23
24
3
8-min walk from Exit A1, Tai Po Market MTR Station continue reading
All Branches (2)
Telephone
21040511
Opening Hours
Today
11:30 - 16:30
17:30 - 01:00
Mon - Sun
11:30 - 16:30
17:30 - 01:00
Payment Methods
Cash
Review (62)
Level4 2019-10-04
246 views
呼聲極高,人氣極旺,我都慕名而來參觀。發現不設訂座,而且排晒長龍,唔洗錢咩?罰企半個鐘可以入座咯。點解沙田老字號陳根記係大埔開分店要改為饑落亭,鄉下話嗎?朋友壽宴六位英雄報到,不幸臨時有兩位要趕赴拯救世界要缺席呢!只有格屍、戴傑、潚海、廖震、文青、曉奧參上。等足半粒鐘由 30 號叫到 60 號終於坐低,阿嬸話限時 90 分鐘,聽到都唔舒服,任飲任食自助餐還是放題?依個風氣真係唔要得,加重食客心理負擔﹗我飲飽食醉自然就會埋單,如果我地不停飲啤酒不停點菜,係咪夠鐘要出門口再等?還是全部打包外賣呢?非常掃興。已經無得訂位要大熱天時係門口罰企仲要食二手煙,耐心等到大檯又話要限時,服務又唔係特別好,仲要自己寫單。大家寫好菜單,誰知落單要寫號碼,大家再次要係餐牌度搵一大輪浪費時間,激死我!職員們都算親切落力地招呼食客,係個麻鬼煩公司政策、行政手段、等位落單流程,勁討厭您滷味﹗白滷水凍掌翼,涼浸浸地嘆,醃味清爽,陣陣咸香夾雜香料味,料頭非常可口開胃,掌翼皮脆肉嫩,滑嘟嘟白雪雪,肉汁輕流水潤,大家都損得十分滋味,堅好食的前菜!椒鹽鮮魷,極厚粉而油膩,幸好鬆化不燶不硬,但太多炸粉已完全掩蓋魷魚味道。魷魚肉質腍劈劈不脆不彈,鮮味微弱唔難食,全靠個喼汁開胃酸咪咪先食得晒乍。酥炸大腸,炸大腸皮?內裡空盪盪沒有肉食,鮮艷橙色咸味突出,炸得非常通透乾脆,趙到烈烈聲十分悅耳,滾上大量甜酸汁可減油膩,醒神美味多了。紅燒乳鴿,賣相不討好,黝黑巢皮老屹屹,不是即做拖滾油的出品。鴿皮油油咸咸,鴿肉乾鞋霉味道濁,鴿頭頸乾爭爭,鴿腦縮晒水細細粒。蒜蓉粉絲蒸貴妃蚌,菜牌看似又平又抵食,出場原來係小朋友細細隻,這個價錢理應早已估計得到。微溫帶著芳香氣味送到,方便一口蒜蓉粉絲貴妃蚌直入無需猶豫。鮮蚌味道略強,嚥韌略過火,兇湧甜甜蚌水已被粉絲完全吸收,撞上大量香口蒜蓉甜中帶辛,滿意達標!最衰太細隻唔夠喉。醉翁烏頭,醉翁之意不在魚?物超所值 $60 蚊細烏頭,而且有驚喜的享受。肉魚還有點點暖意,並非完全凍食的,淋上香茜醉汁出場。解剖開眼測沒半點黃油,出奇地魚味濃郁,甜美香醇不苦不澀,啖啖肉散發甜而不嗆的酒香。鬆乾的魚身肉,膠彈滑的魚肚,最後只剩一棚骨,全部損得乾乾淨淨!胡椒中蝦,中蝦大大隻好野黎喎!胡椒蒜蓉香噴噴,雖然過熟左少少,話晒爽甜有鮮蝦味有蝦甜味,藏著甘香蝦膏。炸脆多一點更好,我可以連蝦殼都食埋添呀!現不夠乾脆要剝殼,浪費。我想有碗湯河比我撈胡椒蒜蓉酥,真係一窩河粉都食得晒。根記冬蔭功湯浸蜆,廿十成熟的蜆肉膠感十足,無晒蜆味,無晒鮮味,得左!冬蔭功味橡皮糖,湯汁味道單調,不香不甜不酸不辣,無香茅味無青檸無椰奶無番茄,淺嚐兩口湯汁掉低,真係唔知咩黎!鹽焗雞半隻,賢哥突然未能出席,點道賢焗雞紀念一下,生日梗係要叫雞啦!完全無雞味但勝在咸雞清香,淋上暖意薑蔥芡汁,滾埋沙薑醬夠晒味道唔淡口。雞皮黏滑,髀肉彈嫩,胸肉鬆軟,難得合格食得過。雙菇扒西蘭花,竟然係金菇草菇,真係菇您唔到啦!預想的冬菇幻滅。我只係見到一個悶字,無鑊氣靜蠅蠅的表現,灼好的西蘭花鋪上悶悶的雙菇蠔汁芡,厚厚杰撻撻。西蘭花爽脆無過腍,草菇味濃滑滑,金菇碎無意見。孜然棒棒骨,微弱的暖意沒怎麼鑊氣,起碼啖啖肉夠開心。結實有咬口的質地,面頭味道似椒鹽,下面才有孜然味道,兜得不夠均勻,滿意食得過。油鹽水浸蜆,酸汁黎喎?整碟微暖,蜆肉不夠新鮮散發腥腥氣味,瘦猛猛不肥美不鮮甜,食到成口泥成口沙,火都黎!迷你羊腩煲,唯一熱騰騰的菜色,因為有明火燒住。有冬菇有馬蒂,有肥膏羶羶的羊腩,瘦肉炆得不夠入味,現成腐乳醬即用沒有調過,太咸太嗆啊!免強入得口,試一次便夠。茄子魚頭煲,寫錯號碼啊!本想食白鱔煲架。茄子半腍半爽,魚頭微暖黐底滿口粉,無肉食只能損損骨,脆脆食汁過口癮,還泛著少少魚腥味道。 continue reading
(The above review is the personal opinion of a user which does not represent OpenRice's point of view.)
之前一直去開沙田嘅陳根記,知佢喺大埔開返真係好開心!有別於以往,我今次去係食午餐。無論午餐或晚餐,餐廳也是座無虛席。估唔到午餐雖然平民價錢,但身材選擇仍然很多,而且每天的組合也不同!今次我點了麻婆豆腐及最著名的Wasabi手撕雞。而我的媽媽就選了薑蔥魚腩及生炒骨。餸菜依然很惹味,不會因為是午餐而失水準。午餐附送冷熱飲品或例湯,除餐亦附送小啫哩作甜品。整體而言,$40便可吃到如此豐富的午餐,如此的良心小店實在難得一遇! continue reading
(The above review is the personal opinion of a user which does not represent OpenRice's point of view.)
Level1 2019-09-15
270 views
與家人在此晚飯,㸃了幾個餸,整體味道一般,最想講吓就係,作為一間標榜大排檔小炒的店,豉椒炒蜆,上枱時一睇就見到有問題,望落去似係豉椒煮蜆,食落一d炒過既鑊氣都無,蜆不太新鮮,食左一半後,食到有兩隻係變壞咗既,同以前在沙田食既完全唔一樣。另一個餸,鬼馬生炒骨,係有炒過,但係所有配菜(洋蔥、青椒)係8成生既,排骨正常。基本上每碟餸既份量都比較小,我哋4大1老2小,點了8個餸都唔夠食。以水準來說,我個人覺得大埔墟街市入面,大部份做小炒的店,都比這間做得認真同有心去做,希望店主有機會看到這意見。 continue reading
(The above review is the personal opinion of a user which does not represent OpenRice's point of view.)
Level4 2019-08-01
723 views
行入嚟先知原來呢間係屬於沙田區邨屋"冬菇亭"出名大牌檔陳根記的,難怪門口經常那麽多人排隊 名字改得很貼地,想真d很有意思,不知那位名人提名 另外,牆上掛有中文大學校長沈祖堯的真蹟 人生得意須䀆歡莫使金樽空對月以上名句,大家共勉之吧! 正好今天親友從美國回來相叙,甚為高興,叫了幾樣出名小菜 沙薑雞 ~ 可能名氣大,反而有所要求,但可惜雞肉未有想像的滑口,只算是合格。南乳冬菇什菜粉絲煲 ~ 可謂十分平平淡淡,沒嚐到什麽南乳味炆鱔片 ~ 鱔魚價格越買越貴,可能因為這樣,份量小,而鱔魚是瘦身了,腰圍很小,呵呵,沒法子。。冬菜油盬水煮蜆 ~ 也是一般一般,但捧場客很多,還要限時 1個半鐘頭。。。 continue reading
(The above review is the personal opinion of a user which does not represent OpenRice's point of view.)
Level3 2019-07-28
543 views
今晚來到出名的大排檔,想試一試同以往係沙田的味道有冇分別。點了3樣餸:分別係Wasabi 沙拉蝦球 、蒜蓉炒白菜仔同薑蔥魚腩煲。Wasabi 沙拉蝦球Wasabi味道好好,又酸又有d攻鼻,但係我地發現西蘭花入面疑似有條蟲,覺得好核突,即刻唔多敢食。疑似蟲仔薑蔥魚腩煲好失望,望落好多薑同洋蔥,魚塊份量都多,但唔知點解魚一d都唔入味,除左腥腥地,真係薑蔥冇味,朋友話唯一可取之處係魚表面炸得好香口。同埋真係好多魚骨,食食下我已經唔敢食。蒜蓉炒白菜仔呢道餸都ok, 但炒到有d燶,所以搞到有苦味。總結真係有d失望,好似比以前失色唔少。 continue reading
(The above review is the personal opinion of a user which does not represent OpenRice's point of view.)