Video
7-min walk from Exit B1, Tseung Kwan O MTR Station
continue reading
Payment Methods
Above information is for reference only. Please check details with the restaurant.
我平時都好鐘意食乾炒牛河，但乾炒牛河實在太唔健康，所以近年都好少食。不過一入FOOD COURT就見到有枱食客食緊乾炒牛河，離幾張枱都聞到果陣香氣，所以好快決定叫乾炒牛河試下。🤣先講價錢，$55食到呢碟咁大碟既乾炒牛河真係無得輸。入面既牛肉數量仲要唔少，應該都有大約十幾塊👍🏻 牛肉食落似醃過、好入味，而且唔會炒到過火，食落好稔身🤤要炒到一碟好食既乾炒牛河，一定要大火快炒、每條河粉上色都要平均、唔可以炒得太碎、平衡油既分量唔會過油/膩。呢間正正做到咁多點👍🏻我食左幾啖都即刻同朋友講呢個係我食過最好食既牛河😂而牛河表面亦灑上白芝麻，食落多一層脆脆既口感之餘亦令牛河增添芝麻香🤩唯一要扣分既係洋蔥有部分未切斷，連埋一齊，略為影響口感🤭總括黎講，呢間新店既小炒真係做得唔錯，我食過唔少大牌檔/茶記既乾炒牛河都做唔到咁出色。疫情之下，好多小店都好難生存落去，今次7、8點去日日食良見到仲有好多空位(仲記得之前幾次去都多人到要等位)。希望大家可以多點去支持呢啲出色既小店！
continue reading
今日去完將軍澳墳場特登揸架車過嚟呢一邊食lunch其實行過嚟半個鐘但係揸車要成20分鐘都有啲戇居哈哈今日可能係假期所以勁多人其實食咗兩間野不過淨係影咗呢個炒貴刁嘅相個炒貴刁真心夠鑊氣好正只係買五十零蚊仲想點最重要即叫即抄如果下次都會特登揸車過嚟食.另外仲有個粟米肉絲飯老婆食嘅話勁多蛋汁同粟米份量一流最重要呢度全部都係黃店食嘢都同聲銅器同埋好食最緊要我之前問咗呢度嘅負責人佢哋話有BB櫈所以帶埋BB嚟仲可以泊車所以都幾方便
continue reading
292 views
將軍澳南近兩年有不少餐廳進駐，但價格定位媲美尖沙咀、銅鑼灣。記得10多年前剛剛搬到將軍澳區時，那些年的將軍澳中心及將軍澳廣場還有價廉物美的Foodcourt，但自從幾年前 Popcorn 開業後；這兩個商場也跟著大變身、upgrade了。原來的food court也隨之而被消失，取而代之的是大型連鎖餐廳或中高檔餐廳。直至2020年中，位於將軍澳南 The Parkside 商場1樓竟然轉型，變成集合了迷你街市、小店及迷你 Foodcourt 【日日食美食廣場】的平民商場，可說是異數。記得去年年初曾經逛了一會。當時的 【日日食美食廣場】仍然是徹徹底底的黃色Foodcourt ，場內貼滿海報標語，每間小店擺放了連登豬公仔；小店員工又戴上黃廠口罩、穿起黃色衫。隨著香港政治氣候變化，到今日再臨，黃色環境已經全面淡化了，但細微處仍然看到少許痕跡。適逢聖誕節，聖誕樹就被染得金黃。星期日午飯時段，Foodcourt 全場爆滿。始終不是集團式大型Foodcourt，既沒有系統性管理、裝修又很隨意；整體用餐環境一般、亦很擠迫。 揀了「香港有鑊氣」，有多款即炒粉麵飯選擇。Foodcourt 內每間小店的鋪位面積實在很細，甚至沒有將廚房備餐區及送餐區 / 收銀處分隔 ⋯⋯ 買票時已可以見到廚師在收銀處後面的爐頭炒粉麵！要了一碟乾炒牛河（$55）。賣相完全不討好，河粉碎濕濕；眼見已經知道河粉很濕，完全做不到乾炒的要求。入口濕糯、欠乾炒鑊氣；牛肉霉軟、欠彈性。最大好處是抵食；但其實同其他茶餐廳差不多價錢，質素卻不行。下次要試另一間。
continue reading