Video
4-min walk from Exit C2, Cheung Sha Wan MTR Station
continue reading
Opening Hours
Today
07:00 - 23:00
Mon - Sun
07:00 - 23:00
Above information is for reference only. Please check details with the restaurant.
早兩晚睇關注組先知澤記原來有牛坑腩食，咁啱今晚新匯江煲仔飯上場，爆多人，噉就行過去try try囉。牛腩好食，自從東京街「翠園」摺咗，「東興」搬咗後大不如前，「金園」質素份量都縮晒水，之後基本我未喺長沙灣食過好食嘅牛腩粉（「新匯江」有啲另類，我入到去好難會單純食牛腩河；「一興」未試；步陞附近間「嵩記」唔掂），今次好滿意，清湯腩唔要求好滑好冧，但唔應該「柴」、黐牙，肥膏牛油應該有，但唔應該太多同「膻」，五澤記呢碗唔止pass晒，愚見係長沙灣一流水平。不過，牛腩淡返少少會更好。都要講下個湯，偏濃，但冇油味有膻味，ok。依稀有印象食過佢哋嘅魚蛋，印象唔深，整體係合格嘅，但齋講白魚蛋，保安道街市附近嗰間好少少。個湯嗰種淡淡鹹味係久遺了嘅味道。聽同場啲客傾計，好似係某位阿姐在場時啲粉麵特別好食。唔知真唔真，搵日再嚟試過。
continue reading
中午唔想食太飽, 行行下就入了呢間粉麵檔, 之前食過佢的崩沙腩河, 大約四十, 份量又多, 今次的三餸 湯飯也只是44蚊, 價格好合理, 有三個餸加一份菜, 環境比較舊, 地下也有點滑, 應該係湯汁落地又唔常清潔, 去的多數係附近的街坊及學生.今次印象最差就係個廚師, 一邊煮一邊度咳, 個店員叫了佢兩次帶口罩, 佢都唔理.仲係一邊咳一邊係度淥麵切肉, 嚇得我碗湯飯未食完都嗱嗱聲走人, 以後都唔會再輕易來幫襯.
continue reading
樓面職工郁啲就鬧客 並且態度極度恢氣！好聲好氣問佢有冇麵餐都好似踩親佢條尾咁，捧住碗麵橫衝直撞！食品質素同樣差勁：勁咸、多油！真係貼$$$買難受！以後唔會再幫襯。
continue reading
✨年初四夜晚10點，條街好多鋪頭都冇開，見到窗口玻璃好大鑊牛雜，於是入去試下🌝✨價格算抵食，牛坑腩粉💰37，其他粉麵基本💰32，加油菜💰10。✨一碗牛坑腩米線，一碗牛筋米線，一碟腩汁生菜，共計💰78。腩肉夠淋滑，但係都係好多油脂，吃佐2塊都好膩😂牛筋好軟，一咬都化開，真係食得出燉佐好耐，腩汁唔係好多香料果種，有d似清湯腩，吃得出牛肉本身嘅肉香。78蚊兩個人嘅晚餐都算抵食，而且肉量夠數。
continue reading
成十年前，好鐘意食他的魚麵，但近排去過2次都冇得食。老闆娘話唔夠人手，唔得閒整😰呢間啲麵水準好得，雖然不是什麼銀絲蛋麵咁幼，但每次食都大爽口彈牙，值得一讚。今次食過坑腩麵，可能價錢太平，供不應求，今次畀咗啲唔係坑腩嘅牛腩，但係35蚊，呢個價錢，即使唔係班腩都算抵食。見到淥麵嗰個阿姐揀嚟揀去，都估到有啲問題，牛腩有少少唔夠淋，爽爽地，所以我食牛腩係唔可以一次作準。今日個湯有啲失手，比較咸，以前都未試過咁。整體而言，35蚊一碗牛腩麵，都算係咁。但係我都希望佢可以回復往日水準。
continue reading