養心殿台式養生鍋 (Closed)

2019年3月西灣河新店開張時，曾光顧一次，感覺味道還不錯，最主要是有時段7折優惠🤭時隔半年，今晚encore！一家六口6:30-8:30養生臺打邊爐。- 任選調料的品種不多，只有6款： 芫茜/香菜；蔥碎；指天椒粒 麻油；蒜汁；豉油- 湯底有6種（價格由HKD128-188/鍋） 我們兩次都選擇的～美人鍋 （HKD188） 內有烏雞1隻及各種養生食材：桃膠，龍 眼，淮山，枸橘.... 湯內的烏雞滾湯後，不沾調味料也很有味道- 我們前後order了 1）雪花牛 3碟（HKD188*3）推薦 2）雪霜牛1碟 （HKD178） 3）手切本地牛1碟, HKD338, 唔抵食 4）羊肉片1碟 HKD108 5）手工丸子（12粒），HKD108.- 第一次印象不錯，第二次好像感覺一般般了 6）蟹籽墨魚滑 HKD88.- 7）潮州魚蛋 8）大腸頭 9）鴨血 10）韭菜餃 11）寬薯粉 12）凍豆腐食肉家族，沒有叫1份蔬菜🥬🤣- 買二送一啤酒🍻差不多8:20，掃清以上全部食物，問大家飽未？幾乎都是8成左右，OK

屋企人未試過台式養生火鍋所以就帶佢哋去屋企附近嘅養心殿試吓。今次叫咗個寧神養心鍋，裏面有20斤鮮魚同埋烏雞。已底料來講佢都唔算呃人嘅。湯亦都有好多其他藥材，味道好鮮帶有藥材味，值得先飲一碗先打邊爐。整體來講每一份食材都新鮮。雖然份量唔多，但每樣都可以試吓，少人食都幾好。肥牛粒可以做到淥完都仲帶有油個份香，真係好少可以喺火鍋度識到依種口感同味道。由於湯底好味，豆腐自然就會吸收晒個精華都變得非常好味。另外都推介羊肉片，自家製水餃，鴨血。。。

點解呢間野可以咁多好評？係港島東想打邊爐真係無咩選擇，但應該以後都唔會再幫襯...價錢超貴...份量少都算...仲要食物質量好hea...百幾蚊得果幾件冰鮮雞柳，一碟菜都要$88...麻辣同酸菜白肉湯底都好麻麻，麻無麻味，酸無酸味。湯料的白肉同豆腐份量都好少，好細舊...成餐飯只有個關廟麵同響鈴係可以接受...未夠飽都唔想再嗌，費事再繼續中伏...香港地咁多好食的火鍋，唔明咁hea的餐廳點生存。。。

「養心殿 台式養生鍋」店鋪裝修風格貫徹古色古香的中國風，環境相當優雅，採用桃木屏風分區，自成一閣，私隱度相當高。美人鍋，材料有烏雞、淮山、桃膠、金華火腿、南棗等一起經過時間熬製，精華盡在湯中，飲完即時覺得成個人都暖笠笠，十分滋補，非常養生。另外餐廳用了銅製的物料器皿做鍋底，食物既保持天然原味，營養也不會流失。手切牛肉，嫩粉紅色， 油脂分佈平均，牛味道濃郁， 好有質感。叫咗幾份不同的丸類，店鋪自製，不是交來的行貨，有質素。酒香白玉花雕酒去醃肉，肥瘦均勻，食起時帶些酒香味。寬粉是用來做傷心酸辣粉的那一種，透明白色，咬口煙韌，放落美人鍋非常香鮮，掛湯力十足。餐牌上有各式的養生食物材料。

呢間連鎖店，其實係唔少地方都有，今日約朋友去試吓西灣河嗰間。餐廳中式風格裝修，空間都算闊落，方便出入。茶具、餐碗都係以中式風格。餐具以及桌子都非常乾淨寧神養心鍋（ $168）試過幾次，比較喜歡都係呢款「魚湯」湯底。裡面其實係有多款藥材、川芎、白芷、魚頭、雞等等嘅湯料，相當鮮味，建議食火鍋之前，每人可以飲返一碗。手切牛肉（$238/細）新鮮、切功唔錯、而且肥瘦均勻，牛味鮮濃。手工肉丸拼盤（ $108 ）共有12粒手打肉丸🍡，而且造型精美開胃，好值得叫完一碟又一碟。不過我個人都比較喜歡手打墨魚丸多啲！自家製鮮蝦雲吞（$80 ）八粒自家製手工鮮蝦雲吞，皮薄餡靚，而且肉質鮮美，的確係唔錯。味道都唔錯，而且睇得出係新鮮製作，不過$10一粒來講係比較貴。台灣冰菜（ $78 ）冰菜一向以爽口見稱，平時會用嚟喺沙律上。不過冰菜其實用來做火鍋配菜一樣咁正，所以不妨試一試。其他火鍋店一般好少機會以冰菜作為配料選擇。

心癢癢好想再食多次養心殿，嗰種麻辣香，真係不得了，最近知道喺港島東都開咗間分店，就緊係要試吓啦～鍋底同台灣有啲唔同，今次就試下個中辣度嘅麻辣湯底同酸菜白肉鍋。嘩嘩嘩，原來麻辣湯底嘅鴨血係可以免費添加，仲有酸菜白肉鍋都可以免費添加酸菜同白肉㗎~起晒雪花嘅豬肉片，油香非常重，打邊爐必食!估唔到麻辣湯同湯丸撈埋一齊食係咁好食，可能會覺得呢個組合古怪，但係真係好好味。食咁多肉一定要食返嘅蔬菜，甜栗米就最好，本人覺得幾夾個酸菜湯底tim.手打墨丸，一粒粒墨魚肉加埋彈牙墨魚膠，少人嘅話仲可以叫半份，試唔同款嘅嘢。寛粉條，彈牙煙韌滾一陣就食得。新鮮嘅九孔鮑魚，細心嘅廚師已經將內臟洗乾淨，客人就唔怕食咗啲內臟啦~

養心殿台式養生鍋入駐西灣河核心住宅區，極度方面喜愛打邊爐的朋友。麻辣鍋底不用說，當然是台式，不會太辣，可能因為“養生”，寧神鍋由不同中藥材熬製，先喝兩碗保養身體。黑栢葉有點硬嚼不爛，手切牛肉可試，炸午餐肉夠特別。這地方有K房，可以組團訂房，歡聚一堂唱K耍樂。2人光顧，點餐如下：茶芥 x2麻辣鍋拼寧神養心鍋追加鴨血鹽酥蚵仔手切牛肉（小）黑柏葉日本山藥萵荀炸午餐肉Asahi（2送1）加一後，合共HK$940。

早前已很想嘗試這間養心殿台式養生火鍋，因聽聞火鍋湯底用材上盛，環境和服務質素佳，今天終於有機會到來品嚐。由西灣河地鐵站步行約5分鐘便可到達，十分方便。從大廈地面乘專用電梯上到，內裡燈光微暗，環境感覺很有古式台灣風味，以木製雕花屏風裝飾，使每個區域自成一角，跟朋友聚會也可暢談。店員安排卡座位給我們二人後，，便問我們點選湯厎，好讓他們先安排，我們要了一份美人鍋。美人鍋材料豐富得令人有驚喜，原隻烏雞，配以杞子桃膠、紅棗、南棗、龍眼、黨參、淮山等等，並以金華火腿老火肴制湯底，非常清甜滋潤，含豐富膠原蛋白，難怪叫美人鍋，最適合愛美人仕享用。極上雪花肥牛雪花分佈均勻，輕輕放入湯內，只須數秒時間便可品嚐到滑嫩又牛味十足的雪花牛，真心好味。黑松露蝦丸（半份）未放落湯內已聞到黑松露香味，食時有種特別清香，蝦丸口感彈牙。雜錦蔬菜盤材料有雜菜、秋葵、金菇、冬菇、磨菇等等，蔬菜新鮮，食落清甜。配合不同的醬料，任君選擇。大家各自要了一支啤酒和一支蘋果汽水，簡簡單單地享受了優質食物，朋友間又多了一個好去處。

已是第二次要養心殿用餐，但第一試西灣河分店。看到7時前埋單享半價優惠，特意再來。飲品除了啤酒外均有半價，整餐非常抵食。餐廳環境昏暗，座位依舊有趣但不好坐。5時到達人數不多，而我們亦表明將在7時前離開，前台的職員仍安排我們在較差的坐位，需主動要求更換。點了鴛鴦湯底（麻辣中辣及養生鍋），配菜選了共12樣，其中蝦及墨魚丸非常彈牙、炸午餐肉厚食又好味、手切牛肉味道濃、極上雪花肥牛解凍不足、鹽酥雞粒香脆可口但略嫌太多粉。總體來說，食物質素不錯。

The food here are quite expensive but they taste fine. Idk is the 50% off discounts in some time of the day still available so I am gonna type the full price of each item.-For the 湯底, I have chosen Deluxe Chicken Broth (美人鍋) and Healthy Ginseng Broth (養生鍋). [$188] Both of them are fine but I like Deluxe chicken broth more since there are chicken in it. Also, I like that we can refill the same soup into the pot.-手工丸類拼盤 ($108)In total there are 12 pieces (6 flavor x 2 each) Each flavor has it's pr

朋友說想吃台式火鍋，第一時間就想起養心殿剛好家附近開了新分店，就去試試環境寬闊，坐得舒服，不會嘈雜鴛鴦鍋，一濃一清分別是麻辣鍋和養生鍋足料麻辣鍋吸滿精華的凍豆腐和鴨血，配以多種香料和藥材多款藥材和人蔘，養生養生兩個人吃，豐富豐富油脂分佈得剛好的雪花肥牛墨魚滑落鍋之後真的超彈牙，加上粒粒蟹籽半份芝士牛肉丸，滿滿芝士，入口香濃半份自家製極品水餃，餡料滿滿的健康又好吃的鮮甜三蔬秋葵、玉米和山藥超滿足的晚餐

行過見到佢落貨，心諗乜東區有咩？上openrice 揾原來西灣河開咗！非地鋪所以地方大，冷氣亦夠大所以啲味算散得快，食咗三個鐘個頭唔算大味到要跑返屋企洗頭。座位私密度高，好多卡位，全餐飯未有聽到隔離兩公婆嘅對話。眼見小家庭客為主所以唔需要擔心會過嘈 (我自己好怕嘈)食物好多都可以叫半份，打邊爐食物最緊要新鮮、足料同湯底，呢間有齊，唔逐碟介紹因為香港人打邊爐多過過海，一定比我更專業。湯底雙拼，酸菜白肉有埋粉仲可以免費要多份，唔使單叫白肉同粉麵。中麻辣算friendly 亦唔油，湯內有鴨或豬紅，冰豆腐。水蓮餃：一聽睇個名就知夠特別，半份四隻大餃，香港化咗多菜少肉，超多水蓮令餃子爽口，水蓮唔重味爽身度有少少似荀，豬肉都係瘦肉為主，唔會令滑底變油！我會下次叫成份水蓮餃！同想外賣單餃…鮑魚：大隻夠厚，加上彈牙無縮水，加上可以逐隻叫，叫咗一定round 再加都唔怕。炸豆皮：響鈴 d friend，比響鈴厚身，所以要六秒，咬落更實在話曬每層都厚身好多，成舊索曬啲辣湯好正。山藥！！！我第一次打邊爐食日本山藥，好好食呀！雖然佢唔索辣，但外表夠黏所以痴到少少辣湯，唔好煮太耐，會變粉。阿姐臨走醒咗句，想大冷

台灣養生鍋最吸引都係個湯底，可以先飲碗足料老火養生湯，然後先開始烚野食。。。第一次黎呢間分店，因為新開，地點亦算就腳。揀左個美人鍋湯底，佢有桃膠，烏雞，金華火腿杞子等等，聽落幾吸引。滿心期待飲個湯，點知。。。一飲落去冇乜味既，d材料好似岩岩放落去咁。。有d麻油味，仲有d似味精湯。。。😩 咁諗住烚下野食先再飲囉，但後來d湯越滾越鹹，完全唔係嗰回事。。。唉，講番d野食，其實都冇乜特別期望既，個聲稱霜降肥牛既牛肉。。食落係正過普通肥手少少囉 。但係都$188得10塊。。因為家人喜歡食魚，叫左個龍躉斑，都幾滑，但唔算大碟。另外鮮蝦雲吞同麻辣牛肉餃每樣半份，雲吞大部分係肉，只有細細粒蝦，牛肉餃係山竹牛肉既味，真係估佢唔到。。。其餘都係菜，米粉呢d普通野。埋單人頭$250多d，唔算十分貴，但完全冇滿足既感覺

其實第一次去食book咗夜晚7:00，坐低menu先見到中午12:00至晚上7:00前離座半價，傷心咗幾秒鐘。😢 職員話優惠唔知道到幾時，如果想食之前最好打電話問問有無優惠。以佢嘅質素以半價係超值。.🥘 鴛鴦鍋 (以價格較高收費)👶 美人鍋 HK$188半邊湯，所以入面有半隻黑雞，煮得好淋，幾滑。唔夠湯係再加湯而唔係水，所以越煮越濃。👵 養心鍋 HK$188人參味道幾重，食到嘅時候都幾苦 😂 仲有少少鴨血。味道好有屋企飲湯嘅感覺。兩個相比我比較鐘意養心鍋，重味道得黎唔會太鹹。.🐂 手切肥牛 HK$238(細) HK$338(細)佢肉切得偏厚身，有少少肥得黎又唔會太溜，而且牛肉嘅味道好重，唔落醬最好食。平時自己同屋企人都唔會太好牛，但呢個大家食完細，再encore大。.🥢 紫淮山麵顏色唔特別覺得紫色，口感上比較厚身，好有咬口。

近年打台式旗號既火鍋店很多，養心殿係其中一間擴展得幾快既一間。我諗佢地既賣點係湯底好特別，好足料，味道都好好。最近西灣河都開左間養心殿，難得東區有呢類型店舖，都想去試下既。㨂左麻辣同烏雞湯底，湯係好飲既，而且麻辣湯底落左好多平時比較少用係其他店舖既配料，可能因為咁令湯底食落唔係得麻同辣，仲有啲甜，感覺溫和啲。食物方面就無問題啦，手切牛係好味既。問題係，有好幾款野食都賣晒（但時間係五點幾），基本上除左湯底，其他都係港式。另外，人手嚴重不足，做死啲樓面。但都要讚既係，雖然咁忙，都感覺到個幾個樓面係有心做既，始終上左年紀既人做樓面係敬業啲。反而帶位同管理個啲後生仔女就感覺好差，你可以話係對分工既堅持，但都唔使一副「呢單野唔係我跟開」既面色對住啲客既，唔願做咪唔好做囉。唔知係咪新開張，早埋單有七折，有啲時段仲好似再平啲，不過做老闆既唔好賺咁盡，做死啲同事。