落腳點，遊客若有一個這樣的空間Hea一Hea，執下睇下當日影的旅遊相，也是不錯的好地方。👅美味: ⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️/5…Read More

聽朋友講,尖沙咀The Capital有間cafe好大,一班人如果想坐耐啲食下野飲下野傾下計,可以去試下。今日星期一,去到都唔算多人,有得㨂坐大豆袋或暫木櫈,坐豆袋記得要除鞋啊。餐廳都好大,平日黎唔怕無位坐嘅。店內仲有啲精品賣,好多手工卡仔,吊飾賣,仲有一系列嘅柴犬公仔有得睇同影相,行下都唔錯呢。點餐方面,本身想食香蒜辣椒蟹肉意粉,可惜蟹肉賣哂啦,唯有下次再黎先食。最後點左真龍蝦肉蕃茄醬意粉同帶子蘆筍海膽汁意粉,兩個意粉都有驚喜喎。蕃茄意粉嘅蕃茄味道好出,比較濃味,龍蝦肉都拆左件,份量唔少,賣相都好靚。海膽汁意粉嘅汁真係有海膽味,第一次試依種汁,都幾中意,帶子有三粒,外面微脆,入面鮮嫩,好出色,仲好過有啲日本餐廳嘅水準。最後提提大家,食完野要自己收捨好啊,依到係顧客自己照顧自己政策呢。…Read More

amazing ambiance is what you find at here✨ located in Tsim Sha Tsui💫..估唔到尖沙咀首都廣場轉型後，由從前冷清清既商場 新開多左一個有得食`有得玩既好地方呢❤️ 7000呎大型夾公仔店😍 好正呀。呢度有成50部公仔機，可以夾唔同款式既公仔`零食`模型，真係一個最多公仔夾既地方👻。聽說全部夾公仔機夾中唔難呢，仲有得 [保夾] 添，就算新手如我都可以挑戰到架😝。未有時間去日本🇯🇵 哈哈 黎個尖沙咀一日遊吧。夾完公仔去隔黎食個郵意Cafe☕️ 全自助形式，無限時`地方大`好文青 仲唔怕比人趕走，真係可以靜靜地渡過好時光呢。野食方面：材料最貴的 皇牌全日早餐🍴All Day Breakfast (Sausage, Salads, Egg, Bacon, Croissant, Mushroom)`香草汁菠菜雜菌意粉🍝(Spaghetti with Spinach & Mushroom in Herb Sauce)；飲品方面：曖昧🍹(Strawberry & Blueberry Yogurt Smoothie)`鮮奶綠茶🍵 (Matcha Latte)。一般Cafe有既餐點，但勝在一個地方有得食又有得玩呢。下次經過 不妨上黎歇歇腳吧💫。夾公仔真係會令人上癮架 哈哈。..…Read More

芝士巴拿馬火腿蕃茄醬pizza🍕 薄過Pizza Hut 薄批 脆到卜卜聲🤩爆多茄醬 茄醬控一定愛死了煙三文魚火箭菜沙律🥗5蚊銀咁大粒既蕃茄仔🍅 鮮甜爽口煙三文魚一份有四塊 蠻多的黑松露雜菌意粉🍝上菜前廚師👨🏻‍🍳灑到很多很多芝士🧀略嫌雜菌少了點不過這裡真的很適合學生們一起來溫書/傾project因為無限時任坐的cafe🕰 香港真係沒太多地方大 有tatami 又有文青風木枱木凳🧱 中意坐邊點坐都得而且自助餐廳形式 消費較低 自由度亦大些😇————————————————————————————#香港郵意 #hkcafe #cafehk #cafe #無限時 #pizza #parmaham #tomato #smokesalmon #salad #rocketsalad #truffle #blacktruffles #spaghetti #尖沙咀 #尖沙咀美食 #尖東 #tst #tsimshatsui #文青 #食左先講 #presslogicholiday #presslogicgirls #ufoodhk #ufoodphoto…Read More

去夾公仔，玩到餓即刻就有得食嘢啦！真•龍蝦肉番茄醬意粉話明真!係真係有大大舊龍蝦肉㗎，仲要唔係得一舊，食落起碼有56舊，貶意粉軟硬度啱啱好，配上番茄醬酸酸甜甜食落好開胃！4人份即焗 芝士巴拿馬火腿蕃茄醬薄餅即刻就要等20分鐘左右，你食過就知道值得！薄餅超級脆，而且仲有少少燶邊，好香口。芝士味濃，蕃茄味都濃，但二個味無搶，好夾，兩個人食一份已經好飽，好滿足。心太軟即叫即整㗎！估佢唔到，配角好食過主角，雪糕好好味，好creamy！…Read More

香港的夏天又濕又熱十分辛苦，放假時間真係想好好休息下，涼下冷氣，過一過慢活的假期，同時為旅行可做定功課，plan 下行程.食店離mtr 2 min ,十分方便.環境十分舒服，可自由地選擇座位.有不少人在玩小遊戲，過一過快樂的週末.有不同的pot tea , 及可樂等，選擇十分之多.意粉是即炒的，十分好味道，肉料十足，加多香濃的芝士，十分配合.水準不錯.環境夠特色，地點又夠方便，一大班朋友吹下水的聚腳點.有旅遊書免費提供添.…Read More

一間好休閒，好舒服的店，位於尖沙咀一個這麼繁忙的地區，首都廣場裡面有好多分舖位，有賣衣服，有賣公仔，有賣雪糕等等，上去2樓有一個地方最近有好多夾公仔機，開始吸引好多人來，我都是其中一個，今天我給夾公仔機附近的一家餐廳給吸引。這家香港郵意真的好有郵局的特色，好多飾物都是用郵筒，還有好多書本跟公仔狗狗裝飾，地方又好大，自己找位置坐，外面有餐牌，坐位附近都有掛上餐牌，言後到外面買餐，拿牌仔等進來等。款式不算多，但每一樣都是精心做的，先來一個10%黑松露汁雜菌意粉，黑松露味大到樓下幾層都嗅到，好香好濃。芝士巴拿馬火腿蕃茄醬薄餅，餐牌上有寫4人份量，但其實大到可以6個人食，蕃茄味酸酸的，配上芝士跟火腿剛剛中和了酸味。飲料方面我叫了茱莉玫瑰花茶跟芒果少女，茱莉玫瑰花茶的茱莉好香，喝完還可以叫職員加水，芒果少女是士多啤梨加芒果，加起來好喝，但說不出是什麼味。最後還要自己拿用完的東西放出去分類，好有環保意識。…Read More

呢日想俾啲me time 自已，所以幫個學生補完習之後就自己一個上左黎呢度，諗住食小小野兼靜靜地放空一下！！呢度唔會限你時坐幾耐，空間感又大，最岩兩三知己黎小聚一下或者好似我咁獨自黎坐下靜下食啲野咁都唔錯~~呢度係以半自助既型式買食物既，睇好食咩飲咩之後就去排隊俾錢落order之後等食物準備好就出去自己拎食物，連水同餐具都係自己係呢個area自己拿取架：）係等候食物既期間見到呢度有得買好多唔同款式既postcard，同時醒起自己都好耐無寫過postcard嚕所以心血來潮就揀左張俾自己，準備寫返張“給自己的打氣postcard”都未寫完張postcard，啲食物同野飲都拎得啦~~我要左個“香草汁菠菜雜菌意粉”HKd$68同一杯“曖昧”HKd$58意粉既賣相唔錯啵，面頭灑上大量香噴噴既芝士絲架！！！香草汁既味道都幾濃，但唔會話好膩，意粉係扁身既意粉，唔會煮到淋晒✔✔當中仲有唔少菇菌同菠菜添，整体既味道都比預期中既好=）而飲品方面就幾有驚喜，呢杯“暧昧”其實係草莓加藍莓既乳酪飲品！飲落好smooth同唔會太甜，飲到天然雜莓既酸甜味道，係好fresh好舒服既感覺…Read More

其實已經黎過幾次，成日都過黎買份餐之後就坐幾個鐘溫書，環境好舒服，可以好安靜地做自己野個薄餅唔錯，蕃茄醬酸酸地，幾開胃，仲有種好新鮮既味道，但係如果4個人分既話有機會唔夠飽，建議當係兩人份，同埋有d鹹，買定野飲會好d, 同埋真係要預左等，我等左大約半個鐘，不過個薄餅仲係熱既，好明顯係岩岩即整，所以唔怕等，真係好食個藍莓水果茶真的不了，有種過甜既味，好奇怪，好臭，飲左一啖就已經唔想飲，完全冇藍莓味，唔知自己飲緊乜，好難飲…Read More

這天與朋友一同前往尖沙嘴逛街,逛街嗰後於朋友一同吃飯,朋友便安排了一家位於尖沙咀東附近的餐廳,餐廳位於商場的二樓, 冷氣十分充足，餐廳有點上自助一樣，除了付款需要店員協助，其他的也是自己一手一腳完成。付款過後店員便會給你這個圓形的提示器，食物準備好過後，提示器便會響起來，提示你出去取回自己的食物。餐廳更是自由入座，當然作為有公德心的客人， 買點東西才入座。我點的食物就是全日早餐，份量還不錯，最喜歡的就是他那個熱辣辣的牛角包，和這條粗壯可口的德國腸。價錢才88元，還算性價比不錯。…Read More

同好耐冇見既朋友見面，想揾間CAFE坐下，所以就揾左呢間無限時既CAFE呢間餐廳係自助形式既，地方都算大，夠哂闊落。見到都有好多人係度温書/工作，最正既係無限時叫左野食就可以坐一日食物方面，我地叫左兩個mains同一個dessertALL DAY BREAKFAST雖然我地係食晚餐，但都好想食all day breakfast salad配黑醋好fresh好開胃，炒蛋夠哂滑腸同煙肉都好好食個牛角包又香又鬆化10%黑松露汁雜菌意粉呢個意粉好有水準，黑松露味超濃夠哂足料菇都有好多，意粉一啲都唔淋夠彈牙，值得一讚岩哂鍾意食黑松露既我心太軟配vanilla雪糕🍦終於黎到今晚既主角，心太軟果然冇令我失望，心太軟有流朱古力濃濃既朱古力配vanilla 雪糕真係好好食坐下坐下我同朋友竟然坐左3個鐘，香港真係好小呢啲無限時既餐廳，大家想揾間又好食又好坐既餐廳，超級推介呢間香港郵意…Read More

日本台灣通街都係既大型夾公仔鋪終於香港都有喇😍尖沙咀一幢小商場入面勁多機🙆#Hanako_多謝邀請🏵️ /除左一般夾公仔機 仲有剪刀機夾波波抽獎機同大量扭蛋機💁現場見唔少人都有戰利品但我地技術不足玩左一百蚊得個桔🍊笑點係換錢機揀飲摘食唔收中銀錢😂/玩完夾公仔上2樓有餐廳可以填下肚🥗落單拎野食汁枱全自助 整體都算乾淨食物飲品一般 但地方舒服自在仲有塌塌米區 可以慢慢hea下傾下計👫旁邊仲有手作原創賣 岩晒女仔👩/尖沙咀 - 香港郵意 / 娃娃Planet#Hanako_尖沙咀🌻 #Hanako_打卡美食🌸…Read More